اسباب صعوبه التنفس؟؟

[ريتويت]

السلام عليكم ورحمه الله وبركاته

ارجوووكم محتاجه فزعتكم يا اخواتي واخواني .. انا لاحظت اني من نص السنه الي طافت 2011 ان تنفسي صار ضعيف او اني ماعرف اتنفس عدل!! مع خمول وتعب وارهاق كامل واحيانا كثيره صداع غريب من اسفل الراس .. اجد صعوبه فالصلاه خاصه في السجود احس بالم في راسي من الاسفل واحيانا كثير ارغب انام بشده.. والشغل مقدر اركز اشعر بخمول وكسل وحاجه للنوم العميق.. شنهي الاسباب؟؟ واذا ابي اراجع وين اروح ولاي دكتوره شاطره؟؟ شكرا جزيلا للمساعده

[الأغر]

لا تخافي اختي امرك بإذن الله بسيط .. اذا عندك خردل حب .. تاخذي معلقتين كبيرتين منه وتطحنهيم .. بعدها ضعي 6 لتر ماء حار تتحمله قدمك واضيفي عليهم الخردل المطحون .. نقعي رجلك لمدة ساعتين واستمري لمدة اسبوع إن شاء الله راح تبعد عنك الخمول .. وافحصي الغدد .. ما تشوفي شر ..

[غرِيبهـ]

سلامتك سكر ماتشوفين شر

لو تسوين فحص شامل احسن

وان شاء الله ماعليج شر

[بصمة قطرية]

سوي فحص شامل
سي بي سي
و الغدة اهم شي
ان شاء الله ما عليج شر حبيبتي ،،

[روح qtr]

شيكي على مستوى السكر في الدم اهم شي بعد الاكل بساعتين شيكي وتاكدي

لان هذا الشي الي تكلمتي عنه صار معي ولا كتشفته الا بعد سنه

وان شاء الله ماتشوفين شر

[النهار]

سلامات ماتشوفين شر

اعتقد والله اعلم انها اعراض الغده الدرقيه الخامله

الدكتور العذبه في الاهلي يمدحونه وفي سوادني في نفس العياده بس ماذكر اسمه

[بصمة قطرية]

سلامات ماتشوفين شر

اعتقد والله اعلم انها اعراض الغده الدرقيه الخامله

الدكتور العذبه في الاهلي يمدحونه وفي سوادني في نفس العياده بس ماذكر اسمه

بالضبط هاذي كلها اعراض الغدة الخاملة
انا شخصياً اعاني منها
نفس هالاعراض
الافضل تحليل دم شامل
مع تحليل الغدة
و فيتامين دال

[جنون قطر]

انا كنت اعاني من صعوبه في التنفس وصداع اسفل الراس وامتد الى الم في الوجه طلع التهاب قوي في الجيوب الانفيه اكتشفه لي الدكتور غنيشن في مستشفى حمد مع اني رحت مغربي ما عرفو السبب

[بن غيث]

ما تشوفين شر

[رذاذ]

تاكدي من الابيضان ( ونسبة تناولك منهم ) الملح والسكر . = ضغط و سكر .

النوم بساعات منتظمة .

المشي .

[النهار]

بالضبط هاذي كلها اعراض الغدة الخاملة
انا شخصياً اعاني منها
نفس هالاعراض
الافضل تحليل دم شامل
مع تحليل الغدة
و فيتامين دال


صحيح مثل ما تفضتلي زوجتي تعاني من نفس المشكله عندها الغده الدرقيه الخامله
والحمد لله صحتها الان احسن تم تخفيض الجرعه من 100 الي 50 من شهر

[آنا غيــر]

انزين يمكن نقص فيتامينات ..

المهم مالج فايده تكتبين هاي اهني لان طبعا شي بديهي الواحد يروح فحص شامل لو مايدري شفيه

[ريتويت]

جزاكم الله الف خير لجميع الردود .. ويجعله في ميزان حسناتكم يارب
ان شاء الله بسوي بنصيحتكم والله المستعان

[ريتويت]

انزين يمكن نقص فيتامينات ..

المهم مالج فايده تكتبين هاي اهني لان طبعا شي بديهي الواحد يروح فحص شامل لو مايدري شفيه

شكرا اختي الكريمه على الفكره الذكيه .. الله يهدي الجميع

[ريتويت]

لا تخافي اختي امرك بإذن الله بسيط .. اذا عندك خردل حب .. تاخذي معلقتين كبيرتين منه وتطحنهيم .. بعدها ضعي 6 لتر ماء حار تتحمله قدمك واضيفي عليهم الخردل المطحون .. نقعي رجلك لمدة ساعتين واستمري لمدة اسبوع إن شاء الله راح تبعد عنك الخمول .. وافحصي الغدد .. ما تشوفي شر ..

شكرا اخي الكريم وان شاء الله راح اجربها .. انا عندي حبوب الخردل وعمري ماستعملتهم الا في الطبخ فقط ماتوقعتها ابدا انها لها فوائد طبيه... سبحان الله

[ريتويت]

سلامتك سكر ماتشوفين شر

لو تسوين فحص شامل احسن

وان شاء الله ماعليج شر

الله يسلمج الشيخه .. الشر مايجيج .. ان شاء الله بسويه فحمد

[ريتويت]

سوي فحص شامل
سي بي سي
و الغدة اهم شي
ان شاء الله ما عليج شر حبيبتي ،،

الشر مايجيج الشيخه .. ان شاء الله بشيك

[حمود قطر]

اتوقع عندج مشكلة في الجهاز التنفسي وبالتحديد ( الانف ) ، احتمال يكون عندج انحراف
في الغضروف أو الحاجز الأنفي ، ومن أعراضه ضيق في التنفس و الإرهاق في أبسط عمل ومجهود و أيضاً التعب وقلة النشاط البدني وكذلك عند السجود في الصلاة .


يرجى مراجعة الدكتور / عبدالعزيز الجفيري - استشاري الأذن والانف والحنجرة .

[مضاربه]

ماتشوفين شر يا اختي شيكي يا اختي على الجيوب الانفيه او الغده مثل ماتفضلوا الاخوان مشكله الاعراض دايما تكون متشابهه بين الامراض تحليل الدم والاشعه يبين اذا طلعت تحاليلج كلها سليمه ممكن تكون حاله نفسيه والله اعلم