خبر عاجل : إغلاق الطرق المؤدية للبورصة غدا" ! ! !

[الأستشاري]

ستم صباح غدا" وفي تمام الساعة 6 صباحا" إغلاق الطرق الفرعية المؤدية للسوق . طريق سوق النجادة / براحة الجفيري والطريق الخلفي للبنوك . وطرق أخرى عند الضرورة كما سيتواجد عدد كبير من رجال الأمن عند مدخل السوق . وخاصة أن اليوم حدثت مشاجرة كبيرة بين خليجيين وحراس الأمن في السوق مما إدى الى إغلاق السوق في الفترة المسائية . وقد طلبت مكاتب البورصة من موظفيها التواجد في تمام الساعة 6 صباحا" .

ويوم سعيد وبالتوفيق للجميــــــــــــــــــــــــــــع

[Qa6ar]

يعطيك الف عافيه ودوم الجديد عندك يالاستشاري

[الأصيل]

لا شاشة نشوفها ولا سوق نوصله ؟؟؟؟ :looking:
بيع عمياني ؟؟؟ :anger2:

[أبوتركي]

الله يستر

[سهم طايش]

مرة اخرى تثبت ادارة سوق الدوحه للاوراق الماليه فشلها

فشلونا في ربعنا الخليجيين

وين دور مكاتب الوساطه اللي اعتمدوها في دول الخليج لتداول الريان ؟

[قطر]

يعطيك العافيه اخوي الاستشاري

شباب اللي يبي يروح البورصة

يصلي الفجر ويحرك :deal:

[سهم الدوحة]

يا ساتر ...عسى السالفه ما تطول ...عندنا معملات نبغي أنخلصها

في السوق ...لا حول والا قوه إلا بالله ...أن شاء الله ما تطول


إذا زادت المشاجرات والفوضى .... أتوقع قطر تمنع الغير القطريين من الأكتتابات في البنك التجاري

والشركات أخرى تطرح قريبا للأكتتاب:anger2:





omen

[عليان]

فعل متعمد يخدم كبار الهواميـــــــر ولا أقبل بأقل من هذا الرد , فلا حول ولا قوة إلا بالله , الله يعين صغار القوم الذين لا يعلمون كيفية وضع طلب بيع إلاّ عن طريق كتابة طلب البيع وتعبئته حضورياً في السوق .

[الأستشاري]

مبنى السوق سوف يفتح في تمام الساعة 6 صباحا"ولن يسمح با لدخول إلا للموظفين وسوف يتم فتح السوق للمستثمرين في تمام الساعة 6 ونصف صباحا" . وأنصح المستثمرين الذين يرغبون في الذهاب بأستخدام مواقف سوق واقف تجنبا" للأزدحام .

وبالتوفيق للجميع

[Northman]

مشكور اخووووووي على التنبيه

[سهم طايش]

ما في الا نروح بكروه

[ذيب البورصة]

ما في الا نروح بكروه



هذا هو الحل الامثل

مالك الا كروه :nice:

[PoBox]

انا اقترح على الي وده يروح
يروح بعد الساعة 12 اليوم بنية التهجد والقيام والاعتكاف
في مسجد النجادة المجاور ،،
ويعين من الله خير
وفي الصباح يطوي فراشة ويسلمه أمانه للمؤذن ويروح السوق
;) ;) :dance :dance

والله يعينة
وعاد المؤذن ان شاء الله يسلمه لحافة وهو طالع ،،
:confused:

[سهم طايش]

انا اقترح على الي وده يروح
يروح بعد الساعة 12 اليوم بنية التهجد والقيام والاعتكاف
في مسجد النجادة المجاور ،،
ويعين من الله خير
وفي الصباح يطوي فراشة ويسلمه أمانه للمؤذن ويروح السوق
;) ;) :dance :dance

والله يعينة
وعاد المؤذن ان شاء الله يسلمه لحافة وهو طالع ،،
:confused:

بعد شوي بروح بصف سيارتي جنب باب البورصه و بكره الصبح بروح بتكسي في الرجعه برجع بسيارتي

و الله سالفه

[investor22]

بااال
السالفه صج عبالي غشمره

[ابو البورصه]

ما في الا نروح بكروه

بالفعل
معظم الوسطاء سوف يستخدمون سيارات كروه غدا للوصول للسوق
وهي حقيقه وليست مزحه

[LaW]

انا اقترح على الي وده يروح
يروح بعد الساعة 12 اليوم بنية التهجد والقيام والاعتكاف
في مسجد النجادة المجاور ،،
ويعين من الله خير
وفي الصباح يطوي فراشة ويسلمه أمانه للمؤذن ويروح السوق
;) ;) :dance :dance

والله يعينة
وعاد المؤذن ان شاء الله يسلمه لحافة وهو طالع ،،
:confused:
اقتراح جميل جدا ! وشكرا لصاحب الموضوع.

[رحال]

انا اقترح على الي وده يروح
يروح بعد الساعة 12 اليوم بنية التهجد والقيام والاعتكاف
في مسجد النجادة المجاور ،،
ويعين من الله خير
وفي الصباح يطوي فراشة ويسلمه أمانه للمؤذن ويروح السوق
;) ;) :dance :dance

والله يعينة
وعاد المؤذن ان شاء الله يسلمه لحافة وهو طالع ،،
:confused:
ههههههههههههههههههههههه حلــــــــــــــــــــــوة !!!

[رحال]

بعد شوي بروح بصف سيارتي جنب باب البورصه و بكره الصبح بروح بتكسي في الرجعه برجع بسيارتي

و الله سالفه
أوصلك وبكره نرجع معا بعض !!!

[SAHAM_QATAR]

هاذا احنا ---------( ما تطلع المشاكل )--------- الا لين الواحد بحصله على اشويت اريالات ......اللهم يا مقلب القلوب ثبت قلبي وقلب المكتتبين البرياء على دينك

[الكواري]

ياشباب
انا أشوف من الأفضل
بكرة نركب في الباصات الخضر مالت كروه.:shy:
:cool: :cool: :cool: :cool: :cool:

[ولـــد قطـــر]

ومواقف سوق النجادة مانقدر نوقف سياراتنا فيها ولا بيكون الطريق مسكر بعد

[رئيس الاركان]

يعطيك العافيه على التنبيه يالغالي

أنا أقول جميع الطرق تؤدي الى روما ....... واللي يبي يتابع البورصه عدل لازم انه يتعب شوي ... عن نفسي بروح البورصه من الطرق الاخرى عن طريق امسيعيد يقولون ذاك الصوب مسوين خط يديد ...

[الحسيمqtr]

يعطيك العافيه اخوي الاستشاري

[A.L.I]

يعطيك العافيه اخوي

[الجزيـرة $]

ابشرك اخوي كل الطرق مفتوحه والزحمه من الساعة 6:30 في المجموعة وامام بوابة السوق وبالتوفيق للجميع

[khaldoon]

جزاك الله كل خير اخوي

[بوخالد911]

مرة اخرى تثبت ادارة سوق الدوحه للاوراق الماليه فشلها

فشلونا في ربعنا الخليجيين

وين دور مكاتب الوساطه اللي اعتمدوها في دول الخليج لتداول الريان ؟

هلا بكم

العيب مو بالسوق !!
ولكن باللي ما ينتظم ويبي يتخطى دوره على حساب الغير

تحياتي %%
:nice:

[al_rahy2003]

ستم صباح غدا" وفي تمام الساعة 6 صباحا" إغلاق الطرق الفرعية المؤدية للسوق . طريق سوق النجادة / براحة الجفيري والطريق الخلفي للبنوك . وطرق أخرى عند الضرورة كما سيتواجد عدد كبير من رجال الأمن عند مدخل السوق . وخاصة أن اليوم حدثت مشاجرة كبيرة بين خليجيين وحراس الأمن في السوق مما إدى الى إغلاق السوق في الفترة المسائية . وقد طلبت مكاتب البورصة من موظفيها التواجد في تمام الساعة 6 صباحا" .

ويوم سعيد وبالتوفيق للجميــــــــــــــــــــــــــــع

ما اقول الا لا حوله لله ولا قوة الا بالله

[الوجبة]

المفروض يحطون خيمه على الحدود لخوانا وشاشه تداول لخوانا الخليجين بدل ما يتبهدلون

[nabilazara]

ليش هلعجل (لو تركض ركض الوحوش غير رزقك ماتحوش)

[SQRQTR]

الحمدلله ربك سلم
يعطيك العافية اخوي

[ابولليل]

اشكرك جزيل الشكر والله يعين اهل قطر على الوسطا في دول الخليج وخاصه الوساطه في المملكه العربيه السعوديه فهي فاشله وستغلليه كما عندكم في قطر تقبل تحياتي ولك جزيل الشكر