تغيير الاسم

[ms-qtr]

السلام عليكم ورحمة الله وبركاته

الاسم وما ادراك ما الاسم. الاسم يرتبط بالانسان طول عمره بل اذا كان ذكر فاسمه رح يرتبط بالبناء والاحفاد وطبعا الانسان ما يختار اسمه بل يختارونه له حتى قبل ما ينولد. و من واجبات الاب على الابناء اختيار الاسم الحسن

تختلف الاسماء فمنها الاسامي المتداولة جداٌ لدرجة انهم لما يروحون المدرسة يحصلون خمسة او ستة من اقرانهم بنفس الاسم
ومنها الغريبة جدا كان الام والاب دوروا في عشرين الف معجم علشان يلقون الاسم:rolleyes2:
ومنها اسامي متداولة في في بعض الدول العربية ولكن ليس الخليجية :secret:

ومنها اسامي قديمة جدا وما عادت دارجة واغلب الاحيان تسمى على شخص كبير في العيلة مثل (احد الاجداد او الجدات)


سمعنا عن كثيرين عقب ما اكبروا وحسوا ان اساميهم مب حلوه غيروها

فالسوال: شرايكم في الناس الي تغير اساميها على كبر وشرايكم في الاهالي الي يسمون عيالهم اسامي ممكن انها تعقدهم في المستقبل:weeping:؟؟؟؟؟؟؟

[intesar]

من رأيي إذا كان الإسم.. بأسامي لا تليق.. لازم يغيره حتى لو شيب..
لكن أنا ضد مع تغيير الإسم بعد ما جاب عيال..

أفضل الأسامي التقليدية.. واللي تناسب الإنسان بعد ما يتقدم به العمر.. يعني كمثال.. مو حلو نقول جدتي بشرى..
من رايي أن الإسم لازم يكون له ثقل.. حتى لو كان ثقيل عليهم وهم أطفال.. مثل اسم زليخة.. لكن لما تكبر وتصير جده.. يكون راكب عليها..

لذا أفضل الأسامي المتعارف عليها حتى لو كل العالم سمته..

عائشة وسارة وفاطمة ونورة ومريم.. يمكن هذي الأسماء من أكثرهن انتشارا.. لكنها.. متداولة منذ الأزل..

ودمتم بحفظ الرحمن..

[^NoOOoR^]

من حقوق الطفل في الإسلام أن يسميه الأبوان باسم حسن..
لكن بعض الأهالي يتشددون في تسمية الأبناء إلا و إلا يتسمون بأسماء معينه ولا تكون معروفة في الوقت الحالي
فمن رأي أن هذا الطفل لما يكبر شي طبيعي و من حقه أن يغير اسمه لما يراه مناسبا لأن سيأتي منهم يحملون اسمه
و خير الأسما ما حمّد و عبّد..
فتغيير الاسم شي طبيعي وحق من حقوق الانسان

[العقل المدمر]

بالنسبه لي احب الاسامي الدارجه اكثر
ماحب الاسامي الغريبه اللي مادري من وين يجيبونها
والطبايع تختلف في ناس تحب يكون اسمها مميز وناس ماتحب
يعني شي راجع للشخص لو يبي يغيره
وكل ماكان هالتغيير من وقت كان احسن

[بوخالد911]

هلا


هي حرية شخصية

وكم هناك اناس بدلوا وغيروا الاسماء في الكبر والصغر

وشكرا للموضوع

[Lap top]

لاهنت اخوي عالطرح ..

والله من راي تغير الاسم حرية شخصيه ..

انا غيرت اسمي القديم لانه معقدني و موقف حظي في الدنيا ..

الطفل ينولد و اسمها معاه ..

بس في اسماء لازم نختاره عدل ما تكون من اسماء الشيطان و اعوانه ...

لاهنتوا

[MAZEN37]

انا مع تغيير الاسم
بس هل الاباء لو كانوا عايشين مابزعلون

[نتفـه]

مع تغيير الاسم كل واحد يتسمى الاسم اللي يعجبه مب اسم يتعقد منه ويقعدون الناس يتهامزون ويتلامزون عليه ويقطون عليه كلام بسبب اسمه اللي يقهر ..

[عاهد بن علي]

هل الاتسان مسير ام مخير ؟
في هذا المجال
شكرآ على الطرح

[روح الاطلس]

انا مع تغيير الاسم وابي اغير اسمي لكن اخاف اتوهق كل شهاداتي واوراقي بتكون باسمي القديم! وبضطر كل مرة اقولهم لا هاي اثباتاتي بس اسمي تغير .. سالفه :(

[بصمة قطرية]

ما فيها شي لو الواحد متعقد من اسمه و يغيره
ما اعتقد اصلاً الوالدين راح يزعلون
الحدلله اخترت اخلى الاسماء لعيالي :victory:

[.خالد]

له حق بتغيير اسمه خصوصا اذا كان اسمه يحرج .. سواء كان اسمه او اسم احد اباءه

[ms-qtr]

من رأيي إذا كان الإسم.. بأسامي لا تليق.. لازم يغيره حتى لو شيب..
لكن أنا ضد مع تغيير الإسم بعد ما جاب عيال..

أفضل الأسامي التقليدية.. واللي تناسب الإنسان بعد ما يتقدم به العمر.. يعني كمثال.. مو حلو نقول جدتي بشرى..
من رايي أن الإسم لازم يكون له ثقل.. حتى لو كان ثقيل عليهم وهم أطفال.. مثل اسم زليخة.. لكن لما تكبر وتصير جده.. يكون راكب عليها..

لذا أفضل الأسامي المتعارف عليها حتى لو كل العالم سمته..

عائشة وسارة وفاطمة ونورة ومريم.. يمكن هذي الأسماء من أكثرهن انتشارا.. لكنها.. متداولة منذ الأزل..

ودمتم بحفظ الرحمن..

دايما الاسامي الدارجة هي الاكثر تقبلاٌ :nice:

[ms-qtr]

من حقوق الطفل في الإسلام أن يسميه الأبوان باسم حسن..
لكن بعض الأهالي يتشددون في تسمية الأبناء إلا و إلا يتسمون بأسماء معينه ولا تكون معروفة في الوقت الحالي
فمن رأي أن هذا الطفل لما يكبر شي طبيعي و من حقه أن يغير اسمه لما يراه مناسبا لأن سيأتي منهم يحملون اسمه
و خير الأسما ما حمّد و عبّد..
فتغيير الاسم شي طبيعي وحق من حقوق الانسان

فعلا بعض الاهالي الله يهديهم يضغطون عيالهم انهم يسمون اسامي معينة ولما يكبر الطفل ويستنكر اسمه يحسون ان من البداية كان المفروض ان ما يسمونه باسم غريب

[ms-qtr]

بالنسبه لي احب الاسامي الدارجه اكثر
ماحب الاسامي الغريبه اللي مادري من وين يجيبونها
والطبايع تختلف في ناس تحب يكون اسمها مميز وناس ماتحب
يعني شي راجع للشخص لو يبي يغيره
وكل ماكان هالتغيير من وقت كان احسن

فعلا التغيير من عمر الدراسة افضل من التغيير في عمر كبير لان الاسم يرتبط بالشخص ويصير معروف باسمه القديم ولو انه غيره

[ms-qtr]

هلا


هي حرية شخصية

وكم هناك اناس بدلوا وغيروا الاسماء في الكبر والصغر

وشكرا للموضوع

هي اكيد حرية شخصية وفعلا كثيرين غيروا اسمائهم في قطر

[ms-qtr]

لاهنت اخوي عالطرح ..

والله من راي تغير الاسم حرية شخصيه ..

انا غيرت اسمي القديم لانه معقدني و موقف حظي في الدنيا ..

الطفل ينولد و اسمها معاه ..

بس في اسماء لازم نختاره عدل ما تكون من اسماء الشيطان و اعوانه ...

لاهنتوا


الله يعينك اخوي اكيد كان في صعوبة في الموضوع
الابناء من زينة الحياة الدنيا ولازم الاب يفكر عدل قبل ما يسمي لان من حق الابناء على الاب اختيار الاسم الحسن

[ms-qtr]

انا مع تغيير الاسم
بس هل الاباء لو كانوا عايشين مابزعلون

للاسف بعض الاهل يزعلون وما يتقبلون تغيير الاسم

وحتى لو غير الابن اسمه يقعدون ينادونه باسمه القديم كان ما تغير شي

[ms-qtr]

مع تغيير الاسم كل واحد يتسمى الاسم اللي يعجبه مب اسم يتعقد منه ويقعدون الناس يتهامزون ويتلامزون عليه ويقطون عليه كلام بسبب اسمه اللي يقهر ..

والله في ناس بعد الله يهديهم لو غير الواحد اسمه يعايرونه باسمه القديم كانهم ماسكين عليه ممسك

[ms-qtr]

هل الاتسان مسير ام مخير ؟
في هذا المجال
شكرآ على الطرح

سؤالك جميل
هو اكيد مسير في بداية حياته لكنه اذا كبر فهو مخير ما بين البقاء على الاسم الي انولد معاه او التغيير الى اسم يديد من اختياره

[ms-qtr]

انا مع تغيير الاسم وابي اغير اسمي لكن اخاف اتوهق كل شهاداتي واوراقي بتكون باسمي القديم! وبضطر كل مرة اقولهم لا هاي اثباتاتي بس اسمي تغير .. سالفه :(

فعلاٌ المسألة مب سهله

[ms-qtr]

ما فيها شي لو الواحد متعقد من اسمه و يغيره
ما اعتقد اصلاً الوالدين راح يزعلون
الحدلله اخترت اخلى الاسماء لعيالي :victory:

في اهالي للأسف ياخذون الموضوع بشكل شخصي
والله يخليلج عيالج

[ms-qtr]

له حق بتغيير اسمه خصوصا اذا كان اسمه يحرج .. سواء كان اسمه او اسم احد اباءه

يقدر الشخص تغيير اسم ابوه او جده !!!!!!؟؟؟؟؟؟

[دااانة قطر]

بصراحه ما احب سالفة ان العيال يسمون على الاباء والامهات وينخازون للسمي
بنتي صارت تغار من اختها لانها جدتها تحبها اكثر منها ولاصارت بينهم مشاكل الجده توقف في صف سميتها حتى لو كانت غلطانه
بدت تحقد على جدتها وتقول ماتحبني نفس ماتحب اختي




ياليت لو البعض يسمي اسماء بعيده عن الاهل

[ريم 28]

بنت خالتي غيرت اسمها

المشكله مب اهني

المشكله ان احنا اناديها بالاسم القديم دايما ننسئ تعقدت وافقدت الامل فينا


الحمدلله البركه في الصغار ينادونها بالاسم الجديد


ومن حق اي شخص يغير اسمه

[ms-qtr]

بصراحه ما احب سالفة ان العيال يسمون على الاباء والامهات وينخازون للسمي
بنتي صارت تغار من اختها لانها جدتها تحبها اكثر منها ولاصارت بينهم مشاكل الجده توقف في صف سميتها حتى لو كانت غلطانه
بدت تحقد على جدتها وتقول ماتحبني نفس ماتحب اختي




ياليت لو البعض يسمي اسماء بعيده عن الاهل

في ابناء من حبهم الشديد للوالدين يسمون عليهم لو الاسم مب حلو
ولازم الجدة تحب كل احفادها
الاسامي لام ما تلعب دور في حب الابن او الحفيد

[ms-qtr]

بنت خالتي غيرت اسمها

المشكله مب اهني

المشكله ان احنا اناديها بالاسم القديم دايما ننسئ تعقدت وافقدت الامل فينا


الحمدلله البركه في الصغار ينادونها بالاسم الجديد


ومن حق اي شخص يغير اسمه

هذي مشكلة يعانون منها الي يغيرون اساميهم بعض الناس ما تتعود على الاسم اليديد

[Dana’1]

من حقة يغير أسمة اذا ما عجبة أويد

والحمدلله اسمي حلو ومعناة حلو واسماء خواتي واخواني بعد حلوة ... مع ان وحدة منهم مو عاجبها اسمها :)
عسى الله يجزي والدي الجنة آمين يارب العالمين


في وحدة بالمدرسة دائماً أناديها باسمها الي أعرفة منها ومن خواتها
ومرة كنا بالمرر نسولف وضجة بنات الا المعلمات جاو يدخلونا عشان بتبتدي الحصة
الا المعلمة تنادي البنت باسم غير الي أعرفة قلت يمكن سمعي غلط الا تصوت لها مرة ثانية
قلت لاختها الي هي صديقتي وبنفس الفصل شسالفة ايش اسم اختك
تمت أضحكت قالت لها اسمين بالبطاقة والي هو عند المعلمات والشهرة. المعتمد عندنا بالبيت وبين البنات !

[ms-qtr]

من حقة يغير أسمة اذا ما عجبة أويد

والحمدلله اسمي حلو ومعناة حلو واسماء خواتي واخواني بعد حلوة ... مع ان وحدة منهم مو عاجبها اسمها :)
عسى الله يجزي والدي الجنة آمين يارب العالمين


في وحدة بالمدرسة دائماً أناديها باسمها الي أعرفة منها ومن خواتها
ومرة كنا بالمرر نسولف وضجة بنات الا المعلمات جاو يدخلونا عشان بتبتدي الحصة
الا المعلمة تنادي البنت باسم غير الي أعرفة قلت يمكن سمعي غلط الا تصوت لها مرة ثانية
قلت لاختها الي هي صديقتي وبنفس الفصل شسالفة ايش اسم اختك
تمت أضحكت قالت لها اسمين بالبطاقة والي هو عند المعلمات والشهرة. المعتمد عندنا بالبيت وبين البنات !


انا اعرف وحدة نفس الحالة اسمها واسامي خواتها في الجواز غريب شوي فابوهم مسميهم باسامي مركبة مادري ليش فينادون بعض باسامي متداولة مقاربة للاسم الي في الجواز

[اليحصبي]

http://www.shooq4.com/vb/images/bb/27.png
من حق الشخص يغير اسمه لو ماكان مناسب ,
ماصار بالتاريخ واحد اسمه http://www.shooq4.com/vb/images/bb/11.png يوسف http://www.shooq4.com/vb/images/bb/5.png وغيرهـ
#وشكرا

[كلنا قطر 1981]

من رأيي إذا كان الإسم.. بأسامي لا تليق.. لازم يغيره حتى لو شيب..
لكن أنا ضد مع تغيير الإسم بعد ما جاب عيال..

أفضل الأسامي التقليدية.. واللي تناسب الإنسان بعد ما يتقدم به العمر.. يعني كمثال.. مو حلو نقول جدتي بشرى..
من رايي أن الإسم لازم يكون له ثقل.. حتى لو كان ثقيل عليهم وهم أطفال.. مثل اسم زليخة.. لكن لما تكبر وتصير جده.. يكون راكب عليها..

لذا أفضل الأسامي المتعارف عليها حتى لو كل العالم سمته..

عائشة وسارة وفاطمة ونورة ومريم.. يمكن هذي الأسماء من أكثرهن انتشارا.. لكنها.. متداولة منذ الأزل..

ودمتم بحفظ الرحمن..

اما زليخه هههههههههههههههههههههههههههههههههههه

مع احترامي لكل الاسماء بس اختي انتصار مادري شلون بعض المرات تفكرين

بمعنى الحين تعترضين على انه جدتج يكون اسمها بشرى و ما تعترضين وقت الي بنت

صغيره اسمها ((زليخه)) :rolleyes2:

تغيثر الاسم شي مهم لانه انا و رضيعتي في البيت تسمينا باسماء بكل صراحه ما لها داعي

و ان شاء الله بغير اسمي في المستقبل :victory:

[Lap top]

انا مع تغيير الاسم وابي اغير اسمي لكن اخاف اتوهق كل شهاداتي واوراقي بتكون باسمي القديم! وبضطر كل مرة اقولهم لا هاي اثباتاتي بس اسمي تغير .. سالفه :(

لا عادي اخوي بعد تغير الاسم تروح لوزارة الداخلية بيعطونك ورقة لمن يهمه الامر وارفقها مع كل طللباتك

ما يبيله اي شغلنه ولا شي

كل الود
مهـا قطــر

[العقل المدمر]

بصراحه ما احب سالفة ان العيال يسمون على الاباء والامهات وينخازون للسمي
بنتي صارت تغار من اختها لانها جدتها تحبها اكثر منها ولاصارت بينهم مشاكل الجده توقف في صف سميتها حتى لو كانت غلطانه
بدت تحقد على جدتها وتقول ماتحبني نفس ماتحب اختي




ياليت لو البعض يسمي اسماء بعيده عن الاهل


اعرف وحده صار معاها نفس الشي
الجده والعمات يحبون اختها العوده اكثر بس عشان اسمها
وهي يحاولون يستفزونها ويعلقون على اسمها بس لانه على اسم جدتها الثانيه :rolleyes2:
والحين ما شاء الله كبار لكن لين اليوم مأثر هالشي في نفسهم حتى العوده منحازه لاختها

[EA92]

من حقوق الطفل في الإسلام أن يسميه الأبوان باسم حسن..
لكن بعض الأهالي يتشددون في تسمية الأبناء إلا و إلا يتسمون بأسماء معينه ولا تكون معروفة في الوقت الحالي
فمن رأي أن هذا الطفل لما يكبر شي طبيعي و من حقه أن يغير اسمه لما يراه مناسبا لأن سيأتي منهم يحملون اسمه
و خير الأسما ما حمّد و عبّد..
فتغيير الاسم شي طبيعي وحق من حقوق الانسان

اتفق معكِ فيما ذكرتِ ولكن عندي توضيح بسيط لما تحته خط

هذا الحديث غير صحيح بارك الله فيكِ

[هداف]

فيه بعض الاسامي ماتليق على الرجال خصوصا !! من وجهة نظري ونظر الكثيرين

يعني يجيك واحد اسمه ( مزيون !! او جميل !! وسيم !! جمال الخ الخ ) واعرف ناس واجد غيروا اساميهم
ممكن اسم جمال انتشر زمان جمال عبدالناصر والقوميه العربيه والحماس الزايد عند
الشيبان سموا عيالهم بأسم جمال !! واعتقد المعاني هذي ماتليق بالرجال اهل الخشونه

وفيه ناس اتغير اساميهم على غير سنع فقط لمجرد الكشخه والبرستيج يامال الشوزن !

[ريتويت]

لا اله الا الله محمدا رسول الله

[mariamaziz]

أنا أشوف ماله داعي تغيير الاسم اذا كان معناه واضح ومب غربي .. لأنه مارح يأثر و لا رح ينقص او يزيد من قدر الانسان ..

يا بنت الحلال مو مشكلة الأساامي .. يالله عساها القلوب و النفوس نقدر نغيرهاااا ...

[Lap top]

أنا أشوف ماله داعي تغيير الاسم اذا كان معناه واضح ومب غربي .. لأنه مارح يأثر و لا رح ينقص او يزيد من قدر الانسان ..

يا بنت الحلال مو مشكلة الأساامي .. يالله عساها القلوب و النفوس نقدر نغيرهاااا ...

ليش يعني مب لازم نغير الاسم ..اذا في اسماء ماله معني و مسمين العيال عليهم

مب من حقنا نغير الاسم لمواكبة العصر ؟!

[mariamaziz]

ليش يعني مب لازم نغير الاسم ..اذا في اسماء ماله معني و مسمين العيال عليهم

مب من حقنا نغير الاسم لمواكبة العصر ؟!

هذا اللي يذبحني فالاعضاء ... ما يقرون الرد عدل ... اختي جوفي انا شكااااااااتبه .. مكتوب اذا كان الاسم معنااااااااااااااااااه واضح

[ريماس الغلا]

انا ما يقهرني الا لما احصل اسم على ريال ويكون كلش مب مطابق له


مثلا واحد لابس فنيله كت وزوالف والعضلات بتطلع من مخه


واخر شي اسمه :


هـ ا ن ي


هههههههههه

[The Watcher]

ورد في السنة ان الرسول صلى الله عليه وسلم طلب من بعض الصحابة تغيير أسمائهم

أنا اشوفه شي طبيعي

بس المشكلة انه لو كبر .. كل ماكبر الشخص كل ماكان أصعب

بس اعرف اكثر من واحد غير اسمه بعد حتى ماتزوج وصار عنده عيال