أفضل مطعم؟

[المحاميه]

السلام عليكم

ماهو أفضل مطعم أو كوفي شوب جربت أكله وعجبك وتمنيت يكون عندنا فرع منه فقطر..
سواء في امريكا، بريطانيا، فرنسا، استراليا ... الخ
وشنو اللي عجبك بالضبط ودايما تاخذ منه؟

قاعده اسوي دراسه ياريت تساعدوني وتفيدوني ..
بعطيكم أمثله ..
يعني مثلا قبل ماكان عندنا بينك بيري ..
كرسبي كريمي ..
شيك شاك ..

وكنا نتمنى هالاشيا تكون عندنا واليوم الحمدلله هالاشيا متوفره عندنا .. شنو شي تحبه حصلته برا وماحصلته عندنا ؟

وشكرا :victory:

[مخاوي الشيبة]

انا افضل مطعم Olive Garden المطعم في امريكا واكله حلو وخفيف ولا يغث

[المحاميه]

هذا المطعم ايطالي ..

مشكور عالمشاركه
في انتظار البقيه

[بن غيث]

http://www.thecrepehouse.com/
ولو مطاعم
ركزي على ايطاليا

[بن غيث]

http://www.texaschicken.com.sg/

[المحاميه]

مشكور بن غيث ماقصرت

حلو تكساس تشيكن

[الدبلوماسي]

مطعم PIZZA PINO اشهر مطعم في باريس و فيه فرع في جادة الشانز ماشاء الله كل الشباب القطريين طايحين فيه :) http://www.pizzapino.fr/2011/

[رُفق المجنّا]

مطعم in n out

[بونواف2011]

مطعم كشري ابو طارق في مصر رووعه هذا الكشري لدرجة اعملوا عنه حلقه في تلفزيون دبي

[جلاد_قطر]

انا مستغرب منكم يا هل الخليج .. كل اختياراتكم وتقليدكم للاكلات او المحلات الغربيه او اذا كانت موضه .. وناسيين اذا الواحد فكر عدل وشغل مخه يقدر يسوي محل تفجير .. لكن وين اللي يسمع .. نص اللي داشين مطلعين من قوقل اسامي مطاعم ولا عمرهم سامعين عنها.

للعلم اختي العزيزه ان الاكل صار نفس الثياب والسيارات الحين .. Trends او موضه .. يات فتره للكرسبي كريم واختفت .. ويات فتره للشيك شات فالامارات واختفت وبترجع للدوحه لين افتحوه السنه اليايه .. حتى البنك بيري موضه وبتروح .. وماننسى السوشي اللي فتره من الفترات حسيت اني يالس فاليابان مو فالخليج من كثر ما الناس تتكلم عنها.

الحين وقت الابداع وتشغيل المخ .. تيبين مطعم او كوفي شوب معروف مو نفس اول .. بعطيج مثال للابداع:

شفت مطعم فالبحرين وبالذات في جزر امواج ديكوره ديكور Diners او مطاعم الوجبات السريعه في امريكا .. المطعم صغير وفيه يمكن 4 او 5 طاولات .. والحلو فالمطعم انه يسوي بس Hot Dog & Sausages بطريقة الOpen Bar. بالعربي نفس سب واي بس للهوت دوغ والسوسج .. وبصراحه كان اكل روعه والناس زحمه عنده والمنيو ماله صج انه بس هوت دوغ بس كان وايد في اشيا ممكن تسوينها او تزيدينها احجام ونكهات مختلفه.

شفت شباب بحرينيين يشتغلون هناك وماشاء الله عليهم كل واحد مبتسم ويسولف ويضحك وطلع واحد منهم راعي المطعم .. وقالي انا الصبح اداوم في بنك والمغرب اداوم فالمطعم مع ربعي .. يقول انه يحب هالشغله وايد (والريال من عايله بخير فالبحرين)

ماعلينا الحين من هاي كله, لو انتي شاطره وتقرين بين السطور .. كل اللي ذكرته فوق في خلاصه هو:

- الديكور والالوان المستعمله وSetting المطعم اختياره حلو وراكب مع نوعية الاكل المقدمه.
- جودة الأكل
- نوعية الاكل والاختيارات الموجوده
- خدمه الموظفين للزبون
- المطعم ماله اي شي مشابه سواء في قطر او البحرين او الكويت على حد علمي .. مادري عن الامارات وعمان والسعوديه.
- كل هاي استوى لان راعي المحل يحب البزنس والاكل, مافكر فالربح كثر مافكر في شي يحبه او يحب يسويه.

اتمنى اختي العزيزه استعمال الابداع الموجود في عقلج وتفكيرج ..

والسموحه عالاطاله

[Taiki]

Carbiou Coffee

الوطنية للمطاعم كان حندهم وكالته, و الكافيه كان ملان و محبوب من كل الفئات, اجانب و قطرييــن و الله شاهد عيان عليه!
بس الوطنية مفلسة و اطرت تسكره :(

[غايه الطواش]

اسادو ستيك ....بالمانيا
وكافية جوزيف Jose's في سلون ستريت بلندن
بيتزا بينو ...باريس
انتر كوت....باريس مع ان فتحوا واحد بقطر بس اكله طعمه غير السوس مالهم طعمه لاذغ وايد

[كاس العالم]

والله ان المطاعم العربيه احلى في الدول الاوربيه وامريكا وخاصه اذا كانت راقيه او يمنيه ولا شعبيه وبعدها تجي المطاعم الهنديه <<===== قام يبلع ريقه هههههه اما بيتز بينو الي في باريس ان شاء الله مايفتحونه مادري وش تحبون فيه

[السيليه]

الله يوفقك اختي واعينك المشاريع وايد

[NOOUR]

ليش ما تفتحي مطعم شامي شعبي بس ترويقة (يعني فطور) (بس بطريقة مودرن ومرتبة) يعني أكل شامي بحت وطريقة الخدمات شامية .. الأكل مثل : تسبيحة فول حمص فلافل فتة ومناقيش وغيرها .... مابعرف إذا أهل قطر يحبون الأكل الشامي ... لأنو في السعودية والكويت يحبون كتير هالمطاعم ...

وفقك الله

[captin]

انا مستغرب منكم يا هل الخليج .. كل اختياراتكم وتقليدكم للاكلات او المحلات الغربيه او اذا كانت موضه .. وناسيين اذا الواحد فكر عدل وشغل مخه يقدر يسوي محل تفجير .. لكن وين اللي يسمع .. نص اللي داشين مطلعين من قوقل اسامي مطاعم ولا عمرهم سامعين عنها.

للعلم اختي العزيزه ان الاكل صار نفس الثياب والسيارات الحين .. Trends او موضه .. يات فتره للكرسبي كريم واختفت .. ويات فتره للشيك شات فالامارات واختفت وبترجع للدوحه لين افتحوه السنه اليايه .. حتى البنك بيري موضه وبتروح .. وماننسى السوشي اللي فتره من الفترات حسيت اني يالس فاليابان مو فالخليج من كثر ما الناس تتكلم عنها.

الحين وقت الابداع وتشغيل المخ .. تيبين مطعم او كوفي شوب معروف مو نفس اول .. بعطيج مثال للابداع:

شفت مطعم فالبحرين وبالذات في جزر امواج ديكوره ديكور Diners او مطاعم الوجبات السريعه في امريكا .. المطعم صغير وفيه يمكن 4 او 5 طاولات .. والحلو فالمطعم انه يسوي بس Hot Dog & Sausages بطريقة الOpen Bar. بالعربي نفس سب واي بس للهوت دوغ والسوسج .. وبصراحه كان اكل روعه والناس زحمه عنده والمنيو ماله صج انه بس هوت دوغ بس كان وايد في اشيا ممكن تسوينها او تزيدينها احجام ونكهات مختلفه.

شفت شباب بحرينيين يشتغلون هناك وماشاء الله عليهم كل واحد مبتسم ويسولف ويضحك وطلع واحد منهم راعي المطعم .. وقالي انا الصبح اداوم في بنك والمغرب اداوم فالمطعم مع ربعي .. يقول انه يحب هالشغله وايد (والريال من عايله بخير فالبحرين)

ماعلينا الحين من هاي كله, لو انتي شاطره وتقرين بين السطور .. كل اللي ذكرته فوق في خلاصه هو:

- الديكور والالوان المستعمله وSetting المطعم اختياره حلو وراكب مع نوعية الاكل المقدمه.
- جودة الأكل
- نوعية الاكل والاختيارات الموجوده
- خدمه الموظفين للزبون
- المطعم ماله اي شي مشابه سواء في قطر او البحرين او الكويت على حد علمي .. مادري عن الامارات وعمان والسعوديه.
- كل هاي استوى لان راعي المحل يحب البزنس والاكل, مافكر فالربح كثر مافكر في شي يحبه او يحب يسويه.

اتمنى اختي العزيزه استعمال الابداع الموجود في عقلج وتفكيرج ..

والسموحه عالاطاله


Probably the best post on the subject

[abobassl]

اذا بغيتي الربح عليك بمطعم مندي بشرط تجيبي القائمين عليه من اليمن وشوفي عاد الطوابير الله يوفقك الى مافيه الخير .

[احمد1]

شكلك تبين الي يطيح عليه اكثر الطلب وبتجيبه الدوحه ...هههههههه

[ريتويت]

مطعم فماريوت الستي عجيييب

[الامير]

مطام بسمه في بيروت اكله عجيب والقعده في احلى بس لاتنسين شيشه هذا اذا تبين ربح سريح ولا طاوله فاضيه ويبون وكيل في الدوحه