كشك في اللاند؟

[المحاميه]

السلام عليكم

حابه أعرف اجراءات فتح كشك في اللاند (كشك أكل مثل كشك الكب كيك تقريباً) والتكلفه؟؟



وشكرا :)

[زعبي]

تاخذين نموذج طلب من إدارة المجمع وتعبينه وتسلمينه لهم مرفق معه تصميم للكشك على ورق أو سي دي.. بعدين يردون عليك إذا وافقو عليه ويعلمونك كم سعر المتر.. وعادة عقود الأكشاك تكون قصيرة الأجل ومؤقتة مو مثل المحلات.

[المحاميه]

زين حد يعرف التكلفه؟ ابي اخذ فكره .. يعني كم لازم يكون راس المال؟
مع العلم انا مفكره اخذ وكالة شي معروف برا وافتح اهني كشك صغير اول شي واذا توفقنا بعدين نشوفلنا محل ولا مكان زين ..

بس حابه اعرف راس المال كم لازم يكون عندي

[بن غيث]

35 الف شهريا مساحة 3*3
وتختلف الاسعار حسب الموقع والمساحة

[بن غيث]

اختي في مولات جديدة راح تفتح اقريب
حاولي الوصول للادارة واحجزي مكان من الحين

[المحاميه]

يعني المساحة بس ب35
زين والكشك اكيد عليه مبلغ ثاني صح؟
والعمال؟
واللي باخذ منه الوكاله اكيد يبي نسبه ولا دفعه مقدمه ولا عربون .. صح؟؟

اتمنى حد يوضحلي ابي اعرف كم الاجمالي المتوقع او المقدر .. عشان اعرف اقدر ابلش فالموضوع ولا لا ..

[المحاميه]

المولات الجديده اخاف ماتمشي .. يعني مثلا شوف مجمع لاجونا ومجمع اللاند .. زوار اللاند اكثر بالراحه وهاي سبب اختياري ..

[بن غيث]

اختي
المول ياجر المساحة فقط
انت الي تجهزين الكشك او الاستاند
ويتكلف من 70 الف وفوق
بالنسبة للوكالة
لها شروط ..
بس الموضوع مش واضح بالنسبة للوكالة ..؟
هل هي وكالة محلية ام خارجية
شروط الوكيل

[بن غيث]

اسف نسيت
بشان المولات الثانية اتوقع لها النجاح خصوصا المول الي مشاهد اللاند

[المحاميه]

اممم
ابي اخذ الوكاله من محل فدبي .. اتوقع اتعامل مع صاحبه فدبي هو اكيد ماخذ الوكاله بعد من برا ..

والله مشكور وايد عالتوضيح وماقصرت .. بخصوص المول اللي مجابل اللاند ماشفته ولا سمعت عنه شي .. ومتى الافتتاح ان شاء الله ؟

[بن غيث]

اول شي تاكدي ان الشركة الي بدبي اهي وكيل المنتج عن طريق الشركة الام
وانتش بتكونين الوكيلة بقطر وليس موزع
وما هي شروط الوكالة
وممكن تروحين عند محامي تجاري وتسوين العقود عنده
ومفقة ان شاء الله
واي استفسار ان شاء الله اقدر اساعدتش فيه او احد الاعضاء المختصين

[المحاميه]

زين عشان أخذ الوكاله .. كم بتكلفني هالعمليه ...
ابي اعرف كل التكاليف قبل لابدا اي خطوه

[مشتاقة لقطر]

الله يوفقج يالغلا


حاولي لين توصلين

والله بييسر لج الامور

[KSK Logistic]

باالتوفيق

[كاشف الغطاء]

ترا الأكشاك أغلى من المحلات توكلي على الله ودوري لج محل أحسن ..

[الخمسه شموع]

حبيبتي اختي مو شرط تفكرين في مجمع اللاند مارك لان الصراحه انا ولا مره فكرت اني امر على الكشك اللي في النص لانه غالي ومافي شي يعجبني

اختاري كشك في مجمع جديد اول مايفتتح الناس هجوم على المجمع ولا تنسين الموقع المناسب والدعاية الرائعه وايضا الاسعار لازم تكون مناسبة طبعا هذا على حسب الايجار

الصراحه الكل عنده فكره عن الكشك اللي في المجمعات ان مايبيع شي مميز ثانيا اسعاره غاليه عالفاضي يعني مره ولدي وقفني على احدى الكشكات عشان نشري كوب وكان سعره 100 ليش؟ خير شصاير؟

اتوقع هم يرفعون اسعارهم على حسب الايجار وبعضهم طمع

فكري اكثر في الموقع لان مهم

وبالتوفيق

[بو شريم]

حبيبتي اختي مو شرط تفكرين في مجمع اللاند مارك لان الصراحه انا ولا مره فكرت اني امر على الكشك اللي في النص لانه غالي ومافي شي يعجبني

اختاري كشك في مجمع جديد اول مايفتتح الناس هجوم على المجمع ولا تنسين الموقع المناسب والدعاية الرائعه وايضا الاسعار لازم تكون مناسبة طبعا هذا على حسب الايجار

الصراحه الكل عنده فكره عن الكشك اللي في المجمعات ان مايبيع شي مميز ثانيا اسعاره غاليه عالفاضي يعني مره ولدي وقفني على احدى الكشكات عشان نشري كوب وكان سعره 100 ليش؟ خير شصاير؟

اتوقع هم يرفعون اسعارهم على حسب الايجار وبعضهم طمع

فكري اكثر في الموقع لان مهم

وبالتوفيق

اي والله ويل للمطففين الذين اذا اكتالوا على الناس يستوفون