تجاربكم في مكافحه الغبار والاتربه داخل البيت (حلول جذريه)

[كبير المتداولين]

مساكم الله بالخير
خلال هاليومين والايام الماضيه وخاصه ايام الغبار والاتربه البيت عندي يدخل غبار بشكل رهيب في كون المنطقه الي انا فيها للحين جديده ومافيها بنيان وفيها مساحات اراضي فضاء مما يسبب في تهييج الاتربه ودخولها الى المنزل

وكانت ابرز الاماكن لدخول الغبار فتحات الشفط النوافذ الالمنيوم الابواب الرئيسيه لمدخل الفلا والخلفيه


من خلال تجاربكم ماهي افضل الطرق للحد من دخول الغبار داخل المنزل وكيف معالجتها .
وافضل حلول جذريه


ودمتم بود

[al saad]

في ربلات في محلات البناء خاصة للباب الرئيسي وشريط سفج خفيف لسد فتحة الباب مع افريم الباب والمراوح ركب من الدرويش اطلع هواء بس مادخل
حلول امجربة وناجحة

[معماري قطري]

الحل الجذري تركب درايش يو بي في سي نوعية زينه وفيه شركات تشتري منك الألمنيوم وتركب لك يو بي في سي .. شوف الإختيار الألماني وانسى الغبار والصوت والحراره الزايده.

وبالنسبة للمدخل الرئيسي ركب بعد يو بي في سي لو حتى قبل الباب الخشب، وشفاطات الهواء فيه نوعية جديدة عند الدرويش بس إخذها بالمفتاح الخاص اللي لها لأن تقدر به تقصر وتطول عليها، ويركبون لها بايب 4 إنش في الحايط ولا يسوون لك الفتحة الخاصة بها فوق السقف المستعار وبدكت وما لها الا صوت خفيف ولا تجيك حبة غبار منها، ،،

وسلامتك.

[خالد32]

مثل ما قالوا الاخوان
شريط اسفنج للابواب على الجوانب و البروش تحت
الدرايش السحاب مالها حل غير التغيير سواء المنيوم او بلاستك بس تكون تفتح مثل الباب مب سحاب. او تشييك على السلكون الي حوالينهم
مراوح الدرويش (اكسبلير) ممتازة بس الشركة ماعندهم ستوك

[كبير المتداولين]

من وين اشتري شريط الاسنفج للابواب


اخوي المعماري بصراحه سالفه التغيير تكلف واجد ومابي اهد واشتغل من جديد ماعدا فيني حيل للشغل

[معماري قطري]

من وين اشتري شريط الاسنفج للابواب


اخوي المعماري بصراحه سالفه التغيير تكلف واجد ومابي اهد واشتغل من جديد ماعدا فيني حيل للشغل


الله يعينك ويعين الجميع

ما فيها هدم وبناء وشغل كبير، كل اللي بيصير فك القديم وجزء جزء يعني حتى غرفة غرفة أو قسم قسم من البيت وفي نفس الوقت تركيب الجديد ببراغي ورغوة خاصة، وجرب بس في غرفة ويمكن تضطر تستخدم غرفة ثانية فترة كم يوم وترجع للغرفة المجددة وانت مرتاح راحة تامه.

والحل الآخر تركيب نظام الألمنيوم الخارجي اللي يغطي الدريشة بالكامل من الخارج وهذا بيمنع عنك الصوت والنور والغبار والحرارة، وفيه منه كهربائي ويدوي.

[القلم الصريح]

الشترارت احسن حل

[بوNasser]

الله يعينك ويعين الجميع

ما فيها هدم وبناء وشغل كبير، كل اللي بيصير فك القديم وجزء جزء يعني حتى غرفة غرفة أو قسم قسم من البيت وفي نفس الوقت تركيب الجديد ببراغي ورغوة خاصة، وجرب بس في غرفة ويمكن تضطر تستخدم غرفة ثانية فترة كم يوم وترجع للغرفة المجددة وانت مرتاح راحة تامه.

والحل الآخر تركيب نظام الألمنيوم الخارجي اللي يغطي الدريشة بالكامل من الخارج وهذا بيمنع عنك الصوت والنور والغبار والحرارة، وفيه منه كهربائي ويدوي.


السلام عليكم ورحمة الله

انا مرة تحمست اني ابدل الالمنيوم الى يو في بي سي، ((طبعا انا ساكن في البيت يعني مب تحت الانشاء)) المهم خذت عرض اسعار من احدى الشركات بحدود ٨٠ الف و مب مشكلة السعر "لان بيتي مثل المعصرة كله درايش وقزاز"،

والترتيب انه يبدا بطابق وبعد ما يخلص يبدا بالطابق الثاني.

المشكلة قالي: بنشيل احنا الدرايش اول مرة علشان نعمل القياس ١٠٠٪، وبنردهم مكانهم، ووقت التركيب النهائي انت شيلهم على حسابك.

قلت له شيلهم انت وخذهم بلاش قال لا اذا عن طريقنا بنحسب عليك الدريشة حوالي 250 ريال، والا روح الحراج وشوف ناس يشيلونهم لك .

واختلفنا اهنية وفركشت المسألة

فاذا فيه شركات تقبل ان تشتغل مثل ما قلت انت دار دار ، وغرفة غرفة هذا شي طيب ، وبنعيد التفكير في المسألة

تحياتي لك وللجميع

[معماري قطري]

السلام عليكم ورحمة الله

انا مرة تحمست اني ابدل الالمنيوم الى يو في بي سي، ((طبعا انا ساكن في البيت يعني مب تحت الانشاء)) المهم خذت عرض اسعار من احدى الشركات بحدود ٨٠ الف و مب مشكلة السعر "لان بيتي مثل المعصرة كله درايش وقزاز"،

والترتيب انه يبدا بطابق وبعد ما يخلص يبدا بالطابق الثاني.

المشكلة قالي: بنشيل احنا الدرايش اول مرة علشان نعمل القياس ١٠٠٪، وبنردهم مكانهم، ووقت التركيب النهائي انت شيلهم على حسابك.

قلت له شيلهم انت وخذهم بلاش قال لا اذا عن طريقنا بنحسب عليك الدريشة حوالي 250 ريال، والا روح الحراج وشوف ناس يشيلونهم لك .

واختلفنا اهنية وفركشت المسألة

فاذا فيه شركات تقبل ان تشتغل مثل ما قلت انت دار دار ، وغرفة غرفة هذا شي طيب ، وبنعيد التفكير في المسألة

تحياتي لك وللجميع


شتسوي والله هذي حال شركاتنا

لكن ما عليك سو عقد وأفضل متكامل ومغطي كل شيء ومع شركة محترمة .. وعن تجربة انا أفضل شركة الإختيار الألماني وبعدها قطر يو بي في سي، وبالعكس أسهل لهم يركبون غرفة غرفة أو دور دور، بس خله مذكور في العقد صريح وتعطيهم حتى المفروض دفعاتهم على حسب كل مرحلة،،

الحل الثاني شوف حد يشرف على الشغلة ولو عندك سايق شاطر بيقدر يساعدك أو إستشاري مختص يجهز معاك العقد وسافر لك كم يوم وخلهم يسوون الشغل كامل والله يعينك على ترتيب الأغراض والعناية بالبيت وقت الشغل وبعده، ولا الشترات الألمنيوم الخارجية أفضل وفيه منها يجي طبقتين ووسطه عازل حراري.

[معماري قطري]

إخوي ركبوا له قطر يو بي في سي وشروا الألمنيوم القديم منه بس هذا كان قبل وإدارتهم زينه كانت .. الحين ما ادري شلون الوضع .. باسئله ان شاء الله شلون كان نظامهم في الشغل وشسوى؟

[Umahmad]

مثل ما قالوا اللي قبلي الحل الدائم باذن الله تركب يو بي في سي

الحمدلله لا غبار و ونور ولا حتى صوت وازعاج

[كبير المتداولين]

الشترارت احسن حل

وين احصلها الشترات اسير عليهم


والي معطيني حل للابواب الرئيسيه بعد وش حلها