بخصوص السيتي سنتر اليوم الجمعه (مغلق اليوم)

[أبورودي]

لسيتي مغلق تماما اما الزوار اليوم
الاهل توهم راجعين الساعه 10 صباحا
يبدوا انا هناك عمليات صيانه او مشابه

[حسن]

بل عجل الاند مارك بنفجر من الناس
الظاهر حريق فيلاجو والضحايا الاجانب كشف الفوضي

[بوسلمان 2010]

الله المستعان. من فترة وهم يسون صيانة.

[مرتبش]

خلهم يشوفون مخارج الطوارئ اللي تحولت لمداخل للفنادق الخمسة ويشوفون المرشات شغالة والا ديكور

بس للامانة اكثر من مرة شفت موظفين الصيانة عندهم يجربون ويشيكون هوزات المطافي المنتشرة في المجمع ومن زمان وليس وليد حادث فيلاجيو

اهم شي هو اخلاء المكان بسرعة والباقي يهون

[شيزكيك]

بو عيل اللاند اليوم ما ينبغى من كم اسبوع واللاندزحمه حتى في الايام العادية

[راشد محمد]

اللي يحصل موقف في اللاند محظووووووووووووووووظ

[أبورودي]

اللي يحصل موقف في اللاند محظووووووووووووووووظ

الاكثر حظا اللى يعرف يمر من امام اللاند مارك بيكون مولود والداخل مفقود

[ريتويت]

الصراحه الاند ماعندي تعليق

[البحار00]

أنا ساكن عند اللاندمارك والله تاذيت من السيارات والزحمه

شكلي باطلب لي دفتر مخالفات الليله من المرور

[للصبر اخر]

وصلني عبر تويتر من وزارة الداخليه

في اطار التعاون بين الدفاع المدني والمنشات التجاريه تم صباح اليوم اغلاق احد
المراكز التجاريه لحين استيفائه لمتطلبات السلامه

[لاجل QT]

وصلني عبر تويتر من وزارة الداخليه

في اطار التعاون بين الدفاع المدني والمنشات التجاريه تم صباح اليوم اغلاق احد
المراكز التجاريه لحين استيفائه لمتطلبات السلامه


انا بعد جانى برود كاست لمخالفتة شروط الامن والسلامة

اذا على شان كذا اعتبرها خطوة ممتازة للحافظ على سلامة رواد الستى

[المجروح81]

بل ماعندنا جدول ولا مكان نروح له في الويك ايند

[للصبر اخر]

مالنا الا بيت يدتي

[بومحمد55]

شسالفه ياناس يعني اذا مارحتو المجمع اليوم بتقوم القيامه ولا بيصير شي في الدنيا

[الجسراوي]

هههههههههههههههههههههههههههههههه

امس شريت تذاكر دخول العيال للسينما فلم اطفال الليله الساعه 7

شكلي برجعهم

[دااانة قطر]

وصلني عبر تويتر من وزارة الداخليه

في اطار التعاون بين الدفاع المدني والمنشات التجاريه تم صباح اليوم اغلاق احد
المراكز التجاريه لحين استيفائه لمتطلبات السلامه

خطوة طيبه منهم
والله يقويهم ويبارك في جهودهم

[Amigo]

الحمدلله خطوه اكثر من ممتازه بس متأخره
عتبي الوحيد ان ليش نطرو تصير مشكله
مثل حريق فلاجيو عشان يتم التعديل
ليش دوم ننطر تصير مصايب عشان نلقى الحل
ليش مايتم تفادي المشكله من البدايه ؟؟؟؟؟؟

[@الأدعم@]

الظاهر قروا موضوعنا عن مواقف الستي سنتر ههههههههههه

[Crown]

والله حرام الي يصير فشباب قطر

وين اروح مافي اماكن سنعه الواحد يقدر يروحلها

كتارا حر ولزق

الله يعين بس

[intesar]

نعم مسكر لأن ما عنده مخارج.. ولم يستوفي متطلبات السلامة..

[هام السحاب]

الي بيروح لاند مارك بيصف سيارته في ام صلال محمد

[intesar]

الله يعيننا.. المول..

[Locale]

راح يفتحونه خلال يومين
مكتوب في ورقة عند مدخل الستي

معقولة راح يكون مطابق لشروط السلامه خلال ٤٨ ساعه!!؟

[jajassim]

مغلق لمدة 48 ساعة فقط

[روح الاطلس]

عندكم لاغونا مول :)

[بوعلي2]

بوت مشكل

[Qatarina]

جزاهم الله خير

[PIX]

http://www.qatarshares.com/vb/attachment.php?attachmentid=80523&stc=1&d=1339761611

[قطريه ماركه]

الوعد اليوم في سناء ( العاب الدوحه )

و نابينا ( مركز العالم الجديد )

و الله المستعااااااان *__*

[مساهم فنان]

مغلق لمدة 48 ساعة فقط
أنقل لكم ما كتبه حمد مجيغير البارحة على حسابه في تويتر :

انباء عن إغلاق مجمع الستي سنتر لمدة ثلاث شهور ابتداءاً من الغد لمخالفته شروط الأمن و السلامة.
#حريق_فيلاجيو

اتمنى الخبر صحيح، بكرة بنتأكد

[الشيخة شيوخة]

الستى سنتر خطر والى زاد بله تخريب المواقف وتضييقها وتضييق المبنى بفتح محلات وكوشكات اضافيه

[زهرة بنفسجية]

خطوة طيبه
لكن.....
صار اغم يوم عندي يوم الاجازة
مافي اماكن ترفيه كافيه
و الزحمه في كل مكان
تخلي المشوار غم
و بعد سكروا السيتي يوم الجمعه
وين منروح
!!!!
مالقوا غير الويكند
الله المستعان علئ ملل الصيف

[@الأدعم@]

مالكم الا دبي

[┋أَجِوَدًيّ┋]

تم إغلاق أحد المراكز التجارية لحين استيفائه


لمتطلبات البحث عن واسطة قوية !!

[@الأدعم@]

وان شاء الله يلغون الاسعار على المواقف ويرحمونا من الطمع اللي قاعدين نشوفه من التجار

[N2323]

السلامه اولا

شكرًا سيدي ولي العهد اضرب بيد من حديد

قرار صائب ١٠٠ً في ١٠٠

[قناص قطر]

السلام عليكم

فعلا قرار ممتاز إغلاقه للسلامه

[jajassim]

أنقل لكم ما كتبه حمد مجيغير البارحة على حسابه في تويتر :

انباء عن إغلاق مجمع الستي سنتر لمدة ثلاث شهور ابتداءاً من الغد لمخالفته شروط الأمن و السلامة.
#حريق_فيلاجيو

اتمنى الخبر صحيح، بكرة بنتأكد

http://www7.0zz0.com/2012/06/15/12/204297771.png (http://www.0zz0.com)

[solyamalenki]

قرار صائب مع انه متاخر وايد

[Dana’1]

عادي ما فقدتة بصراحة..لاني ما عذبت الروحات له!
ولكن قطر فيها غير هالمجمع الامكان كثير

الحياة بلازا ،،المول،،اللاند،،لاجونا،،السلام بعد التوسعة صاير رايق مع المقهى الي فية
سوق واقف،،،كتارا،،اللؤلؤة،،غير الفنادق ومطاعمها

ووسناء:)

[الحاقول]

بالصراحه السيتي سنتر اصبح يخوف بعد تحويل المواقف والممرات الى محلات تجاريه

نعم نحن بحاجه بعد حريق فيلاجيو الى وقفه في اجراءات السلامه مع هذا المجمع

الذي اصبح همه الاول والاخير افتتاح المحلات التجاريه على حساب راحة الناس

[لاجل QT]

اللند مارك الزحمة واصلة لين البنك التجاري:(

متى بيفتحون الستى عاد:weeping:


وياريت يغلون نظام البركينات داخل المبنى ويخلونها مفتوحة نفس اللند وفيلاجو امان اكثر ..وسهل حق الشردة:shy: بعيد الشر صار شي

[مرتبش]

http://www.qatarshares.com/vb/attachment.php?attachmentid=80523&stc=1&d=1339761611




http://www7.0zz0.com/2012/06/15/12/204297771.png (http://www.0zz0.com)


كالعادة
الحكومة تقول شي (مغلق لحين استيفاء الشروط)
والمحل يقول شي ثاني (معاينة يومين وفاتحين)

الداخلية ماتقدر تطبع ورقة a4 ويلزقونها في ابواب المجمع ؟ علشان نكون على بينة ونعرف اللي لنا واللي علينا. شلون المجمع يميع الموضوع ويقول انا معاينة ...

[ولي العهد]

اللند مارك الزحمة واصلة لين البنك التجاري:(

متى بيفتحون الستى عاد:weeping:


وياريت يغلون نظام البركينات داخل المبنى ويخلونها مفتوحة نفس اللند وفيلاجو امان اكثر ..وسهل حق الشردة:shy: بعيد الشر صار شي


اللند مارك = اللاند مارك
يغلون = يلغون

[ولي العهد]

قرار صائب ويجب الضرب بيد من حديد لاي مخالفات او تقصير

[خــطــافــ]

يعني إدارة الستي ماتعرف تطرش مسجات لعملائها والا ورقة حجم إيه فور في لوحة إعلانات ضخمة تعكس مدى احترافية إدارة المجمع ...!!!

[خزامئ]

حمدلله اهم شي النتيجه
انهم تحركو وبدو يتصرفون صح

[.خالد]

الله يكون في عون التجار واصحاب المحلات ، هم اللي كلوها بدون ذنب ...

[الجسراوي]

الله يكون في عون التجار واصحاب المحلات ، هم اللي كلوها بدون ذنب ...

الله لا يعينهم

جعلهم اردى من جذيه

سارقين فرحه الزيادات حسبي الله عليهم

[النهار]

اش زين سوق واقف اليوم تمشيت فيه كنت ناوي اقعد مده طويل مع ولدي الصغير نصف والا انا شارد من الحر قلت ابرك ارجع البيت

[لاجل QT]

اللند مارك = اللاند مارك
يغلون = يلغون

باتدرب على كتابتها اللاند:shy:
يمة منكم ماطوفون شي:shy:

المراد:(

نطالب بفتح الستى سنتر باقصى سرعة:(

اليوم الصبح كنت في اللاند:victory:

زحمة بطريقة فظيعة ماقدرت اشتري من مانغو من الطابور واصل لين الباب اول مرة تصير:(حتى رجعت اللى اخترتة

غير الحرورة في اللاند:victory: اللى سببتها الزحمة

ماشالله اشفطو هوا المكيف:(

[fhd4]

افتحوه اليوم ولا للحين ؟

[خــالــد]

زين يسون ويليت ينزل قرار حتى لشركات المقاولات الي تبني بيوت اهل قطر انها تلتزم با انشاء مرافق الامن والسلامة لنة بيوتنا الله الحافظ والله لا يصير شي مصيبة

[موووج قطر]

نفس السوال هل الستي سنتر مفتوووح اليوم ؟

[مرتبش]

ماخلصو المعاينة اللي يقولون عنها ادارة المجمع؟

[المشتاقه الى الجنه]

لا السيني سنتر مغلق اليوم

[غير عنهم]

الف شكر للمسؤولين وذ يدل يدل على لا احد فوق القانون وبذات مايمس الارواح من خطر

[MAZEN37]

الاكثر حظا اللى يعرف يمر من امام اللاند مارك بيكون مولود والداخل مفقود
والاكثر حظا الي يمر من هناك بدون مخالفة حزام

[┋أَجِوَدًيّ┋]

48 ساعة لإصلاحات معدات السلامة ومخارج الطوارئ

ليش هو سلق بيض !!

الستي سنتر يبيله هدم وإعادة بناء وما ينفع معاه الترقيع

مادري ما يشفوفون مجمعات دبي * مثل دبي مول

[A l i]

غلطه المالك يتحملونها المستأجرين من راح يعوض خسارتهم ؟

[شميرام]

في كارفور يديده فتحوها في بوهامور بس صغيره

[بوخالد911]

أكد مدير إدارة المشاريع بشركات الشيخ فيصل بن قاسم آل ثاني لـ"بوابة الشرق" أنه سيتم افتتاح مجمع "سيتي سنتر" السبت المقبل، موضحاً أن الإدارة أنجزت كل الأمور التي طلبتها الجهات المعنية منها .

وأوضح أن إدارة الدفاع المدني أعطتهم مهلة 3 شهور على أن تنفذ هذه المتطلبات خلال هذه المدة ، ولكن الشركة التي تدير المبنى سرعت وتيرة العمل لينجز في أسبوع ، نظرا للالتزام بالجدول الزمني الموضوع لتنفيذ كل متطلبات السلامة والملاحظات التي وجهتها لهم إدارة المرور بخصوص وضع المواقف وفتح منافذ إضافية ، ومخارج للطوارىء ، مشيرا إلى انه تم الانتهاء من فتح المخارج ، كما تم إنجاز ملاحظات ومتطلبات وزارة البلدية لضمان عدم إعاقة الحركة داخل المجمع ، وجاري العمل لتطبيق بقية الأنظمة والإجراءات


http://www.al-sharq.com/ArticleDetails.aspx?AID=39008&CatID=64&title=

http://www.al-sharq.com/

"بوابة الشرق" تنفرد بنشر موعد افتتاح مجمع "سيتي سنتر"

[بيانو]

خلاص طلعات ودخول المجمعات صار شىء يضيق القلب منه فى كل شىء

من أول الباركن وتدور وتلف عشان تحصل مكان للسياره فى اخر الدنيا وممكن هوشه بعد حق المكان لكثرة الطلب عليه ولكثره المنتظرين .

إلى داخل المجمع من زحمة الناس والغختلاط فى الاخلاق من اللى عنده واللى ماعندوش

إلى المناظر المقذذه للعين

إلى ارتفاع الاسعار

افضل شىء البعد عن كل هذا والذهاب فى العطله الاسبوعيه إلى الاماكن المفتوحه البر والبحر تهدي اعصابك

[بوعلي2]

في كارفور يديده فتحوها في بوهامور بس صغيره

عجيب المبنى مالهم امس رحت لهم اشوفه بس مادخلته ان شاء الله بامر عليهم بكره

[بوعلي2]

لا السيني سنتر مغلق اليوم

ذكرتيني بامي الله يحفظها ماتقول الدوحه ستي تقول الدوحه سنتي هههه

[طلعة الروح]

أكد مدير إدارة المشاريع بشركات الشيخ فيصل بن قاسم آل ثاني لـ"بوابة الشرق" أنه سيتم افتتاح مجمع "سيتي سنتر" السبت المقبل، موضحاً أن الإدارة أنجزت كل الأمور التي طلبتها الجهات المعنية منها .

وأوضح أن إدارة الدفاع المدني أعطتهم مهلة 3 شهور على أن تنفذ هذه المتطلبات خلال هذه المدة ، ولكن الشركة التي تدير المبنى سرعت وتيرة العمل لينجز في أسبوع ، نظرا للالتزام بالجدول الزمني الموضوع لتنفيذ كل متطلبات السلامة والملاحظات التي وجهتها لهم إدارة المرور بخصوص وضع المواقف وفتح منافذ إضافية ، ومخارج للطوارىء ، مشيرا إلى انه تم الانتهاء من فتح المخارج ، كما تم إنجاز ملاحظات ومتطلبات وزارة البلدية لضمان عدم إعاقة الحركة داخل المجمع ، وجاري العمل لتطبيق بقية الأنظمة والإجراءات


http://www.al-sharq.com/articledetails.aspx?aid=39008&catid=64&title=

http://www.al-sharq.com/

"بوابة الشرق" تنفرد بنشر موعد افتتاح مجمع "سيتي سنتر"

الله يعلم متى الحقوا يفتحون منافذ اضافية ف المواقف وهل خلصوا التكسيرات اللي كانت موجوده ف المواقف ، عموما اللي بيروح عقب الافتتاح يعطينا تقرير ويصور لنا مخارج الطوارئ واماكن تواجدها..

[bu 3li]

مع اني ماظن بيكنسلون المحلات اللي جزوها تحت وضيقوا علينا وسكروا المواقف عشانها ..
بس ان شاء الله بنشوف شسووا اول مايفتح المجمع وعلى الله يكون اوسع من قبل
لانه حتى داخل الستي نفسه صار المكان مثل ( السوق الشعبي ) كباين في كل مكان والممرات ضيقه
قبل المكان شرح الواحد يمشي ولا يزاحم الناس ولا يتداعم مع حد الحين مشكله نمشي ونوقف ونحاسب من الزحمه وضيق الممرات

[بيانو]

ذكرتيني بامي الله يحفظها ماتقول الدوحه ستي تقول الدوحه سنتي هههه

الله يحفظها

[لاجل QT]

خلاص طلعات ودخول المجمعات صار شىء يضيق القلب منه فى كل شىء

من أول الباركن وتدور وتلف عشان تحصل مكان للسياره فى اخر الدنيا وممكن هوشه بعد حق المكان لكثرة الطلب عليه ولكثره المنتظرين .

إلى داخل المجمع من زحمة الناس والغختلاط فى الاخلاق من اللى عنده واللى ماعندوش

إلى المناظر المقذذه للعين

إلى ارتفاع الاسعار

افضل شىء البعد عن كل هذا والذهاب فى العطله الاسبوعيه إلى الاماكن المفتوحه البر والبحر تهدي اعصابك

تقصد المقززة:)

[khalid969]

لسيتي مغلق تماما اما الزوار اليوم
الاهل توهم راجعين الساعه 10 صباحا
يبدوا انا هناك عمليات صيانه او مشابه

قال مسؤول كبير بالسيتى سنتر إنهم أجروا العديد من التجارب والاختبارات الناجحة والفحص الكامل لأجهزة السلامة بالمركز بمشاركة مؤسسات الدولة المختصة للتأكد من مطابقتها لاشتراطات السلامة المحلية والدولية.

وقال السيد كامل العجلة مدير إدارة المشاريع بالفيصل القابضة إحدى شركات أعمال التى يتبع لها " السيتى سنتر " أجرينا فحوصات كاملة أمس لمعدات الانذار المبكر وأجهزة الاطفاء وكواشف الدخان ومراوح الشفط استمرت لنحو خمس ساعات متصلة كللت بالنجاح.

واضاف العجلة فى تصريحات لـ الشرق انه تم فتح خمسة منافذ للسلامة فى الطابق الارضى لضمان الخروج الآمن للسيارات مشيرا إلى ان اكثر من 500 عامل وفنى يعملون على مدار الساعة لاستكمال متطلبات الدفاع المدنى والبلدية والمرور متوقعا استكمال كافة التجارب يومى الاثنين او الثلاثاء القادمين توطئة لافتتاح المركز.

وبين ان التوقف الذى استمر لنحو عشرة ايام سبب خسائر لنحو 400 محل تجارى بالمركز، مشددا على ان ادارة المجمع تحرص كثيرا على تلبية كافة متطلبات السلامة المتفق عليها.

وكان من المقرر أن يتم إعادة افتتاح السيتي سنتر أمس السبت إلى أنه تم تأجيل الافتتاح لحين التأكد من إتمام استيفاء متطلبات السلامة وتجربتها.

متعجل يا العجلة .. هذا همك خسائر وارواح الناس عندك !!!

هذا مدير مشاريع ..مواقف قلبها محلات

[مرتبش]

حركة اغلاق الستي سنتر اثبتت ان الحكومة تقدر تسوي اللي تبيه وقت ماتبي
المهم
ياريت يلتفتون الى مابعد المجمعات من ناحية السلامة
وينظرون في شكاوي الناس المستمرة للعديد من الجهات الخدمية الاخرى من صحة وتعليم وطرق الخ

تقدرون يالحكومة والله معاكم

[سداوي&مدريدي]

متى بيفتح ؟

[diab911]

[QUOTE=khalid969;8293441]قال مسؤول كبير بالسيتى سنتر إنهم أجروا العديد من التجارب والاختبارات الناجحة والفحص الكامل لأجهزة السلامة بالمركز بمشاركة مؤسسات الدولة المختصة للتأكد من مطابقتها لاشتراطات السلامة المحلية والدولية.

وقال السيد كامل العجلة مدير إدارة المشاريع بالفيصل القابضة إحدى شركات أعمال التى يتبع لها " السيتى سنتر " أجرينا فحوصات كاملة أمس لمعدات الانذار المبكر وأجهزة الاطفاء وكواشف الدخان ومراوح الشفط استمرت لنحو خمس ساعات متصلة كللت بالنجاح.

واضاف العجلة فى تصريحات لـ الشرق انه تم فتح خمسة منافذ للسلامة فى الطابق الارضى لضمان الخروج الآمن للسيارات مشيرا إلى ان اكثر من 500 عامل وفنى يعملون على مدار الساعة لاستكمال متطلبات الدفاع المدنى والبلدية والمرور متوقعا استكمال كافة التجارب يومى الاثنين او الثلاثاء القادمين توطئة لافتتاح المركز.

وبين ان التوقف الذى استمر لنحو عشرة ايام سبب خسائر لنحو 400 محل تجارى بالمركز، مشددا على ان ادارة المجمع تحرص كثيرا على تلبية كافة متطلبات السلامة المتفق عليها.

وكان من المقرر أن يتم إعادة افتتاح السيتي سنتر أمس السبت إلى أنه تم تأجيل الافتتاح لحين التأكد من إتمام استيفاء متطلبات السلامة وتجربتها.

متعجل يا العجلة .. هذا همك خسائر وارواح الناس عندك !!!

هذا مدير مشاريع ..مواقف قلبها محلات[/QUOTE

المدير ما يقدر يقلب المواقف لمحلات الا بموافقه راعي الحلال]

[OM_OMAR_QATAR]

احسن يجربون ويتاكدون من سلامة المنظومة كاملة والاجراءات
ارواح الناس مو لعبة

[بوطويشم]

متى بيفتح ؟

يقولون و الله اعلم

انهم مددو الأغلاق تقريباً 19 يوم

[@الأدعم@]

مكان السينما تخوف بااخر دور والله لو يصير حريق لاسمح الله ماتدري وين تروح اسوأ مول بقطر حجمه كبير ومافيه الا مخرجين والمواقف الله لايوريكم ظلما وكتمه ويالله تلقى موقف بالموت وفوق هذا بفلوس الطمع عمت عيونهم ماعاد يهمهم ارواح الناس

الله يكفينا شر الطمع ويحفظ المسلمين

[@الأدعم@]

اتمنى يقفلونه سنه مخالفه > قهر

[دوحة الجميع]

انا واحد اكره السيتي سنتر من طريقة تخطيط المحلات اللي تلاقي المحل الواحد فيهم في زاوية والثاني في داعوس والثالث في ممر ضيق والرابع مايدري هو وين مكانه وكأنك في شبرة السمك

[غزلان]

المجمع بكبره احسه سايح على بعضه يخوف من كثر الممرات الي فيه

[khalid969]

المجمع بكبره احسه سايح على بعضه يخوف من كثر الممرات الي فيه

اذا فلاجيو ارضي وميزانين وحصل ما حصل فما بالج على مجمع يعتبر الاول في الانشاء ( المجمعات التجارية ) وعدة طوابق.

[Rashid554]

والله هالناس ماتدري شيبون

ان ما سكروه وسكتو
قالو الامن والسلامة وحريق فيلاجيو ومادري شنو وليش ما يعيدونه وليش وليش

وان سكروه عشان الامن والسلامة
قالو وين نروح المجمعات كلها مسكره ومن هالكلام وكأن مافيه مولات في قطر غير الستي

[طلعة الروح]

والله هالناس ماتدري شيبون

ان ما سكروه وسكتو
قالو الامن والسلامة وحريق فيلاجيو ومادري شنو وليش ما يعيدونه وليش وليش

وان سكروه عشان الامن والسلامة
قالو وين نروح المجمعات كلها مسكره ومن هالكلام وكأن مافيه مولات في قطر غير الستي

حسستني انك عايش في امريكا!!!

[الكونتيسه غلا]

احسن :nice: ،، المفروض يمنعون اللي صاير في المواقف ،، ضيق على الناس عشان الفلوس
ماحب الستي ،،

:weeping: متى بيفتحون فيلاجيو
الحمدلله لاجونا ،، اللؤلؤء ،، وفي مجمع جديد عند السلام :nice:
افضل من الستي :)

[ماريسا]

let them take their time

[PGR]

let them take their time

:nice:

[Mohammed2]

المجمعات اللي مفتوحة الان

اللاند مارك - المول - رويال بلازا - لاجونا - ذا جيت - حياة بلازا

المجمعات اللي تحت الانشاء

الغرافه مول - مول الخليج - الخور مول - ازدان مول - مول الدوحة - طوار مول - دوحة فيستيفال

[@الأدعم@]

احسن :nice: ،، المفروض يمنعون اللي صاير في المواقف ،، ضيق على الناس عشان الفلوس
ماحب الستي ،،

:weeping: متى بيفتحون فيلاجيو
الحمدلله لاجونا ،، اللؤلؤء ،، وفي مجمع جديد عند السلام :nice:
افضل من الستي :)



فيلاجيو بيفتح الاسبوع الجاي والخبر اكيد بس بيسكرون جزء المحلات اللي احترقت :nice:

[الكونتيسه غلا]

ان شاء الله :yes:

[Rashid554]

حسستني انك عايش في امريكا!!!

لا والله احلى من امريكا
احبهاا في حرها وفي بردها وان شاء الله مافيها ولا مجمع
اخر همي المجمعات والهياته بين هالمولات :nice:

[الإكسير]

الستي مفتوح ؟؟

[قطرية مثقفة]

انا واحد اكره السيتي سنتر من طريقة تخطيط المحلات اللي تلاقي المحل الواحد فيهم في زاوية والثاني في داعوس والثالث في ممر ضيق والرابع مايدري هو وين مكانه وكأنك في شبرة السمك

نفس رأيي :nice: :nice:

[بوعلي2]

:telephone:

[لاجل QT]

بصراحة زحمة لاتطاق في اللند بعد ماسكرو الستى وماواقف مافي وحر وزحمة ..انشالله في اسرع وقت يفتح الستى والتنزيلات بعد زايدة الزحمة :(

[مستثمر_]

سبب اغلاق الستي وفيلاجيو زحمه في المطاعم والجمعيات والسينما ولا تحصل مواقف

اتمني يفتحون المجمعات اللي مقابل فيلاجيو في اقرب وقت

[عوآآآآشـي]

تخيلوا يتسكر اللاند والستي لمتى بيتسكر؟

[أخت التفاؤل]

يازيينه حياة بلازا =)
يوم سوو تفتيش حصلو فيه كل إجراءات السلامه سليمة

أحس المالك ربي مباركله
مايحط إلا قرآن

بس مشكلته قلة المحلات

[QtrGate]

يازيينه حياة بلازا =)
يوم سوو تفتيش حصلو فيه كل إجراءات السلامه سليمة

أحس المالك ربي مباركله
مايحط إلا قرآن

بس مشكلته قلة المحلات

:nice:
حياة بلازا المتنفس الوحيد للعائلات والي بعيد عن ازعاج الشباب والبنات