استهتار موظفين الجوازات في منافذ الدولة

[قانوني متميز]

السلام عليكم ورحمة الله

على بالي من كم يوم اني اروح اجدد جوازي المهم عزمت اني اروح العصر الجوازات رحت هناك الا زحمة وعالم بس في موظفة الصراحة ماقصرت عطيتها الجواز وقلت بالمرة اجدد البطاقة الشخصية ...

المهم دخلت رقمي على السيستم عندها في الكومبيوتر :eek5:

وسألتني أنت مسافر ؟؟؟

قلت لها اي كنت مسافر شهر 3
قالت لي لا انت ليما اللحين خــــــــــارج البلاد
قامت وكلمت الملازم وشيك وقالي راجع المنافذ (( المطار )) أو بكرة بوابة 3 في الجوازات لانهم العصر مسكرين :rolleyes2:
طبعا الجواز ما يتجدد الا بعد ما ينحل الموضوع :anger1: والتحليقة والكشخة للصورة على الفاضي

المهم خلاصة الكـــــلام .

الاستهتار في عدم تسجيل دخول المواطن للدولة يرجع لمن ؟؟؟؟

هل يرجع لمدير المنفذ نفسة ؟

ام يرجع للضابط المسؤول ؟

ام لموظفين وموظفات الجوازات ؟

ام لطول ساعات العمل ؟

المشكلة ما أقدر اعتبرها غلطة لانه هالحاله تكررت وااااايد مع كذا شخص ..

بس الطامة الكبرى اني مبين عندهم في جهاز الكومبيوتر خــــــارج ارض الوطن

لو مــــثلا


تعرضت لاعتداء أو اقمت بفعل اجرامي أو هربت شئ او ارتكبت اي مصيبة او حتى اشتبهوا فيني ؟؟

راح يبين عندهم اني مسافر . وهذا سند قانوني قوي للبراءة

[بودحوم]

الخطأ وارد وأنا اخوك

[Mo7mmad]

ويمكن خلل من السستم

اذكر مركبين سستم جديد من فتره ولعوز الناس

[هامور خرطي]

يمكن دخلت البلد تهريب
:)
طبعا بتروح لهم وبيغطون على خطأهم وبيسترون على موظفهم وبتروح تجدد جوازك

انا لومكانك اخلي الجواز عند مدير الجوازات واقول له افتح محضر تحقيق بالموضوع ومب شغلي اروح المطار واصحح خطأهم

[(بوطلال)]

ماله داعي التعميم و مثل ماقال بودحوم الخطاء وارد وياليت كل الوزارات الخدميه مثل الداخليه وموظفينها سواء في الحدود او المطار او الجوازات من سرعة انجاز المعاملات والاخلاق العاليه والخدمه المتطوره

[نووون]

... بالاضافة الى ان الخلل الالكرتوني في الانظمة .. وارد جداً ..
والاهم انك لما تحل المشكلة يتفهمون ويحلونها لك بكل سلاسة لان مالك يد في الموضوع .. الخطا منهم و من النظام

[بصمة قطرية]

الخطا وارد صحيح
بس هالامور ما تقبل الخطا ...
مثل ما ذكر صاحب الموضوع لو صار شي لا قدر الله ...!!!

[هامور خرطي]

س: هل هناك ختم في الجواز ؟؟؟

[عنزي قطر]

حياك الله اخوي مثل ماذكر الاخوان الخطا وارد بس لاتحكم على الجميع بارك الله فيك

العنوان استهتار موظفين الجوازات هنا صفة الجمع وهذا لأيجوز نحكم على الجميع

ووجهة نظري اذا يوجد خطا من الموظف نفسه

وهل تتفق معي ان افضل الادارات بتقديم الخدمة هي الجوازات

اخوك عنزي قطر *

[قانوني متميز]

الخطا وارد صحيح
بس هالامور ما تقبل الخطا ...
مثل ما ذكر صاحب الموضوع لو صار شي لا قدر الله ...!!!

كلام سليم

[(بوطلال)]

الخطا وارد صحيح
بس هالامور ما تقبل الخطا ...
مثل ما ذكر صاحب الموضوع لو صار شي لا قدر الله ...!!!

مافي شي مايقبل الخطاء الا لو كان الشخص معصوم وماعندنا معصوم غير الانبياء والملائكه

[قانوني متميز]

س: هل هناك ختم في الجواز ؟؟؟

الصراحة ماشيكت اذا في ختم حتى لو كان في ختم الضابط قالي راجع المنافذ او بوابة رقم 3 في الجوازات يعني مافي بيدة شي

[قانوني متميز]

حياك الله اخوي مثل ماذكر الاخوان الخطا وارد بس لاتحكم على الجميع بارك الله فيك

العنوان استهتار موظفين الجوازات هنا صفة الجمع وهذا لأيجوز نحكم على الجميع

ووجهة نظري اذا يوجد خطا من الموظف نفسه

وهل تتفق معي ان افضل الادارات بتقديم الخدمة هي الجوازات

اخوك عنزي قطر *

هلا اخوي عنزي قطر انا ما احكم على الجميع وبعدين الغلطة هاذي صارت مع مع اكثر من شخص وبنفسي اتصلت لشخص يداوم في جوازات المطار وقالي عادي تصير وااااايد تعال وراح يعدلون لك الحاله

[ام وجدان]

ان شاءالله تكون هاي خير لك ..

[توشيبا]

هذا الخطاء متكرر والله

كم مره صارت معي اخر مره انا واخوي ورفيجي رحنا الامارات ورجعنا

بعدها رحت الحساء انا واخوي واخوي الثاني الصغير يوم رجعنا قالو حق اخوي انت خرجت مرتين ولا مره رجعت للدوحه !!

قال رحت الامارات ورديت وبعدها طلعت للسعوديه والحين راد وين المشكله قالت وقف سيارتكم وراجعو الاداره

وكالعاده من كثر ماننزل ونراجع اذا شافونا تمو يضحكون يقلون نفس المشكله

[توشيبا]

هلا اخوي عنزي قطر انا ما احكم على الجميع وبعدين الغلطة هاذي صارت مع مع اكثر من شخص وبنفسي اتصلت لشخص يداوم في جوازات المطار وقالي عادي تصير وااااايد تعال وراح يعدلون لك الحاله

التعديل ترا بسيط الضابط ياخذ الجواز ويدقدق في جهاز الكمبيوتر ثلاث ثواني ويرده لك :nice:

[مستجدة]

:omg:

يعني هالشئ صار مع اكثر من شخص

العام عمتي مرة كبيرة راحت اتجدد بطاقتها الشخصية قالوا لها نفس الشئ انتي برى البلاد الحمدلله انهم راحوا يجددون البطاقة وكتشفوا هالشئ ولا كان الشؤون الاجتماعي وقفوا عليها المساعدة
هالاخطاء اتضر الناس لازم ينتبهون الاخوان في المنافذ

[faisalqatar]

صارت معاي نفس الحركة

رحت السعودية طريق بر و رديت و بعدها بإسبوع كنت في مطار الدوحه ابي اروح دبي
وقالت لي الموظفة انت سافرت السعودية من اسبوع قلت لها اي

قلت لها ليش ليحين انا هناك ؟ و ضحكت

قالت لي اي انت ليحين هناك !!!

قلت لها زين والحل يعني؟ اكاني تره قدامج

كلمت الضابط وعدلوا لي الخطأ في دقايق والامور طيبه

و للعلم الموضوع تكرر مع رفيجي

ومثل ما قالوا بعض الاخوة الخطأ وارد ولكن يا اخوان هاي خطأ كبير مب شي عادي عشان ينسكت عنه او يتساهلون معاه !!

[توشيبا]

حياك الله اخوي مثل ماذكر الاخوان الخطا وارد بس لاتحكم على الجميع بارك الله فيك

العنوان استهتار موظفين الجوازات هنا صفة الجمع وهذا لأيجوز نحكم على الجميع

ووجهة نظري اذا يوجد خطا من الموظف نفسه
وهل تتفق معي ان افضل الادارات بتقديم الخدمة هي الجوازات
اخوك عنزي قطر *


صار في الموضوع اكثر من شخصين نفس المشكله يعني مافي كفائه عاليه من بعض موظفي الجوزات

ماهي الدوارت اللي يحصل عليها موظف الجوزات وماهي الشهادات ؟

نسمع ونشوف في التقديم مطلوب شهاده ثانويه فقط

طيب معاهم شهادات كمبيوتر بحكم ان شغلهم علي اجهزة كمبيوتر او ياخذون دورات فيها !

و افضل الاداره لتقديم الخدمه معروفه والكل يدل طريقها محد فلسنا الا اهي

[R 7 A L]

على كثر سفراتنا من وعينا للحياة
الا ان هذه المشكلة لم تظهر الا مؤخراً
وحالتك ليست الأولى التي أسمع عنها فالاكثير من الاهل والاقارب مروا بنفس مامررت انت علية


الاسباب كثيرة أخوي
اولها عدم وجود الخبره الكافيه للموظفين العاملين في المنافذ خصوصاً البريه (بوسمره )

وثانيها الاستهتار الواضح من الموظفين كل ما مريت عليهم احصل عن الموظف أو الموظف شخص اخر مايندرى هل هو موظف او زائر ودق سوالف


ثالث شي السفر بالبطاقة ودون وجود ختم هو ما أدئ الى النسيان وعدم الاهمية لدى الموظفف من التاكد بأنه تم عمل اللازم للمسافر من تسجيل بيانات دخولة

[alwahesh]

اكيد تشابه في الاسامي نفس اسمك الرباعي

خلهم يتأكدون من الرقم الشخصي

بصراحه اول مره اسمع بها الخطأ

صارت معاي قبل تقريبا 15 سنه ايام مركز سلوى القديم كان شباك المسافرين والداخلين بنفس المكان

وانا كنت داخل الدوحه بس رحت شباك الخروج وخرجت بالغلط

ولكن انحلت المشكله بنفس الوقت والسبب موظف قطري بن حلال

[doha2012]

,


لاتعمم ,


الخطأ وارد والامور ان شاء الله بتنحل , ولاننسى العدد الكبير من المسافرين كل يوم ,



يعطيك العافيه ,









,

[khalid Qtr]

ممكن يكون الخطأ في النظام او غير مقصود من الموظف الموجود وقت تسجيل دخولك
نلتمس لهم العذر ..

على كل الاحوال هو خطأ مب بسيط ويجب التحقيق فيه

[ضوى]

غلطة الشاطر بالف

خطا وارد وتصير بكل مكان

[الكونتيسه غلا]

السلام عليكم ورحمة الله وبركاته

يعطيك العافيه اخوي قانوني متميز على طرح المشكله ،،

طبعاً الكل علق ان الخطأ وارد ،، صح النسيان نعمه ،،

بس في بعض الوظائف لاتحتمل الخطأ ،، مثل مطار الدوحة الدولي

منفذ المغادرون والقادمون من اهم الاقسام في المطار واللي يحتاج لتدقيق من الموظفين ،،

فأي خطأ وارد يعرض صاحب الجواز لمشاكل هو في غنى عنها ,,

المفروض ادارة المطار تجتمع بالموظفين ويتم التنبيه عليهم بضرورة التدقيق في العمل ،،

واي موظف يخطأ يتم اتخاذ الاجراء اللازم بشأنه ،،

[بو الجوري]

أولا الخطأ وارد ، بس طبعاً لازم يشيكـون ويكونون أكثر دقه :..


المهم أنا صارلي هالشي من شهرين تقريباً
رحت أجدد جواز البنت إلا تقولي هي وينهـا !!!
قلت لها فالبيت ، تقول لا هي خاتمـه خروج من قطر سنة 2009 بس للحين مادخلت !!!
ههههههههههههه
قلتلها لا البنت سافرت فال2009 ولا الجواز عليه ختم خروج :..

قالت السستـم مبين إنها طالعه

المهم حولتني على الضابط و قلتله بكره بسافر ومستعجل على التجديد :..
كلم المختص و بعد نص ساعه لغى اللي فالسستم والأمور طيبه :..


شوف الخطأ مثل ماقلت وارد لكـن مب في هالأمور :..

يعني القطريين ممكـن موضوعهم ينحل بسرعه
لكن لو أجنبي كان بيتبهدل خاصه إذا مضطر يسافر أو أو :..

على العموم يعطيهم العافيه :..

[الســـهم]

السلام عليكم ورحمة الله وبركاته ..

صادفتني نفس المشكلة وانا داخل قطر , قالوا لي انك ماخرجت من المركز , ولكن تم تصحيح الوضع من قبل الشباب في الادارة ..

اللي حاب اقوله ان اللي صاير مش اهمال ولا خطأ من الموظفين , ولكنه خطأ من النظام اللي يشتغلون عليه , واعتقد اكبر سبب لهذي المشكلة بطئ الانترنت والربط بين سيرفرات وزارة الداخليه ..

[عزووز قطر]

العنوان كبير في حق إدارة الجوازات
خطأ فردي من موظف وانت بكل بساطة تعممه على كل موظفين الإدارة !!!!

[ابن البادية]

شي محير !!! والخطأ وارد فعلاً

لكن انا اشوف من وجهة نظري افضل طريقة هي انك تتواصل مع ادارة العلاقات العامة بوزارة الداخلية

عشان يتفادون مثل هذي المشاكل فالمستقبل لان مثل هذي الاخطاء لازم ماتتكرر

اخوي راسلهم على الايميل : info@moi.gov.qa
ولا على الفاكس : 44323339

[monatee]

سستم المطار له هالحركات انه مايسجل حركات الدخول او الخروج والغلط مش من الموظف الغلط على الي مسوي السستم التعبان البطيئ الي حتى يشير لما يكون الموظف سريع في ادخال البيانات

لاسمح الله وصار شي ترى ختم الدخول موجود في الجواز
لو داخل بالبطاقه كاميرات المطار شغالة. .. ياما يابوا ناس من تصوير كاميرات المطار بدون الاعتماد على الجواز او السستم وخاصه في حالات التزوير

[شاعر المليون]

للعلم جوازات بوسمرة لا تختم حاليا الجواز لا في دخول او الخروج من قطر يكتفون بتسجيل الحركه في النظام فقط .

[بوحمد111]

الأخطاء وارده ولا نعمم الاستهتار على الجوازات

والمسامح كريم

[بيرق_المجد]

الخطاء وارد وبذات الخطاء اللى وقعت فيه صار لى مرتين مع واحد من عيالى كنت مسافر للسعوديه في الوكند رجعت السبت اللى الموظفه تقولى رح لضابط داخل دخلت على الضابط اللى طلع واحد من الربع وماقصر طرش فاكس اعتقد للجوزات الرئيسه وعمل له عمليت خروج لن طلع عندهم الولد ماطلع من قطر وبعده تكرر الحركه معي نفس الولد لدرجه اني كل ماسافر اكد على الموظف من ناحيت الولد وفعلن وعتقد لو لزم الامر دول الخليج بينهم تعاون امني ممكن يستفسرون بطريقتهم متى طلع منكم الشخص خصوصن اللى صرت عن طريق المطار اللى طلعت مثلا من دبي ولا عملو لك دخلو دوله قطر واضح انك جاي من المطار هذا لو لزم الامر

[قانوني متميز]

على كثر سفراتنا من وعينا للحياة
الا ان هذه المشكلة لم تظهر الا مؤخراً
وحالتك ليست الأولى التي أسمع عنها فالاكثير من الاهل والاقارب مروا بنفس مامررت انت علية


الاسباب كثيرة أخوي
اولها عدم وجود الخبره الكافيه للموظفين العاملين في المنافذ خصوصاً البريه (بوسمره )

وثانيها الاستهتار الواضح من الموظفين كل ما مريت عليهم احصل عن الموظف أو الموظف شخص اخر مايندرى هل هو موظف او زائر ودق سوالف


ثالث شي السفر بالبطاقة ودون وجود ختم هو ما أدئ الى النسيان وعدم الاهمية لدى الموظفف من التاكد بأنه تم عمل اللازم للمسافر من تسجيل بيانات دخولة

كلامك منطقي أخوي رحال لو في احساس بالمسوؤلية ماصار هذ كله

[قانوني متميز]

,


لاتعمم ,


الخطأ وارد والامور ان شاء الله بتنحل , ولاننسى العدد الكبير من المسافرين كل يوم ,



يعطيك العافيه ,










,

الله يعافيك
وثاني شئ انا ما اعمم
يعني تبوني اكتب استهتار 150 موظف مثلااااا على عدد الحالات اللي صارت

[قانوني متميز]

ممكن يكون الخطأ في النظام او غير مقصود من الموظف الموجود وقت تسجيل دخولك
نلتمس لهم العذر ..

على كل الاحوال هو خطأ مب بسيط ويجب التحقيق فيه

يعطيك العافية أخوي كلامك منطقي هو خطا
بس خطا عن خطا يفرق خصوصا لما يتعلق بمنفذ في الدولة

[قانوني متميز]

العنوان كبير في حق إدارة الجوازات
خطأ فردي من موظف وانت بكل بساطة تعممه على كل موظفين الإدارة !!!!

من قالك الخطأ فردي
في مثل هالحالة الكل يتحاسب
سواء مدير المنفذ
او نائب مدير المركز
او ضابط الشفت
او الموظف نفسة

[الخيالة]

مره رفيجتي امها خذت جوازها وكانوا في دبي والام دشت الدوحه بجواز بنتها ومحد انتبه لين مارفيجتي بغت ترجع الدوحه وشافت جواز امها عندها بدل جوازها

[shadad]

ويمكن خلل من السستم

اذكر مركبين سستم جديد من فتره ولعوز الناس

انا صادني نفس الشي وتقريبا واحد ذكر لي نفس كلامك زمان .. طلعوا عندي حركة مرور غير مسجله ! :eek5: هاي اشلون ما ادري ..طالع بطراد مثلا وهونت بنص الطريق .

المهم نفس الكلام رحت المطار وزحمه ...ورجعوني للجوازات ودوس يا خنفوس والحق لا يصكون ..على طول دخلت لواحد عليه رتبه حلوة وخفيفه:secret: وعلى طول خلص موضوعي بثانيه .

[قطر77]

انا اعتقد ان الخطأ حصل نتيجة لضغط العمل في المطار الموظف مايلحق يخلص من مسافرين الا طياره ثانية نازله ، وثاني شي معروف ان كل موظفين المطار يشتكون من الدوام الواحد منهم ما يقدر يروح الحمام الله يعزكم ولا يتحرك من مكانه الا بوجود بديل و خذ البديل متى يجيك ما اقول الا الله يعينهم

[بصمة قطرية]

مافي شي مايقبل الخطاء الا لو كان الشخص معصوم وماعندنا معصوم غير الانبياء والملائكه

اكيد ما في حد معصوم ..
بس القصد اخوي ان في اشياء لازم يكون فيها تدقيق ..
يعني الشخص الاول نسى يدخل البيانات
ما في شخص بعده يجيك ..
يمسك الجواز يشوف اذا في ختم ..!!

[آنا غيــر]

معليه يا ولدي الاخطاء وارده و زين انك رايح بتجدده وانت ماحولك سفره اضطراريه

[قانوني متميز]

أبشركم استفسرت زيادة
اتصلت بواحد من الربع وشيك وقالي انت طالع من البلاد من منفذ سلوى مع السيد
فلان الفلاني

والسيدة فلانة الفلاني

طلعت معاهم تاريخ 28 وهم ارجعوا بدونك تاريخ 29

وفوق هذا كلة تقولون الخطأ وارد أصلا انا ما سافرت في هذا التاريخ شلون يسجلون لي حركة خروج ؟؟؟؟؟؟؟؟

والطامة الكبرى صاحب السيارة ماسجلوا له حركة خروج ؟؟؟؟؟ بس سجلو له حركة دخول للبلد :anger1:

[BoFahed]

اتوقع السبب مع احترامي لخواتنا هو توظيف العنصر النسائي بشكل رئيسي في المنافذ والحدود والدليل هو زيادة الاخطاء في السنوات الاخيرة بالرغم من تميز الداخلية في خدماتها الالكترونية والجمهور على مستوى جميع الوزارات

المعروف بانه العنصر النسائي متميز في الاعمال المكتبية وليس في الشئون القانونية والامنية

وجود نسبة منهم اكثر من الشباب مبتلين باستهتار والحش وسوالف وعقاره والغيره بينهم هذا يسبب الاخطاء وعدم تركيز وبحكم المجتمع الضابط المسئول لايستطيع زفهمو تاديبهم وعقابهم مثل الشباب


*

[الجني]

عندي لك حل رائع يا قانوني
شوف لك حد عنده طراد ينزلك عند فرضة الجمارك
في الميناء و الجواز في مخباك
و روح عند الجوازات و قول له انك جاي قطر سباحة من البلد
اللي خرجت اليه
ماعندهم اي إثبات على ان كلامك غلط

و انت قانوني و سيد العارفين

و يكتب في الجرائد

قطري يسافر سباحة

[bonaser08]

الخطا وارد صحيح
والاخوان والاخوات مايقصرون في عملهم وجلا ملا يخطئ

[][ Q6r ][]

اكيد بغلطون اخوي لو جيت المنفذ كل وحده تسالف بالجوال او بالبلاك بيري

[بوخالد911]

مررة صار لنا

ان الاهل لم يتم تسجيل حركة خروج !!!

[قانوني متميز]

عندي لك حل رائع يا قانوني
شوف لك حد عنده طراد ينزلك عند فرضة الجمارك
في الميناء و الجواز في مخباك
و روح عند الجوازات و قول له انك جاي قطر سباحة من البلد
اللي خرجت اليه
ماعندهم اي إثبات على ان كلامك غلط

و انت قانوني و سيد العارفين

و يكتب في الجرائد

قطري يسافر سباحة

لازم طراااااد ؟؟؟أنا عندي جت بوت 12 راكب

[راشد محمد]

الخطا وارد