لاصحـاب الخبـره في : المانيا +سويسرا + فرنسا !!؟؟!!

[احساس رابح]

السلام عليكم ورحمة الله وبركاته

اخواني واخواتي

انا مسافر يوم الجمعه تاريخ 22/6/2012 على طيران الاتحاد :pioneer:
مع رفيجي ( صديقي ) طلع سعر التذاكر بـ 6800 حق شخصين : دوحه - ابوظبي ، ابوظبي -فرانكفورت والعوده راح تكون تاريخ 5/7/2012: باريس - ابوظبي ، ابوظبي - دوحه

واللي راح يسال ليش حجزت على طيران الاتحاد ؟؟ لان القطريه فيها فرق 4000 الالف :eek5:

!! زين ليش هالفرق كله :anger1: يقولون علشان الرحله بتكون بدون توقف :omen2: بلاها مانبيها نبي نوقف هههههههههههه السالفه فيها 4000 الاف :nice:

المهم في الموضوع ::

راح نأجر سياره هناك وراح تكون الرحله
فرانكفورت الى ميونخ الى زيورخ الى جنيف وبعدها باريس ، راح نستلم السياره في فرانكفورت ونسلمها في باريس ،، ومدة الاقامه راح تكون 3 ايام في كل منطقه ,

الاهم في الموضوع ::

* وين نروح في كل المناطق التاليه ؟؟؟ وين الاماكن الترفيهيه واماكن النزهه
يعني وين الاماكن اللي تنصحونا نروح لها ؟؟؟؟ لان السفره بتكون حق تنزه وترفيه وتغير جو
ومن ناحية التسوق اذا عجبنا شي راح ناخذه هههههه بس مش شرط حق اسواق ومحلات !!!

* شنو طبيعة الناس هناك او عاداتهم و اخلاقهم او كيف التعامل معاهم !!؟؟؟


اللي عنده خبره لايقصر :weeping: للعلم :: اول مره نسافر فيها اوربا :)

في انتظار ارائكم ونصايحكم :ok:

[احساس رابح]

وينكم يا اصحاب الخبره !!! ولا رد واحد حتى ):

[للصبر اخر]

انا بجاوب على باريس
زور قصر فرساي
ومتحف اللوفر
وقوس النصر
وبرج ايفيل
بالنسبه لجنيف تقدر تطلع منها وتزور مدينة انسي الفرنسيه
مدينه حلوه وهاديه
اتمنى افدتك

[احساس رابح]

يعطيج العافيه وفي انتظار البقيه !!!

[المسعف]

بالنسبة لميونخ وايد حلوه والوقت الي بتول فيه وقت ممتاز يعني أحسن جو في اميونخ
استعمل المترو بسيط جداً و أوفر بكثير من التاكسي واذا عندك اتفسار أنصحك بمنتديات العرب المسافرون
والله يوفقك

[الصغيره]

بزيد على رد اخي للصبر اخر اقولك رح قرية الرسامين بفرنسا الصراحه رووووووعه وطبعا بيرسمونك رسم كانه تصوير وفيه لوحات رووووعه وفيه اشياء تذكاريه وفيه استعراضات فنيه مثل المراه الفراشه وبعض الموسيقيين والسرك هي قريه صغيره لكن بممراتها وبرسامينها وبسركها اللي بالشوارع رووووعه لا تترك الكيمرى من يدك لانك بتلتقط احلى صور والرساميين من كل الجنسيات فيه واحد ممتاز صيني وفيه عرب مغاربه وليبيين لكن فنانين

وروح نفق ديانا بتلاحظ علية ورده ذهبيه وفيه مقاهي واجد حلوه وهادئه اذا خذيت جهاز قارمن سيف عليه اسماء الشوارع سواء بفرنسا او المانيا وراح تسوق وانت مرتاح والله كانك بقطر

[سداوي&مدريدي]

الي اعرفه المسافه بين فرانكفورت وميونخ بعيده كان الله في عونكم

على العموم بالنسبه لسويسرا حرام اتروح لها وماتزور انترلاكن

جنيف وايد عليها يوم ومافيها شي يستاهل

بالنسبه لفرنسا تفضل هذا التقرير وان شاء الله تلاقي الي تبيه

http://www.qatarshares.com/vb/showthread.php?t=511667

سؤال هل هذا هو الجدول النهائي الي بتمشون عليه ؟

[احساس رابح]

الله يعطيكم الف عافيه ماقصرتو ،،

وبخصوص زيورخ وجنيف حد عنده خبره فيها ؟؟؟

اخوي سداوي مب اخر جدول يمكن يصير فيه تغير اذا في جدول احلى *-^

[ضوى]

زيورخ ولا فيها شي تلوع الجبد ، تحسفنا قعدنا فيها يوم ، كانها نيويورك بشر بشر يعني اللي له شغل يروح هناك ، مافيها شي للسياحة مدينة عملية جدا

[Chambray]

زيورخ وجنيف

اختر المناطق الي في النص ( مابين زيورخ وجنيف ) وريح راسك :)


احلى من زيورخ واحلى من جنيف

وبالتوفيق

بخصوص باريس ما اعتقد انك بتحتاج سيارة
او بالاصح بتلوع جبدك بالسيارة هناك
زحمه ومواقف ضيقه والله يعينك

[حسن]

بل الله يهداك وش حادك من بلاد لين بلاد كانك من المطلوبين
رحله سعيده عساك على القوه

[سداوي&مدريدي]

الله يعطيكم الف عافيه ماقصرتو ،،

وبخصوص زيورخ وجنيف حد عنده خبره فيها ؟؟؟

اخوي سداوي مب اخر جدول يمكن يصير فيه تغير اذا في جدول احلى *-^

خذ جدولي الي بمشي عليه في السفره الجايه باذن الله

1- الوصول فرانكفورت ثلاث ليالي " مع زيارة المدن الي حول فرانكفورت "

2- قارمش ليلتين

3- زلامسي ثلاث ليالي

5- انترلاكن ثلاث ليالي

6 باريس ليلتين والعوده الى قطر باذن الله

[احساس رابح]

زيورخ ولا فيها شي تلوع الجبد ، تحسفنا قعدنا فيها يوم ، كانها نيويورك بشر بشر يعني اللي له شغل يروح هناك ، مافيها شي للسياحة مدينة عملية جدا

والله مافي شي يجبرنا نروح لها انا منزل الموضوع ابي اشوف الاقتراحات والاراء وامشي عليها

[احساس رابح]

زيورخ وجنيف

اختر المناطق الي في النص ( مابين زيورخ وجنيف ) وريح راسك :)


احلى من زيورخ واحلى من جنيف

وبالتوفيق

بخصوص باريس ما اعتقد انك بتحتاج سيارة
او بالاصح بتلوع جبدك بالسيارة هناك
زحمه ومواقف ضيقه والله يعينك


انا عندي تقريباً 14 يوم يعني ماراح اتم في منطقه وحده اكثر من يومين الا اذا ارتحت فيها ولقيت فيها جدول ممتاز اما بقيه المناطق اللي قلت عنها شي اكيد بمر عليها واذا عجبتني راح اقيم فيها

السياره حتى الان مافي شي اكيد يعني احتمال 70% نأجر سياره

يعطيك العافيه

[احساس رابح]

بل الله يهداك وش حادك من بلاد لين بلاد كانك من المطلوبين
رحله سعيده عساك على القوه

حلاتها يالسمي تسوي فيها مطلوب دولياً ههههههههه

نشوف بلاد غير البلدان اللي تعودنا عليها ومنها تغير جو وتتغير النفسيات بعد السفر

الله يقويك شاكر لك مرورك

[احساس رابح]

خذ جدولي الي بمشي عليه في السفره الجايه باذن الله

1- الوصول فرانكفورت ثلاث ليالي " مع زيارة المدن الي حول فرانكفورت "

2- قارمش ليلتين

3- زلامسي ثلاث ليالي

5- انترلاكن ثلاث ليالي

6 باريس ليلتين والعوده الى قطر باذن الله



سداوي جدولك ترتيب والله

بس قارمش وزلامسي وانترلاكن شنو فيها يخليك تجلس فيها هالايام كلها !! لهدرجه تستاهل يعني ؟؟؟

انا مادلها حتى ياليت توصفها لي او تقولي شنو فيها ولو بشي بسيط واكون شاكر لك وتعبتك وياي

[Chambray]

تأجير السيارة مشروع طيب
لكن انك تاخذ السيارة في مكان وترجعها في مكان ( ترا مكلفه جداً ) واغلب الشركات يحطون عليك مبلغ كبير جداً علشان تغير رايك :)

واذا حبيت تحجز سيارة انصحك في هذا الموقع
http://www.ttcar.com/fr/key

[q6ri_vip]

توصل فرانكفورت بالسلامة وع طول من المطار تاخذ السياره اللي مأجرها من النت ع حسب الشركة وأنصحك بشركة www.rentalcars.com الاستلام من فرانكفورت والتسليم بفرنسا وبيني وبينك فرنسا مايبيلها سياره .

تطلع من مطار فرانكفورت واسكن في ستراسبوج3 الى 4 ايام ومنها تروح بادن بادن وعندك بعد فري بيرغ وعندك بعد مدينة رست وفيها اليوروب بارك

وبعدها تروح لسويسرا بازل او اسكن في لوزيرن 3 الى 4 ايام وروح عندك من الصبح اطلع ع زيورخ واليوم الثاني انترلاكن

ومن بعدماتسوي شك اوت روح منطقة جيلارد واسكن في فندق بارك سويت وفي عندك لوزان وبعد عندك مونترو بحيره طبعا تبعد عن جيلارد 75 كيلو وعندك بعد مونت بلانك شامونكس ووفي عندك بحيره انسي ومدينة فرنسيه ليون

ومن بعدها تروح من جنيف الى باريس تقريبا 500 كيلو

عاد فرنسا مايبيلها موتر صح ولا انا غلطان عيش مع الشعب وان شاء الله تستانسون وتردون سالمين

[احساس رابح]

مشكورين والله يعطيكم الف عافيه ماقصرتو الكل بدون استثناء
بس اللي عنده خبر شنو احسن شريحه جوال هناك ؟؟؟

[Chambray]

مشكورين والله يعطيكم الف عافيه ماقصرتو الكل بدون استثناء
بس اللي عنده خبر شنو احسن شريحه جوال هناك ؟؟؟

وين هناك؟؟

اذا تبي مكالمات دولية ( بدون خدمة انترنت ) Lebara سواء المانيا او فرنسا او سويسرا

اما اذا بغيت مكالمات وانترنت والذي منه ( فودافون ) في المانيا و SFR في فرنسا