أستفسار من ضيفكم

[اللوجستي]

عدة أستفسارات من ضيفكم، أتمنى أن أجد من يجيب عليها للضروره:
1 كم يستغرق أستخراج رقم مستثمر؟
2 هل يستوجب علي أودع مبلغ التداول لدى شركة الوساطه أو لدى بنك؟
3 قيل لي أن المجموعه أفضل السيئينمن ناحية شركات الوساطه، ولكن ماهو أفضل بنك يمكنني من تصفح حسابي عن طريق النت؟

[كحيلان]

1- one day

2- yes

3-no and no

[فارس الكلمة]

ما نقدر يا كحيلان ..
رد بالإنجليزي .. ما شاء الله عليك ..
بس رقم أثنين .. يقولك .. يودع في البنك أو ..لدى شركة الوساطة ؟!!
و قلت له.. Yes ... ضاع فيها أخونا ..

[كحيلان]

ha ha ha ha ha ha ha


this cat* is cat* a cat*
good cat* way cat* to cat* keep cat*
an cat*idiot cat* busy cat*4 cat*
20 cat* seconds cat*
NOW READ IT ALL WITHOUT THE WORD CAT

[عزيز]

عدة أستفسارات من ضيفكم، أتمنى أن أجد من يجيب عليها للضروره:
1 كم يستغرق أستخراج رقم مستثمر؟
2 هل يستوجب علي أودع مبلغ التداول لدى شركة الوساطه أو لدى بنك؟
3 قيل لي أن المجموعه أفضل السيئينمن ناحية شركات الوساطه، ولكن ماهو أفضل بنك يمكنني من تصفح حسابي عن طريق النت؟

أجوبه

1_يستخرج مابين أربع أيام لأسبوع بس علي كلام أحد الأعضاء السعوديين بالمنتدي قال أنه كلم الموظف المختص وطلع له رقم المستثمر بنفس اليوم وتقدر أخوي تكلم الموظف وتقوله أنك جاي يومين وراد بلادك وأن شاء الله خير أخوي
2_تقدر تحول حساب من حسابك في بلادك لحساب المجموعه في بنك الدوحه (البنك الذي تتعامل معه المجموعه)بس اعتقد تبعث للبنك فاكس وتكتب فيه رقم المساهم ألي بحساب المجموعه والأفضل أخوي تتصل في بنك الدوحه وتأخذ الطريقه الأسلم وذلك لعدم خبرتي في طريقه تعامل البنوك مع الخليجيين والأجانب وأنت خارج البلاد
3_المجموعه أكبر شركه وساطه بقطر وتقدر تبيع وتشتري بالتلفون وتقدر تتصفح حسابك بالنت عن طريق بنك الدوحه أيضا

واسمحلي علي القصور أخوي وأتمني من أخوااني القطريين يفيدونك أكثر وأطرح أي أستفسار أخوي وأن شاء الله حاضرين لك

ياهلا بك :)

[السهم الازرق]

اخي العزيز ..

اولا حياك الله معانا و ان شاء الله تفيد و تستفيد ..

بالنسبه لاستفسارك الامور سهالات ان شاء الله و تقدر تخلص بساعتين ان شاء الله ..

اول خطوه تروح اي بنك من البنوك الموجوده بجانب البورصه في نفس الشارع ..

يفضل البنك التجاري لان عندهم موقع عالانترنت تقدر تشوف حسابك فيه ..

اضغط هنا للانتقال الى موقع البنك التجاري على الانترنت (http://www.cbq.com.qa/)

المهم تفتح حساب ..

و عقب تروح البورصه تدخل القاعه و تصف بالدور علشان تاخذ رقم تداول ..

طبعا قبل ما تصف دور اخذ (طلب تعريف مساهم جديد) من اي شخص عالكاونتر و عبئه و صف بالدور ..

اضغط هنا لمشاهدة النموذج (http://www.dsm.com.qa/mritems/streams/2005/2/10/2_846_1_137.pdf)

لازم ترفق مع الطلب صورة الجواز ..

عقب ما تاخذ رقم التداول تصعد الدور الاول و تختار اي شركة وساطه تبيها ..

تعطيهم رقم التداول و رقم حسابك و يعطونك رقم تتداول فيه عن طريقهم ..

عقبها تشتري و تبيع على كيفك بنفس اليوم و الموضوع كله ما راح ياخذ منك ساعتين ..

و اذا رجعت بلدك و بغيت تتداول لا تنسى تاخذ رقم حساب شركة الوساطه اللي تتعامل معاها علشان تطرش لهم من حسابك في بلدك لين حسابهم في قطر و تطرش لهم ورقة ايداع المبلغ على رقم فاكسهم علشان تقدر تعطي امر شراء ..

و طبعا كل شركة وساطه لها طريقه في تنفيذ الاوامر لك ..

مثلا المجموعه تقدر تبيع و تشتري عن طريق هاتفك اللي بيكون مسجل عندهم رقمك و بتوصلك رساله على جوالك ان الامر تنفذ ..

اما شركات الوساطه الاخرى يجب ارسال امر الشراء او البيع عن طريق الفاكس فقط حتى يتم مطابقة التوقيع وليس لديهم خدمة الرسائل ..

لذلك المجموعه عليهم ضغط و انت راح تشوف بنفسك الوضع هناك شلون بيكون من الزحمه ..

مثل ما قلتلك كل شركة وساطه له عيوبها و مميزاتها ..

المجموعه تمتاز بخدمة الرسائل و تنفيذ الاوامر عن طريق الهاتف لكن عيبها الزحمه و انك ما تحصل خط ..

شركات الوساطه الاخرى ليس لديها خدمة رسائل و اتوقع لا تستقبل اوامر عن طريق الهاتف ولكن ميزتها انه لا يوجد ضغط عليهم مثل المجموعه ..

و بالتالي القرار لك و شوف اللي يناسبك و توكل على الله ..

اتمنى اكون وفيت و كفيت معاك و حياك الله مره ثانيه

ملاحظه : اذا حسيت انك تايه في البورصه اسأل رجل الأمن المصري اللي عند الباب و ماراح يقصر معاك :nice:

[اللوجستي]

الله يجمل حالكم، كفيتوا ووفيتوا.....