شارع االحكومة شارعي وبكيفي

[ثابت]

السلام عليكم

منطقة بني هاجر شوارعها توها جديدة ومخسرة الدولة مليارات المليارات لكن بعض الناس مادري متى بيفهم انة مالة حق يجيب عمال من الشارع اي كلام ويقول لهم حطوا في الشارع الي قدام بيتي 3 او 5 مطبات عاد تعال شوف المطبات والله بسمنت وكنكري وحصى يعني تضربها بموترك عادي البوشات والجمبيلات تفقع عندك بعد مرورك على المطبة اكثر من مرة في الموتر ومن غير المساكين الي سيارتهم صغيرة عادي يتعور شاصيها والقهر انة حاط المطابات بشارع رئيسي وكل واحد حط 3 مطابط عند بيتة وكلهم بنفس الطريقة والله مخربة المنظر وضار الناس الي رايحة جاية على الشارع الكل يدعون علية والله كسر سيارات العالم

ياخي تبي تحط مطبة روح قدم بشكل قانوني على البلدية هم عندهم مطبات بمعاير صحيحة اما تعال وحط بكيفك هذا غلط
اتمنى المسؤلين عن هذا الامر مخالفت اصحاب هذا العمل الضار حتى يكونوا عبرة لغيرهم.

[Rashid554]

http://www.baladiya.gov.qa/cui/view.dox?id=321&siteID=1

[ثابت]

جزاك الله خير بوسنيدة ان شاء الله بيتم البلاغ

[راشد محمد]

اغلب المناطق للاسف ما تمشي خطوة الا مطبتين

[بوحمد111]

صحيح ما يجوز الا بتصريح رسمي بالتعاون بين المرور والبلديه ولكن عند بعض الناس حدث ولا حرج وواسطتهم فوق القانون

[قانوني متميز]

بل خصوصا شارع خزان الماي يمكن 55 مطبة وجان زين المطبة متساوية
مرتفعة من صوب ونازلة من صوب
بس المصيبة ان تمر على الشارع كل يوم وفجأة تلاقي مطبة جديدة , وتطيرها

انا دايما افكر اقول لو حد مركب زوجة وهي حامل وضرب هالمطبة ؟؟؟؟؟؟ من المسوؤل لو تضررت الزوجة الحامل او الجنين

[ثابت]

بل خصوصا شارع خزان الماي يمكن 55 مطبة وجان زين المطبة متساوية
مرتفعة من صوب ونازلة من صوب
بس المصيبة ان تمر على الشارع كل يوم وفجأة تلاقي مطبة جديدة , وتطيرها

انا دايما افكر اقول لو حد مركب زوجة وهي حامل وضرب هالمطبة ؟؟؟؟؟؟ من المسوؤل لو تضررت الزوجة الحامل او الجنين

صادق اخوي المشكلة البعض صار ما يستحي ويحط مطبات ويضر خلق الله بفعلة الغير حضاري ويخرب حتى منظر الشارع بوضعة لحجارة واسمنت على طريق جديد لا حول ولا قوة الا بالله والله لو يمر واحد معة حامل على الطريق بتربي عند المطبة

[chillis]

اغلب المناطق الداخليه للاسف مطبات عشوائيه والمطبه مهب طبيعيه مهما كانت سيارتك رفيعه هم تصيد تحتها :) مافي اي ترتيب ولا تنسيق بين المطبه والمطبه شبر

[الامل القديم]

لا حول ولا قوة الا بالله

[tradesman]

اصلا ليش تنحط مطبات قدام البيوت ؟!!!!!

اذا خايف على عيالك فالشارع مو مكان لعب لعيالك وخلهم يلعبون بالبيت

ترى ذبحتونا بمطباتكم كل واحد مسوي له مطبه شكل

[فارس بلا جواد]

السلام عليكم اخوي العزيز ثابت

صبحك الله بالخير

تسمح لي اعطيك حل حق مشكلة المطبات ؟

مافي الا نشتري سيكل مال الهنود ونروح فيها الدوام ونرجع

حرام الواحد يطلع له موتر صالون وعقب يتوهق مع التصليحات

انا نفس الحاله

ولد الجيران الله يهداه يوم شاف العمال يسوون مطبات في فريجنا

طق صدره وراح لهم قال ارفعو هلمطبه

لا نزلو هلمطبه شوي

مب حاله والله

طالما نقدر نبلغ البلديه بحاول اتصل فيهم واشوف ايش الاجرائات

والله المستعان