الليتات الامامية

[سبع الظلما]

اخواني عندي موتر في اكس ار موديل 2010 واقف بالشمس مدة طويلة ، امس لاحظت ان الليتات والكشفات الامامية تغير لونهاا وصار لونها اصفر تقريبا وباهت جدا
مع ان الموتر ما تعرض لسفر وللعج
وين احسن محل يضبط الليتات ابي نصيحتكم جزاكم الله خير

[الحـ(درب)ـب]

السلام عليكم

عندي سؤال -- انت شريت السيارة من الشركة؟؟ وإلا شريتها من بعد واحد


وسبب السؤال : ان الليت مال الشركة مايصفر من ضربة الشمس حتى لو تم مده

فيمكن في واحد قبلك سوى لليت تلميع (( الليت يطلع لونه اصفر اذا انعمل له تلميع من قبل ))
او يمكن انت مدخل السيارة بولش كامل وصاحب المغسلة ضرب الليتات تلميع

هذا والله اعلم

بالنسبة لأفضل محل يضبط الليت :
والله اغلب المغاسل يسونها
لكن عندك محل جلاس اللي بمحطة التيسير
وروح اماكن التلميع المشهورة
مثل الوسام مثلا

بس اهم شي وخذ شوري ولا تتردد

مباشرة ركب حماية شفافة لليتات بـ 200 ريال
بيعيش معاك الليت مده طويله

[سبع الظلما]

هلا فيك اخوي درب الحب السيارة شاريها من الشركة صار لها اكثر من سنة ما شتغلت وواقفة بالشمس
يمكن الشمس اثرت بالليتات الله اعلم امهم ان الليتات صوفرت
وتسلم علي الرد

[بويعقوب]

السلام عليكم

عندي سؤال -- انت شريت السيارة من الشركة؟؟ وإلا شريتها من بعد واحد


وسبب السؤال : ان الليت مال الشركة مايصفر من ضربة الشمس حتى لو تم مده

فيمكن في واحد قبلك سوى لليت تلميع (( الليت يطلع لونه اصفر اذا انعمل له تلميع من قبل ))
او يمكن انت مدخل السيارة بولش كامل وصاحب المغسلة ضرب الليتات تلميع

هذا والله اعلم

بالنسبة لأفضل محل يضبط الليت :
والله اغلب المغاسل يسونها
لكن عندك محل جلاس اللي بمحطة التيسير
وروح اماكن التلميع المشهورة
مثل الوسام مثلا

بس اهم شي وخذ شوري ولا تتردد

مباشرة ركب حماية شفافة لليتات بـ 200 ريال
بيعيش معاك الليت مده طويله

:nice:

روح النهدي للعازل في العزيزيه بيلمع الليتات والكشافات وبيركب حمايه بــ 300 ريال

[alwahesh]

شارع العزيزيه اكثر من مغسله

وخاصه المغسله الي مقابله البنك الاهلي ب 45 ريال اعتقد اسمها المحترف

وعند الشارقه صوب المعارض وشركة المفتاح

الوسام

الهلال محطة بترول التيسيير عند المطار او البريد

[وحيد-الشوق]

في محل في المنصورة اخبر يمدحونه بس مادري شسمه

لاتروح النهدي ماعندهم شيء وحتى الحماية خايسه مالتهم

[ولد الخوالد]

لاتروح النهدي ماعندهم شيء وحتى الحماية خايسه مالتهم

انا اشهد

[ولد المنصور]

جرب ولا غير,, الاصباغ التقنيه محطه المسيله ,,,, بس الله يسامحك 2010واقف سنه في الشمس ... مادري شاقول ,,, الله يهديك

[دولة قطر]

محل الحماية للسيارات

عن تجربه وشغل مضمون 100 %