خبررراء سويسرا ضروري !!

[M.Alkhater]

السلام عليكم ورحمه الله وبركاته ..

انا مخطط على سويسرا ان شاء الله ..

وحجزت التذاكر وكل شي اوكي ..


لاكن اول مره اروح هالديره ياليت تفيدوني شوي عنها ..

والفنادق اللي فيها ..

وياليت تقولون لي الفنادق اللي قريبه من اماكن الـ Shopping


والله يعطيكم العافيه ..

[للصبر اخر]

وين بتروح بسويسرا بالظبط
بتروح جنيف او انترلاكن او مونترو
ياليت تحدد الاماكن

[M.Alkhater]

جنييف ان شاء الله ..

وانا اول مره اروح وافكر افتر في كل مكان هناك ياليت تفيديني اختي ..

[ضوى]

جنيف مافيها شي يستاهل

انترلاكن تجنن ، انزل فيها ومنها روح لكل المناطق السويسرية ، مثل لوقانو مونترو وفيه كذا منطقة ماتذكر اسمائهم ، بس خلي نقطة الانطلاق انترلاكن ومنها اطلع ن اجر سيارة بجارمن صج بتستمتع

[للصبر اخر]

انا مع اخت ضوى امزل جنيف كم يوم ومر على انسي المدينه المفرنسيه الشبيه بالبندقيه
هذا يوم راح
ومن بعدها انطلق بيرن وانترلاكن ومونارو ولوزان
ولو تروح البلاك فورست بعد حلوه
بالنسبه للشوبنج سويسرا مافيها شوبنج في مول صغير بانترلاكن يمكن تلاقي فيه شي
ولاتنسى تزور مصانع الشوكولاته

[M.Alkhater]

الله يعطيكم العافيه

خلاص بخلي الوجهه ان شاء الله على انترلاكن


بس وين احسن فندق فيها ؟

[ضوى]

الله يعطيكم العافيه

خلاص بخلي الوجهه ان شاء الله على انترلاكن


بس وين احسن فندق فيها ؟

فنادق الدنيا فيها ، والله يوم رحنا ماحجزنا فندق ، وبالسيارة نمذر عالفنادق ونسال عن الاسعار لين حصلنا فندق في وسط شارع المشاه والعرب غرفة عائلية انا وعيالي وابوهم ، كانت متواضعة الغرفة واقتصادية بس ماكان يهمنا لانها للنوم بس


تسوق مافيها شي سويسرا غير الشوكلت بانواعه والساعات اغلى من الدوحة الماركات عادي فيه جذي وجذي

[للصبر اخر]

اخوي في فنادق وفي اكواخ
انا عن نفسي مازرت انترلاكن لين الحين
بس ان شاء الله قريب
ان شاء الله حد يفيدك في الفنادق

[سداوي&مدريدي]

حرام أتروح سويسرا ولاتزور انتر لأكن وجنيف حدها يوم وما تستأهل اكثر

في فندق في انتر لاكن سكنت فيه ممتاز وقريب من الحديقة ومحطة القطار ما يحضرني اسمه اذا رجعت البيت ان شاء الله بطلع لك اسمه لأني داخل من الآي فون

لي عوده بإذن الله

[ريتويت]

الله الموفق

[M.Alkhater]

يعطيكم العافيه .. وفي انتضاركم

[للصبر اخر]

http://travel.maktoob.com/vb/travel287787/

جرب هالموقع

[Chambray]

كم عدد الافراد المسافرين

لاني اعرف شاليهات على البحيره قريب 3 كيلو عن انترلاكن

صراحة بتكون محظوظ اذا حصلت في هالشاليهات

او اسكن في فندق جيس باخ ملاصق لشلال جس باخ

وبتكون محظوظ ايضاً اذا حصلت فيه غرف :)

فندق جس باخ
http://www.giessbach.ch

متعه وتجربه حلوه

واكسر الروتين

[موعوود]

اخوي احسن فندق في انترلاكن فكتوريا

[dream~qa]

انترلاكن كطبيعة أحلى من جنيف بس إذا انت تهتم بالسكن النظيف والمرتب ما فيها غير فندق فيكتوريا والباقي متواضع وأغلب السياح فيها خليجيين والبعض يستحمل السكن المتواضع لأنهم يكونون عائلة كبيرة . حتى التسوق فيها عادي .
انصح بالسكن في جنيف وتكون محطة انطلاق للأماكن السياحية ومنها انترلاكن ممكن تقعدون يومين في انترلاكن لانها تبعد عن جنيف 300 كيلو تقريبا . بس باقي الأماكن الحلوة قريبة من جنيف منها مونتارو وشامونيه وانسي وديفون وكلها طبيعتها حلوة . والتسوق في جنيف افضل من انترلاكن . مع أن الاثنين عادي واللي يروح سويسرا ما يحط في باله الشوبنج أكثر من التمتع بالطبيعة الساحرة .

[واقع]

حط عندك بالاجنده لويسرن فيها شوبينج وكلها بحيراات وجوها جمييل

[مــــلاك]

ادخل منتدى العرب المسافرون
وعندك تقارير ابو عزيز شامله وفيها كل شي تبيه عن سويسرا
والله على جمالج ياسويسرا ......

[مخطط قطري]

انصحك في انتر لاكن فندق فكتوريا فندق 5 نجوم وروعه وانصحك في فندق الور ويك ولا فندق الرويل في جنيف اسويسرا بكبرها حلوه انا نا انصحك تروح سويسرا ومناطقها يعني تروج جنيف , مونتروا , لوزان, جنوب فرنسا قريبهع من جنيف . تروح انانسي , شومنيك وتروح الانترلاكن وفي ثنتين الشرقية والغربية روح حق الثنتين مشالله خيال وابيك تمر على منطقة قريبه من الانتر لاكن اسمها لوكانو 3 ساعات بقطار من الانتر لاكن وبعد لقيت وقت روح زيزرخ مشاالله سويسرا روعه

[بعيد المرامع]

اذا رحت سويسرا ، ومازرت انترلاكن ، اجل مارحت سويسرا ولا شفت شي منها

جنيف اسوء مدينة بسويسرا، تصدق ان زيورخ احلا منها واجمل

جنيف مافيها الا السنتر والبحيرة ، غير كذا ديرة تجيب الغلقة وتطفش

حدها يوم بالكثير عليها بعد ، خلها محطة وصول مثلا للمطار ، واطلع لانترلاكن واجلس اسبوع وصدقني ماراح تمل منها وعندك لوزان بعد رايقة ، وفيه كم بلدة جميلة جدا ومعلم سياحي زي البحيرات ، ولاتنسى شلالات الراين شوي بعيده هي جنب زيورخ بس تستاهل العنوة

انا توني راجع من المانيا وسويسرا وزرت بعد مدن فرنسية قريبة من سويسرا

اذا تبي اساعدك ، ابشر عالخاص