الاخطاء الكارثية في الامتحانات الوطنية

[الوردة]

اول يوم رياضيات
تعديل بعد الامتحان في الية التصحيح لبعض الاسئلةوارجعوا شيكوا الاوراق اللي تصلحت
_________________________

ثاني يوم اجتماعيات
الاختيارات في الاجابة غير مرقمة وتسبب تشتيت للطلبة و لجنة الرصد
_________________________

ثالث يوم لغة انجليزية
الطامة الكبرى

اسئلة الاستماع عددها 15
وفي 3 اسئلة لم تكن ضمن المادة السمعية المرفقة
واشتكى الطلبة من الموضوع
ممكن نعرف شلون راح يتم تقيم الطلاب في 3 اسئلة الناقصة
____________________

اليوم الرابع فيزياء

تعديل في الية التصحيح بعد الامتحان وارجعو عيدوا الاوراق اللي صلحتوها
____________________

برنامج الرصد يشتكي منه المعلمون بطيء وسيء

اوراق الاجابة لاتحوي على مرايا تسهل عملية ادخال الاجابات في السستم

وهذا كل يؤثر على اداء الطلاب لانه اكيد بيكون في اخطاء اثناء الادخال

مو معقولة ان المدرسة يدخل 40 اجابة يضطر لتفتيش 40 صفحة للحصول عليها

وتعيد الكرة في التدقيق :tease:

مستحيل الموضوع


يعني لو كل مدرسة فيها 700 طالبة
وكل طالبة على الاقل تحتاج 3 دقايق لرصد الدرجة والمراجعه

يعني 2100 دقيقة تقريبا 35 ساعة متواصلة يعني 4 ايام دوام رسمي للمادة الوحدة

وفي ٨ مواد والعربي والانجليزي فيه امتحانين يعني عشر امتحانات فعلية

يبيله شهر لادخال الدرجات اتقوا الله
والمجلس يبي ينتهي التصيح بعد يومين من انتهاء الاختبارات

اخيرا اذا كان حد مظلوم في الاختبارات الوطنية فهم لجنة الرصد

ولا لهم لا مكافئة ولا اي تقدير وهم ينكرفون بعد الدوام بساعات ولاحتى اوفر تايم

اما لجنة التصحيح مثلا للرياضيات فقط يوم واحد ويرتاحون ومايصححون الا عشر اسئلة من اصل 40 سوال فقط الاسئلة المقالية
ولجنة المراقبة فقط ساعتين يوميا ويرتاحون


اتقوا الله في الطالبات والمدرسات

حسبي الله ونعم الوكيل

كيف الحال اذا كنت ام طالبة ومدرسة في نفس الوقت

[الوردة]

كل يوم في خطا
بانتظار حلقة غدا والله يستر

[M S A]

اختي الله يعطيج العافية كلامج صحيح مئة بالمئة. الأخطاء الي صارت بالاختبارات الوطنية بصراحة تفشل و خاصة ان الي واضعيين الاختبار على أساس إنهم خبراء و متمرسيين في هذا النوع من الاختبارات. نقول الخطأ وارد و إحنا بشر ممكن نغلط، بس كل يوم فيه خطأ؟؟ هنا يدق ناقوس الخطر. وين المراجعات الي خابيين الناس فيها؟ و الا يذكرون الناس و ينسون أنفسهم؟؟

[intesar]

كل اللي يهمنا الحين النتايج.. ونخلص امتحانات..

قلوبنا تعبت..

[الوردة]

اختي الله يعطيج العافية كلامج صحيح مئة بالمئة. الأخطاء الي صارت بالاختبارات الوطنية بصراحة تفشل و خاصة ان الي واضعيين الاختبار على أساس إنهم خبراء و متمرسيين في هذا النوع من الاختبارات. نقول الخطأ وارد و إحنا بشر ممكن نغلط، بس كل يوم فيه خطأ؟؟ هنا يدق ناقوس الخطر. وين المراجعات الي خابيين الناس فيها؟ و الا يذكرون الناس و ينسون أنفسهم؟؟

صدقتي اختي
هاي الاخطاء اللي درينا فيها يمكن في اشياء مانعرف عنها
لانه انا كتبت اللي شفته يمكن لو لجان السير والكنترول يقولون لنا لو حسوا في اي مشاكل ثانية


عادي هم غلطهم وارد

واذا حنا غلطنا تدق الطبول

[الوردة]

لو يعطوني راتب شهر مكافئة واني اكون في لجنة كنترول او رصد ما بغيته
المضحك والمبكي فالموضوع اعضاء اللجنة عيونهم حمر وملتهبة
واخر شي لا شكرا ولا يعطيكم العافية
وغيرنا يطلعونهم يراقبون ولهم مكافات ومايجون المدرسة يعني ساعتين وهم في بيوتهم واخر شي المكافات لهم

*

[دنيا الاسهم]

والله احنا كرف لجان سير وكنترول والى الساعة 4 العصر واحنا في المدرسة نصلح لان المجلس الاعلى يبي التصحيح في نفس اليوم .. ولكم ان تتخيلون حجم الاضرف والاوراق بين عد وترتيب وتصنيف وعقب تجي الكنترول تدبيس الاسامي وعدها مرة اخرى وتسليمها للمصححات ..وكل هذا لااوفر تايم ولا غيرة
مادري الى اين بيوصلونا ...بس انا حاسة ان كل شي لة نهاية والخرابيط هذة قربت نهايتها

قاعدين على كراسيهم ويشربون شاي ويطلعون قرارات وامتحانات ما انزل الله بها من سلطان
صبر جميل والله المستعان

[امل الحب]

لا يوجد اي مغزى لهذه الاختبارات .. مجرد تضييع وقت ورغبة اثبات الذات لشخص اصدر القرار الغبي ليوضع اسمه كانجاز لاحد اتفه الامور .. المجلس الاعلى مصخها بصراحة وصار الموضوع اوفر .. من اول يوم دراسي لين اخر يوم دراسي انهاك وارهاق للطلبة والمدرسين والاهالي مابين دراسة ومشاريع ومتطلبات لا معنى لها نهاية بالامتحانات الوطنية التي لا معنى لها ..

انا اقول لو يضيعون شوية وقت يعلمون المدرسات الفرق بين ال ع وال غ وال ض وال ظ يكون افضل لمستقبل الابناء .. اذ اني ارهقت وانا اصحح من ورا المعلمات ومن الاخطاء وطريقة التدريس الخاطيء..

[شموع قطريه]

في الاخير بيطرشون تعميم للمدارس انهم ينجحون الكل ويعطونهم درجات مرتفعه ويقطون نتايج تصليح المدرسه على جنب نفس اللي صار السنة الماضيه ..

في ذمتكم انتوا مصدقين انهم بيصلحون هالكم الهائل من الاوراق صلوا على النبي بس ..

[بوراشد82]

انا عضوة للتوضيح ؛)
اللي مستغربته انه اللي يراقبون برى المدرسة ومراقبتهم ساعتين وبعدين يروحون بيوتهم لهم مكافأت مادية ،، والمراقبين اللي فالمدرسة وبعدها كنترول تصحيح وادخال الدرجات ورصد وهم مايتلم وقعدة لين ٥ العصر مالهم شي !!! ليش !!!
والحين خبر الاجازة بتاريخ ٨ / ٧ مب أكيد ليش؟؟ تعبنا والله تعبنا ،، ياليت خبر الاجازة يكون صج،،

[أنثى]

حبيبتي في اخطاء في مادة الانجليزي العلمي للفوج السابع
دخلت السنه في الاختبارات الوطنية بس كانت مع اختبارات الفصل الثاني
الخطأ ان السستم فيه الدرجات 0 1 2واوراق الاجابة فيها a b c d ,وتم تعديل الخطأ بعد التحدث مع اللجنة المسؤوله

[شموع قطريه]

حسب ماسمعت ان اليوم اوقفوا التصحيح في المدارس للمرحلة اﻻبتدائية بقرار من المجلس اﻻعلى بسبب أخطاء في اﻻجابة النموذجية الموزعة على المدارس..

واخرتها مع هالتخبط من المجلس الاعلى ..

[بصمة قطرية]

استغفر الله العظيم
كل يوم تطلع بلاوي من هالجلس و امتحاناتهم ..!!
اتقوا الله في الطلبة و الطالبات و المدرسات و المدرسين ..
اتقو الله فيهم خافوا ربكم والله حرااااااااااااام ..

[الكادي99]

ان شاء الله مع كثرة هالاخطاء يكون فيه خير لعيالنا

[احلى دنيا]

لو يعطوني راتب شهر مكافئة واني اكون في لجنة كنترول او رصد ما بغيته
المضحك والمبكي فالموضوع اعضاء اللجنة عيونهم حمر وملتهبة
واخر شي لا شكرا ولا يعطيكم العافية
وغيرنا يطلعونهم يراقبون ولهم مكافات ومايجون المدرسة يعني ساعتين وهم في بيوتهم واخر شي المكافات لهم

*

من يقولك ساعتين و نرجع بيوتنا

اتفاقية تبادل الأسرى تقول :
المراقبات الي عندنا يخلصون و يرجعون مدرستهم ..!!!
و مراقباتنا لخلصوا مراقبة يرجعون عندنا !

نخلص عشر .. قبل الساعة الحادية عشر احنا في مدارسنا الأصلية !!!

و التصحيح لي ثلاث و نص !! طيب في بدل عمل اضافي ؟؟

مب كفاية الامتحانات التقرير الثالث قعدنا لي ثلاث العصر ولا حد قال لنا إذا لنا بدل و لا لأ !!

ليش مافي لجنه تحفظ حقوقنا !! و لا لازم تليفونات لمركز الاتصال الي يحولنا للموارد الي ما ترد على التلفون !!!

[يراعٌ فراتي]

الله يعين
صراحة اسبوع يعتبر الاسوء بالنسبة للاخوة فالرصد والكنترول
مفروض يكون لهم تقدير
يعني مكافاة ترفع معنوياتهم

[بوخالد911]

لا يكون مستعينين باللي يطبعون بسوق واقف ؟!؟!؟

[يراعٌ فراتي]

ههههه بوخالد مالك حل

[شموع قطريه]

بعد كل هالاخطاء اللي صارت ياترى حد من المسؤولين حقق في الموضوع وعاقب المقصرين في هذا الشيء ام مر مرور الكرام كغيره من اخطاء ؟؟!!

[basma222]

بعد كل هالاخطاء اللي صارت ياترى حد من المسؤولين حقق في الموضوع وعاقب المقصرين في هذا الشيء ام مر مرور الكام كغيره من اخطاء ؟؟!!

لالا اختي ما في حد يحقق اذا الوزير ترك كل شىء على ما هو عليه وسافر

[شموع قطريه]

لالا اختي ما في حد يحقق اذا الوزير ترك كل شىء على ما هو عليه وسافر

لانه عارف نفسه انه مايقدر يسوي شي ضد افاعي المجلس الاعلى ...