درس مهم :شتسوي اذا انفجر أطار سيارتك وانت مسرع حتى لا تنقلب

[™كاسـبر™]

لفت نظرى درس لبعض الخطوات الهامه لتجنب الانقلاب اذا انفجر ايطار المركبه اذا كنت مسرع وانقله اليكم لاهميته




ماذا تفعل في حال بنشرت سيارتك وأنت مسرع...


لا اعتقد ان السبب الرئيسي في انقلاب السيارة او انحرافها بشكل كبير هو ان الكفر بنشر او ضرب .


لكن اعتقد ان السائق اولا واخيرا هو السبب ، فالسائق غير المحترف قد يقوم بتصرفات غير مدروسة تؤدي في النهاية الى كارثة.


الارتباك الذي يصيب السائق عن احساسة بانفجار الكفر خصوصا اذا كان الكفر امامي هو السبب في ذلك.


فشعوره بالارتجاج العنيف لمقود السيارة ، وانحراف السيارة عن مسارها بشكل بسيط في البداية واستحضاره للقصص التي تتحدث عن الحوادث المميتة ، وصراخ الركاب الذين معه ،


كل هذا يجعله يقع تحت ضغوط قوية قد تدفع به الى ارتكاب "حماقة" قد تؤدي بحياته ومن معه ،


وذلك في رد فعل منه للخروج من المازق وايقاف السيارة باسرع وقت ممكن


نصيحتي لك اخي السائق في مثل هذه الحالة ومهما كانت سرعتك ،


لا ترتبك ، لا ترتبك ، لا ترتبك ، فلا شيء يدعو للذعر ابدا .


فالارتجاج الذي بالمقود سببه ان احد الاطارات الامامية او كليهما فقد جميع الضغط الذي فيه والارتجاج شيء طبيعي في هذه الحالة .


وانحراف السيارة عن مسارها شيء طبيعي ايضا سببه الاختلاف في الضغط بين الاطارين . ولا يمكن ان تنقلب السيارة ما دامت تسير في مسارها


ماذا تفعل اذن لايقاف السيارة بامان؟ !!!


اولاً واخيرا وهو الاهم : احكم قبضتك على المقود بشدة حتى لا تنحرف السيارة عن مسارها ، مما قد يؤدي الى الانقلاب.


فالانقلاب يحدث غالبا اذا كانت كتلة السيارة مندفعة بقوة الى الامام وحاول السائق الالتفاف بها مثلا الى اليمين او اليسار بزاوية حادة .


قد تشعر ونتيجه للارتجاج العنيف بان السيارة سوف تنعطف بقوة الى احد الاتجاهات ، حاول مقاومة هذا الشعور ولا تقم بامالة المقود بالاتجاه المعاكس كرد فعل ابدا ،


فقد يختلف اتجاه الارتجاج ويصبح مع الاتجاه الذي حددته انت كرد فعل فتنحرف السياررة بشكل كبير وتتعرض للانقلاب لاسمح الله


ثانيا : لا تحاول ان تستخدم المكابح اذا كانت سرعتك عالية . لان ذلك قد يتسبب في انحراف السيارة بشكل كبير.


وذلك كنتيجة لتوقف احد الاطارات عن الدوران دون الاخر.


فالاطار المبنشر قد يكون في احد الاوقات غير ملامس للارض مما يساعد على توقفه عن الدوران بشكل كامل بعكس الاطار الثاني.


والنتيجة انحراف كامل للسيارة وانقلابلها


ثالثا : قم برفع قدمك عن دواسة الوقود ، وتعشيق السيارة بنمرة اثقل ، وذلك للتقليل من سرعة السيارة بشكل اسرع


رابعا : أبقي كلتا يديك على المقود حتى تقف السياره تماما وبالتدريج ولاتحاول أن توقف السياره بصوره مفاجئه.



وللأمانة الموضوع منقول ..

والسموحه اذا كان الموظوع مكرر


رافقتكم السلامه

[عاهد بن علي]

اهم شيئ انك ما تظرب بريك !!!!!!!
تسلم على النقل

[فلتة زمانها]

في حركه يسوونها بعض البنات
تمسك بريك او اطفي الموتر والنتيجه البنت مرقده في العنايه المركزه @@
شكرا عالتوضيح المهم

[fhd4]

معلومات مهمة جدا ... يعطيك العافية ...

الله يحمي الجميع من شر الحوادث

[المستشاأإأر]

موضوع جميل تشكر عليه...
وبالفعل ما تكلمت به وهذا مايحصل دائماً..
والتصرف المهم والإسراع في مثل هذه الحالة هو تعشيق السيارة بنمرة أثقل.
ودي،،،

[@north_star@]

جزاك الله خير على النقل اخوي

[شبح الصمت]

الله يعطيك العافيه

اخوي انت تتكلم عن القير عادي

الحين من يسوق القير عاددي

انا بقولك عن الاتوماتيك اذا الاتوماتيك وانت مسرع انفجر ادعس بريك خفيف اشوي اشوي خله نفس التقطيعه ورد القير نمره الاتوماتيك

يعني لو كان في الدي وفيه اربغ غيرات رده من الرابع لين 3 ولين يخف بعد لانك لو رديته مره وحده على نمره اصغر عادي يشوح عليك الموتر


والله يحفظ الجميع

[ريتويت]

الحمد لله ماسوق ولا عمري بتعلم السواقه ...

[مشاكل]

الله يحفظنا اجمعين من الحوادث

[مشاكل]

الله يعطيك العافيه

اخوي انت تتكلم عن القير عادي

الحين من يسوق القير عاددي

انا بقولك عن الاتوماتيك اذا الاتوماتيك وانت مسرع انفجر ادعس بريك خفيف اشوي اشوي خله نفس التقطيعه ورد القير نمره الاتوماتيك

يعني لو كان في الدي وفيه اربغ غيرات رده من الرابع لين 3 ولين يخف بعد لانك لو رديته مره وحده على نمره اصغر عادي يشوح عليك الموتر


والله يحفظ الجميع

وقتها اخوي شبح منهو اللي بيركز بهالسوالف
ذكرتني بأرشادات السلامه مالت الطياره اذا طاحت
الله يستر علينا ويحفظنا من كل شر

[مدرسة]

جزاك الله خير على هالمعلومات الطيبة

اهم شي عيل ما نضرب بريك:nice:

[روز باريس]

شلون افهم السايق هااا الكلام

[boamir]

الله يعطيك العافيه

اخوي انت تتكلم عن القير عادي

الحين من يسوق القير عاددي

انا بقولك عن الاتوماتيك اذا الاتوماتيك وانت مسرع انفجر ادعس بريك خفيف اشوي اشوي خله نفس التقطيعه ورد القير نمره الاتوماتيك

يعني لو كان في الدي وفيه اربغ غيرات رده من الرابع لين 3 ولين يخف بعد لانك لو رديته مره وحده على نمره اصغر عادي يشوح عليك الموتر


والله يحفظ الجميع


اخوي شبح إنت غلطان
المفروض ماتدوس البريك نهائيا
وحتى لو عالخفيف لأنه في سيارات خصوصا الصوالين دعسه خفيفه عالبريك تمسك بقوو

والحل إنك تشيل ريلك عن الريس وتحاول ترد نمره حتى لو قير تماتيك تقدر ترد نمره
وفي النهايه هي مسئلة وقت لأنه لما التاير يكون مبنشر
سرعة السياره تنقص بسرعه
يعني في أقل من دقيقه توصل لسرعة 40 وعقبها تقدر تمسك بريك وتوقف على جنب
وبس يعني خلك ماسك السكان عشان السياره ماتروح يمين ولا يسار وشوي شوي بتوقف

[حسن]

اهم اشي ان الانسان يهتم بالتوايرر والسفايف والتواير يخلها تيوب ليس وتحاول تنتبه في السواقه
وتسوق على مهل
بعدين كل ماكبر حجم التاير كل مازادتت الخطوره وكل ماصغر حجمه قلت الخطوره وتستطيع السيطره
على السياره في حاله البنشر
والله يبعد عنا وعنكم شر البنشر

[مشاكل]

اهم اشي ان الانسان يهتم بالتوايرر والسفايف والتواير يخلها تيوب ليس وتحاول تنتبه في السواقه
وتسوق على مهل
بعدين كل ماكبر حجم التاير كل مازادتت الخطوره وكل ماصغر حجمه قلت الخطوره وتستطيع السيطره
على السياره في حاله البنشر
والله يبعد عنا وعنكم شر البنشر

اهم شي انهم امنعوا البالون
لأنه من اشد التواير خطوره وقت الانفجار

[شبح الصمت]

اهم شي انهم امنعوا البالون
لأنه من اشد التواير خطوره وقت الانفجار



في حياتي ما شفت بالون ينفجر

تقصد الله يسلمك المياجر اخطر شيء اذا انصلخ خلاص

البالون وهو ناحل حده مافيه والا حتى نقشه صغيره ما ينفجر

لكن الخطر انك تركب فيه تيوووب

المفروض كل تاير تيوب لبس

اخبر مره كنا على مرسيدس ودايسين يمكن نمشي 240 :secret:


المهم سمعنا صوت طق رفيجي قالي نسم التاير والله انه لا بريك ولا شيء خففنا من الريس اول ما نزل التاير انشق والرنق انشلخ اشوي

بس هذه ميزت الالماني والحافظ رب العالمين في الاول والاخير

لكن ان نسم اي موتر وبالذات البالون تحس فيه انه يروغ مهب ممشاه الطبيعي لانه مره صادني على خط الهفوف وحسيت فيه خفيت لين نسم حده عقب غيرت التاير وتوكلت عالله

[مشاكل]

البالون اذا بنشّر مايتغشمر طيحته شينه ونا خوك

[بوعلي2]

اهم شي انهم امنعوا البالون
لأنه من اشد التواير خطوره وقت الانفجار

بالون ينفجر وين ذي :telephone:

الله يرحم زمانه هوى 35 وتيوبلس وروح :)

قصدك الميجر لين نصلخ عليك ونفجر اذا ماسدحك روح المرور خذ لك ورقة تصليح لان بيعفس لك البدي كله :rolleyes2:

المهم يكون التاير جديد ويفضل لو يكون ياباني وماتخليه اكثر من سنه على موترك او سنه وكم شهر فقط لاخذ الحيطه والحذر وعدم السرعه الزايده

واذا بنجر بالتماتيك انسى البريك ورد نمر شوي شوي لين الله يفتحها ويستر على الجميع

وربي يحفضنا ويحفظ الجميع ان شاء الله

فمان الله

[الكونتيسه غلا]

السلام عليكم ورحمة الله وبركاته

يعطيك العافيه اخوي على الطرح المفيد ،،:nice:

الصراحه هالشي في بالي وانا اسوق ،، :weeping:
اتخيل لو التاير انفجر ،، شلون بتصرف :eek5:

ربي يحفظنا من كل شر،،

[مشاكل]

بالون ينفجر وين ذي :telephone:

الله يرحم زمانه هوى 35 وتيوبلس وروح :)

قصدك الميجر لين نصلخ عليك ونفجر اذا ماسدحك روح المرور خذ لك ورقة تصليح لان بيعفس لك البدي كله :rolleyes2:

المهم يكون التاير جديد ويفضل لو يكون ياباني وماتخليه اكثر من سنه على موترك او سنه وكم شهر فقط لاخذ الحيطه والحذر وعدم السرعه الزايده

واذا بنجر بالتماتيك انسى البريك ورد نمر شوي شوي لين الله يفتحها ويستر على الجميع

وربي يحفضنا ويحفظ الجميع ان شاء الله

فمان الله
مايسوي علي :rolleyes2:
خلاص يبه بنشر مب انفجر
اشمعنى راعي الموضوع ماقلتوا له شي على كلمة انفجر :anger1:

[مشاكل]

وبعدين البالون يلقط المسامير تقول مغناطيس

[حفيد الأنصار]

الله يستر علينا ويحفظنا من كل شر

انا لي ثلاث سنين رايح وراد على الخط السريع
الاربعاء اروح المدينة والجمعه ارجع الى ينبع ( مقر عملي ) ومابينها 220 كم
اتذكر مرة انفجر علي وانا ماشي 170 والحمد لله ربي سلم
واللحين صرت ماسرع اذا مرره مرره 140 او 150 والكفرات اغيرها اول باول مااخليها تطول

[نور الحور]

جزاكم الله خير .. موضوع مهم ،، مع إني ما فهمت 90 في المية منه :rolleyes2::secret:

باختصار .. شلون أفهم السايق ؟؟ وياليت بكلام مفهوم مختصر !:omen2:

[intesar]

شكرا جزيلا

[بوعلي2]

مشاكل معلوماتك ماضروبه

يعني ياتقول شي على الاقل تعرفه او مايحتاج اتكلم عن شي ماتعرف فيه

السموحه من شخصك الكريم ولكن يلقط مسامير وينفجر هذا شي غريب بحكم ان نركب بوالين من 1997

على العموم ربي يحفظ الجميع ان شاء الله وعن السرعه ترى الارض حاره جدا اللهم ان نعوذ بك من حر جهنم

فمان الله

[مشاكل]

جزاكم الله خير .. موضوع مهم ،، مع إني ما فهمت 90 في المية منه :rolleyes2::secret:

باختصار .. شلون أفهم السايق ؟؟ وياليت بكلام مفهوم مختصر !:omen2:

السايق مايفهم لاتعبون نفسكم معاه :rolleyes2:
لاسمح الله اي ظرف يستوي معاه فاللسياره حتى لو بسيط وهو يسوق ،،، سيده يسويلج فلم هندي حتى لو كان ماشي بسرعة 20

[مشاكل]

مشاكل معلوماتك ماضروبه

يعني ياتقول شي على الاقل تعرفه او مايحتاج اتكلم عن شي ماتعرف فيه

السموحه من شخصك الكريم ولكن يلقط مسامير وينفجر هذا شي غريب بحكم ان نركب بوالين من 1997

على العموم ربي يحفظ الجميع ان شاء الله وعن السرعه ترى الارض حاره جدا اللهم ان نعوذ بك من حر جهنم

فمان الله
يابوعلي انا اعرف البالون قبل لاتسوق ويمكن قبل لاتنولد مع احترامي لشخصك الكريم
انت الظاهر مافهمت علي ،،، انا اقولك يالغالي البالون يلقط المسمار بسهوله عكس الميجر
عموما الله يحفظ الجميع من كل شر

[بوعلي2]

يحليلك يامشاكل هههههه

عيل تعرفه قبل مانولد

طيب خلاص ياكبير انت تعرف كل شي هههههه اعتقد انت الي واز هتلر في الحرب العالميه الثانيه اه منك يامشاكل ههههاي


يلا على بيوتكم صاح الجرس الى اللقاء بالحلقه القادمه

[الـخـالـدي]

الله يعطيك العافيه

اخوي انت تتكلم عن القير عادي

الحين من يسوق القير عاددي

انا بقولك عن الاتوماتيك اذا الاتوماتيك وانت مسرع انفجر ادعس بريك خفيف اشوي اشوي خله نفس التقطيعه ورد القير نمره الاتوماتيك

يعني لو كان في الدي وفيه اربغ غيرات رده من الرابع لين 3 ولين يخف بعد لانك لو رديته مره وحده على نمره اصغر عادي يشوح عليك الموتر


والله يحفظ الجميع


اكبر غلط .. صارت معاي من قبل على سرعة 200 .. انصلخ علي التاير و الموتر خذا يمين على تريله كان بيني وبينها حروة الـ 300 متر .. لمسة البريك لمسة وحده بس شفت الموت قدامي ..

اصعب حاجه انك تمسك نفسك فهاللحظه وماتمسك بريك .. لكن مرات الظروف تخونك مثل ماصار معاي ..

الله يحفظكم من كل شر

[شبح الصمت]

اكبر غلط .. صارت معاي من قبل على سرعة 200 .. انصلخ علي التاير و الموتر خذا يمين على تريله كان بيني وبينها حروة الـ 300 متر .. لمسة البريك لمسة وحده بس شفت الموت قدامي ..

اصعب حاجه انك تمسك نفسك فهاللحظه وماتمسك بريك .. لكن مرات الظروف تخونك مثل ماصار معاي ..

الله يحفظكم من كل شر



خطاك الشر ياخوي

[mariamaziz]

انزين بسألكم اخواني جزاكم الله خير

لو انا كنت محتاجة اخفف سرعة السيارة او اوقفها لأن مثلا جدامي دوار او لفة شسوي في هالحالة ..؟؟

[الشيخة شيوخة]

جزاك وجزاكم الله كل خير على هذا الموضوع المفيد جد موضوعك مفيد

[مرحوم قطر]

اخوي كلامك صحيح 100%


اهم شي ثبة الموتر و لا تهد السكان او اتلف

شيل ريلك عن الريس و اهم شي اهم شي لا تدوس بريك

[ماريسا]

الله يحفظ الجميع
شكراً ع التنبيه

[طير حوران]

جزاك الله خير

وعساها ان شاء الله في ميزان حسناتك

[boamir]

انزين بسألكم اخواني جزاكم الله خير

لو انا كنت محتاجة اخفف سرعة السيارة او اوقفها لأن مثلا جدامي دوار او لفة شسوي في هالحالة ..؟؟

مثل ماقلت في ردي القبلي

أصلا السياره لما تبنشر سرعتها تنقص بسرعه بدون ماتمسك بريك
وإذا إضطريتي مثل ماقلتي إذا في لفه أو دوار حاولي قد ماتقدرين إنج ماتمسكين البريك لين ماتنقص سرعة الموتر وايد يعني نقول لو توصلين سرعة 40 تقريبا هني تقدرين تمسكين بريك بحكم إنه الموتر ثقيل وحتى لو شاح على هالسرعه بإذن الله مابينقلب


وبخصوص أخونا إلي يتكلم عن البالون للأسف معلوماتك غلط
ميزة البالون إنه ماينصلخ نفس الميجر
وعن المسامير حاله حال كل تاير بس إنه يلقطهم مثل المغناطيس صعبه

[mariamaziz]

مشكور اخوي بو أمير

[alemadi2022]

المشكله الاكبر 98 % من القطريين يسوقون بيد وحده وهاي اكبر مشكله
واليد الثانيه يا كرك او بلاك بيري او رافع ريله ومتكي عليها

السائق لازم يكون جاهز 200 % لاي شي طارئ يصير
الله يحفظكم كلكم ويحفظنا

تحياتي

[رجوان]

جزاك الله خير ع النصايح المفيده والله يحفظنا جميع

[boamir]

المشكله الاكبر 98 % من القطريين يسوقون بيد وحده وهاي اكبر مشكله
واليد الثانيه يا كرك او بلاك بيري او رافع ريله ومتكي عليها

السائق لازم يكون جاهز 200 % لاي شي طارئ يصير
الله يحفظكم كلكم ويحفظنا

تحياتي

والله اخوي مب هاي اكبر مشكله
اكبر مشكله الواحد مايسوي صيانه حق موتره ومايشيك على توايره إذا هي جديده او قديمه
خصوصا إلي يركب تواير مستعمله مايدري إذا هي مقطوطه في الشمس ولا شلون حالتها

وفوق كل هاي يسرع فيها لأنه كل ماتسرع يزيد الضغط على التاير وله قوة يتحملها وعقبها خلاص ينفجر وإذا تاير قديم مابيقدر يستحمل وايد
أو احيانا تصيده نفخات أو تحس برقله

[حفيد الأنصار]

اغلب اللي يمسكون بريك من الفجعه ترى

[naif3]

الله يجزاكم خير

[غيور]

اشهد ان لا اله الا الله وان محمد رسول الله

[حقيقه]

يبيلنا تطبيق على أرض الواقع

الله يستر گل يوم على الخط فووق 120 دايم أفكر لو ينفجر التاير إش بيصير

الله يحفظنا جميعا

[w.qatar]

اذا السياره فيها نظام مانع الانزلاق عادي ندوش بريك خفيف بشكل متكرر هذا حسب كلام المدرسه اللي تدربت فيها يقول عادي بس اهم شي بششكل متكرر ومتقطع

طبعا هذا في حاله اذا شي قدامكم خايفين تدعمون فيه اما اذا الشارع فاضي لا ريس ولا بريك

[الخزرجي قطر]

شكرا على نقلك الموضوع لتعميم الفائده
الله يحفظنا واياكم من كل شر ومكروه

[شمس2]

اف موضوع يخوف الله لا يعرضنا له ويحمينا ويحمي جميع المسلمين :rolleyes2:
والله يجزيكم خير على المعلومات المرعبه :weeping:

[الـخـالـدي]

اذا السياره فيها نظام مانع الانزلاق عادي ندوش بريك خفيف بشكل متكرر هذا حسب كلام المدرسه اللي تدربت فيها يقول عادي بس اهم شي بششكل متكرر ومتقطع

طبعا هذا في حاله اذا شي قدامكم خايفين تدعمون فيه اما اذا الشارع فاضي لا ريس ولا بريك

اللي معلمينكم غلطانين لو فيها خير المدرسه كان شفنا اللي طلعو منها يعرفون يسوقون

محد مسبب الزحمه الا اللي طلعو من هالمدارس ..

اذا السرعه تحت 100 .. بريك خفيف اذا امحتاج الامر واذا ماحتاج الافضل عدم لمس البريك

لأن كل لمسة بريك تخل فالوزن

[hxamad]

تسلم الغالي

[BuFaisal]

جزاك الله خير

[دنيا الاسهم]

ثالثا : قم برفع قدمك عن دواسة الوقود ، وتعشيق السيارة بنمرة اثقل ، وذلك للتقليل من سرعة السيارة بشكل اسرع
ايش تعني هذة الجملة الله لا يوريكم شر ضروري تعلموني مااعرف ايش تعني
والف شكر على الموضوع الهام

[الشيخة شيوخة]

حيرتونا الحين وش اشترى بالون ولا ميجر يابانى ولا ايطالى عطونا الاحسن :omen2:

[دنيا الاسهم]

وانا ماحد جاوب على سؤالي ..وشو تعشيق السيارة ونمرة اثقل ؟؟؟ ليش ماحد يبي يرد علي

[بوخالد911]

يسلموو للتنبيه

والله يحفظنا

[بوخالد911]

المشكله الاكبر 98 % من القطريين يسوقون بيد وحده وهاي اكبر مشكله
واليد الثانيه يا كرك او بلاك بيري او رافع ريله ومتكي عليها

السائق لازم يكون جاهز 200 % لاي شي طارئ يصير
الله يحفظكم كلكم ويحفظنا

تحياتي

كلامك صحيح

:nice::nice::nice: