ممكن تساعدونى فى اختيار البورسلان

[ريميه]

السلام عليكم ورحمة الله وبركاتة

حبيت اسأل عن البورسلان الاسبانى اللى يشبه الرخام

كم سعرة ومن اى محل

ولكم جزيل الشكر

[king999]

محلات كثيرة واللي شفته وشغلة فعلا حلو ولا تفرقينه عن الرخام محل في شارع المطار نسيت اسمه بس جنبة محل مفرووشات اعتقد المفتاح اذا ماكنت غلطان
المهم تطوفين اشارة المطار ياتجاة الوكرة والاشارة اللي بعدها بتشوفين المحل على يمينك وانشاء الاخوان يفيدونك باسم المحل

تحياتي

[ريميه]

تسلم اخوى ماقصرت

[fahad1]

محل الضحى في شارع سلوى بجنب التضامن للسيارات أرخص محل يبيع سراميك إسباني

[ريميه]

ابى اللى يشبه الرخام

حصلت محل فى شارع سلوى بيعطينى المتر ب 150

شرايكم السعر مناسب ولا فيه ارخص منه

مشكور اخوى فهد

[ولد المنصور]

قصدك اخوي كافوود اللي في ش المطار ,,,,,
سيراميك الخليج عنده سراميك احلى من الاسباني ,,, وعندك نابينا عنده انواع واااااااااااايد

[ولد المنصور]

الاسباني درجات انتبه ,,,, فيه صيني احسن منه جوده

[معماري قطري]

جربي العمودي اللي جنب برج المالكي قرب تقاطع حفصة

عندهم قطع كبيرة 120 في 60 وبسمك 14 ملم انا جربت وركبته طلع وايد حلو وقوي .. بس لازم يتركب بعمل صبية وتشميخها بالمشط الحديد وبعدين بلزاق خاص وبعناية لأن القطع كبيرة تحتاج شخصين أو 3 يركبون كل قطعة .. سعره كان 120 و صناعة إيطالية، وعندهم نوعية ثانية قشرة جرانايت طبيعي معالجة وملصوقة بعجينة البورسلان 40 في 40 بس غالي ويجي أسود وأبيض وشوي وردي وشوي بيج وبنفسجي فيه عروق يعني، وسعره كان 270 للمتر قبل فترة الحين ما ادري كم .. كشكل اللون الأسود سويته مخلوط مع لون بنفسجي فاتح من عندهم وطلع حلو .. باحاول أحط صور للأرضيات اللي سويتها إن شاء الله وحطيت مره بس نسيت في أي موضوع.

[ريميه]

قصدك اخوي كافوود اللي في ش المطار ,,,,,
سيراميك الخليج عنده سراميك احلى من الاسباني ,,, وعندك نابينا عنده انواع واااااااااااايد


لا اخوى مب فى المطار شارع سلوى

بمر على نابينا

تسلم على مرورك

[ريميه]

جربي العمودي اللي جنب برج المالكي قرب تقاطع حفصة

عندهم قطع كبيرة 120 في 60 وبسمك 14 ملم انا جربت وركبته طلع وايد حلو وقوي .. بس لازم يتركب بعمل صبية وتشميخها بالمشط الحديد وبعدين بلزاق خاص وبعناية لأن القطع كبيرة تحتاج شخصين أو 3 يركبون كل قطعة .. سعره كان 120 و صناعة إيطالية، وعندهم نوعية ثانية قشرة جرانايت طبيعي معالجة وملصوقة بعجينة البورسلان 40 في 40 بس غالي ويجي أسود وأبيض وشوي وردي وشوي بيج وبنفسجي فيه عروق يعني، وسعره كان 270 للمتر قبل فترة الحين ما ادري كم .. كشكل اللون الأسود سويته مخلوط مع لون بنفسجي فاتح من عندهم وطلع حلو .. باحاول أحط صور للأرضيات اللي سويتها إن شاء الله وحطيت مره بس نسيت في أي موضوع.


مشكور اخوى معمارى على مشاركتك

انتظر الصور

[ريان]

كم عدد الامتار تقريبا ؟

[fahad1]

ابى اللى يشبه الرخام

حصلت محل فى شارع سلوى بيعطينى المتر ب 150

شرايكم السعر مناسب ولا فيه ارخص منه

مشكور اخوى فهد

الضحى سعره من 95 الى 80

[PLATINUM]

انا لفيت على كل المحلات

احلى نوع تلاقيه عند الخليج للسيراميك بس ماتذكر السعر بالضبط بس اذكر انه غالي

[ضوى]

صححي سيراميك الخليج وايد حلو بس وااايد غالي

انا اخذت من الامانة صج حلوو طلع غالي بس ارخص من الخليج

الامانة اللي بشارع سلوى

[PGR]

اجمل الاشياء وافخمها عن جلفار ,, انواع بورسلان فخمه وكوالتي توب

[القلم الصريح]

انا خذت من العاصمه بورسلان اسباني 60في 60 نفس الرخام وعروق الرخام بالضبط المتر على 85 ريال ، بس مب زيرو جوينت

[معماري قطري]

مشكور اخوى معمارى على مشاركتك

انتظر الصور


في الصورة هذي موضح إلتقاء بورسلان أرضية صالة الدور الأول وهو 60 في 120 سم وبسُمك 14 ملم إيطالي من عند العمودي وكان بحدود 120 ريال للمتر أو 150 ما اتذكر المبلغ.

الثاني الأسود كان غالي شوي وخذت منه حق صالات توزيع صغيرة بمقاس 3 في 4 متر وكان سعره عند العمودي بعد ب 270 ريال للدرجة الثانية وب 800 ريال للأُولى، وركبته بقراوت أسود خاص وطلع كثير حلو .. ويبين إنعكاس المنور من فوق .. السكايلايت في الصورة.


http://im30.gulfup.com/2012-06-21/1340273476551.jpg (http://www.gulfup.com/show/X1ymkhjcd7f9c0)

[بو علاوي]

بالتوفيق

[ريان]

صححي سيراميك الخليج وايد حلو بس وااايد غالي

انا اخذت من الامانة صج حلوو طلع غالي بس ارخص من الخليج



الامانة اللي بشارع سلوى

الخليج اسعاره غاليه

انا شفت عنده بورسلان لدورات المياه
طلع 6600 ريال تقريبا . للحمام الواحد (اكرمكم الله )

وعملت بحث ولقيت نفس المنتج والشركه (كلركير)

فالرياض وطلع 4400 ريال قبل الخصم

وكان عندي عدد كبير من دورات المياه والمطابخ

[مرتبش]

شفت عند البشري بهالحدود ٨٠ او ٨٥ واشكالهم حليوة وفي بعد صيني على ٦٠ تقريبا

[alwahesh]

ابى اللى يشبه الرخام

حصلت محل فى شارع سلوى بيعطينى المتر ب 150

شرايكم السعر مناسب ولا فيه ارخص منه

مشكور اخوى فهد



هذا اكيد رخام ما اعتقد سيراميك يمكن رخام مصري او عماني لاني سمت الرخام المصري من فتره وقالو لي ب 180 للمتر بدون التركيب

[alwahesh]

المحلات المعروفه

الرم - عند كنتاكي

نابينا

العاصمه - دوار سناء واسارهم معقوله
سيراميكا طريق سلوى بس اسعارهم شوي غاليه


وفي واحد في المنتدى اسعاره رخيصه مرة مقارنه بالسوق

[ريميه]

[center]
كم عدد الامتار تقريبا ؟

تقريبا 30 متر

[ريميه]

الضحى سعره من 95 الى 80


بمر عليه

مشكور على مرورك

[مــاي ورد]

الله يوفقج

[ريميه]

انا لفيت على كل المحلات

احلى نوع تلاقيه عند الخليج للسيراميك بس ماتذكر السعر بالضبط بس اذكر انه غالي


ابى بورسلان مب سيراميك

شكرا على مرورك

[ريميه]

صححي سيراميك الخليج وايد حلو بس وااايد غالي

انا اخذت من الامانة صج حلوو طلع غالي بس ارخص من الخليج

الامانة اللي بشارع سلوى


مشكورة اختى ضوى

بس انا بورسلان

[معماري قطري]

مشكورة اختى ضوى

بس انا بورسلان


للتوضيح مب شرط إذا إسم المحل سيراميك معناها يبيع بس سيراميك .. وفيه أنواع سيراميك أرقى وأغلى من البورسلان ومن الرخام .. إسئلوا عن فالنتينو الإيطالي

[ريميه]

اشكر الجميع كلن باسمه على المرور والرد

وبصراحه احترت من وين اشتريه وكل محل ينصب على فى السعر

فى الاخير اشتريته من نابينا وسوا لى خصم بسعر حلو

يعطيكم العافية وماقصرتوا

[KSK Logistic]

ياريال مر علينا وشوف الاوان والنوعية ، شوفه الي عندنا ٣٦ عند غيرنا نفسة ٦٠ ريال ،