ليش ميتم صرف رواتب للعاطلين عن العمل

[راجو قطر]

مرحبا مساء الخير انا مواطن وصارلي سنه قاعد فلبيت وقدمة على اماكن واجد يسون معاي مقابله وميردون علي وحاولة ارجع وظيفتي القبلبيه البترول قالولي منبيك بعد مراكظة وراهم سنتين يمكن عشان ميبون يزعلون الدكتور المصري الي تفنشة بسبته المهم الموضوع الي حاب اتكلم فيه ليش ميمشون رواتب للعاطلين عن العمل نفس السعوديه والكويت والامارات والله قهر بلد اتصدر مليارات في اعمار بلاد ثانيه وتصرف مليارات على ملاعب المفروض يمشون راتب للعاطللين عن العمل احنا مواطنين واولى من غيرنا حرام صارلي سنه ومعندي مصدر دخل الاجانب يجون من بلهدم يفلونهم فل وهو فبلاده يشتغل فمظعم ماكدونلز ولا خريج سجون ويجي بلادنا ويحصل راتب ولايحلم فيه القطري حتى الفاين والزقاير ابلاش ومننسا اخوان اللبنانين يجون قطر ويحصلون فله فللؤلؤه ويمشي وكله جمبه وكنه هو راعي البلاد:weeping:

[بصمة قطرية]

الله يعينكم ..
ان شاء الله تحصل وظيفة ..
الله يوفقك ..

[الخزرجي قطر]

الله يفرجها عليك ويوفقك ان شاءالله

[شمس]

ننتظر العام الي ينقال فيه لا بطاله في قطر
بنحتفل فيه ونجعله ذكرى سعيده

[مستجدة]

والله المفروض كل مواطن مقدم اوراقة وعلى قائمة الانتظار يصرف له راتب لحين توظيفة
هذا المعمول به في معظم دول الخليج والدول الغربية

[(بوطلال)]

كنت شغال في البترول وفنشوك والحين تبي راتب وانت قاعد فالبيت مكافئه لك!

[بصمة قطرية]

كنت شغال في البترول وفنشوك والحين تبي راتب وانت قاعد فالبيت مكافئه لك!

اخوي بوطلال
صاحب الموضوع ذكر انه مقدم على كذا مكان ..!!!

[راجو قطر]

ياخي في ناس يدشون الموصوع على عماها وفيها حقد ولايقرى الموضوع كامل

[(بوطلال)]

اخوي بوطلال
صاحب الموضوع ذكر انه مقدم على كذا مكان ..!!!

السؤال قبل لايقدم فكذا مكان ليش تفنش ؟

[(بوطلال)]

ياخي في ناس يدشون الموصوع على عماها وفيها حقد ولايقرى الموضوع كامل

احقد على وشو على قعدتك فالبيت بطالي ؟

[غرِيبهـ]

في رواتب راجع الشؤون

وعرض مشكلتك بيسون لك دراسة حالة
خاصة اذا كنت معيل
وان شاء الله تتيسر الامور لين تتوظف

الحمدلله احنا في بلد خير ونعمة

فيها كل شي متوفر بس بعض الناس مايكون عندهم اطلاع على كل الخدمات
اللي تقدمها الدولة

[الصغيره]

زين واللي طافه قطار العمل ولا لقى عمل يعني دابك ودابك وقدم ولين كبر بالسن وقعد بالبيت

وش يسوي ؟؟

[راجو قطر]

^^
وين اروح ووين مكانهم واورح عند من وكم ياخذون لين ميدرسون الحاله

[بصمة قطرية]

السؤال قبل لايقدم فكذا مكان ليش تفنش ؟

اخوي مب من حقنا نعرف اسبابه ..!!
هو طرح تساؤول ..
مب كل مشكلة تنكتب في العام و يقول والله انا تفنشت لهالسبب ..
في شغلات خاصة ..!!!

[بصمة قطرية]

في رواتب راجع الشؤون

وعرض مشكلتك بيسون لك دراسة حالة
خاصة اذا كنت معيل
وان شاء الله تتيسر الامور لين تتوظف

الحمدلله احنا في بلد خير ونعمة

فيها كل شي متوفر بس بعض الناس مايكون عندهم اطلاع على كل الخدمات
اللي تقدمها الدولة

اختي غريبة ..
من قال لج الشؤون يمشون راتب ..!!!!؟؟؟؟

[راجو قطر]

^^
الله يعينج بس انا رجال والظلعات اكثر وفلوس البترول واقصاد السياره ب2500 وغير مصاريف واجد يحيج انتي شوفه ومكانج فلبيت

[(بوطلال)]

اخوي مب من حقنا نعرف اسبابه ..!!
هو طرح تساؤول ..
مب كل مشكلة تنكتب في العام و يقول والله انا تفنشت لهالسبب ..
في شغلات خاصة ..!!!

اذا مب منحقنا نعرف السبب عيل لاينفتح الموضوع من الاساس . ملف الموظف له دور عند التقديم في جهات اخرى . الموظف القطري مايتفنش مني والطريق الا لاسباب كبيره وهالاسباب هي الي تتسبب في رفض توظيفه في اماكن اخرى

[بودحوم]

كنت شغال في البترول وفنشوك والحين تبي راتب وانت قاعد فالبيت مكافئه لك!

الله يهديك يابوطلال

من حقه على الدوله بصفته مواطن قطري

أن توفر له الدولة وظيفة أو أن تعطيه راتب ( وهذا حق من حقوقة )

نشوف توظيف الأجانب وبرواتب خيالية . والمواطن مايلقى وظيفة في بلاده .. شئ غريب

[بصمة قطرية]

اذا مب منحقنا نعرف السبب عيل لاينفتح الموضوع من الاساس . ملف الموظف له دور عند التقديم في جهات اخرى . الموظف القطري مايتفنش مني والطريق الا لاسباب كبيره وهالاسباب هي الي تتسبب في رفض توظيفه في اماكن اخرى

ايش ما كانت الاسباب ياخوي ..
مش من حقنا نحاسبه ..!!!
خلاص تفنش و اسبابه تخصه ..
اذا كل شخص تفنش بغض النظر عن السبب ..
و كل مكان يقدم له يرفضه شيسوي ..!!!


من كم سنه واحد كان ارح موضوع عنن سجين سابق ..
كل ما قدم على وظيفة يرفضونه ..
قال شسوي ..!!
كل الوظايف ترفضني ..
شسوي شالحل ..
وين اروح ..؟؟
شلون بعيش ..
شلون بندمج مع المجتمع ..
و المجتمع يعاقبني على جريمة خذت عقابي عليها ..
من سنين عمري .. !!!!!

[(بوطلال)]

ايش ما كانت الاسباب ياخوي ..
مش من حقنا نحاسبه ..!!!
خلاص تفنش و اسبابه تخصه ..
اذا كل شخص تفنش بغض النظر عن السبب ..
و كل مكان يقدم له يرفضه شيسوي ..!!!


من كم سنه واحد كان ارح موضوع عنن سجين سابق ..
كل ما قدم على وظيفة يرفضونه ..
قال شسوي ..!!
كل الوظايف ترفضني ..
شسوي شالحل ..
وين اروح ..؟؟
شلون بعيش ..
شلون بندمج مع المجتمع ..
و المجتمع يعاقبني على جريمة خذت عقابي عليها ..
من سنين عمري .. !!!!!

اذا كنتي طالبه دريول او مزارع وتقدم لج واحد ملفه يحتوي على قضية اعتداء جنسي على قاصر بتشغلينه؟

[بصمة قطرية]

اذا كنتي طالبه دريول او مزارع وتقدم لج واحد ملفه يحتوي على قضية اعتداء جنسي على قاصر بتشغلينه؟

فرق بين اني اطلب لي شي باختياري و شخصي لبيتي ..
و فرق بين مواطن يبحث عن وظيفة ..!!!!!!
حتى لو تفنش ..
في وايد غيره تفنشوا و اشتغلوا ..
ليش اترك الموضوع الاساسي و اركز على مسألة التفنيش ..!!؟
الرزاق رب العالمين ياخوي ..
يمكن ربي يسخر له ولد الحلال اللي يشغله ..

[غرِيبهـ]

^^
وين اروح ووين مكانهم واورح عند من وكم ياخذون لين ميدرسون الحاله

وزارة الشؤون الاجتماعية ما ادل مكانهم بالضبط بس احدى ابراج الدفنة

يمكن حد يدلها يوصفلك اكثر باقي التفاصيل عندهم بتعرفها


اختي غريبة ..
من قال لج الشؤون يمشون راتب ..!!!!؟؟؟؟
هلا اختي بصمة اعرف من اكثر من مصدر
هم يدرسون الحالات ويقررون على ضوءها

[بصمة قطرية]

وزارة الشؤون الاجتماعية ما ادل مكانهم بالضبط بس احدى ابراج الدفنة

يمكن حد يدلها يوصفلك اكثر باقي التفاصيل عندهم بتعرفها


هلا اختي بصمة اعرف من اكثر من مصدر
هم يدرسون الحالات ويقررون على ضوءها

ارسلت مسج عشان اتأكد ..
و راح ارد ان شاء الله بمجرد ما يردون علي ..
فروع وزاة الشؤون الاجتماعية في المنتزة ومريخ ..
انتظر الرد ..:victory:

[intesar]

مرحبا مساء الخير انا مواطن وصارلي سنه قاعد فلبيت وقدمة على اماكن واجد يسون معاي مقابله وميردون علي وحاولة ارجع وظيفتي القبلبيه البترول قالولي منبيك بعد مراكظة وراهم سنتين يمكن عشان ميبون يزعلون الدكتور المصري الي تفنشة بسبته المهم الموضوع الي حاب اتكلم فيه ليش ميمشون رواتب للعاطلين عن العمل نفس السعوديه والكويت والامارات والله قهر بلد اتصدر مليارات في اعمار بلاد ثانيه وتصرف مليارات على ملاعب المفروض يمشون راتب للعاطللين عن العمل احنا مواطنين واولى من غيرنا حرام صارلي سنه ومعندي مصدر دخل الاجانب يجون من بلهدم يفلونهم فل وهو فبلاده يشتغل فمظعم ماكدونلز ولا خريج سجون ويجي بلادنا ويحصل راتب ولايحلم فيه القطري حتى الفاين والزقاير ابلاش ومننسا اخوان اللبنانين يجون قطر ويحصلون فله فللؤلؤه ويمشي وكله جمبه وكنه هو راعي البلاد:weeping:

ما سمعت بنظام الراتب قبل العمل في الكويت..
السعودية.. لأن البطالة والفقر اللي عندهم.. كلنا نعرفه..

ياريتك تكلمت عن وضعك.. وتقول كم مكان قدمت.. وتركت عنك المقيمين ولا اللي يجيبونهم.. خلي الموضوع ينحصر بوضعك..
يمكن أهل الخير يفيدونك..

[.خالد]

من المفروض صرف اعانة بطالة للعاطلين عن العمل ، بعد تعريف مصطلح العاطلون عن العمل ، وعن طريق بند المصروفات لميزانية الاعانات للعاطلين تستطيع الدولة تحديد كم نسبة البطالة في الدولة ...

انا اؤيد هذا الاقتراح ، وارى ان تعريف العاطل عن العمل القطري هو من حصل على ما يعادل شهادة ثانوية فاعلى ولم يحصل على فرصة عمل لمدة سنتين بشرط ان يوافق على اية فرصة للعمل توفرها الدولة له تكون مناسبة لمؤهلاته .
ويجب ان تكونوالاولوية لمن شهادتة العلمية اعلى درجة ..

[بودحوم]

من المفروض صرف اعانة بطالة للعاطلين عن العمل ، بعد تعريف مصطلح العاطلون عن العمل ، وعن طريق بند المصروفات لميزانية الاعانات للعاطلين تستطيع الدولة تحديد كم نسبة البطالة في الدولة ...

انا اؤيد هذا الاقتراح ، وارى ان تعريف العاطل عن العمل القطري هو من حصل على ما يعادل شهادة ثانوية فاعلى ولم يحصل على فرصة عمل لمدة سنتين بشرط ان يوافق على اية فرصة للعمل توفرها الدولة له تكون مناسبة لمؤهلاته .
ويجب ان تكونوالاولوية لمن شهادتة العلمية اعلى درجة ..


واللي ربي ماوفقه بالشهادة الثانوية

وش يكون مصيرة ؟؟؟؟

يشتغل حرامي ؟؟؟ على شان يصرف على نفسه وأهله


ممكن تعطينا حل لمشكلته ؟

[intesar]

واللي ربي ماوفقه بالشهادة الثانوية

وش يكون مصيرة ؟؟؟؟

يشتغل حرامي ؟؟؟ على شان يصرف على نفسه وأهله


ممكن تعطينا حل لمشكلته ؟


بالعكس اللي ما عندهم شهادات.. يكونون أحق.. أتوقع يكونون أكثر ناس عايشين بطالة وبلا عمل..

أنا أشوف إذا صار لهم أكثر من سنتين بلا عمل.. يصرف لهم راتب بدل عمل حتى تنفرج..

[.خالد]

بالعكس اللي ما عندهم شهادات.. يكونون أحق.. أتوقع يكونون أكثر ناس عايشين بطالة وبلا عمل..

أنا أشوف إذا صار لهم أكثر من سنتين بلا عمل.. يصرف لهم راتب بدل عمل حتى تنفرج..
الهدف من اختياري للشهادة الثانوية واعلى هو التشجيع على مواصلة التعلم ، وبعدين اذا الانسان توكل على الله راح يوفقه ، ولا يمكن مساواة من حصل على الثانوية بمن لم يكمل تعليمة .

اذا صرفت لاصحاب الشهادة الاعدادية سوف تستغل هذه المعونه وسوف تشجع بعض الناس على عدم اكمال الدراسة وهنا تصبح المسألة متعلقة بتقدم الدولة وخلق كفاءات قطرية ..

[بصمة قطرية]

ارسلت مسج عشان اتأكد ..
و راح ارد ان شاء الله بمجرد ما يردون علي ..
فروع وزاة الشؤون الاجتماعية في المنتزة ومريخ ..
انتظر الرد ..:victory:

وصلني الرد ..
اذا كان الشخص متزوج و لا يعمل و يعيل اسرة ..
يقدم على اسرة محتاجة ..
و يصرف له مساعدة على كل شخص 900 ريال ,,
لكن اذا ما كان متزوج مش متأكدين منها ..!!
ما صادفتهم حالة لغير متزوج ..

[Rashid554]

الضمان الاجتماعي اعتقد يمشون راتب حلو ..

[بصمة قطرية]

الضمان الاجتماعي اعتقد يمشون راتب حلو ..

الضمان الاجتماعي المقصود هو ( نوع المساعده اللي تقدم )
يسمونها ضمان اجتماعي ..
و المكان ( الشؤون الاجتماعية ) ..

[LED]

الله يوفقك اخوي ويرزقك من اوسع ابوابه واتمنى ترسل لي رقمك او السي في مالك على الخاص

وربنا يرزقنا وياك الخير ان شاء الله


تحياتي وانتظر رسالتك اخوي والله يقدم اللي فيه الخير

[غرِيبهـ]

وصلني الرد ..
اذا كان الشخص متزوج و لا يعمل و يعيل اسرة ..
يقدم على اسرة محتاجة ..
و يصرف له مساعدة على كل شخص 900 ريال ,,
لكن اذا ما كان متزوج مش متأكدين منها ..!!
ما صادفتهم حالة لغير متزوج ..

يعطيك العافية وجزاك الله خير

[نسناس]

الله يفرجها علينا وكل مسلم ويكون في عون من يعين على الخير

[Al-Kuwari]

الشيخ طرش لي السي في عالخاص وبشوف اذا قدرت اساعدك ان شاء الله

[فلتة زمانها]

اخوي العزيز حاول تستغل وقتك حاليا في تطوير نفسك ومهاراتك
خذ كورسات لغه انجليزيه وفن التعامل مع الجمهور وقدم وتابع في
اكثر من مكان وادعي دايما في الثلث الاخير من الليل وتصدق ولو بشي
بسيط وان شاءالله رب العالمين يفتحلك ابواب الرزق ^^

[قانوني متميز]

السؤال قبل لايقدم فكذا مكان ليش تفنش ؟

يمكن تفنش وحطوا مكانه مصري ولا زلم ولا هولندي
وبعدين كلن له ظروفه

[جبران خليل]

ما سمعت بنظام الراتب قبل العمل في الكويت..
السعودية.. لأن البطالة والفقر اللي عندهم.. كلنا نعرفه..

ياريتك تكلمت عن وضعك.. وتقول كم مكان قدمت.. وتركت عنك المقيمين ولا اللي يجيبونهم.. خلي الموضوع ينحصر بوضعك..
يمكن أهل الخير يفيدونك..

السعودية الفقراء يمشي لهم ضمان اجتماعي حسب ما اعرف .. الشخص ياخذ تقريبا 900 ريال يعني لو شخص عنده زوجه وخمس اطفال ياخذ على كل شخص 900 ريال

البطالة يعطون الفين ريال ..و80 بالمية من اللي ياخذون اعانة البطالة نساء ..لان اغلب النساء بالسعودية ما يبون شغل لان فرصهم محدودة بالتدريس فقط ..اما المجالات الثانية مثل الطب والصيدلة وغيرها فيها اختلاط فاغلب الاسر السعودية ضد عمل بناتهم فيها ..فيستغلون الفرصة ياخذون اعانة البطالة بدل من لاشي ..اعرف واحد يقولي عنده اربع بنات متخرجين من الجامعة وجالسين بالبيت ولا يبون يشتغلون يقول سجلوا بحافز ويجيهم راتب شهري احسن من لاشي

اغلب دول العالم يعطون راتب بطالة ماهو حصر بالكويت او السعودية او اوروبا