تكفون ياهل قطر ضايقه فيني الدنيا

[غلا ابوها]

السلام عليكم ورحمة الله وبركاته
اخواني اعضاء المنتدى ابي منكم العون بعد الله
اليوم ولله الحمد وصلني مسج من الاسكان وماتوقعون شكثر ولله الحمد وناستي ولكن بعد ماعرفت الموقع والله انه صدق يافرحة ماتمت حتى البكاء بكيت على طول الصبر والانتظار احذفونا في منطقه بعيد من دوامي ومن مدارس عيالي ولاحد قريب مني تكفون تكفووون والله اني في امس الحاجه لكم شالحل الحين الي يقدر يساعدني او يفيدني تكفون لايقصر

[بني أميه]

قولي الحمد لله وشئ أخير من لا شئ ، ولكن انا اخبر أنهم يخيرون في المكان

عموما : حاولي تحصلين احد يبادل واسأل الله لك التوفيق

[hamoor4ever]

بعض الناس على بالهم الارض بتطلع بنص الدوحه لا والبعض الثاني على بالهم بياخذون ارض تجاريه شقد تبعد اختي عن الدوحه يعني وايد ؟

[غلا ابوها]

فيه مجال ابدل اولا

[بصمة قطرية]

قولي الحمدلله اختي ..
و اذا على البعد تقدرين تنقلين العيال مدارس اقرب ..

[][ Q6r ][]

نفس الحال ٬٬٬
لاتعبين حالك لان ولا احد فيه الخير في وزارة البلدية والتخطيط العمراني
بس حق ربعهم وجماعتهم وناس وناس او عندك واسطة
والله قهر ناس يوزعون لهم المكان اللي يبونه والمساحه ١٥٠٠ وتوصل ٢٠٠٠
وناس ١٠٠٠ و ١٢٠٠ وش هذه العنصرية
انطري فوق ٤ سنوات لين تجيك الخدمات
او شوفي من يبدل معاك
والله يكون بعونك

[Aaziz]

اول شي مبروك

ممكن سؤال .. منهو يفرح اكثر ،، انتي الي طلعت لج ارض ولكن في منطقه ماحبيتيها
ولا شخص يقدم و يقولون له انت لك قرض بدون ارض ؟

قولي الحمد لله و كل شي له حل باذن الله

اسئلي الاراضي (الجهه الي صرفت لج الارض) قوليلهم انا ما ابي ارض بهذا المكان هل فيه اماكن اخرى .

مثلا انتي ساكنه في المطار وهم صرفولج ارض ورى الريان
تسئلين الاراضي و ممكن يلقون لج حل افضل وهو مثلا ارض بالوكره ،، تكون اقرب للمطار .

تذكري قول الله تعالى

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216].

[أخت الكل]

ايه بدلي صير

نزلي اعلان في الوسيط وحددي المواقع اللي تبينها

[][ Q6r ][]

اول شي مبروك

ممكن سؤال .. منهو يفرح اكثر ،، انتي الي طلعت لج ارض ولكن في منطقه ماحبيتيها
ولا شخص يقدم و يقولون له انت لك قرض بدون ارض ؟

قولي الحمد لله و كل شي له حل باذن الله

اسئلي الاراضي (الجهه الي صرفت لج الارض) قوليلهم انا ما ابي ارض بهذا المكان هل فيه اماكن اخرى .

مثلا انتي ساكنه في المطار وهم صرفولج ارض ورى الريان
تسئلين الاراضي و ممكن يلقون لج حل افضل وهو مثلا ارض بالوكره ،، تكون اقرب للمطار .

تذكري قول الله تعالى

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216].


اخوي كان غيرها صرفو لهم ارض قريبه من منطقتهم

[منهم وفيهم]

يااختي أخذيها وبادلي العنوان اكبر من الموضوع ...قولي الحمد لله ...

[رمح الشمال]

نعم فيه مجال تبدلين

[غلا ابوها]

الله كريم
انشاالله حد يبدل معاي

[فلتة زمانها]

حبيبتي الموضوع بسيط ان شاءالله
لاتكبرين السالفه @@

[الموضوعي]

لعلمك مدينة خليفة كانت تعتبر منطقة بعيدة من الدوحة سنة 1971

[.خالد]

السلام عليكم ورحمة الله وبركاته
اخواني اعضاء المنتدى ابي منكم العون بعد الله
اليوم ولله الحمد وصلني مسج من الاسكان وماتوقعون شكثر ولله الحمد وناستي ولكن بعد ماعرفت الموقع والله انه صدق يافرحة ماتمت حتى البكاء بكيت على طول الصبر والانتظار احذفونا في منطقه بعيد من دوامي ومن مدارس عيالي ولاحد قريب مني تكفون تكفووون والله اني في امس الحاجه لكم شالحل الحين الي يقدر يساعدني او يفيدني تكفون لايقصر

فيه مجال اختي تبدلين مع طرف ثاني اذا كانوا الطرفين راضيين ، بس شنو معناة منطقة بعيدة ، في مناطق كنا نعتبرها بعيدة الحين كل العالم ودها تبنى هناك خصوصا مع المشاريع والخطوط الجديدة ، اهم شي ادرسوا الموضوع من كل النواحي ، والله يوفقكم

[لاجل QT]

اولا مبروك حصولج على الارض
وانشالله تلقين مرادج


اذا في مجال للبدل انا بعد ابي ابدل ارضى بعيدة عن هلى في بنى هاجر الارض

[غلا ابوها]

يا جماعة الخير انا احمدالله واشكرة ع كل حال بس انتو ماتدرةن بالظروف خصوصا بكون بعيد من هلي ومن مدارس عيالي ودوامي الي يبي يبدل ولا بيساعدني لايبخل

[أين الحل ؟]

اول شىء نشكر الحكومة الرشيده على اهتمامها بالمواطن وتأمين له المسكن الأستقرار في ظل بومشعل حفظه الله ورعاه ودولة قطر صغيرة بمساحتها الجغرافية وبما أن تم تخصيص الارض وجب على الشخص أن يحمد ربه على النعمة التى هو عليها ويشكره . فلنتذكر كل من سوريا والصومال وجبوتي والدول الفقيرة بعدها سوف نحس بالقيمة التى نحن عليها فتوكل وبني مزلك وقل خير انشاالله .

[doha2012]

,



الله المستعان ,












الله يعينك اختي ,














,

[عاهد بن علي]

الله يوفقكم

[إينشتاين]

حددي مكان الأرض الي طلعت لج لأن يمكن فيه ناس يبون هالمنطقة ويقرون الموضوع ،، وترى موضوع التبديل سهل اذا الطرفين متفقين

وبالتوفيق ان شاءالله

[النواخذة]

قولى الحمد اللة حصلتى ارض غيرك مب ملاقى
اعرف ناس يتمنون يحصلون ارض لو فى المريخ بس مالهم نصيب

[غلا ابوها]

في منطقة مبيريك

[بوعلي2]

الله يوفقج

[cartier]

قدمي عند سعود الفيصل

[قطر دزاين]

فيه حل واحد اختي انك تشوفين احد يبدل معاك

السالفه معاد هي مثل اول يعطون الناس قريب من اهلهم الوضع تغير لا ترفضين الارض قولي الحمد لله وقبليها

ويا ريت تقولين لي وين الارض اعرف ناس يبون يبدلون اراضيهم

وجزاك الله خير

[وحيد-الشوق]

ماشاء الله حتى البكا بكيتي !!

ضايقه فيج الدنيا !!!!

احمدي ربج وصلي ركعتين شكر بدال التحلطم*

في ناس ماسكه وتموت في الدنيا شلون حال القطري المسكين الي يستحق قرض بس !! ولا الناس الي ظروفهم صعبة ولا اخوانا في سورية ياترى بتكون ضايقه فيهم الدنيا ولا مستانسيين !!

موضوع ينرفز ويرفع الضغط*

[Amigo]

مبروك الارض اختي
وقولي الحمدلله غيرج مالقى لا ارض ولا قرض
وان شاء الله بتلقين من يبدل وياج والحين
مافي شي بعيد
على قولة يدتي الله يحفظها
البعد بعد القلوب مهب بعد الدروب
كل التوفيق لج اختي

[غلا ابوها]

(من ضاقت نفسه من حوائج الناس ضاقت عليه حوائجه ومن كان في حاجة الناس كان الله في حاجته)

[مضارب دوسري]

تحملي تحملي تحملي تحملي تحملي
تقولين لهم هالاسباب لان غيرج سووها وقالوا لهم اصبروا شهر وبتنزل اراضي جديده في منطقه قريبه منج
طبعا انتي بتوافقين بس عقب يمكن تصبرين سنين مب بس شهور
صارت في ناس وايد ناس تنازلوا عن اراضيهم وعقب قالولهم اصبروا اصبروا اصبروا وللحين ماشافوا شي ولو يرجعون يقولون لهم هاكم الارض اللي ماكانت عاجبتك بيفرح فرحه ماصارت
ياختي قولي الحمدلله وابني بيتج غيرج توهق وماشاف ارض وراح يسحب سلفه عالراتب عشان يشتري ارض صغيره
اسمعي كلامي وروحي كملي اجراءات الارض قبل لا تطير الطيور بارزاقها
ومبروك مقدما وبالتوفيق

[خليفـة]

اختي الكريمة
لا أملك لج الا الدعاء
الله يكون في عونج .. ويرزقج الي تتمنينه


ان شاء الله الاخوة والأخوات الأعضاء يفيدونج بالي يصلح لج

خليفــة

[الصغيره]

بدلي وماتدرين الخيره وين

مبروووك

[غلا ابوها]

اختي الكريمة
لا أملك لج الا الدعاء
الله يكون في عونج .. ويرزقج الي تتمنينه


ان شاء الله الاخوة والأخوات الأعضاء يفيدونج بالي يصلح لج

خليفــة

يعطيك العافيه اخوي دعواتك

[المحاميه]

شبلاكم كلتوا المره ..

وانتي صاجه مب شي بعيد عن الدوام ومدارس اليهال ..
حاولي مثل ماقالولج الاخوان تبدلين ارضج مع ارض قريبه منكم ..

بالتوفيق

[ماريسا]

اختي متى قدمتي و متى حصلتي ؟

[أسير الاسهم]

او ابنيها والله يعينج .. واجريها وبقيمة الايجار استاجري بيت فالمنطقة اللي تبين

[AL-MAYSTRO]

اول شي مبروك

ممكن سؤال .. منهو يفرح اكثر ،، انتي الي طلعت لج ارض ولكن في منطقه ماحبيتيها
ولا شخص يقدم و يقولون له انت لك قرض بدون ارض ؟

قولي الحمد لله و كل شي له حل باذن الله
.

ايه والله الحمدلله على كل حال

والله يعينج اختي وان شاء الله مايقصرون معاج المسوؤلين