اتقوا الله ... في الفقارا المساكين يالمرور

[البدوي]

انا لست ضد النظام وقوانين المرور الي تنظم الحركة والامن المروري في دولتنا وهذا واجب ديني واخلاقي ان نتبع القوانين للحفاظ علي ارواح والممتلكات ولكن ....

,,,, الي ابي اقولة الطريق الجديد اقصد التحويلة الجديدة الي علي طريق الشحانية الريان هذا الطريق الذي سوف يكون طولة 20 كيلو تقريبا

هل من المعقول اتكون السرعة علي هذا الطريق 50 كيلو ؟

ايش هذا المهندس الذكي الي حدد السرعة علي هذا الطريق ب50 وليش ؟
لكون علي بالة راكبين حناطير ولا سياكل ؟

انت يا مهندس متعلم ودارس وعلمك مب قادر اتكيف هذا الشارع بطريقة هندسية ان تجعل السرعة علي الاقل 100؟

اذا ماتقدر فانت فاشل ........... اتحدي اي شخص يسلك الطريق اذا فتح بالكامل من الشحانية الي الريان بسرعة 50 كيف بيكون حال الناس ؟

ارجو من ادارة المرور النظر في السرعة الحالية

امس علي طريق بعد ما سمعت من موظفين يعملون في دخان ياتون من الدوحة علي هذا الطريق بان الردار يحصد من رواتبهم ذهابا وعودة

ارجوا من ادارة المرور الموقرة واعلم انها ليس هدفها المادة اكثر من الحد من السرعة والحفاظ علي ارواحوممتلكات الناس اعادة الدراسة علي نفس الطريق ومحاسبة المقصرين

[khalid Qtr]

بصراحة لاحظت هالشي ..

عسى ما شر تحويلة مسارين وللعلم افضل من الطريق الاصلي المغلق وحاط السرعة 50 !!!

اتمنى المرور تعيد النظر في الامر على الاقل يحطونها 80

[كازانوفا]

غريبه ؟؟؟؟؟؟؟؟؟؟؟؟
وليش ما اشتكو للمرور من البدايه وين المسؤوليين؟؟؟؟؟

[رجل الجزيرة]

ولمدة 15 شهر.

[@north_star@]

هل المنهدس لديه الصلاحية بتحديد حدود السرعة ؟ والا من اختصاص المرور ؟

[الموضوعي]

اللي حاط التحويلة 50 من الشبيحة

[حسن]

فرصه الله مكثر مخشات الرادار

[قلبي الطيب]

خففوا السرعة لما توصلون للرادار والباقي كملوها ب١٠٠

[كــرت احمــر]

اي والله شر البلية مايضحك ، شارع طول بعرض وفي الاخير السرعه 50 الى 100 الظاهر المهندس هندي

[Rashid554]

سوداني وانت الصاج ههههههه

[البدوي]

.... من غير ذكر جنسيات الله يخليكم بس شكل المهندس متأثر بالحناطير

[abdo222]

يمكن مكتوب 50 بس ماشي رادار, فخذ راحتك,,
في شوارع كثير مكتوب عليها 80 بس فعلينا الكل يمشي فيها 100 ,, وشوارع لوحه 60 والامور طيبه ,,
بس لو في رادار خخخ الله يكون في العون

[البدوي]

يمكن مكتوب 50 بس ماشي رادار, فخذ راحتك,,
في شوارع كثير مكتوب عليها 80 بس فعلينا الكل يمشي فيها 100 ,, وشوارع لوحه 60 والامور طيبه ,,
بس لو في رادار خخخ الله يكون في العون

..... اقولك الرادار شغال علي 50

امس مثل البرق بس بدون مطر ولا غيم

[البدوي]

مافية تعليق يادارة المرور ؟

[أسير الاسهم]

المشكله الشارع نفسه مسكرينه ومسوين تحويلات وللحين ما اشتغلوا فيـه ,, انزين شتنطرون ميزانية وخلصنا . . مناقصة وخلصنا . . والشركه وتحددت . . اي شتنطر ؟ خلصونااا فكونااا من هالتحويلات

واحد من الربع مجدد الاستماره قبل يومين دافع 20 الف .. يداوم في دخان وكل يوم على هالطريق .. يقول كل يوم يحطون الرادار مكان غير .. تحس يتفننون في التصيد .. يقول المشكله الشارع متروس تريلات فالجانب الايمين يعني لازم تزيد السرعه تبي تطوفهم .. ولما تزيد شوي انواااااع التكفّش تروح عليك 10/صفر .. الله يعين بس

[خــالــد]

الفقارا = الفقراء

[الـخـالـدي]

لا تروح بعيد عندك طريق دحيل اللي يوديك على محطة وقود .. السرعه فيه 80 .. وهو شارع شطوله اغلب اللي ساكنين هناك صكهم الرادار شي ثاني اشارة السرعة حاطينها على دخلة الشارع فكثير من الناس ماتنتبه لها عكس باقي الردارات اللي تنحط حدود السرعه قبله بـ 100 متر

[بيانو]

من فتره قال السيد العميد / الخرجي

بان المرور بصدد البحث والنظر فى تخفيض المخالفات

هل نفذ هذا الكلام ؟؟

[البدوي]

من فتره قال السيد العميد / الخرجي

بان المرور بصدد البحث والنظر فى تخفيض المخالفات

هل نفذ هذا الكلام ؟؟


تعتقد انهم ينفذون شي بسرعة وبدراسة علمية ؟

[بيانو]

تعتقد انهم ينفذون شي بسرعة وبدراسة علمية ؟



مادري والله ياخوي
نتمنى ذلك
لان بالفعل صار المرور له ميزانيه خاصه بمصاريف البيت كالاكل والشرب والمياى والكهربا

[بن غيث]

الحمد لله على نعمة العقل
يمكن يقصدون 50 ميل ... بعد شوي

[BuFaisal]

اتفق معاك وفعلا مكتوب على الطريق السرعة 50 وهذا شيء مستحيل

على الاقل تكون 100 لانها تحويلة لطريق سريع

[ابوالمديونين]

السلام عليكم ورحمة الله وبركاتة يا اخواني تعرفون ان قانون المرور كان مرفوض بلاجماع من قبل اعضاءمجلس الشورى من قبل الان تناقشو السرعه في الشوارع ولاتناقشو المخالفات هل يعقل ان شخص ما اذا ارتكب مخالفة مروريه باءن يدفع راتب 6 شهور قيمه مخالفه مروريه نعم هذا اللي حاصل عندنا في قطر ولا لوما تصالح مع المرور وحول المرور المخالفه للمحكمة ممكن الشخص يشتغل اكثر من اربع سنوات مقابل مخالفه مروريه لاءن المحكمه تجبره بدفع خمسين الف ريال قيمه مخالفه قطع الاشاره اوالسير عكس السير بنقولي هذا وين حاصل اقولكم هذا قانون المرور في قطر انا ضد ان الشخص يخالف المرور بس هل من لاي بسويها لو عندك سائق وراتبه الف ريال وحصلت له المخالفه بدون ما يقصد باءن تشغله عندك لمده سته شهور مجانا بسبب مخالفة مروريه لحد يقولي يستاهل لان كلنا نخطي وشوفو ايش مخالفه المواطنيين والمقيميين سواء عن قصد اوغير قصد وما اتوقع وانتم ايضا باءن اي شخص عاقل يريد ان ياخذ مخالفات وسلامتكم

[الموضوعي]

السلام عليكم ورحمة الله وبركاتة يا اخواني تعرفون ان قانون المرور كان مرفوض بلاجماع من قبل اعضاءمجلس الشورى من قبل الان تناقشو السرعه في الشوارع ولاتناقشو المخالفات هل يعقل ان شخص ما اذا ارتكب مخالفة مروريه باءن يدفع راتب 6 شهور قيمه مخالفه مروريه نعم هذا اللي حاصل عندنا في قطر ولا لوما تصالح مع المرور وحول المرمر المخالفه للمحكمة ممكن الشخص يشتغل اكثر من اربع سنوات مقابل مخالفه مروريه بنقولي هذا وين حاصل اقولكم هذا قانون المور في قطر انا ضد ان الشخص يخالف المرور بس حل من لايسها بس لو عندك سائق ورلتبه الف ريال وحصلت له المخالفه بدون ما يقصد باءن تشغله عندك لمده سته شهور مجانا بسبب مخالفة مروريه لحد يقولي يستاهل لان كلنا نخطي وشوفو ايش مخالفه المواطنيين والمقيميين سواء عن قص د اوغير قصد وما اتوقع وانتم ايضا باءن اي شخص عاقل يريد ان ياخذ مخلفات وسلامتكم

المشكلة ان من قاموا بوضع قانون المرور دخلهم الشهري بالملايين ويحسبون الناس مثلهم

[ابوالمديونين]

صبحك الله بلخير يا الموضوعي وانت فعلا موضوعي بحكم صراحتك هل قانون المرور حد من الحوادث كما يدعون نقطه لقانون المرور اللي يريدون يطبقو نظام العالم في النقاط يا اخي هل يعقل تاخذ نقاط وانت موقف في اي مكان ايش الخطوره اللي سببتها في بعض دول العالم مخالفات المواقف في المجمعات التجاريه اوالشوارع تدار من قبل البلديه وليس الشرطه