مراكب الكورنيش وما ادراك مامراكب الكورنيش !!!

[هدى ورحمه]

اي جهه مسؤوله عن مراكب الكورنيش الممتده على الكورنيش لترفيه الجمهور
ارجو افادتي لمن لديه علم او اطلاع في هذا الصدد.
اريد ان اعرف من المسؤول عن اسعار تأجير المراكب تلك لربع ساعه ونص ساعه وساعه؟!!
لان الصراحه الاسعار جدا مبالغ فيها ولا حسيب ولا رقيب هناك على العماله المشغله لتلك المراكب.
من خلال جوله ومناقشه اكثر من هندي يعملون على تلك المراكب
جوله النصف ساعه ب150 ريال واحيانا عند البعض ب200 ريال
والساعه وصلت ل300 ريال ؟!!
افيدونا :(

[بصمة قطرية]

فعلاً لاحظت اخر مرة رحت مع العيال ان السعر ارتفع عن قبل ..!!!
المشكلة كلهم رافعين السعر
يعني متفقين

[FCB 123]

بل
في سنة من السنين ركبت المركب في الليل وكان الشخص 30 ريال .. وكنا 3 وعطيناه 100 ريال والله

سبحان مغير الأحوال

[SULTAN1]

الأهم من السعر ، هل تم التأكد من عوامل السلامة في هذي المراكب؟

[alwahesh]

والأهم من عوامل السلامه

ايش الهدف من هالمراكب لدى البعض وخاصه مع الاغاني الصاخبه


المراكب عباره عن كبريهات وملاهي ليليه متنقله

نشوف بعيونا بلاوي هز ورقص وعلى الهواء وما باليد حيله

هذا غير التلوث بسبب الديزل

[Class - Qtr]

الساعه 300 ريال ,,

الجو كلش مايصلح حق هالمراكب خاصه هالفترة الجو مايساعد بالمرة

انت يااخوي في قطر ودرجه الحرارة في الليل وصلت 38 - 40 درجه

يعني هذي المراكب حلاتها في بلاد الجو براد في بحيرة ولا بحر

حواليك جبال ولا خضار مثلا

شويه اكشن

[R 7 A L]

الأهم من السعر ، هل تم التأكد من عوامل السلامة في هذي المراكب؟



هذا المهم

فعلاً تفتقر لوسائل الامن والسلامة
والشي الثاني
وجود بعض الحشرات والقوارض فيها التي قد تؤدي الى نقل الامراض واهمها ( الطاعون ) اكيد عرفتوا نوع القوارض الى أقصد !

[ضوى]

هذا المهم

فعلاً تفتقر لوسائل الامن والسلامة
والشي الثاني
وجود بعض الحشرات والقوارض فيها التي قد تؤدي الى نقل الامراض واهمها ( الطاعون ) اكيد عرفتوا نوع القوارض الى أقصد !

اللي متأكدة منها انه المراكب فيها عوامل السلامة والله مشددين الدفاع المدني وخفر السواحل وفيه اكثر من شي يسوونه قبل الترخيص النهائي لهالمراكب ، اتكلم عن علم ومب كلام ماخوذ خيره بس )

بعدين اخوي رحال شنهي القوارض اللي تتكلم عنها ؟؟ ماعمري شفت نملة في المراكب اللي ركبتها ونظيفة

[شبح الصمت]

لا حسيب والا رقيب

بس نصب في نصب

معروفين هذولي الي ماسكين السنابيك عيارين درجة اولى

الله يعينا عليهم

انا حصلت لي سنبوك يطلعنا 7 ساعات بـ 1500 ريال


واتوقع عوامل السلامه ما مرت صوبها يعني لا اجهزة تواصل وإلا حتى لاف جاكيت ما أتوقع عنده يعني لو صار ما صار الله لا يقول طبن النج :weeping:

[الوان]

والأهم من عوامل السلامه

ايش الهدف من هالمراكب لدى البعض وخاصه مع الاغاني الصاخبه


المراكب عباره عن كبريهات وملاهي ليليه متنقله

نشوف بعيونا بلاوي هز ورقص وعلى الهواء وما باليد حيله

هذا غير التلوث بسبب الديزل

:rolleyes2:

[R 7 A L]

اللي متأكدة منها انه المراكب فيها عوامل السلامة والله مشددين الدفاع المدني وخفر السواحل وفيه اكثر من شي يسوونه قبل الترخيص النهائي لهالمراكب ، اتكلم عن علم ومب كلام ماخوذ خيره بس )

بعدين اخوي رحال شنهي القوارض اللي تتكلم عنها ؟؟ ماعمري شفت نملة في المراكب اللي ركبتها ونظيفة

مرحباً اختي ضوى

لما نقصد وسائل الامن والسلامة
فأننا لانقصد طفايه حريق فقط
انما نقصد امور اخرى
،

أهمها العامل او ( الكابتن ) هل لديه الخبره والقدرة الكافيه في تدارك اي مشكلة ؟


هياكل هذه السفن مصنعه من مواد قابله للاشتعال ( كلها خشب ) .


لايوجد حواجز يعني خطر على الاطفال يمكن في أي هزه سريعه يطيحون في البحر .




القوارض الى اقصد الفيران ( الجرذان ) الحجم الكبير .

[ضوى]

مرحباً اختي ضوى

لما نقصد وسائل الامن والسلامة
فأننا لانقصد طفايه حريق فقط
انما نقصد امور اخرى
،

أهمها العامل او ( الكابتن ) هل لديه الخبره والقدرة الكافيه في تدارك اي مشكلة ؟


هياكل هذه السفن مصنعه من مواد قابله للاشتعال ( كلها خشب ) .


لايوجد حواجز يعني خطر على الاطفال يمكن في أي هزه سريعه يطيحون في البحر .




القوارض الى اقصد الفيران ( الجرذان ) الحجم الكبير .

بما اني صاحبة لنج من هاللنجات :( فأقولك السالفة مب طفاية حريق بس ، فيه لايف جاكيت بعدد 25 ، العدد المحدد للاشخاص داخل السنبوك ، وفيه طفاية حريق ، وفيه حواجز حديدية ، واهم شي الكابتن يعرف السباحة لكن تعامله مع الحوادث مادري لانه ماقد حصلت مشكلة ولله الحمد والمنة على كرمه وفضله
وبخصوص الحشرات والقوارض ، شهريا تنرش اللنج من البلدية غير البف باف اللي يكون موجود اصلا ببطن اللنج والحمد لله اشيك عليها بنفسي ولا قد شفت اي نوع من الحشرات:shy:

[كازانوفا]

اتركوهاااا اتخيسسسسسسسسسسسس فيهم ولهم
مش شايفه انه فيها متعه غيررر الدوار والدواخ

[الإكسير]

اي جهه مسؤوله عن مراكب الكورنيش الممتده على الكورنيش لترفيه الجمهور
ارجو افادتي لمن لديه علم او اطلاع في هذا الصدد.
اريد ان اعرف من المسؤول عن اسعار تأجير المراكب تلك لربع ساعه ونص ساعه وساعه؟!!
لان الصراحه الاسعار جدا مبالغ فيها ولا حسيب ولا رقيب هناك على العماله المشغله لتلك المراكب.
من خلال جوله ومناقشه اكثر من هندي يعملون على تلك المراكب
جوله النصف ساعه ب150 ريال واحيانا عند البعض ب200 ريال
والساعه وصلت ل300 ريال ؟!!
افيدونا :(
مالومهم اذا تكسي كروه من الصناعيه لين الدفنه خذا 60 ريال علي شخص واحد مابالك بالمراكب الي قيمتها نص مليون وتشيل 15 ركب

[R 7 A L]

بما اني صاحبة لنج من هاللنجات :( فأقولك السالفة مب طفاية حريق بس ، فيه لايف جاكيت بعدد 25 ، العدد المحدد للاشخاص داخل السنبوك ، وفيه طفاية حريق ، وفيه حواجز حديدية ، واهم شي الكابتن يعرف السباحة لكن تعامله مع الحوادث مادري لانه ماقد حصلت مشكلة ولله الحمد والمنة على كرمه وفضله
وبخصوص الحشرات والقوارض ، شهريا تنرش اللنج من البلدية غير البف باف اللي يكون موجود اصلا ببطن اللنج والحمد لله اشيك عليها بنفسي ولا قد شفت اي نوع من الحشرات:shy:



الله يبارك لك في حلالك

لم أذكر السلبيات التي ذكرتها
الا أنني شفتها بعيني
وطبعاً لم أستخدم جميع المراكب
ربما توجد مراكب نظيفة واهلها محافظين عليها .

ربما يأتي الأنتقاد مزعجاً
أذا لم يوضح الناقد جميع الجوانب او ان يتم التعميم

لذا التمس منك ومن كل صاحب مركب محافظ على نظافته



تحياتي

[ضوى]

الله يبارك لك في حلالك

لم أذكر السلبيات التي ذكرتها
الا أنني شفتها بعيني
وطبعاً لم أستخدم جميع المراكب
ربما توجد مراكب نظيفة واهلها محافظين عليها .

ربما يأتي الأنتقاد مزعجاً
أذا لم يوضح الناقد جميع الجوانب او ان يتم التعميم

لذا التمس منك ومن كل صاحب مركب محافظ على نظافته



تحياتي


اللهم امين

جزاك الله خير اخوي الفاضل

[pink pearl]

أنا ركبت من شهرين تقريباً لمدة 10 دقايق ب60 ريال ..
الصراحة السفن منتهية صلاحيتها والكراسي كللش قديمة، أستحي إن السياح يشوفون هالمنظر في بلادي !!
طيب وين النظافة وصيانة المراكب وتجديدها، والأهم وين طوق النجاة وأمور الأمن والسلامة اللي على الأقل يعلمونها للراكب ؟!؟!

من المسؤول عنهم، ليش ما نآخذ احتياطاتنا ونآخذ بالأسباب قبل ما يصير فاجعة -لاقدر الله- ؟؟!!

[شبح الصمت]

اختي ضوى مع احترامي لج

ترى لو تدرين والا ما تدرين عن السنبوك الي عندج

اذا السنبوك الي عندج يطلع رحلات بحرية لازم تعرفين شلي يصير في السنبوك !!


مع احترامي انا رحت صوب السافليه وشفت اشيء بحتفظ فيها لنفسي وقعدت اتشهد قلت الله لا ياخذ امانتي وانا في هالوضع وقاعد اشوف هالمناظر ..

الله يرحمنا برحمته راجعي حساباتج والكلام موجه لج ولغيرج من اصحاب السنابيك


لا تغركم الفلوس

[ضوى]

اختي ضوى مع احترامي لج

ترى لو تدرين والا ما تدرين عن السنبوك الي عندج

اذا السنبوك الي عندج يطلع رحلات بحرية لازم تعرفين شلي يصير في السنبوك !!


مع احترامي انا رحت صوب السافليه وشفت اشيء بحتفظ فيها لنفسي وقعدت اتشهد قلت الله لا ياخذ امانتي وانا في هالوضع وقاعد اشوف هالمناظر ..

الله يرحمنا برحمته راجعي حساباتج والكلام موجه لج ولغيرج من اصحاب السنابيك


لا تغركم الفلوس



اخوي شبح الصمت ، اشكر لك اهتمامك ، لكن بما انه الكلام موجه لي فانا اقولك اعرف من اللي يطلع رحلات بحرية في لنجتي تمام المعرفة وعارفة وين يروح بالضبط ، زوجي متدين ولله الحمد واصلا هو رافض يحط مسجل باللنج وابشرك هو شخصيا يتابع هالتفاصيل الدقيقة ، وياما شفنا اللي انت شفته والعن ، بس مانقول الا الله يستر على امه محمد ويهديها ويصلحها ،والفلوس والله ماغرتنا ولا عمرها غرتنا ، عندنا عيال نربيهم ومانبي فلوس حرام ،

[شبح الصمت]

اخوي شبح الصمت ، اشكر لك اهتمامك ، لكن بما انه الكلام موجه لي فانا اقولك اعرف من اللي يطلع رحلات بحرية في لنجتي تمام المعرفة وعارفة وين يروح بالضبط ، زوجي متدين ولله الحمد واصلا هو رافض يحط مسجل باللنج وابشرك هو شخصيا يتابع هالتفاصيل الدقيقة ، وياما شفنا اللي انت شفته والعن ، بس مانقول الا الله يستر على امه محمد ويهديها ويصلحها ،والفلوس والله ماغرتنا ولا عمرها غرتنا ، عندنا عيال نربيهم ومانبي فلوس حرام ،



ارحم الله والديج

[pink pearl]

اخوي شبح الصمت ، اشكر لك اهتمامك ، لكن بما انه الكلام موجه لي فانا اقولك اعرف من اللي يطلع رحلات بحرية في لنجتي تمام المعرفة وعارفة وين يروح بالضبط ، زوجي متدين ولله الحمد واصلا هو رافض يحط مسجل باللنج وابشرك هو شخصيا يتابع هالتفاصيل الدقيقة ، وياما شفنا اللي انت شفته والعن ، بس مانقول الا الله يستر على امه محمد ويهديها ويصلحها ،والفلوس والله ماغرتنا ولا عمرها غرتنا ، عندنا عيال نربيهم ومانبي فلوس حرام ،

الله يجزاكم خير، بس اقتراح ليش مايكون فيه أناشيد وخصوصاً حق اليهال؟
ليش الكراسي ماتكون مريحة ؟؟

[ضوى]

الله يجزاكم خير، بس اقتراح ليش مايكون فيه أناشيد وخصوصاً حق اليهال؟
ليش الكراسي ماتكون مريحة ؟؟

مدري عن باقي اللنجات بس كراسينا عادية ماشفت فيها شي ، والله وللامانة اشوف ريلي ياخذ الشي الزين يعني مايدور الرخص ،

بخصوص الاناشيد فكرة حلوة بانقلها لزوجي ، الهندي اخذ دي جي من فلوسه يقول انا اسمع هندي بس ريلي يقوله لو سمعت اغاني كسرته فوق راسك ، ويوم طلعنا شفنا سي ديات كثيرة عربية ساله من وين قال كستمر يجيب ، والله يا انه شال وايرات المسجل وشوي بيقطعها ، هديته شوي وقلت له شوية مرونة عصب علي بس حلوة فكرة الاناشيد وان شاء الله باقوله

[ضوى]

ارحم الله والديج

ووالدينك الجنة يااارب

[pink pearl]

مدري عن باقي اللنجات بس كراسينا عادية ماشفت فيها شي ، والله وللامانة اشوف ريلي ياخذ الشي الزين يعني مايدور الرخص ،

بخصوص الاناشيد فكرة حلوة بانقلها لزوجي ، الهندي اخذ دي جي من فلوسه يقول انا اسمع هندي بس ريلي يقوله لو سمعت اغاني كسرته فوق راسك ، ويوم طلعنا شفنا سي ديات كثيرة عربية ساله من وين قال كستمر يجيب ، والله يا انه شال وايرات المسجل وشوي بيقطعها ، هديته شوي وقلت له شوية مرونة عصب علي بس حلوة فكرة الاناشيد وان شاء الله باقوله

الله يجزاج خير الشيخة، وأسأل الله أن يغنيكم بحلاله عن حرامه، وبفضله عمن سواه ..:)

[Rashid554]

انا خبري ركبتها مره كان الجولة على 10 او 15 ريال للشخص متى صارت 150 ؟ هههه وليش هالارتفاع الغريب

[علي رشيد]

لا حسيب والا رقيب

بس نصب في نصب

معروفين هذولي الي ماسكين السنابيك عيارين درجة اولى

الله يعينا عليهم

انا حصلت لي سنبوك يطلعنا 7 ساعات بـ 1500 ريال


واتوقع عوامل السلامه ما مرت صوبها يعني لا اجهزة تواصل وإلا حتى لاف جاكيت ما أتوقع عنده يعني لو صار ما صار الله لا يقول طبن النج :weeping:




كم رقمه .... ؟؟؟

[ضوى]

الله يجزاج خير الشيخة، وأسأل الله أن يغنيكم بحلاله عن حرامه، وبفضله عمن سواه ..:)

اللهم امين

[الكونتيسه غلا]

السلام عليكم ورحمة الله وبركاته

يعطيج العافيه اختي على طرح الموضوع
حبيت اوضح شغله ان هالاسعار ثابته للشخص والمجموعه
اذكر قبل كانوا ياخذون على الشخص الواحد 30
يعني لو عندنا 4 اشخاص المجموع بيكون 120 لنصف ساعه فقط
الحين سواء كان شخص او 10 السعر 150
هو بالنسبه للمجموعه حلو ،، بس للشخص ظلم ،،

المفروض تكون في لائحه ثابته بالاسعار تعمم على الجميع ،،
مثلا: الشخص بـ 40 ، شخصين بـ 60 ، 3 اشخاص بـ 80 ، و4 واكثر بـ 120 - 150

وبالنسبه للأمن والسلامه ،، اتمنى لو يتم اجراء فحص شامل شهرياً من قبل الجهات المختصه ،،

[الكونتيسه غلا]

وبخصوص السافليه صدقت اخوي شبح الصمت ،، الله يستر عليهم ويهديهم :secret:
اتمنى تكون في رقابه من الجهات المختصه ،،

[شبح الصمت]

وبخصوص السافليه صدقت اخوي الشبح ،، الله يستر عليهم ويهديهم :secret:
اتمنى تكون في رقابه من الجهات المختصه ،،




اللهم آمين

تدرين تخيلت يجيهم تسونامي على حالتهم !!

شعور غريب غريب المكان حلو بس اقلبوه مصخره بعض الاشكال

حسبي الله ونعم الوكيل

[رآعي موآجيب]

من فتره رحت عند واحد منهم انا وعيالي وقلت له نص ساعه لين الشيرتون

قال اوكيه واتفقنا على 150 ريال

يوم مشى إلا يالله انه يمشي ، اصلا ما ابعدنا عن الممشى ولو انزل سباحه يمكن اطوفه !!

قلت له شفيك امش شوي ، قال الجير خربان

فهمت السالفه / مشينا شوي حول ربع ساعه ورجعنا في 10 دقايق تقريبا

انا تركت العيال وقعدت افكر فيه وشلون راح اتصرف معه

يوم رجعنا عطيته 500 وقلت اخذلك 100 بس ورجع الباقي ، قال لا ورجع 350

قلت للعيال اللعبوا قدامي وانا سحبت كرسي بلاستيك وقعدت قدام المركب

شوي الا جاي سعودي مع اهله يبغون يسألون على الاسعار

قبل لا يكلمه قلت له ياطويل العمر انصحك تشوف غيره تراه نصاب وتوه ناصب علي من شوي

السعودي على طوووووول قال خله يبيع حمص وضحك وراح للثاني

البنقالي طالعني وطلع من جيبه 50 ريال وقال روح

خذت فلوسي وتوكلت على الله :victory:

[شبح الصمت]

من فتره رحت عند واحد منهم انا وعيالي وقلت له نص ساعه لين الشيرتون

قال اوكيه واتفقنا على 150 ريال

يوم مشى إلا يالله انه يمشي ، اصلا ما ابعدنا عن الممشى ولو انزل سباحه يمكن اطوفه !!

قلت له شفيك امش شوي ، قال الجير خربان

فهمت السالفه / مشينا شوي حول ربع ساعه ورجعنا في 10 دقايق تقريبا

انا تركت العيال وقعدت افكر فيه وشلون راح اتصرف معه

يوم رجعنا عطيته 500 وقلت اخذلك 100 بس ورجع الباقي ، قال لا ورجع 350

قلت للعيال اللعبوا قدامي وانا سحبت كرسي بلاستيك وقعدت قدام المركب

شوي الا جاي سعودي مع اهله يبغون يسألون على الاسعار

قبل لا يكلمه قلت له ياطويل العمر انصحك تشوف غيره تراه نصاب وتوه ناصب علي من شوي

السعودي على طوووووول قال خله يبيع حمص وضحك وراح للثاني

البنقالي طالعني وطلع من جيبه 50 ريال وقال روح

خذت فلوسي وتوكلت على الله :victory:



ههههههههههههههههههههههههههااااااااااااااي

تدري ليش ما يباعدون هذولي لهم حدود من عند الجزيرة لين الشيرتون ويردون وهذولي شيسوون

يطلعك من صوب حديقة البدع ياخذ فيك فره ما يوصل عند خشم الشيرتون بس عند المبنى الجديد الي في وسط البحر ويرجعك

ترى ذولي مرتبين امورهم عاقدين اجتمعات مع بعض ومضبطين التسعيره

[جمال اليافعي]

اللي متأكدة منها انه المراكب فيها عوامل السلامة والله مشددين الدفاع المدني وخفر السواحل وفيه اكثر من شي يسوونه قبل الترخيص النهائي لهالمراكب ، اتكلم عن علم ومب كلام ماخوذ خيره بس )

بعدين اخوي رحال شنهي القوارض اللي تتكلم عنها ؟؟ ماعمري شفت نملة في المراكب اللي ركبتها ونظيفة

من أقل من شهر كنت بطب بالبحر انا وزميلي جاي زيارة للدوحه ... مليون صرصور أطلعوا علينا :eek5:

[رآعي موآجيب]

ههههههههههههههههههههههههههااااااااااااااي

تدري ليش ما يباعدون هذولي لهم حدود من عند الجزيرة لين الشيرتون ويردون وهذولي شيسوون

يطلعك من صوب حديقة البدع ياخذ فيك فره ما يوصل عند خشم الشيرتون بس عند المبنى الجديد الي في وسط البحر ويرجعك

ترى ذولي مرتبين امورهم عاقدين اجتمعات مع بعض ومضبطين التسعيره


و الله من حقك تضحك :shy:

ياخي والله ان المسأله مهب مسالة 50 ريال ولا 100 ريال

ولانيب معرض نفسي لهالموقف على سبة خرده

لكن نظرة بعض المستغلين لك و أستفزازك ونصبهم عليك عيني عينك يطلعك من طورك

وصدقني لو مارجع الخمسين كنت بقعد له قدام مركبه لين اشوف العيال رقود على الحشيش

يعني كنت بخسره شغل يوم كامل نحاسه :anger1:

والمفروض دام انهم متفقين مع بعض وبينهم اجتماعات ضد هالمسكين اللي يبغي يرفه عن نفسه يكون فيه تدخل من وزارة البلديه او حماية المستهلك

يعني يسوون معهم نفس ما سوو مع الحلاق والخضّار والجمعيات

يجبرونهم بتعليق ورقه مختومه من أدارة حكوميه فيه سعر كل جوله موضح فيها مسار الجوله

وبهالطريقه يمنعون الأستغلال والمشاكل وتكون الشغله منظمه شوي

[intesar]

طيب وهالمراكب.. مأمنه ان الواحد يركبها.. وليش جذيه غالية..

[هدى ورحمه]

و الله من حقك تضحك :shy:

ياخي والله ان المسأله مهب مسالة 50 ريال ولا 100 ريال

ولانيب معرض نفسي لهالموقف على سبة خرده

لكن نظرة بعض المستغلين لك و أستفزازك ونصبهم عليك عيني عينك يطلعك من طورك

وصدقني لو مارجع الخمسين كنت بقعد له قدام مركبه لين اشوف العيال رقود على الحشيش

يعني كنت بخسره شغل يوم كامل نحاسه :anger1:

والمفروض دام انهم متفقين مع بعض وبينهم اجتماعات ضد هالمسكين اللي يبغي يرفه عن نفسه يكون فيه تدخل من وزارة البلديه او حماية المستهلك

يعني يسوون معهم نفس ما سوو مع الحلاق والخضّار والجمعيات

يجبرونهم بتعليق ورقه مختومه من أدارة حكوميه فيه سعر كل جوله موضح فيها مسار الجوله

وبهالطريقه يمنعون الأستغلال والمشاكل وتكون الشغله منظمه شوي


وهذا المطلوب فعلا لتفادي التلاعب والمفاصله فالاسعر مع العماله المغله لتلك المراكب
فالرجاء من الجهات المعنيه وضع لافته بقاعده امام كل مرسى للمراكب تلك يكتب عليها الاسعار بثلاث لغات العربي والانجليزي والاردو وتكون واضحه للعيان
وشكرا جزيلا لجميع المداخلات والاراء المطروحه