مطلوب شركة تصمم وتنفذ وتركب غرف السونا

[فريج النجادة]

مطلوب شركة ممتازة في تصميم وتنفيذ وتركيب غرف السونا

مع العنوان والاسعار

[معماري قطري]

عندك المأمون في فريج العسيري بعد المركز الصحي وانت متجه لتقاطع خليفة بن عبدالله العطية، تقريباً أول لفة على شارع الخدمات وتلف بعد تحصلها في بيت على أول الشارع، وعندك شركة جيمكو قبل دوار سلاح الجو وورا وكالة البورش مباشرةً، والأسعار بتجيك مختلفه حسب احتياجك وبتشوف عندهم كتالوجات ومواصفات ولا تاخذ الا أُوروبي وخشب السونا الخاص نسيت شسمه الصينيين يسوون شيء مثل الغرفة الخشبية من خشب أبيض عادي ويحطون فيها دفايه ويبيعونها بنص السعر وهو غالي وايد عليها ويقولون سونا.

رقم مدير جيمكو 55540230 ولو تتصل لوزير بيرد واقبال ما يرد بسهولة بس روح له والله يعينك، وتأخير توقع تأخير وكل شيء طلبية وتركيبهم يطول مشغولين في المطار الجديد يسوون نافورات، صار لي سنة أسمع هذا منهم .. وغيرهم محلات تجهيز الصالونات بس تأكد من المنتج اوروبي ولا أمريكي أهم شيء يكون ماركة معروفة.

[نوت]

شفت عند كافود غرف خشبيه باحجام مختلفه واسعارهم جدا مقبوله

[معماري قطري]

شفت عند كافود غرف خشبيه باحجام مختلفه واسعارهم جدا مقبوله



اللي عند كافود منظر بس ولا الصناعة الصينية غش درجة اولى ولا عاشرة .. المهم نوعية الخشب لغرف السونا .. بعضهم يحطون خشب رخيص ودفاية كهربائية .. انا حصلت في محل مساج وحده وعجبتني وسئلت المدير قال هذي من الصين اجيبها لك في اسبوعين وبتكلف قريب ال 10 الاف ريال، والسويدية 28 الف محصلها والصينية فيها مسجل يو اس بي وحركات تختلف .. قلت قبل لآخذ أجربها وصراحة طاحت من عيني ريحة الخشب تبين لأن خشب السونا خاص أظن بلوط واللي يبي يجرب نوعية كوالتي عاليه في فندق ويجرب الغش اللي في محلات الحلاقة وبيعرف الفرق.