بأمانة عيالكم يدرسون للأختبارات الوطنية

[دلة الرسلان]

السلام عليكم ورحمة الله وبركاته

أخواني وأخواتي الأعضاء استنفذت جميع الوسائل والحيل التربوية وغير التربوية لخلق

دافعية عند ابنائي وبناتي لدراسة الأختبارات الوطنية . هناك نفور شديد ورفض للدراسة

رغم أنهم ولله الحمد والفضل متفوقين طول السنة ولكن الحين اعتفس الوضع مما اضطرنا

لأستخدام الكف والعصا والملاحق والمحاصرة وكلها في ذمة المجلس الأعلى .

خلونا نتبادل الأخبار عيالكم يدرسون ولا مطنشيين مثل اللي عندي ؟

وأذا السواد الأعظم غير مهتمين بالمراجعة فهل ستكون هذه الأختبارات في هذه الحالة قادرة

على اعطاء صورة حقيقة لمستوى الطالب ؟

فاصلة جانبية : رثت ابنتي لدموع اخيها الرافض للدراسة ولمعت عيناها بتلك النظرة التي

تعني (الحل عندي وأنا بوهندي ) وقالت يمه ماله داعي تدرسينه خليه يسوي مثلي اللي ما

اعرفه اقول عكرة بكرة واعد للعشرة واختار الأجابة وتكون صحيحة وانا وربعي نسوي

الطريقة :)

[مخاوي الشيبة]

اخبر في بيض الوطنيه ماخبر فيه اختبارات وطنيه


اش هل السالفه هاذي الطالب ينهد حيلة من شهر 9 لي شهر 6 واخر شي


اختبارات وطنيه وش الهدف منها تعسير الدراسه على الطالب و كرهه للمدرسه

والتعليم هبابه اذا خلص يخلص في ذا الحر في الصيف بعض العوايل تسافر

وتونس عويلها وبعضها ماتروح ديره ويداوم لي الساعه 2 الظهر

عنبو خفو عليه شوي انا اطالب بأعاده وزارة التربية والتعليم وكتبنا

الاولية؟؟ اذا الدين يسر مهب عسر التعليم وش ؟؟

[زمان]

دلة الرسلان ابشركم عيالنا مثل عيالكم

[بوحمد111]

ولدي بعد كل اختبار يقول لي يبه انا (جبت العيد) وحال ولدي من حال جميع الطلبه في جميع المراحل يذهبون للاختبارات الوطنيه بدون دراسه لأنه في الاصل هذه الاختبارات خارجه عن منهجهم الدراسي وعلى حسب علمي بأن هذه الاختبارات المفروض تكون للنخبه فقط وليست لجميع الطلاب والطالبات وعلى هذا الاساس تم ادراج هذه الاختبارات بشكل عشوائي وغير مدروس بالطريقة المفروضه

ونقول للمجلس الاعلى صبحكم الله بالخير وكم وكم طالب جاب العيد في الإجابه

تحياتي

[مخاوي الشيبة]

هو عليه درجات ذا الاختبار الوطني ولا كيف
وهو اجباري ولا اختياري؟

[بن غيث]

المجلس الاعلى للتعليم ,,, فـــــــــــــــــــــــــــــــاشـــــــــــل
دمروا الجيل ,,, حسبي الله ونعم الوكيل

[ضوى]

السلام عليكم ورحمة الله وبركاته

أخواني وأخواتي الأعضاء استنفذت جميع الوسائل والحيل التربوية وغير التربوية لخلق

دافعية عند ابنائي وبناتي لدراسة الأختبارات الوطنية . هناك نفور شديد ورفض للدراسة

رغم أنهم ولله الحمد والفضل متفوقين طول السنة ولكن الحين اعتفس الوضع مما اضطرنا

لأستخدام الكف والعصا والملاحق والمحاصرة وكلها في ذمة المجلس الأعلى .

خلونا نتبادل الأخبار عيالكم يدرسون ولا مطنشيين مثل اللي عندي ؟

وأذا السواد الأعظم غير مهتمين بالمراجعة فهل ستكون هذه الأختبارات في هذه الحالة قادرة

على اعطاء صورة حقيقة لمستوى الطالب ؟

فاصلة جانبية : رثت ابنتي لدموع اخيها الرافض للدراسة ولمعت عيناها بتلك النظرة التي

تعني (الحل عندي وأنا بوهندي ) وقالت يمه ماله داعي تدرسينه خليه يسوي مثلي اللي ما

اعرفه اقول عكرة بكرة واعد للعشرة واختار الأجابة وتكون صحيحة وانا وربعي نسوي

الطريقة :)


والله يادلة حلوا الملازم اي كلام ومطنشين على الاخر كانهم باجازة خلاص النماذج وحليناها شنو ندرس بعد :(

[دلة الرسلان]

مشكوريين على المرور وخلونا نركز على هل عيالكم يدرسون للأختبارات الوطنية ؟

[بوحمد111]

مشكوريين على المرور وخلونا نركز على هل عيالكم يدرسون للأختبارات الوطنية ؟

لا والف لا ما يدرسون ولا يعرفون وش يدرسون

[بصمة قطرية]

هو عليه درجات ذا الاختبار الوطني ولا كيف
وهو اجباري ولا اختياري؟

اجباري
عليه 30٪
بس اكثر من 90٪ من الطلاب و الطالبات
يمتحنون بدون دراسة
منهج كامل كل اللي درسون طول السنه ...!!!
والله ما الومهم لين اعتمدوا على الحظ
او على طريقة عكرة بكرة نفس اللي يسويها ولدي
اذا توهق في سؤال ...!!!!
اقول له ادرس يقول لي يمه محد يدرس
ما نعرف اش ندرس و في الاخير اسئلة كثيرة
من خارج المنهج ...!!!
اللي قرر هالامتحانات مفتكر انه راح يرتقي بالتعليم ....؟؟؟!!!
للاسف التعليم اندمر عندنا ..!!
الله يعيننا على المجلس الاعلى .!!

[mariamaziz]

ما يعرفون وش بيدرسون ...
ولا اهاليهم مهتمين

موضوع الاختبارات الوطنية مب راضي ينبلع صرااحة .. الكل شايفه على انه خرابيط

[بصمة قطرية]

ما يعرفون وش بيدرسون ...
ولا اهاليهم مهتمين

موضوع الاختبارات الوطنية مب راضي ينبلع صرااحة .. الكل شايفه على انه خرابيط

اللي ضحكني المدرسة يرسلون مسج بضرورة
حضور الطالب للامتحان ...!!!!!
يعني في ناس ما يمتحنون :secret:

[سارونه]

ما يعرفون وش بيدرسون ...
ولا اهاليهم مهتمين

موضوع الاختبارات الوطنية مب راضي ينبلع صرااحة .. الكل شايفه على انه خرابيط

:nice::nice::nice::nice::nice:

المدارس المستقلة فاشله 100% - وجايين يقولون في امتحانات وطنية :anger1:

عيالنا لا يدرسون حق الامتحانات الوطنية ولا يبون يفكرون فيها :nice:

مع الاسف الكل يروح للمدارس الخاصة - على الاقل في اهتمام من قلب للطالب :nice:

[مشتاقة لقطر]

الله المستعان

[الأصيلة]

لا والله إلا عيالنا يدرسون ومدرسين بعد..

[ضوى]

لا والله إلا عيالنا يدرسون ومدرسين بعد..

اختي الاصيلة شنو يدرسون غير النماذج اللي في الموقع ؟؟ والاسئلة لا تمت باي حال من الاحوال لاي شي بالمنهج ؟؟ فالمدرسين شنو يدرسونهم ؟؟ النماذج ؟؟

[الأصيلة]

اختي الاصيلة شنو يدرسون غير النماذج اللي في الموقع ؟؟ والاسئلة لا تمت باي حال من الاحوال لاي شي بالمنهج ؟؟ فالمدرسين شنو يدرسونهم ؟؟ النماذج ؟؟

ايه يدرسون الملازم اللي عطتهم المدرسة
ويمتحنون في فيها

[مونت بلانك]

الخير عندي وعندكم وانا اشوف اخوي في البيت يقولي يا بابا خلاص الاجازه بدت

ولافي مذاكرة ولافي اهتمام وعادي الحياه طبيعيه

انا للحين ما لله عطاني اعيال وان شاء الله بيعطيني الكريم

بس تدرون والله العظيم افكر لو الله رزقني بولد او بنت اشلون بيتعلمون

الله يصلح الامور

[بصمة قطرية]

لا والله إلا عيالنا يدرسون ومدرسين بعد..

للامانة اللي في الثانوية يدرس و مع مدرس
اما الاعدادي لااا ..

[العابــرQAT]

الاختبارات الوطنية مذبحة للطلاب امتحانات صعبة رياضيات علوم حتي الاجتماعيات ما حلوا

المصيبة انة المجلس الاعلي منزل ملازم والطلاب اعتمدوا عليه والمدراس منزلة ملازم

وصدقوني الاسئلة لا جات من ملازم المجلس ولا المدرسة

يعني الطلاب خذوا مقلب

وصيغ الاسئلة معقدة وغير مفهومة في العلوم والرياضيات

الطلاب لمدة 9 اشهر واسبوعيا 5 امتحانات قصيرة او طويلة ازهقوا الطلاب ويجيك المجلس يتحكمون في 30%

خلاص نجحوهم
م

[سهم قطر]

خلوا الطلاب واهلهم يكرهون شي اسمه مدرسه وتدريس

[intesar]

شوف أنا ضد هذي الاختبارات.. لكن ما أبين لعيالي هذا الشيء.. حتى لو تذمروا.. أوضح لهم أن هذا قرار ولازم نتقيد فيه حتى لو مو عاجبنا..

المشكلة يا أخوي.. أن الإشاعات والصحف ايضا انشرت كلام بما مفاده أن الإختبارات الوطنية مو محسوبة.. وكله كلام فاضي.. وهالشيء خله الطلاب والطالبات يتقاعسون..

لما تلاقي صحفيين ما عندهم مصداقية.. وينسمح لهم بنشر ترهات وأكاذيب.. وين الرقابة عن هذي الأشكال..
ياريت يوضع حد وبصرامة لجهاز البلاك بيري.. لأن الكثير من الناس باتت عقولهم في خبر كان.. ويلاحقون الإشاعات ويصدقونها وينشرونها..

الحمدلله عيالي يدرسون ولكن لسان حالهم المجلس الأعلى للتعذيب.. لأنني من البداية ما صدقت أي كلام ينقال.. والحمدلله ماراح هدر اللي سووه عيالي..

ومو إنتوا تبغون ترجع الحكومية.. هذي من مساويء الحكومية منهج كامل ويكرف فيه الطالب كرف.. ولا نسيتوا أيام الشقا والعذاب..

بما أن عيالك خلاص ما يسمعون الكلام.. لو أنا علقتهم بثريات البيت.. مع الاعتذار لك.. أغريهم بهدايا ثمينة.. ما تخطر على بال.. شوف ايش اللي يحبونه.. وارشيهم فيه.. يمكن ينصلح الحال..

وياما صرخنا وقلنا.. بس محد يبغي يسمع..
بالتوفيق لجميع الطلبة والطالبات..

ودمتم بحفظ الرحمن..

[مرتبش]

مشكلتها التوقيت اللي ماله معنى
لو هي مهمة يقدرون يجمعونها مع اختبارات اخر السنة وخلاص اما انهم يمتحنونهم عقب اسبوعين وثلاثة من اختبارات اخر السنة ونص المدرسة الابتدائية تبدا اجازتهم والثانوية يخلصون قبلهم فكيف الطفل الطالب يقدر يعيش

وخل ينفعهم التمطرس اللي ذابحينا فيه

[الجني]

أسوأ شي أن الجميع ماخذين المجلس الاعلى
على قد عقلهم

ولدي يتذمر من الامتحانات

قلت له " يا يبه هم مجانين بس لازم تأخذهم على قد عقلهم"

نحن مجبورين ونماشيهم علشان نقطع هذه المرحلة

الجواب على السؤال : لا احد يدرس للامتحانات

[لمعة الالماس]

ما يدرسون لان النماذج صعبة وغير عن اللي درسوه

والامتحان مختلف عن النماذج

[intesar]

ما يدرسون لان النماذج صعبة وغير عن اللي درسوه

والامتحان مختلف عن النماذج



ليش مو مختلف.. شوي محور.. ما يصير أسئلة مباشرة محورة.. وسهلة بصراحة.. أنا استمتعت بحلها قبل عيالي..:victory:

[مبتدئه]

مايدرسو عيالي اللي عندج عندنا والخير كثير مش راضييييين يدرسووون واللي بالثانويه بعد ماتدرس تقول اشلوون تنحسب الدرجات واعطونا الشهاادت الصراحه كلامهم يقنعني*

[حياة]

لا دراسه ولا ملازم
ولاشي ابد... الكل رافض..
اذبحونا المجلس الاعلى وذبحوا
عيالنا وجعله في ذمتهم
امتحانات سخيفه ومعقده
عيالي وبناتي يقولون خااااارج
المنهج بتاتا مادري من وين يجيبون
الاسئله....،!!!!

[شموع قطريه]

انا عيالي معتبرين الاختبارات الوطنية مثل الكلمات المتقاطعه يروحون ويتسلون فيها ويعدون عكرة بكره ويختارون الاجابات ويرجعون يضحكون على الاسئلة المضحكه اللي حطوها .. وانا مالومهم في هالشي لانها اختبارات سخيفة ومالها معنى ..
كفايه طول السنة يدرسون لاختبارات المدرسة خلاص سووا اللي عليهم واذا المجلس يبي يتحقق من ان المدرسين وصلوا المعايير بشكل سليم للطلاب فلازم يرجع لنظام الموجهين واللي بدورهم يتابعون المدرسات ويوجهونهم للطريقه الصحيحة لايصال المعايير المطلوبه مب يتحققون منها عن طريق اختبارات سخيفه ومبهمه وغير مفهومه ..

يامجلس الاعلى خاطري اعرف من اللي حاط اختبار اللغة العربيه للمرحلة الاعدادية .. الصراحه عيالنا رجعوا ميتين من الضحك على اللي تتكلم في اختبار الاستماع لانها كانت تقرأ تعليمات الاسئلة بطريقه مضحكه شوفوا واحكموا تقول فيه :
تستمعون في هذا القسمي الى محادثتي او حواري ثم يتبعه سؤالي
سوف تختاروني افضل اجابتي من بين خياراتي الاجاباتي الاربعتي الواردتي في كتبي التقييمي . اصغوا جيدتي لان كل محادثتي ستقرا مره واحدتي فقطي ..

بذمتكم هذي لغة .. وين الهمزه وين الضمه للفاعل وين التنوين وين الفتحه كل الكلام مكسور .. انا اشك ان اللي تقرا الاختبار مب عربية ..

ياريت حد من المجلس الاعلى يوافينا برد على هالمصخرة في اختبار اللغة العربيتي ..

[دلة الرسلان]

اتمنى الأستمرار في المشاركة لمن لم يشارك حتى نخرج بانطباع صادق عن مدى استعداد

ابنائنا لهذه الأمتحانات ومن ثم نجد مقترحات ممكن تطبيقها حتى تكون هذه الاختبارات نافعة

ونتائجها صادقة .

[مستر بن]

انتآإ كطالب وادرسس..
والله اني ما بطلت ولا شيءء ..

[وحيد-الشوق]

محد يدرس خخخخخخخخخخ حتى اخوي الصغير في المستقلة مايدرس يقول الاستاذ يقولهم اهم شيء تحضرون حضوركم بس عليه 20 درجة والباقي يحلون خرابيط

ويقولون احنا متطورين في التعليم !!!

[intesar]

دلة الرسلان برد وأحط اللوم عليكم كأولياء أمور..هذا قانون وصدر.. ومجبورين نتقيد فيه.. حتى لو ما عجبنا.. لكن في المقابل من حقنا نحط امتعاضنا على هذي الاختبارات..

ليش نعالج الغلط بالغلط وبالأخير.. محد بيتضرر غير عيالنا.. ما أدري هل نسبة 30% قليل بالنسبة لكم.. ولا هل عيالكم هم اللي يمشون كلامهم عليكم..

يمكن كلامي جارح وقاسي.. بس فيها من الواقع الكثير.. ليش أضر عيالي لأن المجلس قراراته ضايعة.. استغربت بشدة من رد اغلب الأعضاء.. الدراسة ما هي بسياحة.. ولا سفر.. إذا ما علمنا عيالنا أهمية العلم.. والتحصيل العلمي.. راح ينشأ جيل تافه.. لا يبالي بالصعاب.. متذمر وشكاك..

لو على زمن أمهاتنا الأميات كان قدروا العيال يتنفسون.. المشكلة.. أننا في جيل أولياء أمور متعلمين ومثقفين.. لكن الوعي والفهم ضايع منهم..

العلم في الصغر كالنقش على الحجر.. وليه فات الفوت ما ينفع الصوت.. واللي بالجدر يطلعه الملاس..

ولكم مني الف تحية..

ودمتم بحقظ الرحمن..

[عوآآآآشـي]

اجباري
عليه 30٪
بس اكثر من 90٪ من الطلاب و الطالبات
يمتحنون بدون دراسة
منهج كامل كل اللي درسون طول السنه ...!!!
والله ما الومهم لين اعتمدوا على الحظ
او على طريقة عكرة بكرة نفس اللي يسويها ولدي
اذا توهق في سؤال ...!!!!
اقول له ادرس يقول لي يمه محد يدرس
ما نعرف اش ندرس و في الاخير اسئلة كثيرة
من خارج المنهج ...!!!
اللي قرر هالامتحانات مفتكر انه راح يرتقي بالتعليم ....؟؟؟!!!
للاسف التعليم اندمر عندنا ..!!
الله يعيننا على المجلس الاعلى .!!


اشلون اجباري وطلاب خذوا شهاداتهم لاخر امتحان قبل الامتحانات الوطنية
ولا في شهادات غير ؟؟

اتمنى التوضيح

[shadad]

اخبر في بيض الوطنيه ماخبر فيه اختبارات وطنيه


اش هل السالفه هاذي الطالب ينهد حيلة من شهر 9 لي شهر 6 واخر شي


اختبارات وطنيه وش الهدف منها تعسير الدراسه على الطالب و كرهه للمدرسه

والتعليم هبابه اذا خلص يخلص في ذا الحر في الصيف بعض العوايل تسافر

وتونس عويلها وبعضها ماتروح ديره ويداوم لي الساعه 2 الظهر

عنبو خفو عليه شوي انا اطالب بأعاده وزارة التربية والتعليم وكتبنا

الاولية؟؟ اذا الدين يسر مهب عسر التعليم وش ؟؟

:nice: ردك اختصر على ردي . تسلم .

[بصمة قطرية]

اشلون اجباري وطلاب خذوا شهاداتهم لاخر امتحان قبل الامتحانات الوطنية
ولا في شهادات غير ؟؟

اتمنى التوضيح

ولدي اللي في الثانوية خذ شهادته ..
في شهادة ثانية خاصة بالاختبارات الوطنية ..

[مدرسة]

عيالي يدرسون

في بيتي ما عندنا شي اسمه ( جبت العيد ) و لله الحمد

لا أفتح باب مناقشة جدوى الاختبارات الوطنية مع أبنائي . أعرف بأن النقاشات حول هذا الموضوع تدور كثير اً حولهم حتى المدرسات في الصفوف يشككون في جدواها مما خلق جو سلبي جددداً


أنا و عيالي متفقين ، امتحان يعني دراسة سواء عاجبني والا مو عاجبني ! مدام عليه درجات لازم يلتزمون و لا راح يلتزمون إذا أنا أو أبوهم نتشكى و نقول ما منها فايدة
و هذا هم مثلهم مثل عيالكم لا أنا حابستهم ولا مستعملة معاهم سياسة الحديد و النار ....
يعني ما عليهم شر يقدمون و يحققون أغلب المعايير و عندي بنتين يكونون في مستوى ( قريب من المعايير ) السنة اللي طافت في العلوم و الرياضيات ،

ان شاء الله السنة أفضل

أدري معارضة السرب ،،، انتي بغيتي الصج و انا عطيتج الصج و السؤال كان للجميع و أنا ضمن الجميع !

دمتم لله أقرب

[تنشدعن الحال]

مشكوووووور وما قصرت

[يونيك ^ قطر]

بصراحه نفخو روسنا بهل الوطنية والله انها على البركة ومامنها فايده حتى صيغة الاساله غير مهب اللي متعودين عليها عيالنا في اختباراتهم السابقة ومالومهم اذا ما عرفوا شيدرسون وفي الاخير تطلع الاساله غير بس تعب على الفاضي حتى اكثر العيال ملو وضاقت انفوسهم وكذالك المدرسات بس اللي ابي اعرفه شل الحكمة من هل الاختبارات بتقولون تحديد مستوى ما اعتقد انهم بيوصلون له هيئة التعليم لانها على البركة واذا الموضوع عكره بكره معناتها مافي مستوى والافضل يلغون هل الاختبارات والله مالها داعي وتخيلوا لو حد عنده دور ثاني شبتكون حالته الاجازه راحت بدون معنى وما انقول الا الله يذكر ايام وزارة التربية والتعليم بالخير صج كانت ايام يالتها ترجع

[روز باريس]

انا بناتي في مستقله مايدرسون كل المواد على حسب الماده اذا كانوا مب فاهمين بعض الاشياء يدرسون اما اذا عادي ايعرفون مثل الانجليزي والعربي مايدرسون

واصلن العام كانوا امشددين على البنات ودرسوهم ف المدرسه اما هالسنه قطو عليهم بعض الملازم وقالوا لهم لا اتجون

[رمــش الغلا]

محد يدرس خخخخخخخخخخ حتى اخوي الصغير في المستقلة مايدرس يقول الاستاذ يقولهم اهم شيء تحضرون حضوركم بس عليه 20 درجة والباقي يحلون خرابيط

ويقولون احنا متطورين في التعليم !!!


هاذا اللي سمعته انا بعد

واعيالنا مافتحوا الكتب ولا ادرسوا
بنت اختي اتعد من 1 لين عشرة وتجاوب يحليلها :rolleyes2:

الله يوفق الجميع

[Rashid554]

للأسف اذا هذا كان تفكير اولياء الامور
انتو تعودتو على نظام احفظ السؤال ويجيك بنفس الصيغه
لكن النظام الحديث هو (معيار) وليس السؤال

في فرق بين السؤال الدايركت ينحفظ ويجي مثله
وبين سؤال على اساس معيار

[القطو السمين]

اللي يقول ان الاختبارات قانون ولازم نحن نتبعها لييييييييييييييييييييش قانون منزل جاي من ربي كلها قوانيين خربوطية صادرة من شخص او عدة اشخاص بدون دراسة لهل القرار لابد ان يكون لنا راي في تعليم عيالنا مهوب بس تنفييييذ وانا متاكده ان اللي سوى هالقرار عياله مهوب في المستقلة اما بالنسبه للسؤال عيالي ما يدرسون وانا ماغصبهم لاني اشوف هالاختبارات تضييع وقت وفلوس على الفاضي واذا انتهوا من الامتحان اسئلهم ايش سويتوا في الاختبار قالوا فجرنا الاوراق الله يكفينا شر هالتفحيرات معناته سوو زيين

[يمنية حرة]

طبعاً نفس الحال عندنا يراجعو الاوراق بطلوع الروح وبدون نفس

بس اليوم عيالي إعدادي وثانوي جابو نتايجهم

اشلون وللحين ما خلصت الاختبارات الوطنية؟؟!!

[بصمة قطرية]

طبعاً نفس الحال عندنا يراجعو الاوراق بطلوع الروح وبدون نفس

بس اليوم عيالي إعدادي وثانوي جابو نتايجهم

اشلون وللحين ما خلصت الاختبارات الوطنية؟؟!!

عادي
ولدي في الثانوية خذ الشهادة قبل لا يبدا الامتحانات الوطنية ..:secret:

[intesar]

اللي يقول ان الاختبارات قانون ولازم نحن نتبعها لييييييييييييييييييييش قانون منزل جاي من ربي كلها قوانيين خربوطية صادرة من شخص او عدة اشخاص بدون دراسة لهل القرار لابد ان يكون لنا راي في تعليم عيالنا مهوب بس تنفييييذ وانا متاكده ان اللي سوى هالقرار عياله مهوب في المستقلة اما بالنسبه للسؤال عيالي ما يدرسون وانا ماغصبهم لاني اشوف هالاختبارات تضييع وقت وفلوس على الفاضي واذا انتهوا من الامتحان اسئلهم ايش سويتوا في الاختبار قالوا فجرنا الاوراق الله يكفينا شر هالتفحيرات معناته سوو زيين


نعم يعني مثلا عيالك يرسبون لأن القانون مو عاجبك.. هل هذا ما تعنينه.. يكون لك رأي شيء.. والطالب يدرس لأنه قانون وجبر عليه شيء آخر..:secret:

[MAZEN37]

على لسانهم
غير محسوبه

[Mr. H]

عيالنا ما يدرسون مع أنهم جايبين نسب عالية و لله الحمد , لكن المشكلة ما نعرف ولا يعرفون وش يدرسون .. فنخليهم بدون دراسة ..

والله أن اخوي الصغير في اسبوع الامتحانات الوطنية و هو يوميا على السوني , مع العلم انه شاطر و جايب في التسعينيات .. بس قفلت معه ماعرف وش يدرس

[intesar]

على لسانهم
غير محسوبه

لا محسوبة وهذي على لسان التربويين..

[الوان]

لا محسوبة وهذي على لسان التربويين..

للأسف محسوبة

عليها 30 بالمية من الدرجة

و ممكن تأثر في نجاح و رسوب الطالب

[الجني]

للأسف اذا هذا كان تفكير اولياء الامور
انتو تعودتو على نظام احفظ السؤال ويجيك بنفس الصيغه
لكن النظام الحديث هو (معيار) وليس السؤال

في فرق بين السؤال الدايركت ينحفظ ويجي مثله
وبين سؤال على اساس معيار

اخي الكريم ، لماذا لا يدرسون على هذه الأسئلة خلال العام الدراسي
اذا كانت أسئلة معيار كما تزعم لماذا لا يتم تدريبهم بالتدريج
نحن تعلمنا على الأسئلة المباشرة (الدايركت)
و بين يوم و ليله تريدنا ان نستوعب شيء لم نعهده من قبل

في موضوع آخر ، في امريكا بلد راند لا توجد أسئلة وطنية
فلماذا تفرض في بلادنا ؟

[الوان]

بس
المفروض
اذا كان الهدف منها تقييم مدى اكتساب الطالب للمعايير

مفروض ان نوعية هالامتحان ما يندرس له في يومين او حتى اسبوعين
مفروض هالنوع من التقييم يقيس المهارات و المعارف التراكمية المكتسبة خلال شهور

و مفروض ان بالفعل هالمهارات و المعارف و ... و ,,, يكون الطالب اكتسبها و اختبر فيها و تم دعمه و تقويته في الجوانب الضعيفة

يعني هالأختبار تحصيل حاصل ... بمعنى درس و لا مادرس مفروض يقيس اللي تعلمه الطالب خلال السنة ...

يعني تربويا مستحيل يراجع له الطالب في يومين

هذا اذا كان اختبار تقييم بمعنى تربوي و شامل

اما اذا مطلوب ان الطالب يستعد له و يحاسبون الطالب بأنقاص درجاته لأنه ما استعد له ... فهذا ظلم

ظلم للطالب

[شيزكيك]

الصراحه صورت الملازم في الموقع كلها بالاضافه الى الملازم الي وزعوها عليهم في المدرسه وراجعت معاهم الاسئلة واذا ابي اتكد ان الجواب صح اشوف الاسئلة المحلوله انا وحدة ابي ا كون في الصورة واعرف كل شي يخص العيال ومن ضمنها هالاختبارات صج تموا يتحلطمون بس في الاخير اقتنعوا وعليها نسبة والشهادات الي خذوها عن التقرير الرابع بيعطونهم شهادات ثانية فيها درجات الاختبارات الداخليه والتقييم الشامل

[الوان]

اتمنى الأستمرار في المشاركة لمن لم يشارك حتى نخرج بانطباع صادق عن مدى استعداد

ابنائنا لهذه الأمتحانات ومن ثم نجد مقترحات ممكن تطبيقها حتى تكون هذه الاختبارات نافعة

ونتائجها صادقة .

المفروض ياأختي ان الطالب ما وصل لهالفترة الا و هو مستعد للتقييم

طبعا من خلال المدرسة

و طوال السنة الدراسية

بدأ من الأختبارات التشخيصية اللي اعملوها ببداية السنة
مرورا بالتقييم المستمر
و الأبحاث و المشاريع
انتهاء بالأختبارات المدرسية

المفروض كلها تصب في استعداد الطالب
من خلال اكتسابه للدروس

اما اذا كانت نتيجة التقييم بها قصور
فهنا تحاسب المدرسة و المناهج و المعلم و طرق التدريس
لأنها ادوات الطالب للأستعداد لأمتحانات التقييم (الوطنية)

[الأغر]

عن جد ايش الفايده من الاختبارات الوطنيه ؟؟!

[khaldoon]

والله انا عيالي ما اشوفهم يدرسوا نهائيا... في الامتحانات الوطنية.... يعني ارجع الساعة 5:30 و اخذهم على درس الكاراتيه الساعه 6 و ارجعهم تقريبا 8 و يناموا

أسألهم تدرسون يقولوا ايه درسنا من ساعة الى ساعتين بس كل المنهج و امهم تقول صحيح درسوا و حافظين المنهج... و يكملوا الاجابة بالقول انه اصلا الاسئله كلها خارج المنهج


لحظه لحظه.... اشوفكم تقولوا ملازم من النت.... اول مرة اسمع عنها و بكرة اخر امتحان.....:eek5:

[الوان]

والله انا عيالي ما اشوفهم يدرسوا نهائيا... في الامتحانات الوطنية.... يعني ارجع الساعة 5:30 و اخذهم على درس الكاراتيه الساعه 6 و ارجعهم تقريبا 8 و يناموا

أسألهم تدرسون يقولوا ايه درسنا من ساعة الى ساعتين بس كل المنهج و امهم تقول صحيح درسوا و حافظين المنهج... و يكملوا الاجابة بالقول انه اصلا الاسئله كلها خارج المنهج


لحظه لحظه.... اشوفكم تقولوا ملازم من النت.... اول مرة اسمع عنها و بكرة اخر امتحان.....:eek5:

ايه ملازم اثرائية

ايدورون فيها كلمة السر

[A l i]

عيل شيقولون طلاب الثانويه العامه المساكين اللي يدخلون لجنة الامتحان واهما ساكتين
والامتحان الشهاده العامه مثل الوطنيه بالضبط صيغ الاسئله كلها غير ومحورينها
وعليها 70٪ يعني يا توديك جدااام او تنزلك مره وحده تحت
الله كريم :(

[(محمد)]

اخي الكريم ، لماذا لا يدرسون على هذه الأسئلة خلال العام الدراسي
اذا كانت أسئلة معيار كما تزعم لماذا لا يتم تدريبهم بالتدريج
نحن تعلمنا على الأسئلة المباشرة (الدايركت)
و بين يوم و ليله تريدنا ان نستوعب شيء لم نعهده من قبل

في موضوع آخر ، في امريكا بلد راند لا توجد أسئلة وطنية
فلماذا تفرض في بلادنا ؟



خذ هذه المعلومة اخي الكريم




لقد بدأت التجربة في امريكا اولا




وفشلت فشلا ذريعا




وتم الغاء التجربة الاساسية للمدارس المستقلة بثوبها الحالي ... والآن هم يستخدمونها علينا ولكن لسبب آخر .. ادعه لأصحاب العقول.

[شيزكيك]

والله انا عيالي ما اشوفهم يدرسوا نهائيا... في الامتحانات الوطنية.... يعني ارجع الساعة 5:30 و اخذهم على درس الكاراتيه الساعه 6 و ارجعهم تقريبا 8 و يناموا

أسألهم تدرسون يقولوا ايه درسنا من ساعة الى ساعتين بس كل المنهج و امهم تقول صحيح درسوا و حافظين المنهج... و يكملوا الاجابة بالقول انه اصلا الاسئله كلها خارج المنهج


لحظه لحظه.... اشوفكم تقولوا ملازم من النت.... اول مرة اسمع عنها و بكرة اخر امتحان.....:eek5:
http://www.education.gov.qa/section/sec/evaluation_institute/sao/_qcea

في هالصفحه موجود الاسئلة الاترائية ونماذج الاختبارات و الاختبارات التجريبية الي عادينها منسقات المدارس وبعد موجود الاجابات النموذجية

[khaldoon]

ايه ملازم اثرائية

ايدورون فيها كلمة السر

بجد ما اتغشمر اول مرة اسمع بالملازم :rolleyes2:

[شيزكيك]

[/QUOTE][QUOTE=شيزكيك;8282495]http://www.education.gov.qa/section/sec/evaluation_institute/sao/_qcea

في هالصفحه موجود الاسئلة الاترائية ونماذج الاختبارات و الاختبارات التجريبية الي عادينها منسقات المدارس وبعد موجود الاجابات النموذجية

[khaldoon]

http://www.education.gov.qa/section/sec/evaluation_institute/sao/_qcea

في هالصفحه موجود الاسئلة الاترائية ونماذج الاختبارات و الاختبارات التجريبية الي عادينها منسقات المدارس وبعد موجود الاجابات النموذجية


شالفايدة الحين.... الساعة 10 بالليل و هم نايمين و بكرة اخر امتحان

على العموم بارك الله فيكي ....:weeping:

[بصمة قطرية]

شالفايدة الحين.... الساعة 10 بالليل و هم نايمين و بكرة اخر امتحان

على العموم بارك الله فيكي ....:weeping:

خخخخخخخخخخخخخخخخخخخخخ :nice:
لا تحاتي اخوي خلدون
ان شاء الله ناجحين :nice:
الــ 20% مضمونة :victory:

[khaldoon]

خخخخخخخخخخخخخخخخخخخخخ :nice:
لا تحاتي اخوي خلدون
ان شاء الله ناجحين :nice:
الــ 20% مضمونة :victory:

بارك الله فيكي يا اخت بصمة....انا مب خايف على النجاح.... ان شاء الله النجاح مضمون ... هم شاطرين بس خايف يأثر على معدلهم و بعدين ما ينقبلوا في صف خامس و سادس للسنة الجاية و يضطروا يعيدوا السنة لتحسين المعدل :omen2:

[intesar]

خخخخخخخخخخخخخخخخخخخخخ :nice:
لا تحاتي اخوي خلدون
ان شاء الله ناجحين :nice:
الــ 20% مضمونة :victory:

بصمة التربويين يقولون لج الاختبارات محسوبة.. ليش تصدقين أي كلام ينقال.. :omg::nice:

[شيزكيك]

شالفايدة الحين.... الساعة 10 بالليل و هم نايمين و بكرة اخر امتحان

على العموم بارك الله فيكي ....:weeping:

معليش اخوي بينفعك الموقع للسنه الجاية باذن الله والدرجات محسوبه

[دااانة قطر]

اذا المدارس مادرسوهم للاختبارات الوطنيه لانهم مب فااضيين
ولا يدرسون ايش يدرسونهم
احنا شندرسهم؟؟

[دلة الرسلان]

اشكر اخواني وخواتي ممن اثروا النقاش وشاركوا وقبل البدء بالرد على مشاركاتكم اريد أن

اوضح بعض النقاط :

- شخصيا اجد في الأمتحانات الوطنية (كفكرة) فائدة في معرفة مستوى الطالب ولكن توقيتها

خطأ كبير.

- المجلس الأعلى لم ينجح في تسويق فكرة الاختبارات الوطنية عند المتلقي سواء كان الطالب

أو اسرته وهنا نتذكر المثل الأمريكي .. تستطيع ان تجبر الحصان ان يأتي لنبع الماء ولكن من

شبه المستحيل أن تجبر الحصان على أن يشرب الماء!!

- نحاول التوصل معكم ألى الحل الأمثل لأن هذه المعضلة ستواجهنا السنة القادمة أذا اطال الله

في اعمارنا وأياكم أو أن يحدث الله أمرا اخر .

[ضوى]

ماحدث في اختبار اللغة العربية ( الاستماع ) كارثة حقيقية اثبتت فشل هذه الاختبارات وفشل من وضعها

حسبي الله عليهم ضحكوا عيالنا عليهم وعلى تفاهتهم ، بنتي وولدي ميتين من الضحك على امتحان الاستماع ، يقلد لي وميت من الضحك بذمتكم هذا مب شي مخزي بحق المجلس الاعلى للتعليم !!!!!!!!!!!!!!!

[ضوى]

بصمة التربويين يقولون لج الاختبارات محسوبة.. ليش تصدقين أي كلام ينقال.. :omg::nice:

سلمي عليهم التربويين وقولي لهم ضوى تقول لكم بيض الله ويهكم وارحم الله والديكم :)

[دلة الرسلان]

اخبر في بيض الوطنيه ماخبر فيه اختبارات وطنيه


اش هل السالفه هاذي الطالب ينهد حيلة من شهر 9 لي شهر 6 واخر شي


اختبارات وطنيه وش الهدف منها تعسير الدراسه على الطالب و كرهه للمدرسه

والتعليم هبابه اذا خلص يخلص في ذا الحر في الصيف بعض العوايل تسافر

وتونس عويلها وبعضها ماتروح ديره ويداوم لي الساعه 2 الظهر

عنبو خفو عليه شوي انا اطالب بأعاده وزارة التربية والتعليم وكتبنا

الاولية؟؟ اذا الدين يسر مهب عسر التعليم وش ؟؟

فعلا نحط على كراهية التعليم كذا خط

دلة الرسلان ابشركم عيالنا مثل عيالكم

اذن الفرص متساوية


ولدي بعد كل اختبار يقول لي يبه انا (جبت العيد) وحال ولدي من حال جميع الطلبه في جميع المراحل يذهبون للاختبارات الوطنيه بدون دراسه لأنه في الاصل هذه الاختبارات خارجه عن منهجهم الدراسي وعلى حسب علمي بأن هذه الاختبارات المفروض تكون للنخبه فقط وليست لجميع الطلاب والطالبات وعلى هذا الاساس تم ادراج هذه الاختبارات بشكل عشوائي وغير مدروس بالطريقة المفروضه

ونقول للمجلس الاعلى صبحكم الله بالخير وكم وكم طالب جاب العيد في الإجابه

تحياتي

علشان نحكم أنها من خارج المنهج لازم نشوف الأمتحان نفسه لذلك نطالب الدكتورة حمدة

السليطي بوضع الاختبار ثاني يوم على موقع المجلس نراجع نحن يا اولياء الأمور الأسئلة

ونتعرف على نوعيتها ونحكم أذا فعلا هي من المنهج ونتعلم للسنين القادمة.

المجلس الاعلى للتعليم ,,, فـــــــــــــــــــــــــــــــاشـــــــــــل
دمروا الجيل ,,, حسبي الله ونعم الوكيل

خلاص تعايشوا مع الوضع .




والله يادلة حلوا الملازم اي كلام ومطنشين على الاخر كانهم باجازة خلاص النماذج وحليناها شنو ندرس بعد :(

احنا وصلنا مرحلة الملازم ما يدرسونها بعذر أنهم حافظين الكتاب والأسئلة من برا .

لا والف لا ما يدرسون ولا يعرفون وش يدرسون

:(


اجباري
عليه 30٪
بس اكثر من 90٪ من الطلاب و الطالبات
يمتحنون بدون دراسة
منهج كامل كل اللي درسون طول السنه ...!!!
والله ما الومهم لين اعتمدوا على الحظ
او على طريقة عكرة بكرة نفس اللي يسويها ولدي
اذا توهق في سؤال ...!!!!
اقول له ادرس يقول لي يمه محد يدرس
ما نعرف اش ندرس و في الاخير اسئلة كثيرة
من خارج المنهج ...!!!
اللي قرر هالامتحانات مفتكر انه راح يرتقي بالتعليم ....؟؟؟!!!
للاسف التعليم اندمر عندنا ..!!
الله يعيننا على المجلس الاعلى .!!

:(

[رايق البال x]

لا والله ما ارهقت عيالي ابد عشان الوطنية ،، امر على الملزمة وياه مرور الكرام للامانة ولا اخليه يتعقد نفسياً ، يعني يتعب طووووووووووول السنه وينهد حيله واخرتها وطنية لا يبى ما نبيها

[ضوى]

اخي الكريم ، لماذا لا يدرسون على هذه الأسئلة خلال العام الدراسي
اذا كانت أسئلة معيار كما تزعم لماذا لا يتم تدريبهم بالتدريج
نحن تعلمنا على الأسئلة المباشرة (الدايركت)
و بين يوم و ليله تريدنا ان نستوعب شيء لم نعهده من قبل

في موضوع آخر ، في امريكا بلد راند لا توجد أسئلة وطنية
فلماذا تفرض في بلادنا ؟

اختلف معاك اخوي الجني ، عن نفسي وفي امتحانات الشهادة الاعداية والثانوية كانت الاسئلة غير مباشرة وفي لف ودوران مب طبيعي لدرجة انه كنا نطلب استاذة المادة تشرح السؤال حتى نتوصل للحل ، عمرها الاسئلة العلمية ماتجي مباشرة اخوي الجني ، بس اللي صاير حاليا خربطة ، واسئلة مالها اي معنى ، الله العالم من حاط هالاسئلة ؟وبالذات اللغة العربية اه ياوجعي يالغتي العربية ضاعت بين هذا وذاك :(

[دلة الرسلان]

ما يعرفون وش بيدرسون ...
ولا اهاليهم مهتمين

موضوع الاختبارات الوطنية مب راضي ينبلع صرااحة .. الكل شايفه على انه خرابيط

ياهيئة التقييم ليش منتشرة هالفكرة عن الأختبارات الوطنية ؟

اللي ضحكني المدرسة يرسلون مسج بضرورة
حضور الطالب للامتحان ...!!!!!
يعني في ناس ما يمتحنون :secret:

وبعد مسج يشكرونا أن عيالنا احضروا

:nice::nice::nice::nice::nice:

المدارس المستقلة فاشله 100% - وجايين يقولون في امتحانات وطنية :anger1:

عيالنا لا يدرسون حق الامتحانات الوطنية ولا يبون يفكرون فيها :nice:

مع الاسف الكل يروح للمدارس الخاصة - على الاقل في اهتمام من قلب للطالب :nice:



يعتمد أي مدارس خاصة ؟ المهم عيالكم ما يدرسون

الله المستعان

ادلي بدلوك يامشتاقة لقطر :)

لا والله إلا عيالنا يدرسون ومدرسين بعد..

وبدون مقاومة تذكر ؟!



الخير عندي وعندكم وانا اشوف اخوي في البيت يقولي يا بابا خلاص الاجازه بدت

ولافي مذاكرة ولافي اهتمام وعادي الحياه طبيعيه

انا للحين ما لله عطاني اعيال وان شاء الله بيعطيني الكريم

بس تدرون والله العظيم افكر لو الله رزقني بولد او بنت اشلون بيتعلمون

الله يصلح الامور

الله يرزقك بالذرية الصالحة ووتشاركينا برأيك وأن شاء الله ذاك الوقت -القريب - يكون

لأرائنا قيمة كشريك فعلي في العملية التعليمية .

للامانة اللي في الثانوية يدرس و مع مدرس
اما الاعدادي لااا ..

شكرا للمشاركة



الاختبارات الوطنية مذبحة للطلاب امتحانات صعبة رياضيات علوم حتي الاجتماعيات ما حلوا

المصيبة انة المجلس الاعلي منزل ملازم والطلاب اعتمدوا عليه والمدراس منزلة ملازم

وصدقوني الاسئلة لا جات من ملازم المجلس ولا المدرسة

يعني الطلاب خذوا مقلب

وصيغ الاسئلة معقدة وغير مفهومة في العلوم والرياضيات

الطلاب لمدة 9 اشهر واسبوعيا 5 امتحانات قصيرة او طويلة ازهقوا الطلاب ويجيك المجلس يتحكمون في 30%

خلاص نجحوهم
م

أو اللي تقيسونه اخر العام فيسوه طول العام الدراسي بنفس صيغة الأسئلة مثل ما قال اخونا

الجني.

[moonبنتnight]

لا تلمينهم من طول فترة سنة الدراسية زهقوا 00 ولي اعرفه أن الامتحانات هو مقياس كفاءة المدرسة المستقلة وتحقيق أهدافها والمعايير 00 لكن حين العكس تعتبر مادة نجاح ورسوب 00 نفس قبل يدروسون الكتابين ويمتحنون 00 المهم الله يوفقهم وينجحهم 00

[دلة الرسلان]

خلوا الطلاب واهلهم يكرهون شي اسمه مدرسه وتدريس

وخربوا على الأهالي الأجازة الصيفية :(

شوف أنا ضد هذي الاختبارات.. لكن ما أبين لعيالي هذا الشيء.. حتى لو تذمروا.. أوضح لهم أن هذا قرار ولازم نتقيد فيه حتى لو مو عاجبنا..

المشكلة يا أخوي.. أن الإشاعات والصحف ايضا انشرت كلام بما مفاده أن الإختبارات الوطنية مو محسوبة.. وكله كلام فاضي.. وهالشيء خله الطلاب والطالبات يتقاعسون..

لما تلاقي صحفيين ما عندهم مصداقية.. وينسمح لهم بنشر ترهات وأكاذيب.. وين الرقابة عن هذي الأشكال..
ياريت يوضع حد وبصرامة لجهاز البلاك بيري.. لأن الكثير من الناس باتت عقولهم في خبر كان.. ويلاحقون الإشاعات ويصدقونها وينشرونها..

الحمدلله عيالي يدرسون ولكن لسان حالهم المجلس الأعلى للتعذيب.. لأنني من البداية ما صدقت أي كلام ينقال.. والحمدلله ماراح هدر اللي سووه عيالي..

ومو إنتوا تبغون ترجع الحكومية.. هذي من مساويء الحكومية منهج كامل ويكرف فيه الطالب كرف.. ولا نسيتوا أيام الشقا والعذاب..

بما أن عيالك خلاص ما يسمعون الكلام.. لو أنا علقتهم بثريات البيت.. مع الاعتذار لك.. أغريهم بهدايا ثمينة.. ما تخطر على بال.. شوف ايش اللي يحبونه.. وارشيهم فيه.. يمكن ينصلح الحال..

وياما صرخنا وقلنا.. بس محد يبغي يسمع..
بالتوفيق لجميع الطلبة والطالبات..

ودمتم بحفظ الرحمن..

يا انتصار أنا اتمنى من كل قلبي نجاح العملية التعليمية وفكرة التعليم المستقل التي قلقصت

اجنحتها فما صارت مستقلة ولا حكومية وفي نفس الوقت مع أشراك الأهل في العملية التعليمية

والأخذ بمقترحاتهم ومعرفة الجو العام السائد نحو الاختبارات الوطنية بهدف تعديل سير القافلة .


مشكلتها التوقيت اللي ماله معنى
لو هي مهمة يقدرون يجمعونها مع اختبارات اخر السنة وخلاص اما انهم يمتحنونهم عقب اسبوعين وثلاثة من اختبارات اخر السنة ونص المدرسة الابتدائية تبدا اجازتهم والثانوية يخلصون قبلهم فكيف الطفل الطالب يقدر يعيش

وخل ينفعهم التمطرس اللي ذابحينا فيه

شكرا على المشاركة


أسوأ شي أن الجميع ماخذين المجلس الاعلى
على قد عقلهم

ولدي يتذمر من الامتحانات

قلت له " يا يبه هم مجانين بس لازم تأخذهم على قد عقلهم"

نحن مجبورين ونماشيهم علشان نقطع هذه المرحلة

الجواب على السؤال : لا احد يدرس للامتحانات

يمكن مش مجانيين بس اغبياء !!

لأنهم يضعوون نفسهم في ظروف صعبة ما تصلح للقياس والتقييم الصحيح وعارفين ها

الشيء ومستمرين فيه .

ما يدرسون لان النماذج صعبة وغير عن اللي درسوه

والامتحان مختلف عن النماذج

بيقولون المدرسة ما طبقت المعايير ؟


ليش مو مختلف.. شوي محور.. ما يصير أسئلة مباشرة محورة.. وسهلة بصراحة.. أنا استمتعت بحلها قبل عيالي..:victory:

من مدرسة ألى اخرى فيه اختلاف في المناهج ومش بالضرورة تم تدريس كافة المعايير .

مايدرسو عيالي اللي عندج عندنا والخير كثير مش راضييييين يدرسووون واللي بالثانويه بعد ماتدرس تقول اشلوون تنحسب الدرجات واعطونا الشهاادت الصراحه كلامهم يقنعني*

شهادات التقييم الرابع



لا دراسه ولا ملازم
ولاشي ابد... الكل رافض..
اذبحونا المجلس الاعلى وذبحوا
عيالنا وجعله في ذمتهم
امتحانات سخيفه ومعقده
عيالي وبناتي يقولون خااااارج
المنهج بتاتا مادري من وين يجيبون
الاسئله....،!!!!

هل الاسئلة فعلا من خارج المنهج

انا عيالي معتبرين الاختبارات الوطنية مثل الكلمات المتقاطعه يروحون ويتسلون فيها ويعدون عكرة بكره ويختارون الاجابات ويرجعون يضحكون على الاسئلة المضحكه اللي حطوها .. وانا مالومهم في هالشي لانها اختبارات سخيفة ومالها معنى ..
كفايه طول السنة يدرسون لاختبارات المدرسة خلاص سووا اللي عليهم واذا المجلس يبي يتحقق من ان المدرسين وصلوا المعايير بشكل سليم للطلاب فلازم يرجع لنظام الموجهين واللي بدورهم يتابعون المدرسات ويوجهونهم للطريقه الصحيحة لايصال المعايير المطلوبه مب يتحققون منها عن طريق اختبارات سخيفه ومبهمه وغير مفهومه ..

يامجلس الاعلى خاطري اعرف من اللي حاط اختبار اللغة العربيه للمرحلة الاعدادية .. الصراحه عيالنا رجعوا ميتين من الضحك على اللي تتكلم في اختبار الاستماع لانها كانت تقرأ تعليمات الاسئلة بطريقه مضحكه شوفوا واحكموا تقول فيه :
تستمعون في هذا القسمي الى محادثتي او حواري ثم يتبعه سؤالي
سوف تختاروني افضل اجابتي من بين خياراتي الاجاباتي الاربعتي الواردتي في كتبي التقييمي . اصغوا جيدتي لان كل محادثتي ستقرا مره واحدتي فقطي ..

بذمتكم هذي لغة .. وين الهمزه وين الضمه للفاعل وين التنوين وين الفتحه كل الكلام مكسور .. انا اشك ان اللي تقرا الاختبار مب عربية ..

ياريت حد من المجلس الاعلى يوافينا برد على هالمصخرة في اختبار اللغة العربيتي ..

فعلا عيالي في الأبتدائية رابع وسادس اشتكوا من اختبار الأستماع يقولون القراءة مرة وحده

وما قدرنا نختار الأجابات لأنها كثيرة .

بس نظام الموجهات ما اعتقد يكفي عن اختبارات تقييم شاملة .

[intesar]

مدرس بنتي بالثانوية العامة.. يدرس بمسقلة.. كان يقول لها.. فيه أسئلة كلها تحتمل الصواب.. ولكن الأقرب إجابة عليها درجات أكثر.. ذكرتني بقصة المنحنى بجامعة قطر..

مثل سؤال القاضي تبع العام..

[intesar]

سلمي عليهم التربويين وقولي لهم ضوى تقول لكم بيض الله ويهكم وارحم الله والديكم :)

على فكرة التربويين اللي تتكلمين عنهم أعضاء وعضوات عندنا.. فياريت نتكلم بطريقة أفضل.. إذا ما عجبج شيء.. يمكن أنا يعجبني.. فخلي الحوار هادف.. حتى نوصل لنتيجة ترضي جميع الأطراف..:nice:

[بصمة قطرية]

بارك الله فيكي يا اخت بصمة....انا مب خايف على النجاح.... ان شاء الله النجاح مضمون ... هم شاطرين بس خايف يأثر على معدلهم و بعدين ما ينقبلوا في صف خامس و سادس للسنة الجاية و يضطروا يعيدوا السنة لتحسين المعدل :omen2:

لا تحاتي اخوي خلدون ..
ان شاء الله الـ 30% راح يحصلون عليها ..

بصمة التربويين يقولون لج الاختبارات محسوبة.. ليش تصدقين أي كلام ينقال.. :omg::nice:

التربويين قالوا لي هالكلام ..:)

[القطو السمين]

لا محسوبة وهذي على لسان التربويين..

لاتكون انت صاحب فكرةالاختبارات الوطنية عشان اوجهه يتركيز الدعاوي

[الجني]

اختلف معاك اخوي الجني ، عن نفسي وفي امتحانات الشهادة الاعداية والثانوية كانت الاسئلة غير مباشرة وفي لف ودوران مب طبيعي لدرجة انه كنا نطلب استاذة المادة تشرح السؤال حتى نتوصل للحل ، عمرها الاسئلة العلمية ماتجي مباشرة اخوي الجني ، بس اللي صاير حاليا خربطة ، واسئلة مالها اي معنى ، الله العالم من حاط هالاسئلة ؟وبالذات اللغة العربية اه ياوجعي يالغتي العربية ضاعت بين هذا وذاك :(

أختي الكريمة ضوى , أتفق مع إختلافك معي ههههه

شر البية ما يضحك و يبكي و يجيب الهم و الغم

أيعقل بأن يصل التعليم لدينا لهذه الدرجة من الضحالة و الإنحطاط

نحن من درّست منهاجنا اليمن و عمان و الإمارات في وقت من الأوقات

و كنّا مضرب الأمثال

نصبح مضرب النكت و الطنايز

إذا الولد و البنت الصغار إستصغرا الكبير و احتقرا هيبته
فأي إحترام نرجو منهما تجاهه

مدارس البنات وصلت الى كادر قطري 100% تقريباً في وقت من الأوقات
بدل ما أحافظ عليه و أطوره
أدمره بين يوم و ليله

آه يالقهر

[ضوى]

[b]
على فكرة التربويين اللي تتكلمين عنهم أعضاء وعضوات عندنا.. فياريت نتكلم بطريقة أفضل.. إذا ما عجبج شيء.. يمكن أنا يعجبني.. فخلي الحوار هادف.. حتى نوصل لنتيجة ترضي جميع الأطراف..:nice:

وانا ماغلطت ياختي الصغيرة ، ولازلت اقول سلمي لي عليهم وهالمرة سلااام كبير خاصة بعد كارثة اختبار اللغة العربية خاصة الاستماع ، واذا هم اعضاء وعضوات فالسلام عليهم ورحمة الله دون واسطات :) وبعدين شنهي الطريقة الافضل للكلام ؟؟ ماحب ادخل في مهاترات مع اي احد لانه صج مب اسلوبي ولا طريقتي [/دb]

[ضوى]

أختي الكريمة ضوى , أتفق مع إختلافك معي ههههه

شر البية ما يضحك و يبكي و يجيب الهم و الغم

أيعقل بأن يصل التعليم لدينا لهذه الدرجة من الضحالة و الإنحطاط

نحن من درّست منهاجنا اليمن و عمان و الإمارات في وقت من الأوقات

و كنّا مضرب الأمثال

نصبح مضرب النكت و الطنايز


إذا الولد و البنت الصغار إستصغرا الكبير و احتقرا هيبته
فأي إحترام نرجو منهما تجاهه

مدارس البنات وصلت الى كادر قطري 100% تقريباً في وقت من الأوقات
بدل ما أحافظ عليه و أطوره
أدمره بين يوم و ليله

آه يالقهر


ااااه يالقهر اشكبرها من اعماقي


ليت واحد من التربوين اللي معانا يريحنا ويجاوبنا احابة صادقة وتكون مقنعة له قبل لا تقنعنا احنا

[intesar]

لاتكون انت صاحب فكرةالاختبارات الوطنية عشان اوجهه يتركيز الدعاوي

ايه أنا أي اعتراض..:telephone:

[intesar]

ضوى يا أختي الكبيرة.. أنا مو مع المجلس.. وتقدرين تشوفين مشاركاتي السابقة.. لكن أنا ضد لوم المجلس بكل صغيرة وكبيرة..
وضد أني أدور على أي خطأ.. حتى أفش غلي فيهم..
وضد إني أرى جيل قادم مدلل والسبب الكلام اللي يسمعونه من الكبار..

الغلط يا عزيزتي يناقش بهدوء حتى يصل صوتنا للمجلس الموقر..
لكن أتهمهم لمجرد الإتهام.. وأبين أخطاؤهم.. وما أميز بين الخطأ الإملائي والخطأ النحوي.. فهذي مو ما أميز .. هذي نسميها أبغي أصطاد في الماء العكر..

ودمتم و يا سيدتي بحفظ الرحمن..

[ضوى]

ضوى يا أختي الكبيرة.. أنا مو مع المجلس.. وتقدرين تشوفين مشاركاتي السابقة.. لكن أنا ضد لوم المجلس بكل صغيرة وكبيرة..
وضد أني أدور على أي خطأ.. حتى أفش غلي فيهم..
وضد إني أرى جيل قادم مدلل والسبب الكلام اللي يسمعونه من الكبار..

الغلط يا عزيزتي يناقش بهدوء حتى يصل صوتنا للمجلس الموقر..
لكن أتهمهم لمجرد الإتهام.. وأبين أخطاؤهم.. وما أميز بين الخطأ الإملائي والخطأ النحوي.. فهذي مو ما أميز .. هذي نسميها أبغي أصطاد في الماء العكر..

ودمتم و يا سيدتي بحفظ الرحمن..

نناقش شنو انتصار ؟؟؟ اخطاء نحوية واملائية لا تغتفر!

انا مع المجلس ماذكر اني ذميته بالعكس مرتاحة وعيالي متفوقين ولله الحمد وماعاني معاهم بشي ، لكن نقطة الامتحانات الوطنية اللي العام اهتمام والسنة ولا شي هنا المشكلة ، الاسئلة العجيبة اللي ماعمرها وردت عليهم بمنهجهم غير الاخطاء واللف والدوران

[intesar]

نناقش شنو انتصار ؟؟؟ اخطاء نحوية واملائية لا تغتفر!

انا مع المجلس ماذكر اني ذميته بالعكس مرتاحة وعيالي متفوقين ولله الحمد وماعاني معاهم بشي ، لكن نقطة الامتحانات الوطنية اللي العام اهتمام والسنة ولا شي هنا المشكلة ، الاسئلة العجيبة اللي ماعمرها وردت عليهم بمنهجهم غير الاخطاء واللف والدوران


على فكرة أنا ضد الإختبارات الوطنية.. لكن مو معناته أني أتصيد لهم الأخطاء..

[ريماس الغلا]

ايه أنا أي اعتراض..:telephone:


تابعه لأي هئية اختي ؟

[شموع قطريه]

اعتقد ان هذا الموضوع اللي خلى المسؤولين ينتبهون لفشلهم في تحقيق المعايير للطلبه فما لقوا حل الا انهم يرسبون الطلاب علشان يحسسونهم باهمية الاختبارات ..
زين انتوا اول شي تحققوا من استيعاب الطلاب لمعاييركم السخيفة وعقب تعالوا ورسبوهم مب تتخذون اسهل الطرق واقصرها واللي هو الانتقام من الطلبة وعدم اعطائهم درجات النجاح .. حسبي الله عليكم من مسؤولين

[vip-30003]

انا اقترح ان الاختبارات الوطنية تكون اختيارية للمدارس

للمدارس المتميزة بحيث تطلب المدرسة هالاختبارات

ويرصد لها جوائز عالية للمراكز الاولى

او تكون في فترة تقييم المدرسة نفسها

يعني انا مدرستي هالسنه بيجونا هيئة التقييم لتقييم المدرسة

خلال اسبوع بعد يشمل اختبار للطلبه

والله هالاقتراح من واقع خبرة هالمجلس الاعلى يتخبط واخطا ويكابر

الشجاعه والامانه انك تعترف بالتقصير او الخطا واتغيره

هذا راح يخلي الناس تحترمك يا المجلس الاعلى

ليش الوزارة قبل محد يتكلم عنها لانها ماتغيير نظامها كل سنه

موضوع فئران التجارب يشمل المدارس والطلاب وهذا حرام

يدل نقص خبره وهذا واضح

[بصمة قطرية]

للامانة اللي في الثانوية يدرس و مع مدرس
اما الاعدادي لااا ..

:weeping:
اللي في الثانوي رسب
واللي في الاعدادي نجح ..

حسبي الله ونعم الوكيل ..

[Rashid554]

استغرب من الي يشككون بنتائج الاعداديه والابتدائية
وهم يأكدون ان عيالهم مايدرسون للاختبارات الوطنية
يعني شلون تبونهم ينجحون وهم مايدرسون

[مدرسة]

استغرب من الي يشككون بنتائج الاعداديه والابتدائية
وهم يأكدون ان عيالهم مايدرسون للاختبارات الوطنية
يعني شلون تبونهم ينجحون وهم مايدرسون

:nice::nice::nice::nice:

نعم ايها السادة ،،، انها عظمة المواطن القطري !

يقول عيالي ما يدرسون و مقتنع هو و عياله ان مافي فايده و مقتنعين ان بيغششونهم و اذا رسبوا تهولوا :eek5: ،،، خير ان شاء الله ،، اذا حسبت الردود في هذا الموضوع وو شكثر منهم قالوا نعم عيالنا يدرسون او لا خبر خير بتاخذ فكرة بسيطة عن هذا التناقض !

[شموع قطريه]

اي نعم يامدرسة .. المواطن القطري يستحق كل خير .. وعياله من الواجب ان نوفر لهم كل مقومات النجاح والتقدم .. مب نحط له اختبارات نسميها وطنيه وهي من الوطن براء .. نجيب له اختبارات كلها اسئلة مبهمة وخارجه عن المنهج تتعدى الـ 40 صفحه حاطينها شركه ربحية كل همها الربح والسلام .. شلون نعطيهم اختبار موحد وهم مناهجهم غير موحده ؟؟!!

من حق الطالب القطري اذا كان متاكد من اجاباته وجانا متظلم ان نبرد قلبه ونطلعه على اوراقه علشان تطمئن نفسه مب نبتزه ونحرق قلبه ونقول له عطنا رقمك وبنكلمك واذا كلموه يقولون له انت ماحليت في الورقه صح !! طيب خلوه يشوف ورقته اذا كنتوا صادقين ..

من حق الطالب القطري ان يتم تأهيله حق هالاختبارات اللي نصها تحتوي على اخطاء املائية او لغوية ..

من حق الطالب القطري ان نوفر له مدرسين ذوو كفاءات تعليمية مب ندور على ارخصهم اجورا ومعظمهم من الاجانب والاسيويين ومب مهم فهم منهم المنهج ولا مافهم والنتيجه تخريج اجيال مخوخها فاضيه من العلم الصحيح واتحدى اذا معظم الطلاب فاهمين المناهج كامله وخصوصا العلوم واركز في كلامي على العلوم ..


من حق الطالب القطري ان المجلس الاعلى يضمن له انه ياخذ المنهج من اول العام ويدرسه بصورة سليمة مب يترك هالشي في ذمة المدرسه ويحرمونهم من اخذ المناهج كامله بسبب وجود شاغر لمدرس احد المواد .. وعلى فكره احدى بناتنا طالبة في المرحلة الاعدادية والكورس الاول بالكامل مادرست لغة عربيه وتقول ان في الاسبوع مره تدخل عليهم ابله غير ويوم راحت امها تشتكي عند ادارة المدرسه قالوا لها شنسوي ماعندنا مدرسه واحنا نحاول ندخل عليهم مدرسات الصفوف الثانية علشان مايتاخرون الطالبات ولا تخافين بنتج بتنجح ان شاءالله ..يعني درسوهم خمس مدرسات وكل وحده طريقتها غير والبنات ضايعين ..... يعني موزعين تدريس الصف على بقية مدرسات الماده بواقع حصه وحده في الاسبوع علشان يسكتون الطالبات في ذمتكم هذا مب ظلم للطالب ؟؟!!

شلون يقيسون مهارته في المعايير وهو مادرسها اصلا او درسها بصورة مشتته ..

اي نعم عيالنا مادرسوا للاختبارات الوطنيه لانهم مب عارفين ايش اللي بيجيهم وضايعين في الطوشه مب فاهمين شالسالفه حتى مدرسينهم يقولون احنا مانعرف ايش اللي بيجيكم بس درسوا من النماذج ..

وحتى يوم خذوا الاختبار حلوها على البركه بس الحمدلله نجحوا .. اللي درسوا وذبحوا عمرهم ومن اول السنه حاطين مدرسين رسبوا ..

واللي قدموا اي كلام وخربطوا لهم في الاوراق نجحوا .. هذي المعادلة الصعبه اللي تفاجأنا فيها هذا العام وماقدرنا نستوعبها لين الحين ..