مشروع بدخل ثابت، كيف يمكن تشعيره وعرضه للبيع ؟

[الجناح الذهبي]

السلام عليكم ورحمة الله وبركاته ،،احيي جميع اعاء المنتدى.
عندي مشروع (مخبز وفطائر وحلويات) يعمل ودخله الشهري (10،000) ريال بعد خصم جميع المصاريف ولدي رغبة لبيعه.
ارجو المساعدة في مساعدتي في طريقة تقييم سعر البيع.
المحل مجهز بشكل كامل وحديث.
وجزى الله الكل خير الجزاء

[زعبي]

المحل الطبيعي والزين اللي يسوى دخله في 10 سنوات.. يعني محلك يسوى 100 ألف, إذا كان فيه طلب عليه من أكثر من مشتري فمن حقك ترفع السعر لكن بالنهاية لا تبيع بأقل من هالسعر.

[الجناح الذهبي]

المحل الطبيعي والزين اللي يسوى دخله في 10 سنوات.. يعني محلك يسوى 100 ألف, إذا كان فيه طلب عليه من أكثر من مشتري فمن حقك ترفع السعر لكن بالنهاية لا تبيع بأقل من هالسعر.


جزاك الله خير على تفاعلك مع الموضوع وعلى نصيحتك.
وإذا فهمت كلامك صح، المحل بيرجع رأس ماله في 3 سنوات و3 شهور، وعلى فكره ممكن يزيد الدخل أكثر من جذيه بكثير إذا الواحد باشره بنفسه، لكني مشغول جداً عنه.
ألحين كم ممكن يتم تسعيره ؟

[Al-Kuwari]

الشيخ اذا لك نية تبيع المحل ارسلي التفاصيل عالخاص

اجار المحل , عدد العمال , رواتبهم , مكان المحل

وان شاء الله مابنختلف عالسعر

[<اضرب واشرد>]

السلام عليكم ورحمة الله وبركاته ،،احيي جميع اعاء المنتدى.
عندي مشروع (مخبز وفطائر وحلويات) يعمل ودخله الشهري (10،000) ريال بعد خصم جميع المصاريف ولدي رغبة لبيعه.
ارجو المساعدة في مساعدتي في طريقة تقييم سعر البيع.
المحل مجهز بشكل كامل وحديث.
وجزى الله الكل خير الجزاء

عليكم السلام ورحمة الله وبركاته

أظن في مكاتب خاصة بتقييم العقارات والمحلات ، بس ماعندي تفاصيل حاليا

أنا ممكن أقيم لك المحل بس عطني التفاصيل

التكلفة الأولية : وهي المبلغ اللي دفعته أول المشروع ومرة واحدة ( مثلا دفعت 300 ألف أول المشروع شامل الرخص والعمال والأجهزة وكل شي ) (( ومتى دفعتها - قبل كم سنة - ))

التكاليف الدورية : المصروفات اللي تدفعها كل شهر أو كل سنة ( الأيجار + المعاشات والسكن + البضاعة ومواد التصنيع )

الايرادات الدورية : كم الايراد الشهري قبل خصم التكاليف.

وقول لي نسبة الفائدة الحالية في البنوك كم بالمية ..

[الجناح الذهبي]

عليكم السلام ورحمة الله وبركاته

أظن في مكاتب خاصة بتقييم العقارات والمحلات ، بس ماعندي تفاصيل حاليا

أنا ممكن أقيم لك المحل بس عطني التفاصيل

التكلفة الأولية : وهي المبلغ اللي دفعته أول المشروع ومرة واحدة ( مثلا دفعت 300 ألف أول المشروع شامل الرخص والعمال والأجهزة وكل شي ) (( ومتى دفعتها - قبل كم سنة - ))

التكاليف الدورية : المصروفات اللي تدفعها كل شهر أو كل سنة ( الأيجار + المعاشات والسكن + البضاعة ومواد التصنيع )

الايرادات الدورية : كم الايراد الشهري قبل خصم التكاليف.

وقول لي نسبة الفائدة الحالية في البنوك كم بالمية ..


حياك الله الشيخ
ياخوي بالنسبة للإيجار من شهر 8 الجاي راح يكون 10500 ريال وعدد العمال على الكفالة 5، واللي انا مسويه حاليا مأجر عليهم المحل بعد ما جهزته بمبلغ حوالي 450000 ريال وعليهم كل المصاريف بما فيها الايجار، ومتفق معاهم على مبلغ 10000 ريال شهريا صافي لمدة خمس سنوات وخلصت معاهم سنة وحدة بس.
وعلى فكره المحل مش معتمد على البيع المفرق، بل على تجهيز مقاصف المدارس، وموقعه في الغرافة.
إذا تقدر تثمن كم يسوى، اكون لك من الشاكرين.