استفسار يا خبراء قانون الموارد البشرية :)

[ع.م]

السلام عليكم..

الله يسلمكم أنا موظفة في إحدى الوزارات.. صار لي 3 سنوات..
حالياً أنا في إجازة بدون راتب مدتها 7 شهور (مرافق زوج)..
المهم إجازتي تنتهي مع رجعتي للدوحة في رمضان إن شاء الله..

سؤالي.. أنا خلاص مابي وظيفتي هذي أبي أشوف وزارة ثانية.. بس مب الحين.. يعني أبي أقعد في البيت كم شهر.. عقب أرجع أداوم في مكان جديد..

سؤالي كيف أطلع من شغلي وأحافظ على درجتي الوظيفية وجذيه..يعني كيف إجراءات النقل مع العلم إني للحين مالقيت وظيفة..

ولا مايصير ولازم أستقيل وعقب أبدا من أول؟>>> تكفون قولوا غيرها.

سؤالي الثاني ليش مانزلتلي الدرجة الوظيفية وأنا اهني.. ولا مايصير؟

[نووون]

اختي الافضل تاخذين العلم الاكيد من جهة العمل .. وتستفسرين براحتج وتشوفين اللي لج وعليج

[طموحي عالي]

وعليكم السلام ورحمه الله وبركاته

((اول شي حبيت اثولج كل اللي بكتبه تحت ممكن يتغير حسب مكان شغلج او الاجراءات المتبعه))
اولا: عادي تقدمين استقالتج وتمين فتره بالبيت وعقب دورين شغل جديد وبشهاده الخبره يضمون لج سنوات الخدمه
((( بس ممكن فيها سالفه طويله بيشوفون لج قانون التقاعد على البند المركزي على مجلس الوزراء ويمين ويسار وطاااط وطيط))
انا اشوف الافضل تمدينها عقب ماترجعين كم شهر وتكون كـلظروف خاصه وبنفس الوقت ادورين لج مكان جديد


ثانيا: بالنسبه لدرجه اذا انتي جامعيه بتنزل لج الدرجه كل 3 سنوات اما اذا ثانوي كل 4 سنوات
في بعض الاماكن لازم الموظف يقدم كتاب بمعنى اصح ان هم ينسون متى ترقيه كل موظف وهذا بالواقع هو خلل في الموارد البشرية لديكم
او من ناحيه ثانيه يمكن بسبب انج في اجازة بدوون راتب وراح تنزل لج عند مباشرتج العمل (( بما ان وضع اجازة البدون راتب يختلف عن باقي الاجازات))
بكل الاحوال لازم تاخذينها باثر رجعي حتى لو كانت شهور من تاريخ استحقاق الدرجه

[ع.م]

اشكررررررج شكرررررر كبيييييير قد السما..

ماتقصرين والله ريحتي قلبي وأنا في الغرربة..

وأرسلت لهم طلب التمديد..

وبخصوص الدرجة قالوا لي هي للحين ماوقع عليها الوكيل بس موجودة عنده! على قولتهم بس ننطره يوقعها وبتنزل لج!!

المهم مشكووووورة واااايد وااااايد يااااربي ييسر كل أمورج..

[طموحي عالي]

اشكررررررج شكرررررر كبيييييير قد السما..

ماتقصرين والله ريحتي قلبي وأنا في الغرربة..

وأرسلت لهم طلب التمديد..

وبخصوص الدرجة قالوا لي هي للحين ماوقع عليها الوكيل بس موجودة عنده! على قولتهم بس ننطره يوقعها وبتنزل لج!!

المهم مشكووووورة واااايد وااااايد يااااربي ييسر كل أمورج..

إلعفو حبوبه ماسويت شيء
وربي يقدملج اللي فيه الخير

وتسلمين عالدعوه الحلوه
ولج بالمثل. يارب
وان شاء الله ترجعون بالسلامه. وتنورون قطر

[QTR-1978]

السلام عليكم ورحمه الله وبركاته
اختي راجعي الخاص

[ع.م]

السلام عليكم.. أعتذر ما دخلت المنتدى من فترة.. شيكت الخاص وتم الرد بارك الله فيك.. وشكراً على الإهتمام ..