إلى متى الشيكات بدون رصيد؟

[ولد شرق]

السلام عليكم ورحمة الله وبركاته

لين متى موضوع الشيكات بدون رصيد بدون اي اكشن
اتأجر بيتك وآخرتها اللي مستأجر بيتكم مايدفع الايجار و اتروح تشتكي عليه ولا في فايده

حد يفدينا يالاخوان شنهي اجراءات الشيكات بدون رصيد و شنهي العقوبه واشلون اقدر آخذ حقي؟

[eXpert*]

الاجراء يا طويل العمر تروح البنك وتأخذ منهم إفادة بأن لا يوجد رصيد كافي يغطيّ قيمة الشيك.

وبعدها تتجه إلى شرطة العاصمة قسم الشيكات. وتعبي طلب وترفق معاه الإفادة.

وتنتظر الفرج بإذن الله .

[المهــ22 ــــا]

الله يكون بالعون (قضية الشيكات قضية ازلية ) وصار الكثيرون يتبعون طريقة النصب لانه مافي عقاب رادع والمحاكم والنيابة حدث ولا حرج تقعد بالسنوات (بس اهم شي تسويه انك حط منع سفر على الشخص صاحب الشيكات )

[بوحنان]

الموضوع من يوصل النيابة ينحط عليه منع سفر عن طريق النيابة واذا وصل المحكمه حنا الحين على اخر الموسم القضائي يعني ما راح تسمع الحكم الا على بداية السنه الجديدة وكل عام وانت بخير

[بوحمد111]

الله يعينك اخوي مثل ما قال eXpert ومطولك يا ليل انا الحين عديت السنه ونصف ولا قدرت آخذ حقي من شيك بدون رصيد مع ان المبلغ ٤٠٠٠٠ والشخص الي اشتكيت عليه قال لي اياها بصريح العباره روح اشتك يعني بتحصل فلوسك وشكله الحبيب واثق انه ما فيه قانون صارم ضد اصحاب الشيكات بدون رصيد والنيابه بتحجزه اقل من يوم وبيطلع بكفاله ٥٠٠ ريال وحتى وان حطيت عليه منع سفر بتجلس مع المحاكم الى ان يفرجها رب العباد

تحياتي

[ولد شرق]

مشكورين يالاخوان

يعني القانون ماينصفنا ولا اشلون؟

[(بوطلال)]

القانون القديم كان اذا اشتكيت على راعي الشيك بدون رصيد يجرونه ويقطونه السجن ولايطلع الا اذا سدد بدون محاكم وقضايا . القانون الجديد سهالات والشي الوحيد انك تقدر تمنعه من السفر وغير هالشي يبيله سنوات . للاسف قانون الشيكات عندنا يحمي الحراميه والنصابين