يابو الشباب ترى كل مره ما تسلم الجره وبطيح بشر اعمالك ؟؟؟؟

[الصغيره]

السالفه ومافيها ان اليوم بشارع من شوارع الريان كان السايق يستقل سيارته البيكم وهو بالطريق ولعت الاشاره صفراء خفف السرعه خلفه سياره تهرن بقوووووه يعني اسرع قبل تصير حمراء السايق بطء وولعت حمراء ووووو ووووقف الا الاخ القطري واللي للاسف استنكر فعلته نزل وجذب السايق من السياره وضربه ليه بطءت وليه وقفت

نعم السايق انضرب ضرب مبرح

السايق من الربكه اخذ رقم الهولكس بيكم ابيض لكن من سو ء حظه وقوة الضرب نقص زاد او سجل الرقم غلط

شيكنا على الرقم بنشكي عليه وبنجره لمركز الشرطه لانه اعتدى على السايق للاسف طلع الرقم لشحن كبير ما يتناسب مع رقم السياره اللي قام المعتدي بفعلته الشينه على سايق مسكين ما سوى به شي الا انه التزم بالقانون المروري

والله لو طلعت الارقام صح مع وصف السايق والشهود كان صدق بيكون له درس ما ينساه طول عمره

يعني الواحد يا يخطيي على القانون ونظم السير او بينضرب من قبل انسان تافه وانسان لا يحترم القانون ولا خلق الله

ااااه بس لو طلع مسجل الرقم صح كان علوم

برايكم لو نقدم بالبلاغ بيطلعون تصوير لسيارته حتى لو هو طلع والاشاره خضراء بعد ما انفتحت

ابيه ياخذ درس بحياته ما ينساه

وعلى قولة السايق يقول مش صغير بالسن انسان متوسط بالعمر وقطري على قولته

احط هالموضوع حتى يكون عبره لمن يكون بهالموقف يوصي عياله والسواقين بان اي حد يعتدي عليكم اخذو الرقم صح او صوروه بالجوال افضل


الله يطرحه بشر اعماله حتى ياخذ درس ما ينساه :(

[rawda]

لو الاشاره عليها رادار ان شاء الله يقدرون يطلعونه لن الاشاره تصور فيديو متواصل

بس اهم شي اعرفو الوقت بالتحديد وان شاء الله السايق يحصل حقه من المخطي

[ريتويت]

حسبي الله ونعم الوكيل.. والله قهر من قلب.. والله لو انا مكان السايق كنت مسكته وضربته باي شي وماكنت طلعت من السياره اصلا

[بن غيث]

مافي اي من الشهود صاد الرقم ...؟
او علامة مميزة في السيارة ..
بس اكيد انه من سكان المنطقة .

[تاجر كشخة]

هل الاشارة عليها رادار او لاء ؟

[مشتاقة لقطر]

حرام اللي سواه

[Rashid554]

ياخي الي سواه هالشخص الي ضرب السواق وعساه يشوفنا بس
اقوله

تربيته مثل ويهه وماعرفو يربونه
ومبين انه ضعيف شخصيه وفيه نقص يحاول يعوضه بضرب شخص
لو الي خفف السرعه واحد لابس غتره وعقال راح تبين علومك وشخصيتك الضعيفه
لكن شنقول عن واحد عقله عقل طفل
وخير يعني تاخرت دقيقه شوراك مبين ان ماوراك شي اصلا والدليل قعدت تضرب

اخوي اذا السايق يعرف مواصفات السياره فهذا بيكون شي سهل
وخصوصا لو قدر يعرف او كم رقم من السياره

[حسن]

اذا كان الرقم الخير عادي يقدر يطلعونه واذا الاشاره عليها رادار بعد في تصوير فيديو

[fhd4]

اذا فلت من عقاب الدنيا … ربك ما يرضى بالظلم … والظلم ظلمات يوم القيامة …

[mariamaziz]

والله ياخوي في ناااس ما تخاف الله و خشمهااا فالسمااا

و أنا أقولك لو السايق الملتزم كان قطري أو كانت بنت .. كان هالأخ ما سواهااا .. لكنه استقوى و استعرض عضلاته على الهندي او الآسيوي المسكين ...

و للأسف يا اخوان هذا حال هالجنسيات عندنا دايما مظلومين ..

انزين شراايك اخوي انا مره كنت مع الدريول واقفين جدام دكان و هالدكان حذاه محل وقت الشاي .. في واحد من الشباب موقف سيارته يطلب شاي .. و الظاهر الهندي من كثر الطلبات على راسه نسى ... و عقب ما صوتله مره ثانيه سبه و قال كلمات وصخة ما تنقاال ... ولما وصله الشاي اللي طلبه مسك الكوب و قطه و ما دفع للهندي الفلوس ...( ما شا الله رجاااااال )....

على شنو هالتكبر و الله مادري ...

والله مواقف تعور القلب و تفشل من فئة غريبة في مجتمعنا القطري و للأسف يعممون هالسلوكيات على الشعب بكبره

[ريماس الغلا]

لما يجيبونه بمركز الشرطه :


يصير يحب ريل الهندي عشان يسامحه


ترى البلد بلد قانون



وكلن بياخذ حقه

[عاهد بن علي]

حسبس الله ونعم الوكيل

[غايه الطواش]

زوج اختي تعرض لموقف مشابه وكان لابس لبس رياضه ويوم نزل له راعي السياره الثانيه وفتح باب السياره عليه جره ريل اختي وقاله خير. رد عليه السموحه ماتوقعتك قطري !!

[أنثى]

اخواني واخواتي انا مب مع اللي سواه الرجال ولا ادافع عنه وأكيد غلط انه يضرب السواق لكن والله ترى في سواقين خصوصا الاسيويين تلاقيه قبل الاشارة بمترين او ثلاث يخفف ويقطع في السيارة من البريكات متردد يوقف والا لا والاشارة حمرا والا صفرا لحد ما ينرفز اللي وراه ويخليه يعصب غصبا عنه(بس مب يضربه يعني)لكن هالشي دائما يصير

[الشيخة شيوخة]

:weeping::nice: علقة تفوت ولا حد يفوت

[بوخالد911]

لا يكون يظن قاعدين بغابة

القوانين تحفظ حقوق الكل

[Class - Qtr]

موقف محزن

اللي بيحط راسه براس هندي متغرب عن هله وجاي قطر باحث عن رزقه مافيه خير

الهندي ضعيف وهذا الشخص اللي اعتدي عليه شخص لايوجد في قلبه رحمه

وموضوع الانسانيه بعيد عنه

الله يهديه ومايكررها

!!

[الخزرجي قطر]

الله يهديهم ان شاءالله
البلد فيها قوانين مش عايشبن في غابه

[qtr qtr]

وهو ليش ما خذ حقه واضربه ؟ عريبه امر بعض الناس ينضربون وساكتين عنهم .. لحد يقول ضعيف ..

زنصرف الرجال غلط ويدل على ضعف شخصيته ..

[mariamaziz]

اختي أنثى ... حبيت أقولج ان الهندي مسكين لو أسرع شويه و إلا مشى على المطبه بسرعه .. لا تنسين ان في إلزابيث قاعدة ورى بتااكله اكل ...

الدريوليه يخاافون ...

و لو هالرجال اللي ضربه كفو ... خله يسويهااا مع قطري مثله ..

[intesar]

يهرن.. ما يخالف.. بس يضربه لأنه هندي.. يقهر.. يقهر.. عنصرية مالها حل بهالبلد..

[عيون الدوحة]

اذا الاشارة فيها كيمره بيطلعونة بالراحة او الشارع الى مريتو عليه في كيمرة او رادار
قدمي بلاغ وامورج طيبه

[qatara]

صدقني كما تدين تدان
وصدقني راح يلاقي مثل فعلته فيه

عيون الناس تغفل بس عين الله لاتنام

[الصغيره]

شكرا لوجودكم واستنكاركم هالفعله

وما راح يسكت الكفيل وفعلا نبي نوصل له درس ما ينساه ابد وللاسف مابه ردار على الاشاره لكن الارقام مسجله اغلبيتها عندالكفيل واكيد هالانسان من سكان المنطقه او بيمر وبيلقى قريب لما قلنا له ليه ماضربته قال قطري :(

عزتي لقطر من بعض القطريين اللي للاسف يفشلووون بتصرفاتهم ولو هي بالقوه ما راح يغلبه

الصراحه يحزنون هالسواقين

لكن مش كل علقه تفوت ولا حد يموت الا به قانون الكل يحترمه القطري قبل المقيم وان مرت اليوم عليه بدون ما ينصاد وين بيروح من سهام الليل والدعاوي عليه

واللي رد على بعض تصرفات السايقين عند الاشارات اقول شي لا بد ان يخففون عند الاشارات لان ان طاف وصارت حمراء صاده الرادار وزعلوا المعازيب وان اخذ الحذر وهي برتقاليه جاه اللي من وراه ولا رحمه اما بالضرب او بالتهزء

ترى لو اسرع مثل ما بغى لاخ اللي ضربه ترى يمكن يكون مصيبه لان باقي سيارات بعد بالمقابل مازالت تمر والاشاره معها مولعه

يعني الحذر مطلوب بكل الحالتين

[الشلهوب]

يهرن.. ما يخالف.. بس يضربه لأنه هندي.. يقهر.. يقهر.. عنصرية مالها حل بهالبلد..

يانتصار هذة بلد الامن والامان والحمدالله وليس عنصرية ملها حل بهالبلد كما تقولين

[مستر بن]

لو عليهآ رادار يجروونه من اي مكان عاادي ..

[وحيد-الشوق]

للأسف في قطر يحترمون الانسان بسيارته وبلبسه :(

انا لين سقت سيارة صغيرة الكل يستحقرني هرن وتكبيس ويطالعونك بنظرات غريبة وخصوصا لين شافوك لابس رياضة !!!!

اوكي عصب سب بينك وبين نفسك بس ضرب عاد والله حرام عليك تستقوى عالهندي المسكين ناس ماتخاف الله وماتستقوى الا الفقير المسكين

[ابوالكلام]

إنما الأمم الأخلاق ما بقيت... فإن هم ذهبت أخلاقهم ذهبوا

[OM_OMAR_QATAR]

حسبي الله ونعم الوكيل

[بريق الحق]

الصراحة واحد قليل الادب مهما سواه الهندي ترى انسان انا اذا قفلت اصارخ عليه وطقع اما امد يدي عليه ليش مب بني ادم هو

[Chambray]

صحيح الي سواه غلط في حق الهندي

لكن بعض الهنود صراحة يقهرون

اول امس كنت على خط 22 فبراير
الشارع السريع السيارات تمشي فوق 120
وانا امشي 100 في الخط الوسطي إلا سيارة تمشي 70 ومافي ولا سيارة تمشي على الخط اليمين
اعطيه فول اهرن له مايبي يتحرك عن الخط الوسطي !!!!! تقولون ملزق بسوبر قلو !!

يعني اتجاوز تجاوز خطير من اليمين واعرض نفسي للخطر !!
ولا ادعمه
ولا شنو ؟

في النهايه يوم فضى الخط الي على اليسار تجاوزته وانا خاطري الف عليه اخليه يدخل في اقرب شبه خخخخخخخخخخخ

قسماً بالله كل هالاغلاط الي تصير من الهنود مب منهم . من إدارة المرور الي تعطي الليسن بالواسطه
المفروض الليسن ماينعطى إلا بعد اختبارات قويه في الاشارات وفي المواقف وغيره !!

[elders]

صحيح الي سواه غلط في حق الهندي

لكن بعض الهنود صراحة يقهرون

اول امس كنت على خط 22 فبراير
الشارع السريع السيارات تمشي فوق 120
وانا امشي 100 في الخط الوسطي إلا سيارة تمشي 80 مافي ولا سيارة تمشي على اليمين
اعطيها فول اهرن له مايبي يتحرك عن الخط الوسطي !!!!!
لا ويعطيني اشارة يقولي تبي تجاوز انا ماراح اتحرك !!!!!!!!!

يعني اتجاوز تجاوز خطير من اليسار واعرض نفسي للخطر !!
ولا ادعمه
ولا شنو ؟

في النهايه يوم فضى الخط الي على اليسار تجاوزته وانا خاطري الف عليه اخليه يدخل في اقرب شبه خخخخخخخخخخخ

بالمناسبة ..شارع 22 فبراير من وين بالضبط ببلش 120 ؟؟

[Chambray]

بالمناسبة ..شارع 22 فبراير من وين بالضبط ببلش 120 ؟؟

الحد الاقصى 100
لكن كثير من الناس تمشي فيه 120 ويخفون عند الرادارات :nice:

[الحال مايساعد]

الروح الحزينة سؤوال يطرح نفسه ، هل هذا الدريول خاص لك ولا تصادف وجودك بالمكان نفسة؟ وبعدين إنت ماشاء الله عليكي تذكرتي السالفة كلها ولا فكرتي تاخذي الرقم؟

[الحال مايساعد]

لكن بعض الهنود صراحة يقهرون

اول امس كنت على خط 22 فبراير
الشارع السريع السيارات تمشي فوق 120
وانا امشي 100 في الخط الوسطي إلا سيارة تمشي 70 ومافي ولا سيارة تمشي على الخط اليمين
اعطيه فول اهرن له مايبي يتحرك عن الخط الوسطي !!!!! تقولون ملزق بسوبر قلو !!



موقف الهندي سليم 100% وإن كان يرفع الضغط عندي وعند ناس كثير

[eXpert*]

مع الأسف لين متى بنتم نعامل الناس بالظاهر منهم !!

أول أمس موقف صار مشابه للموقف اللي أذكرته الأخت غاية الطواش.

[الصغيره]

الروح الحزينة سؤوال يطرح نفسه ، هل هذا الدريول خاص لك ولا تصادف وجودك بالمكان نفسة؟ وبعدين إنت ماشاء الله عليكي تذكرتي السالفة كلها ولا فكرتي تاخذي الرقم؟

نعم السايق للاهل والسايق كان بروحه لو معه حد على الاقل ساعده بحفظ الرقم شكله من الخرعه لخبط حفظ الرقم او من سرعة سواقه الاخ اللي ضربه ما جاب الارقام صح لكن يقول ان شافه بيعرفه

طبعا ماراح ينسى وجهه

الله ياخذ حقه

امين

[elders]

الحد الاقصى 100
لكن كثير من الناس تمشي فيه 120 ويخفون عند الرادارات :nice:

لا ما عم احكي عن التجاوزات ..بقرأ بعد الخريطيات انو 120 بس كنت عم بسأل ايمتى بالضبط ببلش 120

[الصغيره]

زوج اختي تعرض لموقف مشابه وكان لابس لبس رياضه ويوم نزل له راعي السياره الثانيه وفتح باب السياره عليه جره ريل اختي وقاله خير. رد عليه السموحه ماتوقعتك قطري !!

وفيه واحد يقول لما صرنا نناقش الموضوع وكيف القطري لما يشوف قطري يكون الموقف برد وسلام يقول كان له موقف ان واحد خذا موقف للسياره كان ينتظره وقت طويل يقول لما فضى الموقف سبقه واحد وكان شكله مايييبين انه قطري يقول كان افك عمري عليه اهاوشه الا الرجل يصافحه بقوووه يقول استحيت طلع قطري وانسحبت وانا اللي كنت انتظر الموقف يعني لو طلع هندي او اسيوي كان خذا له بكس بوجهه

ياسلام :(

[شبح الصمت]

الله بياخذ حقه اليوم والا بكره والا بعده ولا بعد 20 سنه

حق المظلوم ما يضيع عند رب العالمين

لو ضاع في الدنيا يبقى مكتوب له ياخذ حقه في الآخره

لـقوله تعالى " ولا تحسبن الله غافلا عما يعمل الظالمون "

[شبح الصمت]

مع احترامي لطرح الجنسيه قطري هندي موريتاني


الاحترام موجود والحمد لله

الخطأ كله من بعض بعض الجيل الجديد وإلا الجيل القديم ولله الحمد جيل فاهم وواعي

ولكن الجيل الجديد ما نقول إلا الله يهديهم يحسبون كل شيء ياخذونه بحق اليد وهذا الشيء خطأ

لكن هناك من البشر من يحترم ويُحتـرم

فلا نجعل حادثه بسيطه تترك انطباع غير صحيح عن المواطن والمقيم

قالاصابع لم تتشابه فلو تشابهت سبحان الله فالاكيد انه الخطأ سوف يكون محسوب على الكل

[الصغيره]

مع احترامي لطرح الجنسيه قطري هندي موريتاني


الاحترام موجود والحمد لله

الخطأ كله من بعض بعض الجيل الجديد وإلا الجيل القديم ولله الحمد جيل فاهم وواعي

ولكن الجيل الجديد ما نقول إلا الله يهديهم يحسبون كل شيء ياخذونه بحق اليد وهذا الشيء خطأ

لكن هناك من البشر من يحترم ويُحتـرم

فلا نجعل حادثه بسيطه تترك انطباع غير صحيح عن المواطن والمقيم

قالاصابع لم تتشابه فلو تشابهت سبحان الله فالاكيد انه الخطأ سوف يكون محسوب على الكل

كلامك صح ياخوي وعين العقل
ولله الحمد ياخوي ان الحاله مش معممه على الكل والدنيا بخير وانما هي حاله شبه فرديه من شخص غير مقدر المسؤوليه ولا عارف ان القانون يعاقب عليه ويمكن هذا طبعه وسلوكه لكن طبعا ننفي هالسلوك الغير حضاري والمرفوض سواء من قطري او غير قطري

[الحال مايساعد]

نعم السايق للاهل والسايق كان بروحه لو معه حد على الاقل ساعده بحفظ الرقم شكله من الخرعه لخبط حفظ الرقم او من سرعة سواقه الاخ اللي ضربه ما جاب الارقام صح لكن يقول ان شافه بيعرفه

طبعا ماراح ينسى وجهه

الله ياخذ حقه

امين

إختي ... لو الموقف هذا صار الصبح خلي السايق يدور بنفس الوقت وفي نفس الشارع لأني أعتقد إنه من أهل المنطقة وكان مستعجل على دوامة ، ولا تنسى مايضيع حق واره مطالب والداخلية كلها ماراح تقصر في حالة ورود شكوى


الله المستعان