بخصوص القرنقعوه ... عن ذمتي

[الوان]

السلام عليكم و رحمة الله و بركاته

دائما ما يكثر الجدال في رمضان

و خاصة في المنتديات حول جواز الاحتفال بالقرنقعوه

و جواز التجارة في ما يخص هذه المناسبه

و انا كل سنه احرم عيالي منها

اليوم اتصلت بالدعوة و الارشاد

و هذا رقمهم للي حاب يتأكد 44573777

سألت الشيخ

عن جواز الاحتفال بالقرنقعوه .. و عن التجاره في ما يخص ذلك من ملابس و هدايا و خلافه

كان الرد :

(( جواز الاحتفال بالقرنقعوه لأن فيها فرحه للاطفال و لا تدخل في العباده و ليست من احتفالات

غير المسلمين ولا دخل للشيعه فيها لا من قريب ولا من بعيد حتى .. و كذلك جواز التجارة بكل ما يخص القرنقعوه من ملابس و هدايا و اطعمه ))

و الله على ما اقول شهيد

[بوحمد111]

القرنقعوه مناسبه سنويه رمضانيه وهي عاده وليست عباده وعيالنا يفرحون بها ولا اعتقد فيها شي من الشك واللي حاب يتاجر بالحلال اتوقع والعلم عند الله ما فيها شي والله يوفق الجميع

تحياتي

[عاهد بن علي]

الله يجزاكم خير

[للصبر اخر]

هي ليست من العبادات حالها حال النافله بس الحين النافله خفت عن قبل
واقتصرت بتوزيع الاكلات الشعبيه فقط
اما القرنقعوه لازال موجود
كفايه فرحت الاطفال لما يدخلون البيت
جزاج الله الف خير

[FCB 123]

بيض الله ويهج على هاي التوضيح

بالتوفيق للجميع

[الفرحه]

جزاك الله كل خير

[دلة الرسلان]

القرنقعوه عادة جميلة تعلق الأطفال برمضان وتهون عليهم صومه ، قرقعنا واحنا صغار

ونفهم أن هذه عادة وليست عبادة فليش نحكر لعيالنا .

[basma222]

جزاج الله الف خير

[شبح الصمت]

الله يجزاج خير أختي


بس عندنا مطلب واحد :)


الي يبيعون يتجارون في كل ما يتعلق بالقرنقعوه ما نقول لهم لا تستفيدون استفيدوا والله يبارك لكم بس بالمعقول تعبكم ومكدتكم بنرضيكم فيها

بس لا تقصبونا باسعار ملابس الاطفال والتوزيعات :weeping:


هذا طلب وإلا هو بأمر :shy:

والله يبلغنا وياكم رمضان ويتقبله منا ويغفر لنا ولكم ما تقدم وما تأخر

[بوعلي2]

بارك الله فيج ونفع بج

[MAZEN37]

تو الناس قرنقعوه ههه
عموما الله اعلم هو ليس عيد للمسلمين يعتبر تراث بتصوري احنا نكبر الموضوع على الفاضي

[المحاميه]

اصلا بالعقل
شنو الغلط فيها
وهي فالنهايه فرحه لليهال
انا مانحرمت منها ولا راح احرم عيالي منها ..

[سلامي للكل]

الســلام عليكم ورحمــة الله وبركاته

بارك الله فيج اختي الكريمــة على هالتوضيــح :nice:

ويفضــل لو ان الموضـوع يغلق :telephone:

لان بتدخــل ناس وبتقــول حرام وغيـرهم بيدخـل وبيقــول لا مب حرام و و و الخ

وكل سنــة على هالمنــوال :rolleyes2: مابنخلـص

الي يبغــي يحتفــل حيــاه الله وبكيفــه والي مايبغــي بكيفه بس لا ينقــز لنا مني ومناك

وكل قرنقعــوه والجميــع بخيــر, الله يعــوده علينا بالخيـر والسعــادة (تهنئــة مبكــره) :shy:

وفاااالكم التوفيــق

[moonبنتnight]

هي عادة وليست عبادة 00 وهي عادة شعبية ودولتنا مثلها مثل اي دولة تحتفل بالعادات والتقاليد 00

[(بوطلال)]

تــــاني

[حواي الفريج]

كلن ايحد النار صوب قرصه

احنا قرقعنا ب اكياس الدكان وفتول

وعطونا دحبة مله ولا توزيعات ولا برستيييييج

[intesar]

أنا أقول لج ليش السعودية ما أجازوه..
لأن حتى هذه المناسبة الشعبية صارت تنعمل بترف كبير.. وبذخ ومصاريف كأنها للمعاريس مو القرنقعوه..

وشيء ثاني يقولون لج بدعة.. أن كل سنة بنفس الوقت..

بالطبع وأكيد أنا ما أخذت من هذه الفتوى..

فيه ناس لو ود ودها تقفل على الناس.. وتموتها.. أفكارها اقرب للتصوف من ناحية ان الدين الإسلامي فقط تعبد.. مسجد بيت .. بيت مسجد..

ودمتم بحفظ الرحمن..

[الأصيلة]

استفت قلبك
وأنا استفتيت قلبي ولم أجد حرج منها
بما أنها لاتدخل في البذخ والإسراف والتفاخر والتقليد
لبس عادي وكيس مزخرف ويلفون على بيوت العايلة
وشوية حلويات ومكسرات
شنهو الغلط فيها...
الحين ماجات إلا على القرقعان..
حفلات الخطوبة والدبلة مب بدعة؟
اشلون هذي مباحة والقرنقاعوه حرام وبدعه...

[الأصيلة]

أنا أقول لج ليش السعودية ما أجازوه..
لأن حتى هذه المناسبة الشعبية صارت تنعمل بترف كبير.. وبذخ ومصاريف كأنها للمعاريس مو القرنقعوه..وشيء ثاني يقولون لج بدعة.. أن كل سنة بنفس الوقت..

بالطبع وأكيد أنا ما أخذت من هذه الفتوى..

فيه ناس لو ود ودها تقفل على الناس.. وتموتها.. أفكارها اقرب للتصوف من ناحية ان الدين الإسلامي فقط تعبد.. مسجد بيت .. بيت مسجد..

ودمتم بحفظ الرحمن..

هذا هو الحرام فيها
لكن إذا عادية وبدونها ولانفكر بتوزيعات ولا مبالغات مثل غيرنا
إذن ماعلينا حرج...!!!

[بصمة قطرية]

السلام عليكم و رحمة الله و بركاته

دائما ما يكثر الجدال في رمضان

و خاصة في المنتديات حول جواز الاحتفال بالقرنقعوه

و جواز التجارة في ما يخص هذه المناسبه

و انا كل سنه احرم عيالي منها

اليوم اتصلت بالدعوة و الارشاد

و هذا رقمهم للي حاب يتأكد 44573777

سألت الشيخ

عن جواز الاحتفال بالقرنقعوه .. و عن التجاره في ما يخص ذلك من ملابس و هدايا و خلافه

كان الرد :

(( جواز الاحتفال بالقرنقعوه لأن فيها فرحه للاطفال و لا تدخل في العباده و ليست من احتفالات

غير المسلمين ولا دخل للشيعه فيها لا من قريب ولا من بعيد حتى .. و كذلك جواز التجارة بكل ما يخص القرنقعوه من ملابس و هدايا و اطعمه ))

و الله على ما اقول شهيد

كل سنه يتكرر عندي نفس السيناريو ..
ان الاحتفال حرام ..
لين نوصل للوقت الضايع و بسرعه بسرعه نروح و نجهز ..

أعتقد الاحتفال بالقرنقعوه عادي لان احنا لما نحتفل بهالليلة
نحتفل على أساس ( عادات و تقاليد )
و عارفين ان ما لها اي صلة بالدين و لا تدخل بالعبادات
يعني ما جيت و قلت حلال في الدين
لانها من التقاليد الخاصة بالبلد ..
مجرد ادخال الفرحة على قلوب الصغار ..
بعدها يعرفون ان العيد قرب ما بقى عليه الا اسبوعين ..
والحمدلله طول ما ان هالشي ما فيه اسراف و مبالغة
فراح يكون عادي ..


نصيحة أوجهها للتاجرات اللي يبيعون أزياء القرنقعوه ..
إتقوا الله ..
شفت أسعار ملابس البنات توصل 600و 800 ...!!!!
ليش هالاسعار الخيالية ..
و نفس الملابس في البحرين بربع السعر ..!!

[.خالد]

طيب واحتفال اعياد الميلاد ليش ما تكون حلال ،( ادخال الفرحة لقلوب النساء خصوصا لين تجيب لها هدية تونس )
ليش القرانقعوه حلال واعياد الميلاد حرام ؟

[بصمة قطرية]

طيب واحتفال اعياد الميلاد ليش ما تكون حلال ،( ادخال الفرحة لقلوب النساء خصوصا لين تجيب لها هدية تونس )
ليش القرانقعوه حلال واعياد الميلاد حرام ؟

اعياد الميلاد تقليد للغرب ..
اما القرنقعوه موروث شعبي ..
شي يخص تقاليد البلد ..
تقدر تعطي الهدية في اي وقت ..
المره تفرح بالهدية من غير مناسبة اكثر ..

[.خالد]

اعياد الميلاد تقليد للغرب ..
اما القرنقعوه موروث شعبي ..
شي يخص تقاليد البلد ..
تقدر تعطي الهدية في اي وقت ..
المره تفرح بالهدية من غير مناسبة اكثر ..

شكرا بصمة ،
بس ايش درانا ان هالموروث الشعبي ما كان تقليد للغرب او الشرق في حزتها ،
وبعدين اصبحت عادة متوارثة ؟

طيب اذا قام معظم المجتمع بعمل اعياد ميلاد بعد 100 سنه راح يكون هالشي موروث شعبي ؟ هل يعني ذلك انه حلال او حرام .

او خلنا نختصر السالفة ونقول ان اي عادة يراها الشعب انها عادة حميدة تعتبر حلال حتى لو لم يكن لها دليل في الدين ؟

[abdo222]

مافيه شيء القرنقعوه

[بصمة قطرية]

شكرا بصمة ،
بس ايش درانا ان هالموروث الشعبي ما كان تقليد للغرب او الشرق في حزتها ،
وبعدين اصبحت عادة متوارثة ؟

طيب اذا قام معظم المجتمع بعمل اعياد ميلاد بعد 100 سنه راح يكون هالشي موروث شعبي ؟ هل يعني ذلك انه حلال او حرام .

او خلنا نختصر السالفة ونقول ان اي عادة يراها الشعب انها عادة حميدة تعتبر حلال حتى لو لم يكن لها دليل في الدين ؟

القرنقعوه تقليد للغرب :eek5: :rolleyes2:
ليش عندهم رمضان ..!!؟؟
كل شي جايز .. :secret:

اخوي الله لا يهينك اختار لك اي شيخ دين
و اقرا فتاويه عن اعياد الميلاد ..

لا تقعد تفتي بكيفك اخوي ..
الحلال بين والحرام بين
في فرق بين تقليد الغرب في اعياد الميلاد
و فرق بين الموروثات الشعبية مثل القرنقعوه ..

[الوان]

انا ما اقتنعت بكلامي ... انتو اقتنعتوا ؟!

http://qatarshares.com/vb/showthread.php?t=514794

تمنيت لو ان في شخص رد على في هالموضوع

ينبهني اني على خطأ

بصراحة قلبتها يمين و يسار

و حاولت ان اقنع نفسي ان القرقيعان حلال

حاولت ان امشي على الفتوى اللي خذتها من الدعوة و الارشاد

حاولت اقتنع ان الاحتفال كل سنه بنفس التاريخ شي عادي!

حاولت اقتنع ان احنا نسوي لنا عيد قبل عيد الفطر شي عادي!

حاولت اني اقتنع ان نكشخ عيالنا كأنه العيد و نلبسهم ثياب جديدة في القرنقعوه شي عادي!

و حاولت اقتنع ان نطرش عيالنا يلفون على البيوت يطرون من خلق الله .. شي عادي!

و الطامة الكبرى .. اني حاولت ان اقتنع ان الشيعة ما لهم علاقة بالقرقيعان !

خاصة لما شفت فيديوهات احتفالاتهم بالقرقيعان عشان مولد الحسن !

هم براحتهم!

بس احنا اهل قطر الحنبليين .. اللي ماشيين على مذهب اهل السنة و الجماعة

ليش نحتفل بالقرقيعان !!! شلون و متى صرنا مثلهم

ما في شي من غير هدف

و بعدين احنا حتى مولد الرسول صلى الله عليه و سلم ما نحتفل فيه

استغفر الله العظيم .. بصراحة بامشي على الفتوى اللي تحرم الاحتفال بالقرنعوه

و اللهم ارنا الحق حقا و ارزقنا اتباعه و ارنا الباطل باطلا و ارزقنا اجتنابه

و الله المستعان

[intesar]

نعم أختي خذي على الفتوى اللي تريحج..
أنا مقتنعة بما أنه مو احتفال ديني فهو ليس ببدعة.. موروث واحتفال شعبي وماهو بعيد..

جزاك الله خيرا..

ودمتم بحفظ الرحمن..

[بريق الحق]

اختي اسئل عن اليوم الوطني هل هو حلال ولا حرام ؟ ومحد يقدر يتكلم لانه يدري شراح يصير فيه
ليش ماكانت تطلع احتفالات الشيعة على مولد الحسن او الي يقول مولد المهدي قبل 9 سنين ؟ ولا ماكان في علماء قبل يفتون على هذي المواضيع

[intesar]

على فكرة ليش بس الحين قالوا عنه احتفال شيعي.. ليش ما طلع من قبل.. حتى المشايخ أول ما حرموه ماقالوا هذا الكلام.. ممكن أقتنع بكل شيء إلا أنه احتفال شيعي..

[اهل قطر]

الله يثبتك على الحق ,

[السلولي]

أنا أقول لج ليش السعودية ما أجازوه..
لأن حتى هذه المناسبة الشعبية صارت تنعمل بترف كبير.. وبذخ ومصاريف كأنها للمعاريس مو القرنقعوه..

وشيء ثاني يقولون لج بدعة.. أن كل سنة بنفس الوقت..

بالطبع وأكيد أنا ما أخذت من هذه الفتوى..

فيه ناس لو ود ودها تقفل على الناس.. وتموتها.. أفكارها اقرب للتصوف من ناحية ان الدين الإسلامي فقط تعبد.. مسجد بيت .. بيت مسجد..

ودمتم بحفظ الرحمن..



من قال ان السعوديه ماتحتفل ؟؟ امس احتفلوا اهل السنه واليوم احتفال اهل الشيعه واحاول احط لكم صور احتفالهم اول ما توصلني من المصدر .