وين أتوظف ؟

[pure]

السلام عليكم ورحمة الله وبركاته

أخباركم ان شاءالله تمام ..

انا الحمدالله تخرجت من جامعة قطر - تخصص ادارة و اقتصاد

السؤال احين وين تنصحوني اتوظف واقدم اوراقي ؟

بس مابي يكون مكس ومختلط ,,



وشاكره لكم مساعدتكم ..

[بين السطور]

الله يوفقج

[(محمد)]

وعليكم السلام ورحمة الله وبركاته
مكس .. قصدكم اختلاط ؟



ان كان قصدكم الاختلاط فأسأل الله يثبتكم وان يوفقكم وان يرزقكم من خيري الدارين.

[pure]

الله يوفقج

جزاك الله كل خير

[pure]

وعليكم السلام ورحمة الله وبركاته
مكس .. قصدكم اختلاط ؟



ان كان قصدكم الاختلاط فأسأل الله يثبتكم وان يوفقكم وان يرزقكم من خيري الدارين.

اي اعتذر عدلت الرد قصدي مختلط

آميييين وياك اخوي

[بوعلي2]

الف الف مبروك بيور :nice:

والله يوفقج يارب وتحصلين الوظيفه المناسبه ان شاء الله

[المدريدي]

الله يوفقج دام هذا تفكيرج والله يرزقج بوظيفه ان شاءالله

[إينشتاين]

أولاً مبروك التخرج

ثانياً الله يسهل امورج وتلقين الوظيفة المحترمة بدون اختلاط مع انه للأسف دعاة التحرر والانفتاح ضيقوا على بنات المسلمين الي يبون الستر وتقلصت الاماكن الي بدون خلط

[بنت ذياب]

:( انا بعد ابي وظيفة مع بيور

[pure]

الف الف مبروك بيور :nice:

والله يوفقج يارب وتحصلين الوظيفه المناسبه ان شاء الله

الله يبارك فييك و جزاك الله خير

[pure]

الله يوفقج دام هذا تفكيرج والله يرزقج بوظيفه ان شاءالله


أولاً مبروك التخرج

ثانياً الله يسهل امورج وتلقين الوظيفة المحترمة بدون اختلاط مع انه للأسف دعاة التحرر والانفتاح ضيقوا على بنات المسلمين الي يبون الستر وتقلصت الاماكن الي بدون خلط


الله يبارك فيكم ويجزاكم الخير

اي والله احين كل الشركات والدوائر مختلط !

[pure]

:( انا بعد ابي وظيفة مع بيور

الله كريم :(

[لمعة الالماس]

بنك اسلامي قسم النساء مافيه خلط

المدارس مافيها خلط

[solyamalenki]

انصحج بالبنوك الاقسام النسائية

[الزعفراني]

مبروك التخرج ، وينكم عن المعرض المهني ؟ كان تعرفتوا على فرص التوظيف في الأماكن الغير مختلطة !

مبدئيا مثل ما اذكروا الاخوان المدارس و الافرع النسائية في البنوك والله أعلم وأضيف عليهم وزارة الأوقاف .

[حـ ن ـيـ ن]

الف الف مبروووووك

والفال للوظيفة

قدمي على المدارس سكرتيرة

[الـمـحـنـك]

سكرتيره وهي عنده باكالوريوس اداره واقتصاد .. شلون ؟؟

[pure]

بنك اسلامي قسم النساء مافيه خلط

المدارس مافيها خلط


انصحج بالبنوك الاقسام النسائية

بنوك اسلاميه ؟ مافيه غير المصرف والريان و الدولي الاسلامي

بقدم عندهم وان شاءالله خير


مشكورين على المشاركه

[pure]

مبروك التخرج ، وينكم عن المعرض المهني ؟ كان تعرفتوا على فرص التوظيف في الأماكن الغير مختلطة !

مبدئيا مثل ما اذكروا الاخوان المدارس و الافرع النسائية في البنوك والله أعلم وأضيف عليهم وزارة الأوقاف .

الله يبارك فيك اخوي ,,


عاد انا مقدمه عند كل الشركات والوزارت بالمعرض المهني ,, ومحد رد علي !

ان شاءالله بقدم على وزارة الاوقاف

جزاك الله خير اخوي على المشاركه

[مــاي ورد]

عيد الخيرية بعد لهم قسم نساء

وجامعة قطر

المدارس والبنوك الاسلامية

[فلتة زمانها]

الف مبروووك يالغلا
قدمي على بنك بروه اسلامي وفيه فرع نسائي

[ريتويت]

وزاره العمل احسن مكان لج ويناسبج

[حـ ن ـيـ ن]

سكرتيره وهي عنده باكالوريوس اداره واقتصاد .. شلون ؟؟

اعتقد عادي لان فيه ثانوية عامة بوظيفة سكرتيرة ...

تاخذ دورة سكرتارية :nice:

[حـ ن ـيـ ن]

الف مبروووك يالغلا
قدمي على بنك بروه اسلامي وفيه فرع نسائي

فلتة زمانها ، بنك بروة إسلامي أكيد؟

[فلتة زمانها]

ايه فديتج اسلامي فاتحه عندهم حساب توفير

[روح الاطلس]

الف مبروك

عندج

المدارس قدمي عندهم ورواتب عالية جداً مقارنه بأي مكان ثاني
الاوقاف
البلدية
وزارة المالية
اللجنة الاولمبية ( حسب ماسمعت والله اعلم)

قدمي الحين بكل مكان تنسخين السي في وتدورين على اماكن العمل و عن طريق مواقعهم بالنت حتى لو ماتبين تشتغلين عندهم اخذي فكرة من خلال المقابلات تكتسبين معرفه ومهارة لين تلقين المكان المناسب

[طموحي عالي]

بالتوفيق يالغاليه

[بنت ذياب]

مممممممممممممممممممممم

[حليتان*]

بيور وبنت ذيااب مبروووك التخرج تستاهلون


والله يوفقكم و تلقون الوظيفة الزينه

[برويقن]

تعرفين للرياضيات وبعض المسائل الحسابية البسيطه؟؟

لاننا ندور موظف/موظفة قطريين

[الوسيط العقاري]

الله يوفقكم ويوفق الجميع

[((ام خالد))]

أختي بيور اذا تخصصج محاسبة - مالية- قدمي على المدارس يمكن يحطونج مدرسة رياضيات
او ممكن مدرسة انجليزي اذا عندج الأيلز,, للأسف حبيبتي ألحين أغلب الاماكن خلط وشبه خلط اذا مب كلها
الله يوفقج وتلقين مرادج ,, وبلحقج السنة الجاية إن شاء الله بعد ما اتخرج

[ANONYMOUS]

الف مبروك التخرج

إبعدي على بنتنا ولا تتنازلين عن شروطج

الله يوفقج

[سداوي&مدريدي]

ألف مبروك التخرج

اللاسف اكثر الاماكن الزينه فيها خلط

مالج الا البنوك الاسلاميه ,, عندج المصرف

والمدارس المستقله :(

الله يووفقج

[ولد شرق]

اعتقد عادي لان فيه ثانوية عامة بوظيفة سكرتيرة ...

تاخذ دورة سكرتارية :nice:


بدينا في الحسد ولا شسالفه؟

الاخت اتقول انها خريجه جامعيه و اتقولين لها اشتغلي سكرتيره؟
واترد عليج و اتقول لج انا خريجه اتقولين عادي في سكرتيرات عندهم ثانويه؟

ترا حتى الابتدائيه يوظفونهم في حمايه يصير اتقدم؟؟؟

مادري ليش احس في ناس همها الاطنازه وبس

[حراير قطر]

الله يوفقج يا بيور وبنت ذياب

للاسف ما في مكان خاصه للنساء

حتى المدارس المستقلة فيها ورش وفيها خلط

انتي التزمي بنفسج وما عليج من احد

في وزارات خلط بس في مكاتب خاصه للنساء ...

[pure]

أول شي الله يبارك فيكم كلكم ,,

وجزاكم الله كل خير على المشاركه وفي ميزان حسناتكم ان شاءالله

بالنسبه للاقتراحات ,, والله مادري المدارس ماحب بيئتهم ,,

بحاول اقدم ان شاءالله على باقي البنوك والوزارت وان شاءالله خير

[النجلا]

الله يوفقج وتلاقين الوظيفة اللي تناسبج ..

بس نصيحة من اخت المدارس المستقلة ابتعدي عنهآآآ ..

[pure]

آميييييين وياج يارب ,,


للحين انطر مع اني ماخليت وزاره ما قدمت فيها


الله كريم ,,

[pure]

تصدقون للحين ماتوظفت !!!

مع اني قدمت عل كل اللي قلتوه وكل الدوائر والمدارس

الله كريم :(

[ام ناصر1]

الحين الوظائف مثل بيض الصعو للقطريين
انصج اتسوين مثل بنت اخوي تمت 4 سنين تنتظر وتروح المعرض المهني بلا فايدة ترجى
ابتدت تتقدم لاعمال التطوع لين ما اعجبت مديرة القسم بعملها وشغلها في احد القطاعات ...فوظفتها ...جزاها الله خير
لاتفكرين بس بحط السيفيات والانتظار ....روحي اعمال تطوعية ...واعمال النصف شفت
حركوا نفسكم ...روحي اخذي دورات ...لانه هذا سيثبت لمن تتقدمين لهم انج نشيطة ومثابرة

[روح الاطلس]

ام ناصر معاها حق

اعرف واحد اجنبي مواليد الدوحه (لآحظوا اجنبي) خلص الجامعه من قطر واول ماتخرج راح واشتغل كمتطوع بأحد اكبر الجهات اللي القطريين يحلمون فيها ومن صبح لين الليل وهو يكرف لين اثبت جدارته وعينوه والحين ماشاء الله الكل مستغرب شلون وصل لهالمكان :)


بيور فكري عدل بموضوع التطوع واختاري مكان تبينه وان شاء الله بيكون لج نصيب

[pure]

الحين الوظائف مثل بيض الصعو للقطريين
انصج اتسوين مثل بنت اخوي تمت 4 سنين تنتظر وتروح المعرض المهني بلا فايدة ترجى
ابتدت تتقدم لاعمال التطوع لين ما اعجبت مديرة القسم بعملها وشغلها في احد القطاعات ...فوظفتها ...جزاها الله خير
لاتفكرين بس بحط السيفيات والانتظار ....روحي اعمال تطوعية ...واعمال النصف شفت
حركوا نفسكم ...روحي اخذي دورات ...لانه هذا سيثبت لمن تتقدمين لهم انج نشيطة ومثابرة

أنا بعد مستغربه من هالشي !! لما تمرين برج برزان جوفي شكثر اللي مو محصلين وظايف ويدورون !

لا هم اللي يبون جامعين ولا الثانوي !

مشكوره فديتج عل الرد والله يوفق بنت اخوج

[pure]

ام ناصر معاها حق

اعرف واحد اجنبي مواليد الدوحه (لآحظوا اجنبي) خلص الجامعه من قطر واول ماتخرج راح واشتغل كمتطوع بأحد اكبر الجهات اللي القطريين يحلمون فيها ومن صبح لين الليل وهو يكرف لين اثبت جدارته وعينوه والحين ماشاء الله الكل مستغرب شلون وصل لهالمكان :)


بيور فكري عدل بموضوع التطوع واختاري مكان تبينه وان شاء الله بيكون لج نصيب



انا كنت حاطه ببالي التطوع لكن بعيد الخيريه وهالامكان ما حطيت ببالي التدريب بالوزارت

ومعاكم حق ان شاءالله بدور بخصوص هالموضوع

مشكورين عل الرد