هل هي قناة تمثل الكل؟؟؟

[ms-qtr]

بسم الله الرحمن الرحيم

ملاحظة سمعتها من اكثر من شخص عن قناة الريان وحبيت اسمع ارائكم فيها وهل حد لاحظها

هل تحسون ان قناة الريان تميل بشدة لحياة البداوة في قطر اكثر من غيرها

من ناحية البرامج المطروحة ؟؟؟؟

والمذيعين المختارين؟؟؟

والضيوف؟؟؟؟

انا ادري واؤمن من كل قلبي بان الحضر والبدو اخوان و قصدي والله ليس الانتقاص من اخواني البدو

لكن القناة المفروض تكون متوازنة اكثر وله شرايكم؟؟؟

[LED]

اتمنى نفهم كثير من الامور وما نستعجل اصلا القناة تراثية المقصد والمحتوى شلون تبينهم يتكلمون عن

الحضر اختي نعم كلنا اخوان لكن ايش دخل اذا كانت القناة تراثية يعني قديمه يعني عن حياه الاول والبدو

واتمنى انخلي عنا التحيزدام اننا نومن اننا الحضر والبدو اخوه

[الأصيلة]

لا بالعكس أشوف إن البرامج منوعــه
فيها من حياة البداوة وفيها حياة الحضر..
الله يعطيهم العافية
ماصدقنا نشوف القطريين يبدعون ويتميزون...

[الخزرجي قطر]

القناه توه في بدايتها ومانحكم عليها من الحين
شفت بعض البرامج ونقل للاحداث ومافيها شي من الي تقوله

[عاهد بن علي]

القناه منوعه وشامله
واذا احد عنده مقترحات يقدمها لهم وهم يتقبلونها بكل صدر رحب

[الموضوعي]

لاتحكم على القناة الحين انتظر لستة اشهر على الأقل واهل قطر بشكل عام بدو او من اصل بدوي

[intesar]

بصراحة أول يوم زعلت وحسيته مو ذاك الزود.. وهذا يسمونه تسرع بالحكم..
لكن بعد فترة.. حسيت أنه قناة مميزة جدا.. ومنوع ما بين حياة البدو وحياة البحر..

[مستثمر_]

عندي ملاحظه صراحه نرفزتني
من كم يوم كا للمنتخب مباريات التصفيات المؤهله لكاس العالم
الله يجزاهم خير كنسلو البرامج وعرضو المباراة بدون تعديل لجدول البرامج
يعني عادي ايطرشرن عا تغريده ان البرنامج الفلاني بعد دقايق واتفاجئ ان المباراة هي المعروضه وعادي المباراة معروضه وادش الوب سايت اتحصل البرنامج محطوط ان بينعرض مع العلم ان القناة ليست رياضيه ويكفيك ان الكاس موجوده ومبدعه والحزيره قنواتها ١٠ يعني مالها داعي المبالغه في عرض المباراة في قناه اسست لتكون تراثيه

[بريق الحق]

السلام عليكم

ياجماعة عندي بعض الاقتراحات ابي اوصلها لي قناة الريان ممكن حد يفيدني

[alfahad1]

قناة جميلة جدا واهم شي لما يتحدثوا عن قضايا المجتمع ومن ثم التراث

خفوا عليها انتقادات بغض النظر ان كان بناء او هدام وكل قنوات العالم ما تخلوا من سلبيات

[بريق الحق]

^^^^
عاد من كثر القنوات الي عندنا مافي الى قناة قطر الي ماتمثل قطر للاسف 24 ساعة افلام مصريه
وقناة الريان توى في البدايه اتمنى لهم التوفيق واجووف برنامج الفزعة من افضل البرامج الصراحة

[FCB 123]

أشوفها قناة شاملة للبدو والحضر

برامجها متنوعة من بر وبحر

ننتظر عليها شوي والكل في القناة جديد في جديد

الله المستعان وبالتوفيق للجميع إن شاءالله

[بوحمد111]

مثل ما ذكر من الردود قبلي بأن القناة متنوعه في برامجها واهم شي المذيعين من هالقطر وشباب فيهم الخير والبركه والتطور قادم ان شاء الله

[رجل الجزيرة]

يا أختي الفاضلة:

فيه برنامج عن البحر والذي يقدمه إسبوعيا السيد: ناصر مبارك الخليفي وهذا البرنامج جدا ممتع، ومثل ما قالوا الإخوان والأخوات ما نستعجل إلا بفترة وهم عندهم مواقع الفيس بوك والتويتر لأي ملاحظة من الملاحظات، وأي خبر محلي بيكون حصريا لقناة الريان.

[ALHAJAJI]

طيب وين المشلكة بدو , حضر كلهم عيال قطر

شوف تلفزيون قطر وشوف برامجه اللي مالها طعم ولا ذوق وشوف اكثرية المذيعين فيه مالهم خص بالثقافة القطرية وكلن يغني على ليلاه .

ما كان قاهرني فيه الا قبيسي صاحب برنامج المكياج الله لا يرده.

[خالد_قطر]

الصراحة أنا شفت القناة عن قرب وتعرفت على معظم المذيعين وبعض الشباب الذين يشتغلون في القناة أو ما تدخل القناة تحس بشعور غريب بدون رهبة ولا خوف فالكل يرحب ويسلم وتحس أنهم متفاهمين مع بعض حتى مع الطاقم الغير قطري.
وأنا أشوفها منصفه في طرحها وممتازة في بدايتها والله يوفقهم ومنها إلى الأفضل والأجمل

[احبك يابلد]

الناس راحت للمريخ وحنا للحين نقول هذي قناة بدو ما تمثلني ولا هذي قناة حضر يالله الخيره

اقول خلكم من ها السوالف لاانتو بدو ولا انتم حضر انتو كا ئنات عجيبه غريبه وتثير الريبه

[بني أميه]

الناس راحت للمريخ وحنا للحين نقول هذي قناة بدو ما تمثلني ولا هذي قناة حضر يالله الخيره

اقول خلكم من ها السوالف لاانتو بدو ولا انتم حضر انتو كا ئنات عجيبه غريبه وتثير الريبه

هههههههههههههه

[النواخذة]

يتوفيق للجميع

[السيف5]

نبي مع مذيعينا كم مذيعة فضائية
تنشط الجو معاهم ...............!

بها برامج جيدة وان شاء الله للاحسن

[doha2012]

الناس راحت للمريخ وحنا للحين نقول هذي قناة بدو ما تمثلني ولا هذي قناة حضر يالله الخيره

اقول خلكم من ها السوالف لاانتو بدو ولا انتم حضر انتو كا ئنات عجيبه غريبه وتثير الريبه





,


احسنت بارك الله فيك ,


لا ورايحين القمر من الستينات , واحنا 2012

وعاد حنا نقول بدو وحضر ,


ارتقوا بالافكار .. جزاكم الله خير ,












,

[بوراشد82]

قناه بدوية حضريه فيها على سبيل المثال برنامج مقانيص حضر+ بدو يقنصون وبرنامج هل البحر بدو + حضر هل بحر وصيد وبرنامج مواتر مافي حد مايحب السيارات وبرنامج المطوع والدانه المقدمين والضيوف حضر + بدو
مادري من وين اخوي صاحب الموضوع جاب هالفكرة .. يمكن المذيعين بدو من منظورك ؟؟!!

نقول بدو ومافيهم حضري .. بس رايك كاقطريين تشوفهم شرفوا ومثلوا هل قطر خير تمثيل ؟

ولعلمك الافكار والاعداد والتقديم ١٠٠٪ قطري كوني مقرب من احد الموظفين بالقناة

وهذا بريدهم الالكتروني info@alrayyan.tv لاخوي الي يبي يقترح

[بوراشد82]

نبي مع مذيعينا كم مذيعة فضائية
تنشط الجو معاهم ...............!

بها برامج جيدة وان شاء الله للاحسن

تبي الجو يتنشط ولا تبي انت تتنشط مع المذيعه ؟!!

على قوله سعيد صالح ... الجواب على قد السؤال وعلى قولتي من دق الباب جاه الجواب

المقصد برامج الريان مايبيلها مذيعات حمدالله شاله نفسها بمضمونها ومذيعينها وضيوفها ماتحتاج مثل ماقترحت اخوي العزيز

[دااانة قطر]

بصرااحه القنااه ماتاابعها واايد
لكن اذا اخذ فره لااز اوقف عندها واي برناامج يجذب
بس لين الحين ماثبت على شي معين
شفت لول وهل الفزعه وغيرها
اسجل اعجاابي بالقناااه
واتمنى لهم التوفيق

[دااانة قطر]

نبي مع مذيعينا كم مذيعة فضائية
تنشط الجو معاهم ...............!

بها برامج جيدة وان شاء الله للاحسن




شدخل :rolleyes2::rolleyes2::rolleyes2:

[شموخ]

صج انها قناة جديدة لكن نبي نشوف المسلسلات والمسرحيات القطريةالقديمة ولا حق ناس وناس يعني القناة تعرض مسلسلات ومسحيات كويتية أومسلسلات ومسرحيات مصرية يعني عين عذاري تسقي البعيد وتخلي القريب مو كفاية علينا تلفزيون قطر اللي ملوع جبودنا بالمسلسلات المصرية الخايسةوبعض المسلسلات الخليجية التافهة واخيرا للمسؤولين عن قناة الريان اقول لكم ترى عتيج الصوف ولا جديد البريسم-بخصوص البرامج الحلوة اللي في قناة الريان فهو برنامج هل البحر وبرنامج الدانة وبرنامج لول بصراحة هذي البرامج جدا حلوة-

[kuwari]

اشوف ان البرامج منوعة وحلوة وتمثل واجه لدولة قطر

[بوخالد911]

ما تابعتها واايد

ولكن بدعت بيوم حريق فيلاجيو

[باراكودا]

نعم فيها تميز واضح اللون الاحمر والاسود يسطع على الشاشة .

[ريماس الغلا]

ما تابعتها واايد

ولكن بدعت بيوم حريق فيلاجيو


وايد ابدعت

خاصه لما قال المذيع :

ما فيه من ضمن المتوفين اي قطري

يعني ارتاحوااااا


:anger1::anger1:


لا حول ولا قوة الا بالله

[w.qatar]

القناه تجمع اهل البر و اهل البحر

و صراحه المذيعين كفو مادري انتي تبين اي نوع من المذيعين بس ان شاء الله ما يخربون القناه بمذيعين مثل ذاك الكواري اللي كان على القناه الاولى يقدم صباح الدوحه كان ماساه ما يمت للرجوله بصفه

[إينشتاين]

[COLOR="Purple"][SIZE="4"]


وايد ابدعت

خاصه لما قال المذيع :

ما فيه من ضمن المتوفين اي قطري

يعني ارتاحوااااا


:anger1::anger1:


لا حول ولا قوة الا بالله



مادري من وين تألفون الكلام انتوا ؟؟؟؟؟

http://www.safeshare.tv/w/fayuPQkCEv

[ريماس الغلا]

مادري من وين تألفون الكلام انتوا ؟؟؟؟؟

http://m.************/index?gl=us&desktop_uri=%2findex%3fytsession%3dvhg7xcvjdpbsz0v e0ce3me3gindq2wxz1dpgckhey5m0jgldtncr-bzgctlcp6dienhx85cdbj3i5tcsmk5yxojbr_bwamsyqm5jajv uznbryag3jukz_pdwrwxxixxgwa-w9jfufjrsfjbcmcn9f3xrlubfiahdmyyfjkzpbrlydpa9iint3 ktsplqjkfraeo0gq9tot9xplregubhjojy6atsmhiel8hvrhnf ldujtdaqvpoulz2x2dyf-rvoryek076r3xkxxjwmemuu-su8tqueykhen&ytsession=_8zv1phqazfh4njsxjhdsywlyxxszvmsw-mphlunkg6tzoaplmt-wn-o2thuukhxv8i8n3cvy9qqsmwoiiowgumii95g7giagxr-zmzinffntruv5wm3vo2fbvdrevvte6jip_2qei0kufc3pkmgmr azbgtgqkgqkp6vt9nhwughiqadgrqftmtffuzbgufqrsdqbxyc et7ltlexgrrawfv5uxdrukzdo3lcobexubvhhmirka0zv1tvxg uv_ovugn5lq4qglygxyainsxu5rncelnknbqmu#/watch?v=kezvzncrndk


اكتبوه هني في المنتدى

ولا انت ما قريته ؟

[ريماس الغلا]

الحين وضحت لي الصورة


ثانكيو

[موضي قطر]

بسم الله الرحمن الرحيم

ملاحظة سمعتها من اكثر من شخص عن قناة الريان وحبيت اسمع ارائكم فيها وهل حد لاحظها

هل تحسون ان قناة الريان تميل بشدة لحياة البداوة في قطر اكثر من غيرها

من ناحية البرامج المطروحة ؟؟؟؟

والمذيعين المختارين؟؟؟

والضيوف؟؟؟؟

انا ادري واؤمن من كل قلبي بان الحضر والبدو اخوان و قصدي والله ليس الانتقاص من اخواني البدو

لكن القناة المفروض تكون متوازنة اكثر وله شرايكم؟؟؟


تمثــل قطــر واهلــه ونــــص وثــلاث أربــاع :omen2:


يـــوم تلفــــزيــــون قــــــطر اول كلـــــه مذيعييــــن قطـرييـــن حضــــر مـــحد تكلــــم مـــن البـــدو ولا الحيــــن صـــار علشـــان المذيعييـــن بـــدو صــار فيهـــا تمنيـــات :anger1:


سبحــان اللــــه صدقــــت اختـــي غايــــة الطـــواش احنـــا مــا نحـــــب بعـــــض :(


علــــى فكــــرة كـــل اهـــل قطـــر الحـــضر فيـــهم بــداوة والبـــدو فيـــهم حضـــارة !!


ومصطلـــح البـــدو خاطـــئ ولـــو انــه يستخـــــدم فكـــل مــن يــرتحـــل بالعامية " يشــد وينــزل " بـــدوي حتــى لـــو كـان بــاراك اوبــاما :omg:

[intesar]

اكتبوه هني في المنتدى

ولا انت ما قريته ؟

الرجل ما كان يقصد.. واعتذر..

[قطر العطاء]

بسم الله الرحمن الرحيم

ملاحظة سمعتها من اكثر من شخص عن قناة الريان وحبيت اسمع ارائكم فيها وهل حد لاحظها

هل تحسون ان قناة الريان تميل بشدة لحياة البداوة في قطر اكثر من غيرها

من ناحية البرامج المطروحة ؟؟؟؟

والمذيعين المختارين؟؟؟

والضيوف؟؟؟؟

انا ادري واؤمن من كل قلبي بان الحضر والبدو اخوان و قصدي والله ليس الانتقاص من اخواني البدو

لكن القناة المفروض تكون متوازنة اكثر وله شرايكم؟؟؟

:nice: 100%

[القحطاني505]

السيف 5

الله يصلحك

[┋أَجِوَدًيّ┋]

وأنا أشوف ليش قناة الريان رائعة ومتميزة ومقبولة لدى المشاهدين

لأنها تمثل الأصل والعراقة لأهل قطر

إلى الأمام يا قناة الريان

[إينشتاين]

الرجل ما كان يقصد.. واعتذر..

متى اعتذر ؟؟

الرجال ماقال شي غلط عشان يعتذر والمقطع الي تكلم فيه حطيته لكم فوق...

وهذا هو مره ثانية >>>>


http://www.safeshare.tv/w/fayuPQkCEv

[الكبير الله]

وايد ابدعت

خاصه لما قال المذيع :

ما فيه من ضمن المتوفين اي قطري

يعني ارتاحوااااا


:anger1::anger1:


لا حول ولا قوة الا بالله

يعني افهم من كلامك انك تلوم المذيع انه قال الحمد لله مافي ولا قطري ((امرك عجيب))

الف الحمد لله ... الرجال قال هالكلام مع انه فيه من يقول انه ما قاله !! قاله من محبته لاهل

قطر

ولو كنت مكانه كنت قلت الف الحمد لله انه مافيه قطري مات في الحريق !! يعني من كثرنا

واذا انت زعلان انه ما مات قطريين في الحادث راجع احصائية المرور عن جنسية الموتوفين

من الحوادث يمكن تحصل فيها ما يريح ضميرك (الحي) وتجد فيه ما تتعذر به امام من تجاملهم

[ريماس الغلا]

يعني افهم من كلامك انك تلوم المذيع انه قال الحمد لله مافي ولا قطري ((امرك عجيب))

الف الحمد لله ... الرجال قال هالكلام مع انه فيه من يقول انه ما قاله !! قاله من محبته لاهل

قطر

ولو كنت مكانه كنت قلت الف الحمد لله انه مافيه قطري مات في الحريق !! يعني من كثرنا

واذا انت زعلان انه ما مات قطريين في الحادث راجع احصائية المرور عن جنسية الموتوفين

من الحوادث يمكن تحصل فيها ما يريح ضميرك (الحي) وتجد فيه ما تتعذر به امام من تجاملهم



شكلك متغدي برياني سبايسي

هدي روحك واشرب عصير بو نص

او اشرب حليب السعوديه وايد مريح

[الكبير الله]

شكلك متغدي برياني سبايسي

هدي روحك واشرب عصير بو نص

او اشرب حليب السعوديه وايد مريح
عيب الكلام الصدق اذا انقال تجد الطرف الثاني يرد بما لا يمت الى الموضوع بصلة

[ريماس الغلا]

عيب الكلام الصدق اذا انقال تجد الطرف الثاني يرد بما لا يمت الى الموضوع بصلة


اعتقد الموضوع ما يخصك اساسا

وثانيا كان بيني وبين كاتب الموضوع

وهو جاب دليله عاليوتيب وشفته واقتنع به وكتبت له ردي السابق

وانتهت السالفه

وشارك بعدي مجموعه من الاعضاء وردوا على بعض وانا موضوعي انتهى

الحين انت داش مقتبس ردي على اي اساس ؟؟

استريح بس واترك المايك لصاحب الموضوع

[الكبير الله]

اعتقد الموضوع ما يخصك اساسا

وثانيا كان بيني وبين كاتب الموضوع

وهو جاب دليله عاليوتيب وشفته واقتنع به وكتبت له ردي السابق

وانتهت السالفه

وشارك بعدي مجموعه من الاعضاء وردوا على بعض وانا موضوعي انتهى

الحين انت داش مقتبس ردي على اي اساس ؟؟

استريح بس واترك المايك لصاحب الموضوع
الموضوع يخصني ونص

انت لما تعيب على المذيع القطري انه قال الحمد لله مافيه ولا قطري اعتبر الموضوع يخصني عشان هذا المذيع نطق بما كنا كلنا كا قطريين ننتظر سماعة وندعي الله ان لا يكون من ضمن الضحايا قطريين ولما نسمع ان هناك قطري تعرض الى اي عارض يئلمنا جميعاً ويئلمنا كما المنا موت ولد الماجد في لندن مع اني لا اعرفة ولا اعرف احد من عائلته وللي خلاني ارد عليك هو مااثير من لغط على المذيع هذيك الايام عشان قال مافي قطر ي

وها انا اليوم اجدك تجدد الموضوع وكأنك موافق على ما طرح ومن انتقاد للمذيع واعيب على المذيع انه في حلقة هذيك الايام عقب الحريق طلع يتعذر انه ما قال وكنت اتمنى لو قال نعم قلت وهذا مو عيب ومثل هذي الامور تكون عفوية

ولما اجد بعض الناس يحاولن يكونون مثاليين حيث لا يكون للمثالية مكان في مثل هذه الضروف لا اترك المايك ابداً ابداً ابداً

[سيف الحرية]

قناة الريان اعتبرها تحت التجربة لمدة عام فقط ... ثم التقييم ...

[الدوحه1]

مقارنه مع تلفزيون قطر فهي افضل..
ولكن اللي محيرني ليش ماتكون عندنا جهه واحده مسؤوله عن الاعلام المحلي(التلفزيون والاذاعه) مثل ماهو حاصل في الدول الخليجيه فمثلا في دبي عندهم مؤسسة دبي للاعلام وهي مسؤوله عن جميع القنوات المحليه في دبي وابوظبي نفس الشي!!..
المفروض ان المؤسسه القطريه للاعلام هي المسؤوله عن جميع القنوات المحليه القطريه ولكن الموؤسسه مالها اي سلطه على قناة الريان وأذاعة الريان؟؟؟

[نجمة سهيل]

من أفضل القنوات اللي على الساحة صراحةً!!
تبارك الرحمن اذا هاذي بدايتهم اتوقع لها مستقبل قوي
وما يميزها صفة - الأَصـــالة -

[الجني]

الموضوع يجب ان يكون تقييم القناة و ليس

مزايدات حضر او بدو

أخشى أن لا الحضر حضر و البدو بدو هذا ليس الموضوع

التصوير على الارض او الحصول على مادة تصويرية سهله على الارض في البر

اما البحر فيتطلب الجو يكون مناسب و حساب حالة المد و الجزر و التصوير تحت الماء مكلف و الوصول للمادة صعب لا أبالغ اذا قلت 10 أضعاف

تصوير سباق الهجن من اسهل ما يمكن
تصوير المحار في البحر يتطلب:
- البحر ان لا يكون هائجاً
- طراد
- عدة تصوير مختلفة تماماً و مكلفة
- عدة غطس
- غطاسين مرخصون
و الله اعلم

[ريماس الغلا]

الموضوع يجب ان يكون تقييم القناة و ليس

مزايدات حضر او بدو

أخشى أن لا الحضر حضر و البدو بدو هذا ليس الموضوع

التصوير على الارض او الحصول على مادة تصويرية سهله على الارض في البر

اما البحر فيتطلب الجو يكون مناسب و حساب حالة المد و الجزر و التصوير تحت الماء مكلف و الوصول للمادة صعب لا أبالغ اذا قلت 10 أضعاف

تصوير سباق الهجن من اسهل ما يمكن
تصوير المحار في البحر يتطلب:
- البحر ان لا يكون هائجاً
- طراد
- عدة تصوير مختلفة تماماً و مكلفة
- عدة غطس
- غطاسين مرخصون
و الله اعلم


ذكرتني ببرامج كان يعرض منذ سنوات قليله للمذيع حسن المهندي راعي برنامج لليوان

وكان برنامجه عن البحر وكان ياخذ ايام وليالي في التصوير والمونتاج

واخيرا يعرض في 10 دقائق

يعني شغله متعبه ومكلفه ويبيلها مثل ما ذكرت : دعم وتوجي وارشاد وناس اكفاء