شنجن من الفرنسيه وبدخل من المانيا !!!!

[(العديم)]

السلام عليكم ورحمة الله , سويت فيز من السفارة الفرنسيه على اساس ان الدخول بيكون من باريس وغيرت رايي ابي ادخل من المانيا هل توجد اي مشكله في ذلك وجزاكم الله خير

[وحيد-الشوق]

هذا اكثر سؤال ينسأل في هذا القسم :)

اتوقع ماعندك مشكله انا عندي فيزا المانيا ودخلت مرتين بلجيكا ماقالوا شيء بس سألوني بتقعد في بلجيكا ولابتنزل المانيا قلت لهم اهنيه وهناك وطلعت من المطار على المانيا ههههههه

انت دخولك نظامي والفيزا شنجن بس اسأل حزات نفسيات موظفين الجمارك هي المشكلة

[(العديم)]

انا سألت سفريات ريجنسي قالوا القطريين عادي مايقولون لهم شي بس الخدامة احتمال كبير ايرجعونها وانا وياي خدامة اندونيسيه

[بن غيث]

عادي. ..

[خشوف]

عادي يصير

يعني اللي يرغب في السفر الى عدد من دول اوروبا خلال فترة الصيف ما عليه الا ان يحصل على هذه فيزا الشنغن

وبكده يستطيع زيارة اكثر من دولة بفيزا واحدة فقط

وهذه الدول ال 15 هي

النمسا
بلجيكا
الدنمارك
فنلندا
فرنسا
المانيا
اليونان
ايسلندا
ايطاليا
لوكسمبورغ
هولندا
النرويج
البرتغال
اسبانيا
السويد
سويسرا
بااستثناء بريطانيا وتركيا التي لا يمكن استخدام هذه الفيزا لزيارتها

[OM_OMAR_QATAR]

ان شالله يفيدونك الاخوان

[Chambray]

عادي يصير

يعني اللي يرغب في السفر الى عدد من دول اوروبا خلال فترة الصيف ما عليه الا ان يحصل على هذه فيزا الشنغن

وبكده يستطيع زيارة اكثر من دولة بفيزا واحدة فقط

وهذه الدول ال 15 هي

النمسا
بلجيكا
الدنمارك
فنلندا
فرنسا
المانيا
اليونان
ايسلندا
ايطاليا
لوكسمبورغ
هولندا
النرويج
البرتغال
اسبانيا
السويد
سويسرا
بااستثناء بريطانيا وتركيا التي لا يمكن استخدام هذه الفيزا لزيارتها

هلا اختي خشوف
معلوماتج قديمه شوي :)

عدد الدول 25

Austria
Belgium
Czech Republic
Denmark
Estonia
Finland
France
Germany
Greece
Hungary
Iceland
Italy
Latvia
Lithuania
Luxembourg
Malta
Netherlands
Norway
Poland
Portugal
Slovakia
Slovenia
Spain
Sweden
Switzerland

http://www.schengenvisa.cc/images/schengen-area.gif
و أزيدهم دولة من عندي الي هي جمهورية ( Andorra) :) لان محد يدري عنها ومنخشه بين اسبانيا وفرنسا وتعتبر دولة من غير ضرائب .. فتكون مكان ممتع للفرنسيين والاسبان لشراء احتياجاتهم ومنتجع شتوي مميز في اندورا :) ..


مافي مشكلة اذا فيزتك من دولة ونزلت في دولة
السفارات يقولون مايصير لسبب واحد
علشان مايصير ضغط على سفارة وحده

[بنت الجسرة]

شوف اخوي انا من شهر قريت في تويتر من موقع مصدر نيوز الاماراتي تنبيه للمسافرين من وزارة الخارجية عندهم ان اي شخص ماخذ شنجن من اي سفارة لازم ينزل في بلد السفارة يعني اذا انت ناوي تروح فرنسا وخذته من السفارة الالمانية لازم تنزل المانيا وبعدين تروح فرنسا ولا راح يرجعونك للبلد يعني بترجع قطرانا اخوي كان ناوي يسافر وماخذ الشنغن من الالمانية ويوم قلت له راح سال واحد من ربعه قاله على حسب الشرطي الي واقف عند البوابة هو الي يقرر

[Chambray]

أسألي ناس مجربه اختي بنت الجسرة مش من تويتر ..
انا اسافر كثيراً مابين المانيا واسبانيا وفرنسا
واكثر من 20 مرة انزل سويسرا وفيزتي فرنسية .. الامور طبيعيه جداً

[سحر الليالي]

انا توني رادة من بلجيكا وماخذه تاشيره من المانيا والخدامة معاي وعادي اسالوني انتى ليش جاية؟وين بتروحين
قلت لهم بقعد يومين في بلجيكا واسبوع بالمانيا والحمدلله الامور سهالات ومافي اي تعقيد توكل ع الله واذا اسالوك قول انك بتروح فرنسا وبتقعد فيها مده اطول اكثر من المانيا

[بعيد المرامع]

اختي الوضع عادي جدا ، اذا سالوك ليش فيزتك من فرنسا وانتي داخلة المانيا ، قولي لان فرنسا بقعد فيها اكثر ايام الرحلة ، لذلك حسب قانون فيزا الشنغن المدة الاطول هي التي تحدد من اي سفارة تختار للشنغن

المسالة كلها تنافس على رسوم الفيزا وتسويق وغالبا مايدققون ورا الفيزا

[AL-MAYSTRO]

انا فيزت شنقن فالسفاره الالمانيه والوجهه كانت دايركت على برشلونه وماصادفتني اي مشكله ولله الحمد

وسألتهم اذا بروح على باريس دايركت قبل برشلونه قالوا اذا فيزتك شنقن تروح لاي مكان من دول الشنقن

بالتوفيق

[sout qatar]

شوف اخوي انا من شهر قريت في تويتر من موقع مصدر نيوز الاماراتي تنبيه للمسافرين من وزارة الخارجية عندهم ان اي شخص ماخذ شنجن من اي سفارة لازم ينزل في بلد السفارة يعني اذا انت ناوي تروح فرنسا وخذته من السفارة الالمانية لازم تنزل المانيا وبعدين تروح فرنسا ولا راح يرجعونك للبلد يعني بترجع قطرانا اخوي كان ناوي يسافر وماخذ الشنغن من الالمانية ويوم قلت له راح سال واحد من ربعه قاله على حسب الشرطي الي واقف عند البوابة هو الي يقرر

عادي اختي انا خذتها مرتين من فرنسا واول مره رحت سويسرا والمره الثانيه رحت المانيا ويرجعونك بلادك في حاله وحده لما تكون الفيزا الشنغن محددين فيها دول معينه ورحت دوله مب موجوده مب ضمن المسموح تروحها وصارت مع رفيجي ومادخلوه وخلوه يرد لانه راح المانيا والفيزا الي عطوها مايدخل فيها المانيا والعاده هالنوع من الفيزا يعطونها بعض اخوانا العرب حسب جوازه بس القطريين عادي يروح مكان مايبغي

[مشتاقة لقطر]

صادفنا هالشي بالصيف منمظار بوظبي

اخوي واختي قطريين فيزة فرنسا من قطر

وانا وزوجي المانية من الامارات

وصلنا المطاربوظبي على الخطوط الالمانيةلوفتهانزا
قال لاخوي واختي ما نطلعكم على المانيا لان فيزتكم فرنسية

وسوو سالفة واتصلواالمانيا واخترعو لنا حل انه قولوابننزل باص او سيارة او قطار على فرنسا
يقول فيه مسافر راح على اسبانيا بفيزا غير رجعوه من يومين
وايد اخرونابس الحمدلله يايين بدري

وعدت على خير
وصلنا المانيا فرانكفورت فالوالنا على وين قلنا ميونخ مشانا عادي ولا كانه فيه شي

[الخزرجي قطر]

أسألي ناس مجربه اختي بنت الجسرة مش من تويتر ..
انا اسافر كثيراً مابين المانيا واسبانيا وفرنسا
واكثر من 20 مرة انزل سويسرا وفيزتي فرنسية .. الامور طبيعيه جداً

كلامك صحيح مواطني دول مجلس التعاون الخليجي يدخلون سويسرا بتاشيرة شينجن
لان سويسرا لاتعتبر من دول الاتحاد الاوروبي ولهم عملتهم وفيزا خاصه بهم..