اظافة دور ثاني شعبي نظام 24

[بوهلال]

عندي بيت شعبي نظام 24 بغيت اضيف دور ثاني شلون طريقه وكم تكلفه تغريبن لعنده خبره انورنا الله يجزاه خير

[النهار]

ياخوي يعتمد على الاساسات هل تتحمل ولا لا تبغيه مسلح ولا شينكو
واحد من الربع بغى يسوي دور ثاني شيكوا على الاساسات عنده قالوا له حتى الجينكو ماينفع لان المقاول غش في الاساسات والبيت مبني من 4 سنوات الله يعينك بالنسبه للتكلفه تختلف من شركه الي شركه

[بوهلال]

ياخوي يعتمد على الاساسات هل تتحمل ولا لا تبغيه مسلح ولا شينكو
واحد من الربع بغى يسوي دور ثاني شيكوا على الاساسات عنده قالوا له حتى الجينكو ماينفع لان المقاول غش في الاساسات والبيت مبني من 4 سنوات الله يعينك بالنسبه للتكلفه تختلف من شركه الي شركه

الله يجزاك خير بكره ان شاء الله بجون يخذون عينه من الاساسات والله كريم بس ممكن كم التكلفه في حالة اضافة دور ثاني

[مرحوم قطر]

هلا اخوي بو هلال

يختلف السعر بحسب الي تبيه

يعني تبي كيربي ولا صب

علعموم اخوي شيك على الخاص

[بوهلال]

هلا اخوي بو هلال

يختلف السعر بحسب الي تبيه

يعني تبي كيربي ولا صب

علعموم اخوي شيك على الخاص

لا شيخ صب

[jassimqtr]

شيك على الخاص وانشاء الله احل لك المشكله لاني متخصص في بناء الاضافات الدور الثاني ومعالجة المشاكل

[معماري قطري]

عندي بيت شعبي نظام 24 بغيت اضيف دور ثاني شلون طريقه وكم تكلفه تغريبن لعنده خبره انورنا الله يجزاه خير


إخوي ركز يكون بنيانك جاهز مب صب في الموقع أسهل وأنظف وأسرع .. عندك الأسقف الخرسانة المجوفة والأعمدة حتى يجيبونها جاهزة وتتركب تركيب وتنشبك مع الموجود .. طبعاً بعد الفحوصات والتصميم المتكامل، ونصيحة خل الدور الجديد غير بالكامل عن اللي تحت قد ما تقدر، وعلشان تخفيف الوزن تقدر تستخدم الطابوق الأبيض الخفيف، وللقواطع والحوايط الداخلية تقدر تستخدم سُمك 10 سم كفاية، والخارجي حتى 30 سم بيكون أحسن يعطيك عزل بس انتبه لطريقة تركيبه لأن يستخدمون مونه خاصة مثل القار الأسود مب اسمنت عادي، وفيه منه نوع يجي قطع كبيرة يعني حتى الحوايط تكون عندك تركيب، ولو حبوا يخلصون لك الإنشاءات في شهر يقدرون ويبقى عندك التمديدات الكهربائية والماي والتشطيبات النهائية.

[بوهلال]

إخوي ركز يكون بنيانك جاهز مب صب في الموقع أسهل وأنظف وأسرع .. عندك الأسقف الخرسانة المجوفة والأعمدة حتى يجيبونها جاهزة وتتركب تركيب وتنشبك مع الموجود .. طبعاً بعد الفحوصات والتصميم المتكامل، ونصيحة خل الدور الجديد غير بالكامل عن اللي تحت قد ما تقدر، وعلشان تخفيف الوزن تقدر تستخدم الطابوق الأبيض الخفيف، وللقواطع والحوايط الداخلية تقدر تستخدم سُمك 10 سم كفاية، والخارجي حتى 30 سم بيكون أحسن يعطيك عزل بس انتبه لطريقة تركيبه لأن يستخدمون مونه خاصة مثل القار الأسود مب اسمنت عادي، وفيه منه نوع يجي قطع كبيرة يعني حتى الحوايط تكون عندك تركيب، ولو حبوا يخلصون لك الإنشاءات في شهر يقدرون ويبقى عندك التمديدات الكهربائية والماي والتشطيبات النهائية.
بيض الله وجهك وحرمه عن النار

[معماري قطري]

بيض الله وجهك وحرمه عن النار


آمين ومن قال إن شاء الله ووالدينا ووالديك وجميع المسلمين

[ضوى]

انا ضفت
طايق ثاني لنموذج بيت شعبي 19 ، مع بنت هاوس كلفني 730 الف ريال

[بوهلال]

انا ضفت
طايق ثاني لنموذج بيت شعبي 19 ، مع بنت هاوس كلفني 730 الف ريال

جعله منزل مبارك بس احس المبلغ شوي مرتفع كنت اعتقد ممكن تكلفه الاجمالي بالكثير 500 الف النه مافي حفر اساسات

[ضوى]

جعله منزل مبارك بس احس المبلغ شوي مرتفع كنت اعتقد ممكن تكلفه الاجمالي بالكثير 500 الف النه مافي حفر اساسات

معاك حق ، وجاتني عروض كثيرة لشركات وايد وكانت رخيصة نوعا ما ، بس انا فضلت اخذ شركة معروفة ولا اتعب معاها عقب

[jassimqtr]

فرق السعر ليس في بناء العظم فقط وانما فرق السعر في التشطيبات لان فيه اللي يشطب برخيص وفي اللي يشطب رخام وديكورات وابواب تيك او قشرة مهقوني يعني السعر في التشطيبات اما عن بناء العظم بين ال270 وال350 والباقي احسبها في التشطيبات ونظافة الشغل والمصانعه , هذا من وجهت نظري اخواني الكرام

[بوهلال]

فرق السعر ليس في بناء العظم فقط وانما فرق السعر في التشطيبات لان فيه اللي يشطب برخيص وفي اللي يشطب رخام وديكورات وابواب تيك او قشرة مهقوني يعني السعر في التشطيبات اما عن بناء العظم بين ال270 وال350 والباقي احسبها في التشطيبات ونظافة الشغل والمصانعه , هذا من وجهت نظري اخواني الكرام

كلامك هو الصحيح

[بوهلال]

الفزعة وإخوان عطوني الحل جبت الشركه العربيه للاستشارات الهندسيه وخذ 3 عينات من أساسات البيت(الخرسانه) وطلعت النتيجة وخذته الى مكتب الاستشاري لعمل الخرائط وهني صدمني المهندس انه على حسب تقرير عينات الأساسات البيت مايستحمل دور ثاني صبيه ماقدرعطيك غير دور ثاني كيربي معنه البيت مصمم دور ثاني وعندي كتاب من الإسكان بتحمل البيت دور ثاني والله مدري البيت صارله 10سنوات مبني في شي ثاني غير الكيربي مثل القرميد أوشي ثاني

[معماري قطري]

الفزعة وإخوان عطوني الحل جبت الشركه العربيه للاستشارات الهندسيه وخذ 3 عينات من أساسات البيت(الخرسانه) وطلعت النتيجة وخذته الى مكتب الاستشاري لعمل الخرائط وهني صدمني المهندس انه على حسب تقرير عينات الأساسات البيت مايستحمل دور ثاني صبيه ماقدرعطيك غير دور ثاني كيربي معنه البيت مصمم دور ثاني وعندي كتاب من الإسكان بتحمل البيت دور ثاني والله مدري البيت صارله 10سنوات مبني في شي ثاني غير الكيربي مثل القرميد أوشي ثاني


صراحة دخلوك متاهة .. بس شلون ياخذون عينات وتطلع فاشلة؟ شوف إخذ تقريرهم كامل وإعرضه على استشاري انشائي شاطر .. انا أعرف مهندس لبناني ماجستير إنشائي وممارس في قطر له فوق 20 سنة .. أوقات بعض المكاتب خوافين وهو صمم حق واحد إعادة تصميم يعني ووفر له في الحديد والخرسانات حول 50 الف ريال ويقول ان المقاول وقعهم على أوراق انه مب مسؤول والتصميم خطر، وحتى التخطيط ساءِلوه عن التصميم وهو شرح لهم وأقنعهم.

ثرى الصعوبة مهب في التصميم القوي وايد، الصعوبة في التصميم الإقتصادي والمهندس اللي يسوي حساب كل شيء، المهندس لو تبي رقمه باطرشه لك خاص وحاول تتفاهم معاه وهو يحب التحدي في هالأُمور مع انه مشغول وايد وشغله الحين كله في مشاريع كبيرة وأبراج وأغلب وقته برا قطر يشرف على مشاريع الديار وبروه.

[بوهلال]

صراحة دخلوك متاهة .. بس شلون ياخذون عينات وتطلع فاشلة؟ شوف إخذ تقريرهم كامل وإعرضه على استشاري انشائي شاطر .. انا أعرف مهندس لبناني ماجستير إنشائي وممارس في قطر له فوق 20 سنة .. أوقات بعض المكاتب خوافين وهو صمم حق واحد إعادة تصميم يعني ووفر له في الحديد والخرسانات حول 50 الف ريال ويقول ان المقاول وقعهم على أوراق انه مب مسؤول والتصميم خطر، وحتى التخطيط ساءِلوه عن التصميم وهو شرح لهم وأقنعهم.

ثرى الصعوبة مهب في التصميم القوي وايد، الصعوبة في التصميم الإقتصادي والمهندس اللي يسوي حساب كل شيء، المهندس لو تبي رقمه باطرشه لك خاص وحاول تتفاهم معاه وهو يحب التحدي في هالأُمور مع انه مشغول وايد وشغله الحين كله في مشاريع كبيرة وأبراج وأغلب وقته برا قطر يشرف على مشاريع الديار وبروه.

الله يجزاك خير اذا راعي مشاريع كبار حق بروه ماظن يعطيني وجه

[معماري قطري]

بعدين اخوي فيه عندك خرسانة السقف المجوفة وهذي نص وزن الخرسانة العادية وسمكها كثير قليل حول 20 سم يعني بعد تطلع لك أقل من الخرسانات السميكة اللي يسوونها مكاتب قطر وتكون 30 أوقات أو أكثر، وحتى الأعمدة فيه بيت ينبني جديد أشوفه مركبين أعمدة خرسانة جاهزة والأعمدة بتكون مركبة على الأعمدة، وعندك الصابوق الخفيف السيبوريكس وهذا وزنه ثلث وزن الطابوق العادي وممكن تستخدم للقواطع الداخلية طابوق 10 سم منه بيكون وزنه ولا شيء..

زين خلنا نفترض ما يتحمل نهائياً ... اتوقع فيه حل عمل أساسات ثانية خارج حدود البيت في الحوش يعني، وتركيب النظام الجاهز بيكون أسرع وأسهل وفيه خرسانات الحين تغطي 20 متر بدون عمود .. شوف شركة قطر للخرسانة الجاهزة وهم بيفيدونك ... ولخرسانة السيبوريكس الخفيفة شوف شركة العلي للمشاريع بيعطونك حلول إذا فاضيين، وإذا استحالت الحلول ذي عندك حل عمل السقف حديد بس عن طريق شركة متخصصة وبحيث يكون سقف شبه سيده مب مايل وايد، والجوانب تكون طابوق السيبوريكس الإسفنجي الخفيف وتغطي منظر الحديد، ومن داخل تحت الحديد بتحط جبس كامل، والحديد بيكون السندويش بانل المعزول والسميك ما يسوي صوت ومقاوم للحرارة، وفوقه ركب العازل مال الماي بطريقة التركيب للخرسانة وسو تصريف ماي بايبات لتحت .. حتى تقدر تخفيها في الطابوق .. أتوقع الطريقة الأخيرة بتكون أرخص لك وأحسن بس يسويها مقاول شاطر ومختص حديد ويصمم الشغل إستشاري بعد فاهم مب أي كلام.

[بن غيث]

يا شيخ هذا موضوع بسيط وسهل
وفي اكثر من طريقة
الظاهر انك رحت حق ناس ما يعرفون شئ في الهندسة
اختار مكتب هندسي محترم بيعطونك حلول لموضوعك

[بوهلال]

يا شيخ هذا موضوع بسيط وسهل
وفي اكثر من طريقة
الظاهر انك رحت حق ناس ما يعرفون شئ في الهندسة
اختار مكتب هندسي محترم بيعطونك حلول لموضوعك

في افضل من المكتب القطري للاستشارات الهندسيه انت شرايك