نطالب الحكومة تدبيل الراتب القادم لقرب رمضان والعيد والمدارس

[فريج النجادة]

نطالب الحكومة تدبيل الراتب القادم لقرب رمضان والعيد والمدارس

مثل باقي دول مجلس التعاون

[عاهد بن علي]

الله يقدم الي فيه خير

[ضوى]

الله يعين الجميع ـ اذا اطالب بهالشي اطالبه للارامل والمطلقات والمتقاعدين اللي معتمدين على راتب الشؤون او راتب التقاعد مايكفي التزاماتهم ، والمحتاجين بالدرجة الاولى .

[سهم ماينزل]

جزاهم الله خير في كل حال وعلى أي حال

[qatara]

اللهم اتنا فى الدنيا حسنه وفى الاخره حسنه وقنا عذاب النار

[hk94]

ياليت و الله من كريم ل مستحق

و بالذات اهل الشؤون مساكين ما حصلوا شي

الله كريم

[فلتة زمانها]

عن الطمع
طالب حق الفقارا والمحتاجين الي عايشين على راتب الشؤون
ونصيحه من الحين ياجماعة خفوا الاكل والبلع في ارمضان والله فضيحه
كل سنه في اول يوم في ارمضان عشرات الحالات في الطواري بسبب
التلبك المعوي وعسر الهضم ( الاكل بشراهه)

[الموضوعي]

يساهلون اهل قطر هم اولى من الرياضة والمساعدات الخارجية

[PGR]

الحمدلله على نعمة الامن والامان والخير اللي عايشين فيه ,, الله يرزق اهل الشؤون والارامل ان شاء الله

[بصمة قطرية]

الله يعين الجميع ـ اذا اطالب بهالشي اطالبه للارامل والمطلقات والمتقاعدين اللي معتمدين على راتب الشؤون او راتب التقاعد مايكفي التزاماتهم ، والمحتاجين بالدرجة الاولى .

:victory: اهل الشؤون المنسيين اولى بهالشي ..

[ابوعلي]

عن الطمع
طالب حق الفقارا والمحتاجين الي عايشين على راتب الشؤون
ونصيحه من الحين ياجماعة خفوا الاكل والبلع في ارمضان والله فضيحه
كل سنه في اول يوم في ارمضان عشرات الحالات في الطواري بسبب
التلبك المعوي وعسر الهضم ( الاكل بشراهه)

معاج حق اهل الشئون اولى ونتمنى لهم التدبيل

وبنفس الوقت المفترض من البقية عدم الإسراف والتقليل في الشراء وعلى قد الحاجة

[(بوطلال)]

نطالب الحكومة تدبيل الراتب القادم لقرب رمضان والعيد والمدارس

مثل باقي دول مجلس التعاون

طالب ماعندك مشكله لكن تقول مثل دول مجلس التعاون الاخرى روح شوف رواتبهم كم وتعال قارن .

[غير عنهم]

العساكر وموظفي البترول ماشاءالله الله يزيدهم من فضله غير محتاجين اما ااهل الشؤون وموظفي الحكومه اتفق معاك

[OREO]

عن الطمع
طالب حق الفقارا والمحتاجين الي عايشين على راتب الشؤون
ونصيحه من الحين ياجماعة خفوا الاكل والبلع في ارمضان والله فضيحه
كل سنه في اول يوم في ارمضان عشرات الحالات في الطواري بسبب
التلبك المعوي وعسر الهضم ( الاكل بشراهه)

في ناس اذا الاكل ما تطلع من خشومهم و الا ما يعتبرون انهم رمضوا ،،

فلذالك من الواجب عليهم ترس الخزان بجميع اصناف الاكل و من جميع جمعيات الدوحه و الحسا ،، :shy:

[OREO]

العساكر وموظفي البترول ماشاءالله الله يزيدهم من فضله غير محتاجين اما ااهل الشؤون وموظفي الحكومه اتفق معاك

اتفق معاك قلباً و قالبا و لله الحمد احنا عايشين في نعيم و ربي يدبل و يثلث و يربع رواتب اهل الشوون و موظفين الحكومه و اصحاب الرواتب الضعيفه ،،

[كلنا قطر 1981]

انا بس مستغرب من شي واحد

من الي حط فكرة انه شهر رمضان هو شهر اكل و لازم نجهز له عده و نتشرى اكل يكفي فصيل

عسكري كامل رايح يحارب لمدة 6 شهور ؟؟؟!!!

برا الناس تضعف في رمضان و احنا يخلص رمضان علينا و الناس وزنهم في يزاده من 5 كيلو

تمتد لين 20 كيلوا بشهر رمضان :rolleyes2:

[فلتة زمانها]

في ناس اذا الاكل ما تطلع من خشومهم و الا ما يعتبرون انهم رمضوا ،،

فلذالك من الواجب عليهم ترس الخزان بجميع اصناف الاكل و من جميع جمعيات الدوحه و الحسا ،، :shy:

ههههههههه اللهم لا شماته... ان شاءالله هالسنه غير وكل واحد فينا يستغل ارمضان
في الطاعات والتخفيف من الاكل حفاظا على صحة النفس والبدن:nice:

[.خالد]

شهر رمضان يأتي بموعد معلوم ، يعني مب فجأة عشان نطالب الدولة بتدبيل الراتب .
نسأل الله ان يتقبله منا

[الخيالة]

الحمدالله علي كل شي أنا راتبي ٤٥٠٠ حق أجار البيت ومصروفي واعطي أمي ومرات اختي
ومب دوم اشتري اللي في خاطري لان راتبي مو لين أهناك بس ماقول غير الحمدالله علي كل شي

[مدحوب_ قطر]

والله من حق المواطن القطري يتمتع من خير بلادة
ولاشي لويزيدون المواطنين
بل نطالب بزيادة كل فرد قطري سواء طفل اوامراءة لاتعمل من حقهم الزيادة .
دولة السويد تعطي راتب للمراءة التي تنجب لمدة سنتين مع اجازة
من اغني السويد ام قطر ؟

[(بوطلال)]

من اغني السويد ام قطر ؟

السويد

[$$كلنا قطر$$]

اللهم لك الحمد الدوله ما قصرت
ومثل ما قالو الأخوان رمضان وقته معروف ولازم نستعد من قبل
مع انه ما يحتاج استعداد من ناحية الأكل
وانا ضد تدبيلة الراتب وبداله يعطون الناس المحتاجه هم المستحقين في سوريا وغيرها

[مشاكل]

تدبيلة راتب حق الاكل وتموين رمضان
وبالمره قبل العيد نبي عيديه اسقاط الديون :)

[هبوب الكوس]

عن الطمع
طالب حق الفقارا والمحتاجين الي عايشين على راتب الشؤون
ونصيحه من الحين ياجماعة خفوا الاكل والبلع في ارمضان والله فضيحه
كل سنه في اول يوم في ارمضان عشرات الحالات في الطواري بسبب
التلبك المعوي وعسر الهضم ( الاكل بشراهه)

:looking:

[CH Engineer]

يفضل مساعدات للي رواتبهم قليلة

الي تحت ال 5000 ريال له مساعده 10000 ريال
الي تحت ال7500 ريال له مساعده 7500 ريال
الي تحت ال10000 ريال له مساعده 5000 ريال

[بوخالد911]

الحمدلله أولا وأخيرا

وأهل الشؤون هم أكثرُ الفئات احتياجا للمساعدة المالية

[ابوالمديونين]

السويد

السلام عليكم لا اخوي ابوطلال قطر والحمد لله اغنى دوله في العالم من حيث دخل الفرد علما باءن دخل الفرد متضمن حتى الاجانب فلو كان دخل الفرد محسوب على القطريين تخيل كم بيكون دخل الفرد يا اخي الحمد الله احنا في خير بس لو واحد من المواطنيين يطلب اويتعشم شى من وطنة ما فيها شي لان مب كل القطريين رواتبهم عالية كاءنك يابوطلال موظف في المالية وتريد زيادة ايرادات الدوله مع احترامي وتقبل وجهة نظري

[ولد شرق]

اخوي
الدوله زادت الرواتب 60%
مادري اشوف انها مبالغه انك تطلب تدبيل الراتب
وبكره الطلبات مب منتهية
وبعدين اخوي انت ناقل خبر والمفروض متأكد منه... ممكن مصدر الخبر ان دول المجلس دبلت الرواتب؟

[دلة الرسلان]

تدبيل الراتب او زيادته للمستحقين من اهل الشوون والمتقاعدين والباقيين يتحمدون لربهم

على النعمة ويميرون لرمضان اسبوع بأسبوعه ويخططون لميزانيتهم ومشترياتهم وبيكون في

معاشهم بركة .

[فلتة زمانها]

السويد

هذا اول السويد الحين قطر ولوكسمبورج :nice:

The 10 Richest Countries In The World 2011 - Per capita income
1-Qatar - $91,379 فديت ترابج ياقطر
2-Luxembourg - $89,562
3-United Arab Emirates - $57,774
4-Norway - $56,920
5-Singapore - $56,797
6- United States - $47,084
7- Switzerland - $46,424
8- Netherlands - $42,447
9- Ireland - $39,999
10- Austria - $39,711

[عس عس]

الله يعين الجميع ـ اذا اطالب بهالشي اطالبه للارامل والمطلقات والمتقاعدين اللي معتمدين على راتب الشؤون او راتب التقاعد مايكفي التزاماتهم ، والمحتاجين بالدرجة الاولى .

:nice:

[القطو السمين]

تدبيل الراتب او زيادته للمستحقين من اهل الشوون والمتقاعدين والباقيين يتحمدون لربهم

على النعمة ويميرون لرمضان اسبوع بأسبوعه ويخططون لميزانيتهم ومشترياتهم وبيكون في

معاشهم بركة .

اعطيني فنجان يادلة والله مايكسر الخاطر في رمضان الا الخدم صيام وحر وشغل همم اللي لازم تتدبل رواتبهم في رمضان