سعودي يقيم حفلة وداع لسائق العائلة

[المهــ22 ــــا]

السلام عليكم ورحمة الله



فاجأ المواطن السعودي “محمد عبدالرزاق الغامدي” من مدينة الدمام سائقه الخاص “نوشاد” من الجنسية الهندية، بإقامة حفل وداع له، وذلك مع انتهاء خدماته التي استمرت ثلاث سنوات، في بادرة هي الأولى من نوعها، وقد وجّه الغامدي الدعوة لأصدقاء السائق من الجيران وآخرين من حي عبد الله فؤاد بالدمام ، وقد ظهرت السعادة على وجه السائق «نوشاد» وبقية السائقين.

و قدم الغامدي درعا تذكارية تكريمًا للسائق نوشاد، كتب عليه “باسمي ونيابة عن أسرتي نتقدم بشكر ابننا نوشاد على أخلاقه وحسن تعامله مع أمنيات الجميع لك بحياة سعيدة في مستقبل الأيام”.
وكانت المفاجأة الثانية للسائق نوشاد استلامه ظرفا يحتوي مبلغا ماليا، ذكر الغامدي أنه مكافأة نهاية الخدمة المنصوص عليها في نظام مكتب العمل والعمال. كما قام بإهدائه ساعته اليدوية وسط سعادة وتصفيق الحضور.
وقال الغامدي لصحيفة الشرق السعودية التي أوردت الخبر: “ديننا الإسلامي يحثنا على الإحسان وحسن التعامل، ونحن أولى بتقديم أنموذج ينقل صورة جيدة للمملكة في الخارج، ويجب علينا الإحسان لكل من أفاد بلدنا بخدماته”.

[بوحمد111]

يحليله صج فاضي عاد مره وحده حفل وداع خلاص عطه حقه وخله يتوكل ويشوف له مكان ثاني يترزق منه

يبالفيت شوفوني مسوي شي جديد

[السكين]

جزاه الله خير ونتمنى ان نصل لهذا المستوى من المستوى الراقي بالتعامل والا نصبح بزمن نستغرب جدا من تصرف كهذا نص عليه الدين وتعاليمه بحسن معاملة الاجير

[hk94]

ههههههه حلوة يا بلفيت !!!!

الله يجزيه الهير مسكين ماقصر معاهم و هم ما قصروا معاه

[المهــ22 ــــا]

انا اعتبره قدوة رائعه ومثال مشرف للمسلمين الله يجزاه خير يارب

[الأصيلة]

أنا وحده بقدم له ظرف وفيها ورقة من مطراش بكل مخالفاته
آلاف ندفع على هذه المخالفات وبعدين يهدونا ويروحون دبي...

[عاهد بن علي]

هذه هي الاخلاق التي حثنا عليها الاسلام

[fhd4]

ما شاء الله ... الله يجزاه خير ... لكن سؤال ...

كيف وصل الخبر الجرايد ؟؟!!

[بصمة قطرية]

دامه امين مثل ما ذكر كفيله
و ما قصر معاه يستاهل ..

[المهــ22 ــــا]

في عندي صورة بس ما عرفت انزلها بالموضوع

[وطن]

ما شاء الله ... الله يجزاه خير ... لكن سؤال ...

كيف وصل الخبر الجرايد ؟؟!!

هاهاهاهاهاهاها

من نوشاد
هو اللي قال لهم

[كلنا قطر 1981]

الجزاء من جنس العمل

والله انها خطوة ممتازه و جدا رائعه و تحسب له

الدعم و الشكر المعنوي له تاثير قوي جدا اكثر من التاثير المادي و يترك في النفس انطباع جميل في نفس الانسان المتلقي

و كل واحد يضع نفسه بمكان السايق شنو بيكون شعورك و انت ماخذ كل مستحقاتك و فوق هذا صاحب العمل كرمك و قدم لك الشكر و الامتنان على عملك الي قمت فيه ؟؟

والله اني اشوف هذا النوع من التكريم فيه رساله قوية اللهجه لغير المسلمين بتعرفيهم سماحة و جمال الدين الاسلامي الكريم

الله يجزيه كل خير و يعطيه على قد نيته و ان شاء الله يكون قدوة لنا في حياتنا

ادخال الفرحه و البهجه في نفس الناس فيه شعور و بكل صراحه لا يوصف

[سارونه]

هاهاهاهاهاهاها

من نوشاد
هو اللي قال لهم

:nice::nice::nice::nice:

جزااااه الله خير :)

http://im27.gulfup.com/2012-06-18/1340008806171.jpg (http://www.gulfup.com/show/Xk7hl8gbfgmv)

[المهــ22 ــــا]

لو فكرنا شوي بنلاقي السواقين اللي وصل لهم الخبر بيسون مثله علشان كفلائهم يسون لهم حفلة مثل نوشاد واكيد نوشاد بيقول لهم انه كان زين مع هالعائلة وبعدها باقي السواقين راح ينعدلون ويتسنعون عند كفلائهم


مجرد تفكير

[المهــ22 ــــا]

:nice::nice::nice::nice:

جزااااه الله خير :)

http://im27.gulfup.com/2012-06-18/1340008806171.jpg (http://www.gulfup.com/show/xk7hl8gbfgmv)



سارونة ( يسلموا ) هههههههه

[(بوطلال)]

نادر تحصل هالايام مثل اخلاق هالكفيل . بعضهم حتى فواتير التلفون يحاسبونهم عليها ولو شرا هدايا وعنده وزن زايد ولو حتى 200ريال خذوها منه .

[سفير الدوحة]

احنا الواحد فينا اذا العامل فينا كبر بالسن نعطية ترقية "مدير العمال" فالبيت

[intesar]

يستاهلون.. أحب الشعب الهندي..

[مونت بلانك]

الله يجزاه خير

وهذا هو المفروض

بس التكريم يكون في محله يعني السايق كان يحترم ويسمع كلام كفيلة ولذلك كرمه

اما العكس ويسرق فلوس البترول ويتكس بسيارة البيت هذا الي يبيله بكس مب هديه

[حفيد الأنصار]

ما شاء الله ... الله يجزاه خير ... لكن سؤال ...

كيف وصل الخبر الجرايد ؟؟!!




اكيدالبلاك بيري .. ماخلى شي :nice:

[ms-qtr]

ظاهرة ايجابية
علشان نعلم الخدم ان اذا قمتوا بشغلكم على اكمل وجه بنكرمكم ونقدركم
انا اعرف ناس في قطر يحبون الخدامة
فجابوا لها كيك بيوم ميلادها

[حفيد الأنصار]

الله يجزاه خير ..
بالنسبة للي يقولون فاضي وماعنده سالفة
بالعكس حركة حلوة .. هذا عمل له وفي نهاية عمله كافئه كفيله مثل مو انتا شغال في شركة او قطاع حكومي وتبغى تغير شغلتك وتم تكريمك من قبل القسم اللي كنت شغال فيه
لانستصغر بعض الاشياء وممكن تكون لها اثر كبير على نفس السائق او الخادمة .....
تحياتي ..

[تاجر كشخة]

يحليله صج فاضي عاد مره وحده حفل وداع خلاص عطه حقه وخله يتوكل ويشوف له مكان ثاني يترزق منه

يبالفيت شوفوني مسوي شي جديد

مم ممكن الي مثل امثالك صعب يفهمون هالقيم يمكن لانك مغرور وشايف نفسك فوق الناس
كلام الحق ينقال افهمها مثل ما تبي :nice:
وبخصوص انه سوى شي جديد هاي جديد عليك انت

[المهــ22 ــــا]

الله يجزاه خير ..
بالنسبة للي يقولون فاضي وماعنده سالفة
بالعكس حركة حلوة .. هذا عمل له وفي نهاية عمله كافئه كفيله مثل مو انتا شغال في شركة او قطاع حكومي وتبغى تغير شغلتك وتم تكريمك من قبل القسم اللي كنت شغال فيه
لانستصغر بعض الاشياء وممكن تكون لها اثر كبير على نفس السائق او الخادمة .....
تحياتي ..


كفيت ووفيت يعطيك العافية

[ParadEyes]

لافتة انسانية و جميلة جدا :)

[المهــ22 ــــا]

عندي استفسار .......... من الردود الموجود لاحظت انه كثير من الاعضاء ابدو اعجابهم بالفكرة ولكن هل يستطيع احد ان يفعل ما فعله الكفيل السعودي ؟؟؟؟؟؟؟؟؟؟؟؟ اما انه يخشى الناس ومن تعليقاتهم؟؟؟؟؟؟؟؟

[.خالد]

بدعه حسنه وصنيع رائع ، جزاه الله خير

[qatari911]

عندي استفسار .......... من الردود الموجود لاحظت انه كثير من الاعضاء ابدو اعجابهم بالفكرة ولكن هل يستطيع احد ان يفعل ما فعله الكفيل السعودي ؟؟؟؟؟؟؟؟؟؟؟؟ اما انه يخشى الناس ومن تعليقاتهم؟؟؟؟؟؟؟؟

عادي انا اسويها حق خدامتنا صار لها عمر معنا
بس هي لحد الحين ماتبي تسافر
بس الحمد الله ماقد شكينا منها
اتذكر اول ماجات عندنا راتبها 450 على الرخص
بس الحين راتبها 1000 وهي ماطلبت الزياده بس لانها عمر معنا زدناها
:shy:

[أبو طلحه]

لَيسَ هُناك أجمل من إدخال الفرح والسرور إلى قلوب الضُعفاء .
جزى الله " الغامدي " خير الجَزاء ، هكذا هو ديننا والحمد لله .

[لاجل QT]

ماسوالة حفلة الا وهو كفو ويستاهل لامانتة اخلاصة

بعد انا باسوى حفلة استقبال حق خدامتى لين ارجعت قبل ارمضان ..من الفرحة:weeping:...

[روح الاطلس]

الله يجزيه خير .. نعم هذه اخلاق المسلمين التي اندثرت .. من نادر احد يفكر يسوي نفس اللي سواه .. هذه الفئة مسكينه مكسورة الخاطر ( بغض النظر عن بعضهم الاشرار) لكن اللي يستاهل والامين هذا اقل شي يعبر عن التقدير له

[الخزرجي قطر]

بادره طيبه منه بس ماكان له داعي للصحافه

[qatara]

كبير المهندسين

[Abdullah_89]

السائق اكيد كان امين على ابناءه وبناته واسرته وماكان فيه تقصير من عمله

اخذ حقه

بالعكس بادرة طيبه من رب المنزل

الله يجزاه خير

ويمكن يكون سبب في هداية السائق للاسلام في وقت لاحق

[ولد ازغوى]

والله فكره حلوه
فكرت اسويها حق خدامتي الله يجزاها خير





انا بنت لا احد يحط في باله شي:nice:

[Al-Kuwari]

بالعكس لفتة حلوة وتدل على معاني واخلاق المسلمين والدين الاسلامي والله يجزاه خير الغامدي على اللي سواه

وبخصوص اللي يقولون ماعنده سالفه، والله انتوا اللي ماعندكم سالفه والله يعينكم على انفسكم

[مسمس12]

شي حلووووووووو

[ولد شرق]

ما شاء الله ... الله يجزاه خير ... لكن سؤال ...

كيف وصل الخبر الجرايد ؟؟!!

شو Show وانا اخوك

بعدين مادري احس من اسمه نوشاد مب مسلم يعني لو عطاه حقه بالكامل افضل من الاحتفالات المجيده ترا في ناس مسلمين اولى بقيمه هالاحتفال والساعه والبوفيه

[الحال مايساعد]

بارك الله فيه والله إنه قدوة ياليت كلنا نقتدي به

[المهــ22 ــــا]

شو show وانا اخوك

بعدين مادري احس من اسمه نوشاد مب مسلم يعني لو عطاه حقه بالكامل افضل من الاحتفالات المجيده ترا في ناس مسلمين اولى بقيمه هالاحتفال والساعه والبوفيه

ادخال السرور والفرحة بقلوب الناس افضل من المردود المادي احيانا ، بيقعد عمره كله يتذكر هالتكريم اللي حظى به من كفيله واذا اشتغل في مكان ثاني راح يستمر بالاخلاق الحسنة لانه قدر ان المعاملة الحسنة مع صاحب العمل راح تنعكس ايجابيا عليه

فجزاه الله خيرا ((الغامدي)) على مابدر منه اتجاه السائق وكثر الله من امثاله

[مهره]

اذا كان يستأهل ليش لا

[(بوطلال)]

اكيد كان مريحه

[(بوطلال)]

جزاه الله خير

[مسكين قلبي]

يستاهل نوشاد

[بوالبيض]

شي طيب دام خدم البيت بامانه واخلاق وصان البيت يستاهل الهديه السائق الهندي

[دوحة الجميع]

دام السائق نوشاد طلع زين ومافيه عيوب ... في حد يعرف رقمه علشان يشتغل عندي في البيت بوظيفة كبير السائقين

[Amigo]

كفو عليه هاذي الاخلاق والله
طبعا مب مع الكل بس دامه امين ومب مقصر ليش لا
اما يجيني واحد يحط لي مخالفات وغيره بسوي له حفله من نوع ثاني

[السحابة]

الحمدلله الواحد بيسوي خير ومومحتاج دعاية واعلان السايق اللي بيخذو مساعدات مننا براتب سنه وغير راتبه نعطيه ١٢٠٠ وسكنه وماكله وكل شئ علينا وغير البخاشيش اللي بياخذها من الاهل والمساعدات والزكاة

[رذاذ]

الاحســـــــــــــان جزاء صنع العمل .

معاملة الكفيل واهل البيت تجبره ع الاخلاق وحسن التصرف وا يكون اميــــــــن.

اعرف خدامه صار لها اكثر من 30 سنه موجوده ولا تفكر تسافر حتى كلامها صار نفس كلام اهل البيت ربت الاولاد صغار وزوجتهم ورقصت بعرسهم وشلت عيالهم بعد. وفوق هذا أمينة وتسأمن على الاسرار .

بالك هذي تستحق مكافاه ولا لا !!


مين الى يفكر ويفكر يفرح قلب سايقة بكيكة صغيره وعزم ربعه الدولية بالفريج بنفسه

[الكنترول]

يحليله صج فاضي عاد مره وحده حفل وداع خلاص عطه حقه وخله يتوكل ويشوف له مكان ثاني يترزق منه

يبالفيت شوفوني مسوي شي جديد




ههههههههههههههههههههه