راتب المعيد في جامعة قطر

[أبو يووسف]

السلام عليكم ورحمة الله
لدي سؤال وهو كم راتب المعيد القطري في جامعة قطر لأنه الصراحة أنا مقدم عندهم والمقابلة يمكن بعد شهر تقريباً وعلى أساسها بيقبلوني ول لا

وبعد المعيد وش بكون وضعي

[كحيلآن]

ردي خآرج عن سؤالك .. بس نصيحة من طالب في جامعة قطر إذا تبي تتوفق في حياتك الشخصية والعملية وتسلم من دعاء الطلاب ... حاول قد ما تقدر تساعد الطلاب هههههههههههههههه وياخوي الكبير .. فيه حركه تقهر بالجامعة الي هي المنحنى مادري شنو الي لازم عدد معين من الطلاب ياخذون a عدد يآخذون b+ وهكذا .. انا والله انظلمت اليوم .. لما يكون تجميعي بالاختبارات ناقص درجتين بس طبعاً قبل النهائي .. ولما تنزل درجة النهائي اتفاجئ بـ 7 درجات نقصتني بالفاينل (أغلب الدرجات الي راحت من الفاينل على الموضوع الكتابي يعني مقال ) و5 درجات من الابحاث ودرجتين على الحضور .. ولما اشوف انه مساوي حضوري مع حضور صديق لي لا يحضر ابداً وغيابه يكون يحضر محاضره ويغيب محاضرتين وانا غيابي خلال الكورس كامل لا يتجاوز 4 محاضرت واحتمال اقل من الـ 4 نتساوى انا وياه .. وبالمشاركة دائماً اشارك وارفع ايدي وارفع صوتي كأني بـ أول ابتدائي كله على شان أخذ درجة المشاركة كامله ههههههههههههه

يعني راحت علي درجات والله ظلم بسبب هالنظام وحسبي الله ونعم الوكيل ولا حول ولا قوة الا بالله إن كان لي حق إن شاء الله اشوفه بالدنيا والاخره .. لآن المعدل يتأثر بالدرجات واذا الدكتور مهو حقآني تبي تجيه دعوات من يمين ومن يسار ومن فوق ومن تحت << نسبة وتناسب على حسب الطلاب الي تدرسهم إذا كثار تبي تجي الدعاوي من كل فج وصوب هههههههههههههه

[رجل الجزيرة]

السلام عليكم ورحمة الله
لدي سؤال وهو كم راتب المعيد القطري في جامعة قطر لأنه الصراحة أنا مقدم عندهم والمقابلة يمكن بعد شهر تقريباً وعلى أساسها بيقبلوني ول لا

وبعد المعيد وش بكون وضعي

أسأل الله لك التوفيق والنجاح.

[Muslim Investor]

مرحبا بو يوسف
اولا بالتوفيق
اخيرا شفت قطري يبي يصير معيد
:)
عموما
بخصوص الراتب .. اذا ماخاب ظني بيكون في الثلاثينات
طبعا ممكن تاخذ الماستر في سنة وبتصير "مدرس" وبعد الدكتوراه بتصير استاذ مساعد
راتب الاستاذ المساعد حوالي 50 الف

وبالمناسبة جامعة قطر مافيها شي اسمه كيرف
واللي يقول ان الكيرف من انظمة الجامعة ما يفهم
وبالمناسبة بعد
لما تكون درجات الطلاب نازلة الطلبة يترجون الدكتور انه يطبق عليهم الكيرف

[هامور خرطي]

اسال الشؤون الادارية بالجامعة هم ادق

[نسيم الغربي]

عيل راتب الي عندة شهادة دكتوراه واستاذيه كم ؟؟

[سما الوطن]

مرحبا بو يوسف
اولا بالتوفيق
اخيرا شفت قطري يبي يصير معيد
:)
عموما
بخصوص الراتب .. اذا ماخاب ظني بيكون في الثلاثينات
طبعا ممكن تاخذ الماستر في سنة وبتصير "مدرس" وبعد الدكتوراه بتصير استاذ مساعد
راتب الاستاذ المساعد حوالي 50 الف

وبالمناسبة جامعة قطر مافيها شي اسمه كيرف
واللي يقول ان الكيرف من انظمة الجامعة ما يفهم
وبالمناسبة بعد
لما تكون درجات الطلاب نازلة الطلبة يترجون الدكتور انه يطبق عليهم الكيرف


راتب استاذ مساعد اقل بكثير من 50
العمل مرهق جدا
لذا انصح بالابتعاد عنه إلا ان كنت من عشاق البحث العلمي

تمنياتي لك بالتوفيق

[شموخ دائم]

,

,


مرحبا


موفق يارب

انا اشجعك على العمل في التدريس وما عليك من كلام سما الوطن

:)

توكل على الله وقريب نقولك يا دكتور
:)

,

,


اخوك


شموخ دائم

[شبيه الريح]

صل ركعتين الاسختاره
وروح لمقابلتك

والي بيصير بعد القابله هو الي الله كاتبه لك وبيكون خير وصالح لك ان شاء الله

[meeemz]

مرحبا بو يوسف
اولا بالتوفيق
اخيرا شفت قطري يبي يصير معيد
:)
عموما
بخصوص الراتب .. اذا ماخاب ظني بيكون في الثلاثينات
طبعا ممكن تاخذ الماستر في سنة وبتصير "مدرس" وبعد الدكتوراه بتصير استاذ مساعد
راتب الاستاذ المساعد حوالي 50 الف

وبالمناسبة جامعة قطر مافيها شي اسمه كيرف
واللي يقول ان الكيرف من انظمة الجامعة ما يفهم
وبالمناسبة بعد
لما تكون درجات الطلاب نازلة الطلبة يترجون الدكتور انه يطبق عليهم الكيرف

.العميد بكبره قال هالكلام على اساس انههم يسون الكيرف عشان يرفعون الطلبه و ثاني قال لازم نسوي الكيرف عشان نعرف اذا المتحان فيه خلل يقول اذا الغالبيه صوب الa معناها انه في خلل في الامتحان و نفس الشي اذ الكل جايب تحت المتوسط معناها انه الامتحان صعب وهذي الحالات اللي يطبقون فيها الكيرف
ذيك السنه كانوا مطلعين قرار انه بس 2 ياخذون a
والدكاتره روونا الورقه واعتذروا ، هالكلام على ايام سهام القرضاوي 2006
نفس الشي دكتور في كليه العلوم جاي من جامعه يابانيه شرحه ممتااز وكان الوحيد اللي يدرسهم التخصص مسكين عطى الطالبات كله بي بلاس واي طلبوا منه ينزل الدرجات مارضى و طلع من الجامعه لانه مانفذ طلبهم
المشكله مب الكيرف نفسه المشكله انه الدكتور ايي ويسوي امتحان اي كلام وعقب لما يتوهق يطبق الكيرف والله المفروض من البدااايه يجتهد مب امتحانات قص ولصق الله اعلم من وين ياييبها
عذرا صاحب الموضوع طلعنا عن الموضوع الرئيسي

[مدحوب_ قطر]

اسمحلي سؤالك ليس سؤال شخص يحمل الدكتورا
انا اشك

[Rashid554]

اسمحلي سؤالك ليس سؤال شخص يحمل الدكتورا
انا اشك

ليش الي يحمل دكتوراه شلون يتكلم

[إينشتاين]

اسمحلي سؤالك ليس سؤال شخص يحمل الدكتورا
انا اشك

هههههههههه يقولك يبي يشتغل معيد تقول يحمل الدكتوراه
مسوي فيها المحقق كونان

[قانوني متميز]

اخوي تقدر تستفسر من الاخ محمد علي في الشوؤن الادارية والمالية هو يقدر يفيدك اكثر في الموضوع والرجال طيب وخدوم

والله يوفقك

[khalid Qtr]

المعيد راتبه في الثلاثينات او قريب منها ، وبعد الماستر يترقى الى محاضر ويكون راتبه منتصف الثلاثينات ، بعد الدكتوراة يتجاوز الـ 50 الف

واتمنى لك التوفيق يا دكتور المستقبل

الله يوفقك

[fhd4]

اسمحلي سؤالك ليس سؤال شخص يحمل الدكتورا
انا اشك

شكلك أكيد ما تعرف معنى معيد ....

[هارودز]

الراتب الاساسي حسب علمي 40 الف غيرر العلاوات

[Muslim Investor]

.العميد بكبره قال هالكلام على اساس انههم يسون الكيرف عشان يرفعون الطلبه و ثاني قال لازم نسوي الكيرف عشان نعرف اذا المتحان فيه خلل يقول اذا الغالبيه صوب الa معناها انه في خلل في الامتحان و نفس الشي اذ الكل جايب تحت المتوسط معناها انه الامتحان صعب وهذي الحالات اللي يطبقون فيها الكيرف
ذيك السنه كانوا مطلعين قرار انه بس 2 ياخذون a
والدكاتره روونا الورقه واعتذروا ، هالكلام على ايام سهام القرضاوي 2006
نفس الشي دكتور في كليه العلوم جاي من جامعه يابانيه شرحه ممتااز وكان الوحيد اللي يدرسهم التخصص مسكين عطى الطالبات كله بي بلاس واي طلبوا منه ينزل الدرجات مارضى و طلع من الجامعه لانه مانفذ طلبهم
المشكله مب الكيرف نفسه المشكله انه الدكتور ايي ويسوي امتحان اي كلام وعقب لما يتوهق يطبق الكيرف والله المفروض من البدااايه يجتهد مب امتحانات قص ولصق الله اعلم من وين ياييبها
عذرا صاحب الموضوع طلعنا عن الموضوع الرئيسي


عفوا ميمز .. انا دكتور في جامعة قطر وأبصم لك/لج بالعشرة أن
الكيرف ليس من أنظمة الجامعة
إذا بندخل في تفاصيل الدرجات والـ
Normal distribution
و
Bill Curve
الموضوع بيتشعب وصاحبنا ما بيعرف كم راتب المعيد
:)
لكن خذها/خذيها مني مرة ثانية
إذا إي دكتور عطاك/عطاج أقل من المعدل المرتبط بالدرجات اللي جمعتها/جمعتيها (مثلا جمعت/جمعتي 90 وهو عطاك/عطاج "بي") ورقة تظلم بسيطة والجامعة بتطلع حقك/حقج وأكثر من الدكتور

وبالمناسبة .. نعم فيه ضعوط في العمل الأكاديمي، لكن أيضا ساعات الدوام مريحة جدا .. لذلك أنصح "بشدة" أي واحد/وحدة عنده القدرة على مواصلة دراسته إنه يتوكل على الله سبحانه ويقدم على وظيفة أكاديمية

تحيتي

[STAR]

اسمحلي سؤالك ليس سؤال شخص يحمل الدكتورا
انا اشك

هههههه..ضحكتني ....

ليش تحرج عمرك ؟!!!


معيد يعني مساعد دكتور...بشهادة بكالوريوس ...




اخوي بويوسف اتمنى لك التوفيق...


إذا كنت ماتشتتغل فتوكل ع الله وروح...

شيء احسن من لا شيء

[القحطاني505]

توضيح للأخ اللي جاي داعس وهو مطفي النور

الحاصل على البكالوريوس حينما يدرس بالجامعه يسمى (معيد)

الحاصل على شهادة الماجستير يسمى (محاضر)

الحاصل على شهادة الدكتوراه يسمى (أستاذ مساعد)

الحاصل على بحوث الترقية يسمى (أستاذ مشارك)

الحاصل على شهادة الأستاذية أو البروفسوراه يسمى (أستاذ دكتور)

[Bin Hood]

الله يوفقك يا اخوي

والي يعجبني في الوظائف الاكاديمية انك تتطور باستمرار هب شرط ترقيات ومناصب
ومكانتها الاجتماعية طيبة في جميع المجتمعات

[روح الاطلس]

اذا الراتب في الثلاثينات اش فرق عن المدرس بالمدارس!!