عندي جوال خربان وأبي اسحب البيانات إلي فيه

[boamir]

السلام عليكم ورحمة الله وبركاته


بغيت استفسر منكم عن أفضل محل يصلح أو يقدر يسحب البيانات منها

عندي جوال نوكيا 8800 يشتغل بس الإزرار كلها ماتشتغل
وابي أسوي المستحيل عشان اسحب البيانات إلي فيها لأنه فيها أشياء مهمه جدا
والجوال مايهمني إذا تصلح ولا لا


يريت لو حد يفيدني لأني متوهق وأبي الحل ضرووري

ويعطيكم العاافيه

[abdo222]

حاولت تشبكه بالكمبيوتر؟ في برنامج خاص بالنوكيا تقدر تشوف كل بيانات التلفون عن طريق الكمبيوتر,, هذا بالنسبه للارقام والمسجات,,

اما الصور فمجرد ما تشبك التلفون في الكمبيوتر يطلع لك ملف تشوف فيه الصور والصوتيات في جهازك,,

[airbus]

ممكن برنامج nokia pc suite

يحلك المشكلة

[السحابة]

نفس المشكلة

[boamir]

الحمد لله قدرت اسحب البيانات في البيت

والتلفون كانت مشكلته إنه الازرار ماتشتغل وكل ماأشبكه بالكمبيوتر كان يطلع لي بالجوال أختار نوكيا بي سي سوت
او ذاكرة التخزين وخيارات ثانيه ولازم اختار وحده منها بس الازرار ماتشتغل

فا إلي سويته إني سكرت الجوال وشبكته بالكمبيوتر وإشتغل الجوال وقام يشحن وهني إشتغل تلقائيا نفس الفلاش وطلعت لي الملفات ونسخت الصور والفيديو بس الأسامي ماصارت

وعقبها رحت محل بالغرافه وعلمني حركه إنصدمت منها إنه لما تشبك الجوال ببرنامج نوكيا بي سي سوت الأزرار تشتغل في الجوال !! وعقبها نسخت الأسامي وسويت فورمات حق الجوال ولما فصلته رجعت الأزرار ماتشتغل وقالوا لي إنه في مشكله داخل الجواال في قطعه خربانه
وطبعا إذا بغيت تشبكه بالبرنامج لازم تطفي الجوال وتخلي البرنامج يكون شغال بالكمبيوتر وعقبها تشبك الجوال بالكمبيوتر والجوال مسكر هني بيشبك في برنامج بي سي سووت

بس حبيت أعطيكم الحل إذا في حد كان متوهق مثلي