احذروا من التعامل مع قطر لاين

[ام خويلد]

السلام عليكم ورحمة الله وبركاته

امس في الليل رحت محل قطر لاين في الخريطيات عشان اصلح شاشه الايباد مكسورة قالي ب700 ريال
المهم طلعت عنه ورحت محل بالسد وقالي ب300 ريال
شفتوا كيف الفرق والنصب وهذي مش اول مرة ينصبون علينا،تخيلوا مرة رحت وديت جهاز الايفون مايشتغل عندي المهم بس اشبكة مع الايتونز واشتغل الجهاز مرة ثانيه طلب علي100 ريال يوم قلت له ليش ال100 قال هو اصلا ركب قطعه في التلفون واذا مابتدفعين بنشيل القطعه(هذا الموظف تركي اللي عند الكاشير)
المهم هني انا عصبت قلت لاتفكر ان القطريين اغبياء ومايفهمون شي انتوا عملتوا كذا وكذا بالتلفون لاتفكر اني ماعرف،قالي بصريح العبارة (عيل احنا ليش فاتحين المحل مش عشان نربح)،قلت له هذا نصب مش ربح
لكن قلت له حسبي الله ونعم الوكيل فيك..
فأرجو من اخواني في حمايه المستهلك حمايه المواطن القطري من الغش والتلاعب .
واسمحوا لي طولت عليكم

[راشد محمد]

غش >>>>>>>>

[قطري مفلس]

مرحبا اختي ام خويلد

للمعلومية ترى شاشة الايباد او الايفون او اي شاشه كانت فيها اختلاف كبير وانواع كثيره

مثلا : فيه الصيني والفلندي والخ .... وفيه النوع الرخيص والنوع الغالي ،، هذا بحكم خبرتي لما بدلت شاشة الايفون وعقبها طاح الايباد من يدي وانكسرت الشاشة وكانت نفس العملية اختلاف كبير بين الاسعار ...

اما بالنسبة لمحل قطر لاين ( ماعرف المحل ) لكن هذا تعامل شخص ل شخص ما اعتقد ان هذا يعيب المحل خصوصا اذا كان فيه اكثر من موظف ،،

والنصب انا معك في كل مكان وبزياده هاليومين ،، فالحذر واجب ، ومو عيب الواحد يسأل عن السعر قبل الخدمة ،،،

المهم دفعتي ال 100 ريال ولا لاء

^_^

[كازانوفا]

في ذمتهم ان شالله هذا لو في ذمه
والحمدلله المحلات ربي مكثرها وفي بدائل

[وحيد-الشوق]

الغش والنصب صارت تجارة مربحة في قطر

[محاسب]

المستهلك أو الزبون الذكي
هو الي يتأكد من قيمة السلعه في كذا محل............................ ومن الصعب الأحتيال عليه
وفيه خير وناصح للغير
وهو سبب خسارة كل جشع طماع.
والله يكثر من أمثالكم

[king fish]

على فكره انا كنت ناوي اصلح عنده بس نصحوني لا

[قلب الحدث]

كلام الاخ قطري مفلس صحيح يوجد اكثر من نوع للشاشات والاسعار متباينة انا مرة صارلي نفس الشي وانكسرت شاشة الايفون اشتريتها من الانترنت وبدلتها ما كلفني الموضوع 50 ريال
للاسف المحلات بالدوحة تعتمد على الغش والنصب والاسعار المبالغة

[ذباح]

خلها على الله

[qatara]

شي معروف عنهم

[CH Engineer]

معروف من اول مافتح اسعاره نااااااار بكل شي
واللي فلوسه زايده وماتفرق معاه يروح

[Mercedece]

لا زم يكون في قائمة اسعار تحددكل التفاصي وانواع الشاشات انا اول مرة اعرف ان في انواع للشاشات

[eveqatar]

http://www.directfix.com/category/IPAD.html

,الله ما يزيد عن 100 دولار والتركيب 50ريال

[eveqatar]

وتلاقيه ماخذه بالجمله باقل من نصف السعر

[eveqatar]

عندكم الخطوات سهله في اليوتوب

iPad screen replacement

[بومحمد55]

حماية المستهلك نائمه في العسل ولحد ينطر منهم شي لأنهم يستقبلون الاتصالات
وبس والمشتكي لازم يغني ياليل مطولك وعلى قولت بنتي ياليل القبقب

[bonaser08]

في البعض ماعندهم ذمه ولاضمير

[ابن الرومي]

المفروض اذا اي شخص يروح يشتري اي شي
يشوف سعره وبعدين يحاول يكاسره بالسعر
اقل من النص ولازم تلاحظ على الموظف الي يبيع
هل هو يتذاكى بالبيع او كل شوي له سعر
وحاولوا انكم ما تشترون بنفس الوقت شوفوا كذا محل
وقارن نوعية البضاعة اصلي تجاري
وسلامتكم

[مجرد سفير]

في ذمتهم

[حميداني]

ام خويلد , المره اليايه جربي تبحثين في قوقل عن السعر كلها دقايق وتظمنين محد يتفلسف ويغشج

[اوف ليميت]

لا كلامها صحيح..بغض النظر اذا بهالشي او بغيره

لان قطر لاين صج ينصب عالناس

شوفوا فرق السعر عنده وعند المحلات اللي فالغرافه او فالسد

صحيح بعد اللي فالسد والغرافه سعرهم اعلى من الاصلي بس بعد انعديها لهم يبون ربح بالمعقول
بس قطر لاين يب يربح بقوة عين وبالغصب اشكره..الا عماة عين الله يهديهم بس

سوي مثلي واطلبي من برع

انا طلبت بطارية اي فون من امريكا اطلعت علي ب 42 ريال قطري..عاد شوفي عني بكم سعرها
وطلبي سبيكر خاص للاي فون طلع علي ب 23 ريال قطري
وطلبت شاشة اي بود..يعني تقدرين تقولين نفس الشي لل اي فون تقريبا..واطلعت علي ب 65 ريال
وازيدج من الشعر بيت..يوم طلبت الشاشه..طلبتها مع معداتها للفتح وغيره (tools) خاصه في فتح وارجاع شاشة ال اي بود وال اي فون .. وبعد شامل السعر اللي هو 65 ريال

كل هذا ومع الشحن..حده بامريكا ارررررررررررررررخص من الشركة الام

:]

[fantasy]

شاشه الايبود تتصلح ب 150 هاي ارخص شي محصله للمعلومه

[BoAof]

تدرين انا ما الومه

1- اكثر من 90 في الميه يدفع ولا يدري ليش دفع ولا يكاسره لو ب 10 ريال
2- هاذي تجاره ومن حقه يستربح لو 300% والغلط من الشخص اللي مايسال ويدور ويشوف الاسعار في اكثر من محل
3- احنا اللي خليناهم كذا لان شخص واحد يرفض يدفع ويجيك بعده 100 شخص يدفعون ف المحل مابيهتم بتنزيل اسعاره عشان شخص واحد
والدليل قبل كننا نشوف العروض في محلات الالكترونيات كثيره الحين بدون عروض العالم تشتري وتتفاخر هذا
خذيته بالسعر الفلاني وهذا بالسعر الفلاني
صار الغالي هو الزين

[Lili2005]

لا كلامها صحيح..بغض النظر اذا بهالشي او بغيره

لان قطر لاين صج ينصب عالناس

شوفوا فرق السعر عنده وعند المحلات اللي فالغرافه او فالسد

صحيح بعد اللي فالسد والغرافه سعرهم اعلى من الاصلي بس بعد انعديها لهم يبون ربح بالمعقول
بس قطر لاين يب يربح بقوة عين وبالغصب اشكره..الا عماة عين الله يهديهم بس

سوي مثلي واطلبي من برع

انا طلبت بطارية اي فون من امريكا اطلعت علي ب 42 ريال قطري..عاد شوفي عني بكم سعرها
وطلبي سبيكر خاص للاي فون طلع علي ب 23 ريال قطري
وطلبت شاشة اي بود..يعني تقدرين تقولين نفس الشي لل اي فون تقريبا..واطلعت علي ب 65 ريال
وازيدج من الشعر بيت..يوم طلبت الشاشه..طلبتها مع معداتها للفتح وغيره (tools) خاصه في فتح وارجاع شاشة ال اي بود وال اي فون .. وبعد شامل السعر اللي هو 65 ريال

كل هذا ومع الشحن..حده بامريكا ارررررررررررررررخص من الشركة الام

:]

اخوي ولا عليك امر ممكن تعطينا الموقع اللي اشتريت منه بهالاسعار،،
تحياتي

[Bin.Qatar]

انا مستغرب من ردود بعض الاعضاء وكانهم قااعدين يدافعون عن المحل ويبون يطلعون ام خويلد غلطانه غصب !!

يعني هي قالت لكم اول مره راحت علشان شاشة الايباد وعطاها سعر غالي وتركته وراحت محل غيره بالسد وكان الفرق 400 ريال وتقولون مب حرامي وكوالتي وخرابيط ..

هذا مو بس حرامي هذا نصااب واكبر حرامي والمفروض يتحاسب ويسكرون محله ..

والشغله الثانيه هي قالت لكم انها راحت مره ثانيه لان التلفون طفى عليها والحبيب شبكه على الايتونز بس واشتغل وخذا منها 100 ريال من غير مايذكر لها قبل شنهي المشكله علشان توافق تصلحه عنده او لاء !!

وبعد مطلعينها هي الغلطانه ؟؟

اخت ام خويلد اتصلي حماية المستهلك وقدمي شكوة وخلي الفاتورة معااج مالت سعر شاشة الايباد وشوفي اذا ماعطوه غرامه او سكروا محله لو عليه كذا شكوة ..

والله يعوضج خير ويبعد عنج هل اشكال اللي ماعندها لاذمه ولا ضمير

[saud580]

قطر لاين انا مره شريت من عنده سيديات فاضيه العلبه فيها ٥٠ سي دي قالي سعره ١٦٠ المهم انا دفعت و طلعت لاني مستعجل

لما رديت البيت لقيت السعر مكتوب عليه ٥٠ رياااال

الاخ عطاني سعر من مخه

و يوم رديت له و هاوشته قالي حصل خير بنرجع لك الباقي ... شوفو شلون يعني متعودين

[ام خويلد]

اولا اشكر اخواني وخواتي على التفاعل للموضوع
ثاني شي لازم اذا شفنا اي محل يتعامل بالنصب لابد ان نقدم شكوى عليه وطبعا اذا عاد في تجاوب من حماية المستهلك
والاهم من هذا عمل المقاطعه للمحل لان اهل قطر صايرين مقصه من الاجانب

[ام خويلد]

في موضوع طبعا تفاجئت منه
الا وهو ان في يوم طرشت السواق عشان يشوف كم يغسلون كراسي السيارة ويلمعونها من برع
طبعا كالعاده النصب راح محل في الخريطيات قاله 650،قلت زين روح محل ثاني وراح قالوا له ب 600
وكلمني بالتفلون جان اقوله ارجع على المحل وقولة ان هالسياره مب سياره قطري وانها سيارتك
جان يرد عليه الهندي في المحل انت من وين لك فلوس تشتري سيارة،رد عليه دريولي قاله ان انا اشتغل تاكسي اوصل الناس
المهم من الاخير قاله كم؟
قاله عشانك مش قطري بغسلها ب400 ريال وبنظفها يوم كامل.
وسلامتكم.