جلسات خشبيه

[fahad1]

ودي في محل سعره زين يسولي جلسه خشبيه في حوش البيت مثل الموجود بالصوره

اتمنى مساعدتكم

http://www.qatarshares.com/vb/attachment.php?attachmentid=80554&d=1340012918

[al asalah]

يالغالي هي زينة بس مشكله عندنا هني الحرارة يعني ما يدوم انصح بالخيمة شي راقي ومايخترب بسرعة وسويها على نفس الشكل ... وبالتوفيق من الرب العالمين

[معماري قطري]

حلوه والله ولو تاخذ خشب خفيف عادي وتوديه لنجار شاطر يقصه لك ويصنفره تقدر تسويه برخيص .. انا سويت خشب أبيض مال البنيان العادي عند نجار كلفني الخشب شراء على ما اذكر مبلغ 800 يمكن وشغل النجار 600 ولتركيبة جبت ناس يشتغلون ألمنيوم وركبوه ببراغي، وعطيتهم أظن 500 ريال، والمساحة حول 30 متر مربع وفوقها حطيت سعف نخل مربوط بحبال وطلعت ثابتة ومظللة وحلوه ومسوية جو ... شوف لها صور في موضوع " عمل حوض سباحة مغلق " في الصفحة الأخيرة على ما اعتقد.

والخيام وبيوت الشعر أحذر الجميع منها خصوصاً المعزولة لأن إحترقت في منطقتنا ثنتين في أوقات متقاربة وكانت تطلع دخان أسود كثيف وسام.

[Chambray]

اعتقد في شركة اسمها الفضاء
وفي شركة ثانية كانوا يحطون اعلانات في رمضان في التلفزيون نسيت اسمها

[سيف مهند]

بتوفيق للجميع ان شاء الله

[منجرة الليوان]

السلام عليكم أخ fahad 1

البرجولات تعطي بالفعل جمال داخل حديقة البيت ..
يمكننا في منجرة الليوان تنفيذ البرجولا كما بالصورة ....

مرفق نموذج من أعمالنا

http://www.qatarshares.com/vb/attachment.php?attachmentid=80558&stc=1&d=1340075055

[fahad1]

يالغالي هي زينة بس مشكله عندنا هني الحرارة يعني ما يدوم انصح بالخيمة شي راقي ومايخترب بسرعة وسويها على نفس الشكل ... وبالتوفيق من الرب العالمين

نورت الموضوع , انا بغيت علشان قعده في ايام شتاء لا اكثر ولا اقل

[fahad1]

السلام عليكم أخ fahad 1

البرجولات تعطي بالفعل جمال داخل حديقة البيت ..
يمكننا في منجرة الليوان تنفيذ البرجولا كما بالصورة ....

مرفق نموذج من أعمالنا

http://www.qatarshares.com/vb/attachment.php?attachmentid=80558&stc=1&d=1340075055

جميل , بس كم سعر المتر ابيه نفس الي بالصوره .

[fahad1]

حلوه والله ولو تاخذ خشب خفيف عادي وتوديه لنجار شاطر يقصه لك ويصنفره تقدر تسويه برخيص .. انا سويت خشب أبيض مال البنيان العادي عند نجار كلفني الخشب شراء على ما اذكر مبلغ 800 يمكن وشغل النجار 600 ولتركيبة جبت ناس يشتغلون ألمنيوم وركبوه ببراغي، وعطيتهم أظن 500 ريال، والمساحة حول 30 متر مربع وفوقها حطيت سعف نخل مربوط بحبال وطلعت ثابتة ومظللة وحلوه ومسوية جو ... شوف لها صور في موضوع " عمل حوض سباحة مغلق " في الصفحة الأخيرة على ما اعتقد.

والخيام وبيوت الشعر أحذر الجميع منها خصوصاً المعزولة لأن إحترقت في منطقتنا ثنتين في أوقات متقاربة وكانت تطلع دخان أسود كثيف وسام.

والله انت شكلك تفهم بهل الامور لاكن انا كلش ماعرف , كلامك صح بخصوص الخيام خطيره جدا .

[fahad1]

اعتقد في شركة اسمها الفضاء
وفي شركة ثانية كانوا يحطون اعلانات في رمضان في التلفزيون نسيت اسمها

جزاك الله خير انا بغيت حد من الاعضاء مسوى ويعطيني شركه مجربها

[معماري قطري]

والله انت شكلك تفهم بهل الامور لاكن انا كلش ماعرف , كلامك صح بخصوص الخيام خطيره جدا .


العملية سهلة يا اخوي

انا جبت كم واحد محد قال أقل من 20 ألف ريال، وناس غريبين اللي يقعد يطالعك في عينك جنه ساحر ويغمض فجأة ويعصر أفكاره ويوسوس ما تدري شيقول، وفجأة يطلع لك بسعر غريب واللي يستصعب كل شيء وما يفهم واللي يقول لك الخشب لازم يكون النوع الفلاني وهذا غالي وايد جنه بيبيعك ذهب ... واللي يعقد موضوع التثبيت.

انا لو تلاحظ ثبتتها ببراغي من تحت بدون أي حفرة وأساسات سيده في البلاط، وثبتتها صوب الطوفة بزوايا ألمنيوم وبراغي، وطرشت السايق يجيب عينات خشب واستقريت على كم نوع وخليته يشتري منهم، ورسمت للنجار على الخشب وقلت له ابي تسويه وتنظفه وخذنا المقاسات على الطبيعة وقصه وسواه في يوم أو يومين وركبناه انا مع السايق مع واحد يركب ألمنيوم .. خذ منا تركيب يمكن 3 ساعات، واللي يركب الألمنيوم أذكر اتفاقي معاه ب 300 ريال وزدته خليتها 500 .

لا تتفق مع منجرة اتفق مع نجار حتى لو نجار خشب للتسليح وللبنيان، وبيجيك خارج دوامه وبيسوي شغلك بسهولة وبرخيص .. ولو تبي حماية للخشب فيه أصباغ خاصة أي واحد يقدر يصبغ وبسهولة ويتغير لك شكل الخشب بالكامل،،

حتى النوعية هذي المثمنة الشكل بسهولة تقدر تسويها تحتاج حق بنايين فنانين بس، شوف لك هنود أو بنغال وتفاهم مع أشخاص واشرف انت عليهم بتكلفك في حدود 2000 ريال أو شوف منجرة أو مقاول يضرب أخماس في أسداس ويقول لك 20 الف أو مضاعفات الخمس آلاف وأقلها 15000 وفوق، لدرجة انك لو تبني طابوق بيطلع لك أرخص.

[اخصائي]

عندك شركة الافضلية في شارع العزيزية التجاري تسوي قعدات وبيوت خشب

[fahad1]

العملية سهلة يا اخوي

انا جبت كم واحد محد قال أقل من 20 ألف ريال، وناس غريبين اللي يقعد يطالعك في عينك جنه ساحر ويغمض فجأة ويعصر أفكاره ويوسوس ما تدري شيقول، وفجأة يطلع لك بسعر غريب واللي يستصعب كل شيء وما يفهم واللي يقول لك الخشب لازم يكون النوع الفلاني وهذا غالي وايد جنه بيبيعك ذهب ... واللي يعقد موضوع التثبيت.

انا لو تلاحظ ثبتتها ببراغي من تحت بدون أي حفرة وأساسات سيده في البلاط، وثبتتها صوب الطوفة بزوايا ألمنيوم وبراغي، وطرشت السايق يجيب عينات خشب واستقريت على كم نوع وخليته يشتري منهم، ورسمت للنجار على الخشب وقلت له ابي تسويه وتنظفه وخذنا المقاسات على الطبيعة وقصه وسواه في يوم أو يومين وركبناه انا مع السايق مع واحد يركب ألمنيوم .. خذ منا تركيب يمكن 3 ساعات، واللي يركب الألمنيوم أذكر اتفاقي معاه ب 300 ريال وزدته خليتها 500 .

لا تتفق مع منجرة اتفق مع نجار حتى لو نجار خشب للتسليح وللبنيان، وبيجيك خارج دوامه وبيسوي شغلك بسهولة وبرخيص .. ولو تبي حماية للخشب فيه أصباغ خاصة أي واحد يقدر يصبغ وبسهولة ويتغير لك شكل الخشب بالكامل،،

حتى النوعية هذي المثمنة الشكل بسهولة تقدر تسويها تحتاج حق بنايين فنانين بس، شوف لك هنود أو بنغال وتفاهم مع أشخاص واشرف انت عليهم بتكلفك في حدود 2000 ريال أو شوف منجرة أو مقاول يضرب أخماس في أسداس ويقول لك 20 الف أو مضاعفات الخمس آلاف وأقلها 15000 وفوق، لدرجة انك لو تبني طابوق بيطلع لك أرخص.

ماشاء الله عليك والله انك فنان , زين بسالك وين احصل خشب الي انت جبته والقواعد

[معماري قطري]

ماشاء الله عليك والله انك فنان , زين بسالك وين احصل خشب الي انت جبته والقواعد


لا فنان ولا شيء بس توفيق من العزيز الحكيم

الخشب هو العادي مال البينان الأبيض، وتحصله في أي محل يورد خشب، وفيه عندك خشب الدنجل حسب الطول يبيعونه الحبة ب 100 ريال وفوق، وعندك الخشب الأحمر الثقيل وهذا شوي غالي وغيره وايد، وتاخذه من المورد بتحصل سعره تافه ويكذبون علينا المناجر يبيعونا غالي غالي، وبعدين العدة كلها تحصلها في محلات بيع العدد وشكثرها ذي منتشرة حتى في كارفور، مع الزوايا للتثبيت، والمظلة تحتاج تثبيت ببراغي وهي تمسك نفسها بنفسها لا تحتاج أساسات ولا وجع راس لكن البعض يبالغ.

لي صديق سواها خارجية للسيارات وزرع عليها أشجار متسلقة وطلعت وايد حلوة وثبتها في حوض الزراعة، وعلى ما اذكر كل مضلة لسيارتين مثبتة على عمودين من الوسط والعمودين طالعين من حوض زراعة خرساني ومركب فيه ليتات إنارة وطالعة المظلات مجملة البيت وايد، وكلها خشب عادي الخفيف ومن فوق مثل المشربيات أظن تحصل هالنوعية جاهزة عند المورد، وصار لها موجودة للحين حول يمكن 12 سنة وأكثر.

[king999]

موفق يا اخوي واللة الفكرة حلوة

[ولد المنصور]

شوف هالرقم 33336364 هارون انا سويت عنده مظله كويك سبان وعنده سواتر واكيد عنده الجلسات الخشبيه

[المسعف]

يالغالي هي زينة بس مشكله عندنا هني الحرارة يعني ما يدوم انصح بالخيمة شي راقي ومايخترب بسرعة وسويها على نفس الشكل ... وبالتوفيق من الرب العالمين
والله يعتمد على نوع الخشب وبالتوفيق ياخوي