والله على ماقول شهيد(تتسوق بملابس داخليه) [الأرشيف]

بوهلال

13-06-2012, 07:26 AM

والله الوضع لاينسكت عليه :anger1: الوقت الساعه 4ونصف عصرا
المكان الند مارك حرمه اجنبيه لبس عاري وزود على ذالك شفاف كل ملابسها الداخليه تبين بوضوحه والله انت صعقت من الشفته لهدرجه وصل الوضع:eek5:

الكادي99

13-06-2012, 07:29 AM

من أمن العقوبه أساء الادب
مافي رادع يخافون منه

كاروهات

13-06-2012, 07:34 AM

غلطان تسكت

بلغ العضيد

بوهلال

13-06-2012, 07:44 AM

غلطان تسكت

بلغ العضيد

الله يهديك اي عضيد

بوحمد111

13-06-2012, 07:46 AM

لا حول ولا قوة الا بالله وتفتكر نفسها طرزان او يمكن ملابسها عند الدوبي

وهذا النوع يبيلهم تلشط بالعسو

بوعلي2

13-06-2012, 07:46 AM

قبل كنت اشوف بالامارات جذي واتعجب

الحين من كثر ماشوف هالسوالف بقطر صرت اشوف الامارات احسن شوي اقصد دبي

الوان

13-06-2012, 07:50 AM

راشد محمد

13-06-2012, 07:51 AM

قبل كنت اشوف بالامارات جذي واتعجب

الحين من كثر ماشوف هالسوالف بقطر صرت اشوف الامارات احسن شوي اقصد دبي

:omg::victory:

دااانة قطر

13-06-2012, 07:52 AM

أمس سألت هل في قاانون في تعميم نحصل عليه ونقوم احنا بمهمة الطبع واللصق في كل مكااان

احنا في ديرة مسلمه
من حقنا نحاافظ عى الدين والعادات والتقااليد
بدون مايكون اي خوف من ردة فعل الآخرين
اذا فرنسا تحرم لبس الحجااب ومن يومين منقبه تعرضت لخلع نقاابها ووووووووو
فليش مانكون احنا حريصين على الشرع ونطبقه على اللي يسوى واللي مايسوى مثل السعوديه الزاامي لبس العباااءه للأجاانب

┋أَجِوَدًيّ┋

13-06-2012, 07:56 AM

مسكينة ظلمتوها * يمكن من الحر !!

قطري مفلس

13-06-2012, 07:56 AM

الله يهديك اي عضيد

اخوي ان شاء الله الله يهدي الجميع يارب

بس بقولك انت جربت تتصل في العضيد ولا ماجربت

ترى انا واحد جربت واتصلت وبردوا قلبي في هالاشكال (( المطلوب منا كلنا نثق بالعضيد والتجربة خير برهان ))

^_^

وليف قطر

13-06-2012, 07:59 AM

مسكينة ظلمتوها * يمكن من الحر !!

:nice:

بوهلال

13-06-2012, 08:01 AM

اخوي ان شاء الله الله يهدي الجميع يارب

بس بقولك انت جربت تتصل في العضيد ولا ماجربت

ترى انا واحد جربت واتصلت وبردوا قلبي في هالاشكال (( المطلوب منا كلنا نثق بالعضيد والتجربة خير برهان ))

^_^

كم رقمهم وليش مايكون الرقم مكتوب عند مدخل المجمعات بخط عريض

فارس بلا جواد

13-06-2012, 08:02 AM

ما خفي كان أعظم

هذا غيض من فيض

يبغون ينقلون المجتمع الأمريكي الى دولتنا الحبيبه ومش عارفين شلون

فقالوا نستخدم هذه الطريقه تدريجيا

هسوالف من زمان الله يسلمك

وحتى لو كلمت العضيد اكيد بيقولك هذي حرية شخصية

ولما تكلم الحرمه الي شفتها وهي مفصخه بتروح حق سفارتها

ثاني يوم بتصير السالفه ولا كأنه صار شي

مع الاسف الشديد

الحمدلله انه بناتنا صار عندهم وعي

اذكر مره كنت رايح مع بنت اختي احد المجمعات التجاريه المعروفه

شافت وحده متبرجه وملابسها ضيقه

تدرون ايش قالت ؟

من نفسها والله

الحمدلله والشكر

خالي انا اكره هنوعيه من البنات

وهي لم تتعرى بالشكل الفاضح

الله يرحمنا برحمته ويستر علينا من هلمناكر الي نشوفها

بنت امي

13-06-2012, 08:04 AM

وين هيئة السعودية عنها

Rashid554

13-06-2012, 08:07 AM

كم رقمهم وليش مايكون الرقم مكتوب عند مدخل المجمعات بخط عريض

للأسف اكثركم بس يتذمرون ويتكلمون بالجانب السلبي بدون اي تجارب

يعني ماتعرف ان فيه شي اسمه (عضيد)
اذا ماتعرف رقمهم عادي
اتصل 180 والمكالمه مجاناً

هذي تجربة واقعيه

http://qatarshares.com/vb/showthread.php?t=512202&highlight=%C7%E1%DA%D6%ED%CF

فارس بلا جواد

13-06-2012, 08:08 AM

بنتي امي

شحالج ياربج بخير

وين دلة الجاي ؟

القهوه في المطبخ توني متقهوي منها

يالله يا ميري وين العيال تاخرنا على المدرسه

عساج علقوه يابنت امي

قناص قطر

13-06-2012, 08:12 AM

الحمدلله على نعمة الاسلام

بوخالد911

13-06-2012, 08:15 AM

الله يعينا بس

وعلى باب مدخل المجمع يوجد ستيكر يدعو للبلس المحتشم

وهاذي مسكينة افهمت بالغلط !!!

فارس بلا جواد

13-06-2012, 08:15 AM

اي الله صدقت يا قناص قطر

الله عزنا ورفعنا بالاسلام والامن والايمان وراحة البال

فمتى ابتغينا العزة بغيره اذلنا الله

او كما قال سيدنا عمر بن الخطاب رضي الله عنه و ارضاه

اللهم لك الحمد ولك الشكر

eXpert*

13-06-2012, 08:17 AM

الشرهه مب عليها ،، الشره علينا الي ما نقدر الا على الكتابة في المنتديات .

للعلم اللاند مارك دائماً فيه رجال شرطة في المدخل الرئيسيّ .

و أعذروني على صراحتيّ ،،

بوهلال

13-06-2012, 08:18 AM

للأسف اكثركم بس يتذمرون ويتكلمون بالجانب السلبي بدون اي تجارب

يعني ماتعرف ان فيه شي اسمه (عضيد)
اذا ماتعرف رقمهم عادي
اتصل 180 والمكالمه مجاناً

هذي تجربة واقعيه

http://qatarshares.com/vb/showthread.php?t=512202&highlight=%c7%e1%da%d6%ed%cf

اي جانب سلبي والله العظيم هذا شوي الحطيته في الموضوع ماكل شي شافته عيني قلته لو في قانون صارم نفس المرور ويدرون الجانب نه في قانون ومخالفات ماليه على الملابس الفاضحه كان شفتهم كلهم (لابسين عبي) الجنبي ذبحه ولا تقوله عليك مخالفه ماليه

فلتة زمانها

13-06-2012, 08:19 AM

والله حاله
مو بس في المجمعات مرات اشوف في الدوام بعض الروسيات ملابسهم فاضحه
والصراحه استحي اكلمهم

قطري مفلس

13-06-2012, 08:24 AM

كم رقمهم وليش مايكون الرقم مكتوب عند مدخل المجمعات بخط عريض

يعني اخوي تبيهم يكتبون لك رقم العضيد بالخط العريض مثلا على ابواب المجمعات ،،

اي رقم تبيه لك طريقتكم علشان تحصل عليه ، اقل شي تتصل 180 ، اسرعها تتصل على 999 و بعلمك وش تسوي ،،،

ترى انا معك وحاس بالموقف الشين ،، وكل قطري وحتى بعض المقيمين فيهم غيره على بلادنا الغالية وعلى دينا الاسلامي ولا نرضى بمثل هالامور انها تنتشر ، وبنحاربها وبنقعد لها قعده ، على الاقل ماتستوي في المجمعات التجارية ،، لان المجمعات لاهي شاطئ بحري ولا رحلة برية علشان تلبس هالعاري ،،،

صدقوني هي ضربه او ضربتين على الراس عقب والله راح يتعلمون ويعرفون ان اهل قطر مايسكتون ،، ارجوا عدم التقليل من اهمية هذا الموضوع

( ورانا أجيال نبي نربيهم )

^_^

قطري مفلس

13-06-2012, 08:27 AM

الشرهه مب عليها ،، الشره علينا الي ما نقدر الا على الكتابة في المنتديات .

للعلم اللاند مارك دائماً فيه رجال شرطة في المدخل الرئيسيّ .

و أعذروني على صراحتيّ ،،

اي والله

:weeping:

زمان

13-06-2012, 08:27 AM

الله المستعان

اليوم في جريدة الراية كاتبين :

فنار يتبنى حملة الراية لمكافحة العري

ريتويت

13-06-2012, 08:30 AM

abdo222

13-06-2012, 08:47 AM

بخصوص السكيورتي الي وجودهم كشخه !! ما يقدرون يكلمون الاجانب شاطرين علينا بس "ممنوع الدخول وممنوع الدخول" خلهم يقولون للاجانب ممنوع الدخول ولا يخافون,,

بكل بساطه يتم تدريب السكيورتي على انه "المفصخه = ما تدخل المجمع" بكل بساطه

سارونه

13-06-2012, 08:54 AM

الأصيلة

13-06-2012, 08:56 AM

الله يهديك اي عضيد

العضيد يقوم باللازم
أنا مجربتهم وعندهم صلاحية وسرعة..
لاتستهينون بخدمات بلادنا...

غايه الطواش

13-06-2012, 08:59 AM

مادري متى بنكون ايجابيين ونتخذ الخطوات الللازمه ..ونخلي التحندي فالمنتديات الا ماوراه شي...
ولحد يقول مافي قانون والعضيد مايسسون شي..في مخالفه الف ريال وفي رقم تتصل عليه يقومون بالواجب ... ودرس ورا درس الاجانب يتعلمون

سارونه

13-06-2012, 09:00 AM

العضيد يقوم باللازم
أنا مجربتهم وعندهم صلاحية وسرعة..
لاتستهينون بخدمات بلادنا...

وانا اشهد:nice: العضيد ولخويا والشرطة كلهم مايقصرون

الحال مايساعد

13-06-2012, 09:10 AM

إختصاراً على الإخوان والأخوات هذا موقع العضيد:
http://www.moi.gov.qa/aladeid/
وأول شي تحصله بالموقع مقدمة ثم رقم الهاتف / 44947888
وجزاهم الله خير الموقع بالعربي + الإنجليزي

رجوان

13-06-2012, 10:21 AM

الحمد لله فنار ماقصروا مسووين حملة "سنع" للحد من هالظاهره
بارك الله في فنــــــــــــــــــــــــــــــــار والله يزيد من امثالهم

almaha a

13-06-2012, 10:26 AM

في بلجيكا

قام حزب اليمين المتطرف بتقديم مكافأة 250 يورو لكل من يبلغ عن متنقبة!!!

يعني هم شافوا الحكومة تتقاعس شوي,,,قالوا خلنا ندق الصدر ونكمل شغل الحكومة!!

تخيلو لو أنا أعلن مكافأة عن كل من يبلغ عن لبس عاري!!

طبعا بنكون متطرفين ومجرمين ووين الحرية!!

لكن حريتهم في منع الحجاب والنقاب هذي تقدم !!

مالكم كيف تحكمون!!

أرجع وأقول لابد من أن نقاوم هذي بلادنا لا تتركونها للأجانب

حسن

13-06-2012, 10:30 AM

امس كنت مع المدام في الاند مارك الصراحه شفت العجب العجاب عقب حريقه فيلاجو نهدو علينا من كل حدب
وصوب اشكال والاوان شي بلبس وشيي كراعينهم طالعه كانها قريويه
وشي زنودها طالع كن حلويات زنود الست
حتى المره تقولي شفيك عيونك تتلاقط

بنت الطائي

13-06-2012, 10:37 AM

يا خواني انا شفت وحده (اعوذ بالله) فالستي ومعاها واحد بعد :( وبلغت عليها وكان الموضوع سهل جدا

والاخوان في الشرطة جوني وماقصروا بس لازم تعرف وين مكانها علشان يصيدونها

(يعني يطلعونها من المجمع بس) :)

اتصدقين يكفي هالحل

عشان تتفشل جدام خلق الله

الحين لازم كلنا نسجيل رقم العضيد في تلفوناتنا واي شي نتصل عليهم وعلى طول بيجون

انا يوم كنت في المعرض المهني بلغنا العضيد على ثنين مو ثنين ثنينات !!!!!! وقطريين بعد وجاوا يقولون لنا ترى احنا عيال ناس :eek5: جات مديرة المكان ومعاها العضيد وطلعوهم

مشتاقة لقطر

13-06-2012, 11:10 AM

الله المستعاااان

(بوطلال)

13-06-2012, 11:20 AM

اشتك ياخوي ولاتحط موضوع في المنتدى يعني فرحتنا مثلا بهالخبر

intesar

13-06-2012, 11:26 AM

محتاجين العضيد ينتشرون بالمجمعات.. كونهم جهة رسمية.. يكونون من الجنسين.. حتى يخالفونهم..
و 1000 ريال ما تكفي.. يخلونها 5000 ريال.. حتى ما يعيدونها..

doha2012

13-06-2012, 11:41 AM

,

لاحول ولاقوة الا بالله ,

,

بوهلال

13-06-2012, 12:08 PM

اشتك ياخوي ولاتحط موضوع في المنتدى يعني فرحتنا مثلا بهالخبر

ليش ليكون انت زعلان لنه ماكنت هناك !!!المصرين يقولون العيار المصيب يدوش

الخزرجي قطر

13-06-2012, 12:14 PM

ماحصلت حد ينبها او يردعها عن ذلك

مهرة

13-06-2012, 12:21 PM

لا حول ولا قوة الا بالله ,, ماخذين راحتهم وحريتهم كنهم في بلادهم ,, ان شاءالله نسوي حملة تطهير وكلن وضميره نتكاتف ونصون حرمات وقوانين الدولة عاداتنا ومجتمعنا المحافظ ونبلغ العضيد ..

انزين مافيه جهة حكومية ضد التجريح والسب العلني بالأماكن العامه ؟؟

كلنا قطر 1981

13-06-2012, 12:34 PM

لا حول ولا قوة الا بالله وتفتكر نفسها طرزان او يمكن ملابسها عند الدوبي

وهذا النوع يبيلهم تلشط بالعسو

الله يهديك و يطول بعمرك و يحفظك يا بوحمد111

وين تلشطهم بالعسو بس؟؟؟!!

لو بس مجرد تفكر تسويها تنسجن و عادي يكتبون عنك في الجرايد متطرف اسلامي يعتدي

على امراه من اصحاب الكتاب لعدم رضاءه على طريقه اكلها للايسكريم

و بيحطون صورتك و على عيونك خط اسود و شوي اراء الناس في الشارع الي كلهم

بيستنكرون الي سويته و بيخلونك ارهابي هههههههههههههههههههههه

يا بو حمد111 العسو الحين ما تقدر ترفعه ف وجه ولدك لانه يعتبر سلاح فتاك و يجرح كرامة

الطفل و الانسانيه هذا و هو ولدك ف ما بالك انك تلشط فيه وحده اجنبيه ؟؟؟!!

صدقني ورا الشمس يا غالي :nice:

احنا بس نقول الله المستعان و ربي يحفظ قطر من كل شي و من كل تفكير صهيوني للخل في

امن و دين هذا البلد الخير

(بوطلال)

13-06-2012, 12:40 PM

ليش ليكون انت زعلان لنه ماكنت هناك !!!المصرين يقولون العيار المصيب يدوش

اي عيار واي يدوش هو عيار ولا عشره ولا اميه مافي اكثر من مواضيع منظر المفاصيخ في المجمعات .الحريم احسن منكم روح اقرا موضوع العضوه الي تصلت في العضيد وعلى طول اتخذوا اجراء معا المتعريه . مب انت جاي تولول فالمنتدى وتطلم وتشهدالله على منظر وقح وكأنك شايف شي يفرح .

bo_hamad

13-06-2012, 12:47 PM

سعودية ابعدت عن فرنسا بسبب عدم خلعها النقاب

وأحنا في الدول العربية مهب قادرين نسيطر على ملابس الاجانب أو منعهن من دخول المجمعات في حالة لبسهن ملابس فاضحة

سبحان الله

جلمود

13-06-2012, 12:50 PM

http://www7.0zz0.com/2012/06/13/04/975119952.jpg (http://www.0zz0.com)

http://www7.0zz0.com/2012/06/13/04/338717582.jpg (http://www.0zz0.com)

هذي ملصقات من اجتهاد شبابنا بارك الله فيهم

المفروض تنحط على ابواب المجمعات

و تتوزع على القادمين في المطار اول ما يدشون البلاد

و الله المستعان

جزاهم الله خير

بس العتب على وزارة الداخليه من المفروض على وزارة الداخليه أنت ترفق مثل هذا العمل الرائع مع تأشيره دخول الأجانب وصورة من قانون الدوله الذي ينص على عدم التعري والالتزام بعادات البلد وقاوانينها

Abdulraman

13-06-2012, 12:50 PM

غلطان تسكت

بلغ العضيد

مصدق انت مع العضيد

لاجل QT

13-06-2012, 12:56 PM

لايكون هي اللى شفتها انا بعد في االاند من 3 شهور...نفس الاوصاف

REEMajesty

13-06-2012, 12:58 PM