مطلون فني تركيب سماعات بالسقف

[شموع قطريه]

السلام عليكم
بغيت فني شاطر يركب لي سماعات بالاسقف مع الاجهزة الخاصه فيه .. اللي يعرف ياريت يفيدني مع جزيل الشكر ..

[معماري قطري]

لو تسمعين نصيحتي لا تتقيدين بسماعات السقف

انا ركبتها وللحين ما شغلتها لقناعتي بالأجهزة الحديثة ولوجود التلفزيون في كل مكان والصاله مفتوحة الصوت يوصل لكل مكان فيها بسهولة، وبعدين عندج سماعات الصوت الأرضية للتلفزيون تعطيج صوت مجسم وايد أحلى من سماعات السقف اللي ممكن تنفع للمطبخ وللحديقة إذا ناوية تستغلينها بجلسة خاصة، والتلفزيونات الحديثة تركبين فيه على اليو اس بي صور للعرض مع ملفات صوت حسب رغبتج قرآن أو موسيقى قد ما تبين وتقدرين تشغلين راديو في بعضها وعلى الستلايت موجوده محطات راديو جودة عالية، والموضوع في الأخير يرجع لج.

وبالتوفيق مقدماً.