مطابخ الألمونيوم ....أستفسار ؟!!

[أم وضاحي]

السلام عليكم و رحمة الله و بركاته
بغيت مساعدتكم إذا ممكن
الحمد لله بيتي الحين في مرحلة التشطيب
و أبي أخلص المطابخ
و عندي مطبخين , واحد داخلي و الثاني خارجي
الداخلي بيكون فيه ديكور و حركات حق الشغل الخفيف مثل الريوق الصبح
شاي و قهوة و حلويات خفيفة و من هالنوع
و المطبخ الخارجي هو إللي بيكون المطبخ الرئيسي
أنا أبي المطبخ الرئيسي يكون ألمونيوم نفس الفنادق و المطاعم الكبيره
يعني يكون (هيفي ديوتي ) يعني للأستعمال الثقيل ما أبي مطابخ ألمونيوم عاديه عقب سنه تلقى الباب مخلوع و الحركه طايحه و الدرج فارط
أبي شي يستحمل الزمن و الشغل
قالوا لي عن محلات المطابخ إللي في الحسا و الخبر و فكرت في أيكيا بس مشكلة أيكيا أنك لازم تجيب المقاسات بالضبط و مشكلة المطبخ الداخلي أنه فيه كسره مش زاويه
أبي أعرف من اللي سوى مطابخ في الحسا و الخبر
و أشلون مطابخهم
و خبرتكم معاهم
و ما تقصرون مقدما

[Dana’1]

السلام عليكم و رحمة الله و بركاته
بغيت مساعدتكم إذا ممكن
الحمد لله بيتي الحين في مرحلة التشطيب
و أبي أخلص المطابخ
و عندي مطبخين , واحد داخلي و الثاني خارجي
الداخلي بيكون فيه ديكور و حركات حق الشغل الخفيف مثل الريوق الصبح
شاي و قهوة و حلويات خفيفة و من هالنوع
و المطبخ الخارجي هو إللي بيكون المطبخ الرئيسي
أنا أبي المطبخ الرئيسي يكون ألمونيوم نفس الفنادق و المطاعم الكبيره
يعني يكون (هيفي ديوتي ) يعني للأستعمال الثقيل ما أبي مطابخ ألمونيوم عاديه عقب سنه تلقى الباب مخلوع و الحركه طايحه و الدرج فارط
أبي شي يستحمل الزمن و الشغل
قالوا لي عن محلات المطابخ إللي في الحسا و الخبر و فكرت في أيكيا بس مشكلة أيكيا أنك لازم تجيب المقاسات بالضبط و مشكلة المطبخ الداخلي أنه فيه كسره مش زاويه
أبي أعرف من اللي سوى مطابخ في الحسا و الخبر
و أشلون مطابخهم
و خبرتكم معاهم
و ما تقصرون مقدما



وعليكم السلام ورحمة الله وبركاتة
اختي بالنسبة للمطبخ الخارجي...الادوات الي بالفنادق غاااالية جدا جدا..ناذا تقدرون عليها زين والله يسهل لكم
وهي مش المنيوم اختي،،تجيك استانلس "هافي ديوتي من قلب":) مشاءلله


لكن لي صديقة من احد الدول العربية تقول عمها دايما يغير مطبخة الي عليه ضغط
تقول تعب من التغير دائما...اخر شي
عمل مطبخ من الاسمنت صب ...ولبس المطبخ جرانيت او رخام تقول نظافة ومتانة
وبس الابواب كانت على ما اظن خشب او المنيوم ناسية ومثبتة بالاسمنت
تقول من سواها ارتاح من التغير ولا روايح ولا شي
حسيت الفكرة حلوة بصراحة واتوقع اقل كلفه من الستانلس ..بس من الي بيطبقها عدل:discuss:

***عيبها ما تقدرين تغيرين بعدد الادراج...او شكل المطبخ الا انك تهدمينه ...لانه صب مثل ما قلت لك

اما ايكيا اختي مطابخهم حلوة صحيح...بس مشكلتهم بالتوب وورك...سطح العمل الي عندهم اغلبة خشب
وخشب وماي ما يجتمعون..الا اذا الاستخدام فوق الرائع بالعناية
بس تقدرين تاخدين اكسسوارات المطبخ ...او الي يجيك بين الارفف وسطح العمل بدل ما تحطين بورسلان عالطوفة تقدرين تصبغينة او تحطين جلاس او مثل هذا الي عند ايكيا
فية الوان واشكال منه السادة ومنه المنقش
http://www.ikea.com.sa/ar/catalog/ProductP.aspx?ProductId=10139186

فية محلات بالدوحة عندهم مطابخ روعة وخيال...للداخلي بس بعد غالية
لانها ايطالية والمانية....بتلاقينها بطريق سلوى...مثل مطابخ الاحلام"كيتشن دريم"
رافكو...وغيرها الكثير
وترى هالانواع حتى بالسعودية غالية :)


لكن الالمنيوم السعودي..مع اقفال واكسسوارات ايطالية هي الي ممكن تلاقينها باسعار حلوة ومتفاوتة حسب نوعيته ولونه

وان شاءلله الاخوان يفيدونك اكثر
وباتوفيق لك في بيتك ومطبخ عساة مبارك عليك:)

[بن غيث]

اختي
ارسلي مقاسات المطبخين
وبرسلك تصاميم جديدة وخاصة مجانا

[أم وضاحي]

اختي
ارسلي مقاسات المطبخين
وبرسلك تصاميم جديدة وخاصة مجانا

مشكور أخوي
أنا ما عندي مشكله بالتصميم
أنا مشكلتي التكاليف
أبي أعرف أسعار المطابخ الأستنستيل إللي في السعوديه
و وين أحسن مكان

[بن غيث]

شوفي المطابخ وبرسلك الاسعار
http://www.qatarshares.com/vb/showthread.php?t=514517&page=3

[أم وضاحي]

عجيب
هو ده المطلوب

[كاشف الغطاء]

بالنسبة لإيكيا لازم أخذ القياسات من هني وهم يركبونه لي بعدين ويوصلونه وكل شي ؟؟

[Dana’1]

^^^
ممكن تعطيهم القياس ..وايكيا يصممونه لك حسب ما تحب...بس ما يوصلونة لقطر ممكن يوصلونة للأحساء والتوصيل علية فلوس ناسية بالضبط بس تقريبا بين 100إلي300 ريال

بهذي الحالة اذا حبيت تاخذ منهم ممكن تششوف لك شركة او شخص يشحنها لك للدوحة..وشخص يركبها لك هنا :)

[كاشف الغطاء]

مشكور أخوي وشكلي بديت افكر اخذ من ايكيا وانا عندي جمس اقدر اجيبه بنفسي والشي الثاني من وين اجيب واحد ياخذ لي القياسات بالضبط ؟؟

[Dana’1]

^^
اذا ما عندك خريطة للمطبخ مع القياسات
تقدر تاخذها بنفسك احسب الاضلاع ..قياس الدريشة ...وترسمها بورقة مع معرفة مكان الباب والدريشة

هم بيصممونها لك
وتأكد من طريقة القياس من الاخوان اكيد عندهم خبرة اكثر:)

او انك اذا حاب تضمن تجيب لك احد ياخذ القياس من محلات المطابخ اي محل تعرفة ممكن يوفر من يطلع يحسبها لك
ويرسمها لك رسم توضيحي لهم وبس

هم هناك بيصممون لك الي خاطرك فية ويورونك الالوآن والانواع..وحتى فية
على فكرة إيكيا ما عندهم إلا مطابخ الخشب بس
حتى التوب وورك..طاولة العمل خشب معالج

أنا انصحك إذا المطبخ بيد شغالة ومطبخ رئسي الضغط علية يعني اخذ التوب وورك من هنا لا تاخذ التوب وورك خشب
لان الخشب حلو وررووعة بالشكل صحيح بس يمكن مع الوقت والماي والاستخدام الخطأ يتقشر ويدخلة ماء وينتفخ وغيرة من المشاكل
فية هنا محلات يسون لك كوريان...او رخام طبيعي او جرانيت اي شي تختارة غير الخشب
والكوريان أحلى شي مع الخشب اولا عشان وزنة خفيف نسبيا
ثانية يتشكل على حسب ما تبغى فتقدر تطلبة محفور مع الاطراف عشان اذا نكب ماء او مشروب على الطاولة ما ينزل للدولايب الخشب الي تحت
ثالثا الوآآآآآنة كثييييرة فالاختيار مفتوح حسب الذوق
هي نصيحة وانت طبعا تعرف إيش الي يناسبكم اكثر مني:)

[doha2012]

,



الاستيل غاليه ومكلفه جدا وخاصه ب الدوحه ,



اتمنى اللحين يكون مطبخ المونيوم عادي .. سوينا مطبخين بذيك الحكايه وفي الاخير

ماطلعت مثل ماتوقعنا ..الدروج تطيح والمسامير حلت بسرعه , يعني مطابخ ديكور بس ,

لذلك الالمونيوم احسن واقل تكلفه .. الاستيل في الدوحه مايقل عن 90 الى 100 الف

الصب ممتاز .. ونظيف










الله يوفقك ,












,

[السيليه]

الله يوفقك اختي والله يعينك علي التشطيب وغثاه

[السد]

ام وضاحي
تعاملت مع محل في الاحساء
ناس محترمين

وعندهم ناس موجودين
ياخذون القياس في الدوحة
كنت مفصل مطبخين فقط المنيوم من غير جرانيت أو رخام صناعي ومغاسل في الدوحة اللي يقول 35 ألف والثاني تقريبا ب 45
لين ما حصلت ولد الحلال ودلاني على مكانه
واتفقت معاه
ب 23 ألف للمطبخين شامل التوصيل ورسوم الجمارك والتركيب

يعني فقط اتروحين الاحساء تختارين الموديل وهم عليهم كل شي
طبعا في الدوحة ان شاء الله لين وصل المطبخ
بيبقى علي الجرانيت + المغاسل + مكسر الغسيل وهذا السعر المذكور اعلاه نفس المواصفات في 3 محلات في الدوحة


عاد لا تنسين وانتي جايه الله لا يهينج كرتون تمر خلاص القصيم vip + كرتون هيل درجة أولى حبة كبيرة !!


هههههههههه
نسيت اني صائم
( اللهم اني صائم )