كنتاكي هو المطعم الوحيد اللي اشوفه ما يعطي فاتورة شراء

[khaldoon]

المطعم الوحيد اللي اشوفه ما عاد يعطي الفاتورة مثل قبل في الفترة الاخيرة (يعني من شهر تقريبا) و غير عن بقية المطاعم هو كنتاكي ....و كل شغلهم خطأ في خطأ بالطلبات و يخلطون الوجبات مع بعض في صينية واحده و لو ما دققت بطلباتتك بتحصل الاخطاء التالية في حالة طلب عدة وجبات مختلفة و ليس وجبة واحدة فقط:

* تطلب وجبة حجم كبير يحطون بيبسي كبير و بطاطا صغير او العكس او ما يحطون اصلا حجم كبير رغم انك دافع زيادة

* تطلب بيبسي دايت و يجيبونها عادي (regular)

* يطنشون اللعبة او العصير او اثنينهم في الهابي ميل

* ينسوون او يتناسوون جزء من الوجبة خاصة لو انك ماخذ وجبات مختلفة عن بعض مثل البطاطا او البيبسي او الصوص او السلطه او الخبز او نوع الاكل سبايسي و الا عادي (regular)

* يطنشون و يتناسون البطاطا المهرووسة مع جرافي صوص او يجيبونها بس صوص بدون بطاطا مهرووسه

* طلبات جانبية ناقصة ما انحطت بالوجبة

و اخطاء كثيره انتوا ادرى فيها

نصيحة اللي ياخذون طلبات توصيل المنازل يفتشوونها زين قبل انهم يدفعون لانها راح تكون غلط و يضيع عليهم حقهم

اول كانوا يغلطوا بالطلب و بس تنبههم يقولون لك عطنا الفاتورة نتأكد انك على حق بكل وقاحة و جرأة و مستخدمين كامل حقهم .... الحين ما عاد يعطوا فاتورة و اثبت عاد انك دفعت ما طلبت في حالة انهم طنشوا شي معين خاصة الطلبات الجانبية او مثل اللي ذكرتها فوق

يا ريت حماية البيئه يفتحون عنيهم شوي على كنتاكي و يجبرونهم اعادة صرف الفاتورة مثل قبل

[ريتويت]

اخوي عادي لان اصلا مطعم كنتاكي الاسعار معروفه عندهم ومكتوبه اول ماتدخل المحل .. والمنيو مسعر بعد .. اللهم سندويتش الزنجر سوبريم كان ب17 اعتقد الحين صار ب20 شي جذي

[محمد الجفيري]

شدخل حماية البيئة ؟؟ قصدك حماية المستهلك @_@

[Rashid554]

بالعكس اخوي من خلال تجربتي بمطعم كنتاكي وشرائي منه بشكل يومي اما وجبه غدا وغالباً تكون عشا وتجربة معظم الفروع ( بن عمران ، الريان ، المسيله ، السد ، المركز ، ستي سنتر ، لاند مارك ، الدفنه ) وغير فروعه في انجلترا وتايلاند والكويت والامارات والسعودية ... الخ
المطعم ملتزم بالفواتير وتكون من اولياته
اما عن الاخطاء فا اكيد راح تكون فيه اخطاء مع الضغط الكبير على المطعم
ولكن لو لاحظت خطا تقدر ترجع الطلب وهذي صارت لي كذا مره ولكن بفتره بسيطة مستمره لما كان موظف جديد مستلم توزيع الطلبات كان دائما يغلط وارجع له لين ماحفظ طلبي

[sara jsm]

الاخطاء وارده اخوي خلدون في كنتاكي وغيره من محلات الوجبات السريعه ,,
بس الفاتوره توصل سواء طلب خارجي او توصيل منزلي ,,
يمكن حظك انت معاهم هالشكل :p

[khaldoon]

شدخل حماية البيئة ؟؟ قصدك حماية المستهلك @_@

اسف حماية المستهلك :nice:

[khaldoon]

اخوي عادي لان اصلا مطعم كنتاكي الاسعار معروفه عندهم ومكتوبه اول ماتدخل المحل .. والمنيو مسعر بعد .. اللهم سندويتش الزنجر سوبريم كان ب17 اعتقد الحين صار ب20 شي جذي

اختي انا ما اتكلم عن الاسعار في الموضوع انا اتكلم انه ما في فاتورة بيدك تثبت انك دفعتي اشياء ما حصلتي عليها او انك حصلتي طلب غير طلبك و الفاتورة ما عادت تعطى مثل ما كانوا يعطوا فاتورة من قبل


بالعكس اخوي من خلال تجربتي بمطعم كنتاكي وشرائي منه بشكل يومي اما وجبه غدا وغالباً تكون عشا وتجربة معظم الفروع ( بن عمران ، الريان ، المسيله ، السد ، المركز ، ستي سنتر ، لاند مارك ، الدفنه ) وغير فروعه في انجلترا وتايلاند والكويت والامارات والسعودية ... الخ
المطعم ملتزم بالفواتير وتكون من اولياته
اما عن الاخطاء فا اكيد راح تكون فيه اخطاء مع الضغط الكبير على المطعم
ولكن لو لاحظت خطا تقدر ترجع الطلب وهذي صارت لي كذا مره ولكن بفتره بسيطة مستمره لما كان موظف جديد مستلم توزيع الطلبات كان دائما يغلط وارجع له لين ماحفظ طلبي


اخوي انا اتكلم عن فروع قطر اما فروع خارج قطر فلا علم لي بها و لا اتكلم عنها نهائيا و لا تخص موضوعي .... و بعدين انت يمكن تتكمل عن وجبة واحدة يوميا... انا ذكرت بموضوعي انه لما يكون عدة وجبات مختلفة بنفس الطلب و ليس وجبة واحده


الاخطاء وارده اخوي خلدون في كنتاكي وغيره من محلات الوجبات السريعه ,,
بس الفاتوره توصل سواء طلب خارجي او توصيل منزلي ,,
يمكن حظك انت معاهم هالشكل :p

يا جماعة الخير ما عادوا يعطوا فواتير لما تروح تشتري عندهم و انا صارلي شهر ما شفت فواتير منهم مب زيارة او زيارتين ... من اجل الاولاد بيحبون اكله و الا انا والله ما احب ادشه

ما عاد يعطوا فاتورة لما تروح تشتري من عندهم و الاخطاء بالجمله يعني مب خطأ واحد و الا خطأين و الموظفين مب جدد و متمرسين و خاصة اللي بالمجمعات و المولات

و اشكركم جميعا على المرور و التعليق

[النهار]

انتوا لين الحين تاكلون كنتاكي اخر مره كلته في 2009

[wanted boy]

كنتاكي يعطي الفاتورة :)

[khaldoon]

انتوا لين الحين تاكلون كنتاكي اخر مره كلته في 2009

معاك حق والله....والله انا ما احبه بس الصغار عندي يحبونه للاسف الشديد و الا انا ما احب ادخله

[khaldoon]

كنتاكي يعطي الفاتورة :)

متى اخر مرة رحت فيها كنتاكي ....... بس تروح عندهم يسوون فاتورة واحده هي اللي يحطونها عندهم علشان يسوون الطلب على اساسها و لا يعطونك فواتير و كلمتهم بس ما يبون يسمعون ..... هالكلام ما صار مرة و الا مرتين ..... صارلهم شهر على الاقل بنفس الاسلوب .... تعتقد انها صدفة تتكرر على مدار شهر كامل مثلا؟!!!!!!

[أخر الدنيا]

كنتاكى يعطى فاتورة انا امس السبت طلبت طلب خارجى والفاتورة مع الطلب فى الكيس.

[khaldoon]

كنتاكى يعطى فاتورة انا امس السبت طلبت طلب خارجى والفاتورة مع الطلب فى الكيس.

زين روح على المطعم نفسه او على اي فرع له بالمجمعات و المولات و اطلب طلب و شوف بيعطيك فاتورة و الا لا و رد جاوب هني لو سمحت

[FCB 123]

أنا دايما اطلب في فرع الوكرة ويعطينا الفاتورة

[كازانوفا]

بلااااااااااااااش منو هالكنتاكي يا عمووو خلدووووون
مشاكله وبلاويه كتيرررررررررررره

يعني هي اجت على الفاتوره ؟؟؟ :)

[ماريسا]

كنتاكي قطر... وصاخة .. قرف .. أكلات معفنة و ليست طازجة .. رائحة غير مقبولة .. إهمال ..

مرة طلبت ريزو حاطين دجاج مثلج تحت الرز

كذا مرة اطلب دجاج عادي يعطوني سبايسي

كذا مرة احصل الاكل ريحته خايسة و السلطة معفنة

صلصة الجبنة تبع الناجتس المفروض مجانية بس اذا تسوي طلب ع التلفون يدفعونك ريالين

مشاكل كثيرة .. الحمدلله قاطعت هالمطعم من سنتين و مستحيل اكل من عندهم مرة ثانية .. الا اذا كنتاكي خارج قطر

[بو الجوري]

يا سلاااااام على دنر بوكس كرسبي :nice:
أمس كلت ونسو يحطون لي كيس الملح لأني طالب ذره :(
وهاي ثاني مره :..

الصراحـه مثل ماقلت لازم الواحد يشيّك على الطلب خاصه لوطالب دليفري أو تيك أواي
وعقب مايوصل البيت يلاقيه غلط :..
يتكيسل يرجعلهـم ونفسيته تتعب لأنه مالقى طلبه اللي كان ناوي يستمتع فيه على العشا :secret:
^
:eek5:
أنا من اللي نفسيتي تتعب وأعصب إذا مالقيت طلبي :anger1:

[غزلان]

انتوا لين الحين تاكلون كنتاكي اخر مره كلته في 2009


:nice:

[wanted boy]

متى اخر مرة رحت فيها كنتاكي ....... بس تروح عندهم يسوون فاتورة واحده هي اللي يحطونها عندهم علشان يسوون الطلب على اساسها و لا يعطونك فواتير و كلمتهم بس ما يبون يسمعون ..... هالكلام ما صار مرة و الا مرتين ..... صارلهم شهر على الاقل بنفس الاسلوب .... تعتقد انها صدفة تتكرر على مدار شهر كامل مثلا؟!!!!!!

أمس رحت عندهم ويعطوني الفاتورة :) فرع السنتر

[wanted boy]

كنتاكي قطر... وصاخة .. قرف .. أكلات معفنة و ليست طازجة .. رائحة غير مقبولة .. إهمال ..

مرة طلبت ريزو حاطين دجاج مثلج تحت الرز

كذا مرة اطلب دجاج عادي يعطوني سبايسي

كذا مرة احصل الاكل ريحته خايسة و السلطة معفنة

صلصة الجبنة تبع الناجتس المفروض مجانية بس اذا تسوي طلب ع التلفون يدفعونك ريالين

مشاكل كثيرة .. الحمدلله قاطعت هالمطعم من سنتين و مستحيل اكل من عندهم مرة ثانية .. الا اذا كنتاكي خارج قطر

تختلف من فرع لآخر وتختلف حسب الزحمة
واذا طلبت توصيل المنازل بيكون الاكل بارد شوي لانه بيتاخر
فالافضل تاكلين في المطعم او دريول البيت يوصل الطلب

[الجوكر90]

اخوي ليش مصعب الموضوع
الي يجيبلك الطلب خذ الطلب منه واذا بدون الفاتوره قوله مب دافع لين ماشوف الفاتوره
برجع بعدين وبقولك سوالفهم

[airbus]

اخوي ليش مصعب الموضوع
الي يجيبلك الطلب خذ الطلب منه واذا بدون الفاتوره قوله مب دافع لين ماشوف الفاتوره
برجع بعدين وبقولك سوالفهم

ادا بدون فاتورة يعني الفلوس يحطها في جيبه

لي هدا السبب بعض المحلات ادا الكاشير ماعطاك فاتورة تكون ببلاش

[airbus]

تاني شي ادا هدا المطعم ببلاش ماكل فيه

[هام السحاب]

اصلاً فاتورة كنتاكي تعتبر ورقة اجازة طبية

[الجوكر90]

السلام عليكم
انا بقولكم سالفه صارت لنا
احنا شباب كل يوم نتجمع فالميلس ونطلب مره هارديز ومره كنتاكي ومره بيتزا ومره ماكدولندز
المهم دوم يوم نطلب هارديز يجينا مصري عاد كل يوم واحد يتصل عاد اتصلت وقالو لي الحساب 161 وكان عندنا ضيوف ويوم وصل الطلب قال 183 انا سكت قلت يمكن انا مغلط
ثاني مره نفسه المصري جاب الطلب وبدون فاتوره والسعر الي ذكروه يوم طلبت غير عن الي قاله هم سكت قلت يمكن اظلمه
عاد ثالث مره طلبنا وانا الي اتصلت يوم وصل الطلب الحساب 150 وقو قال 167
قلت وين الفاتوره قال عطاني الفاتوره الا مكتوب 150 قلت 150 ليش تقول 167 قال لا انتو طلبتو طلب اضافي قلت ماطلبنا قال لحظه بتصل المطعم الا الشباب يققولون لي اشفيك اقولهم مب اول مره دوم جي ملاحظ عليه الا يطبون فبطنه معاي
يقول لا انا ماسويها قلت له اخلص ولاتتكلم وايد
قال ماعندي خرده قلت له مب مشكلتي روح وجيب الخرده قال ع كم ريال قلت اي واحد من الشباب عطاه ريالين عشان يرجع 5 وبعدها كلش ماجانا خير شر

ودوم يوم نطلب نقولهم جيبو ملح حق الذره مايجيبون نقولهم ماراح نعطيكم الفلوس الا يوم تجيبون الملح يعني ناكل ذره بدون ملح مايصير ودافعين فلوس مب ابلاش
اقولكم كلو تبن من ورانا اي شي نقولهم يجيبون لنا وزياده

لو كل واحد مايمشي صدقوني راح يتادبون

[الدوسري قطر]

خلدون شكلك من اصدقاء البيئة


اخوي الحل حق مشكلتك هو انك ما تشتري منه الله يديم النعمة

[ابوجاسم2008]

معاك حق والله....والله انا ما احبه بس الصغار عندي يحبونه للاسف الشديد و الا انا ما احب ادخله

اي والله صدقتوا اولا الدجاج ارخص نوع في السوق
ثانيا الزيت يتغير بشكل اسبوعي اذا صاراسود ولاكمل بعد
ثالثا دجاج البيت اشهى منه ولافيه حارق

[asmr]

انا كنت احب كنتاكي
بس الحين مستحيل اكل منه

[asmr]

السلام عليكم
انا بقولكم سالفه صارت لنا
احنا شباب كل يوم نتجمع فالميلس ونطلب مره هارديز ومره كنتاكي ومره بيتزا ومره ماكدولندز
المهم دوم يوم نطلب هارديز يجينا مصري عاد كل يوم واحد يتصل عاد اتصلت وقالو لي الحساب 161 وكان عندنا ضيوف ويوم وصل الطلب قال 183 انا سكت قلت يمكن انا مغلط
ثاني مره نفسه المصري جاب الطلب وبدون فاتوره والسعر الي ذكروه يوم طلبت غير عن الي قاله هم سكت قلت يمكن اظلمه
عاد ثالث مره طلبنا وانا الي اتصلت يوم وصل الطلب الحساب 150 وقو قال 167
قلت وين الفاتوره قال عطاني الفاتوره الا مكتوب 150 قلت 150 ليش تقول 167 قال لا انتو طلبتو طلب اضافي قلت ماطلبنا قال لحظه بتصل المطعم الا الشباب يققولون لي اشفيك اقولهم مب اول مره دوم جي ملاحظ عليه الا يطبون فبطنه معاي
يقول لا انا ماسويها قلت له اخلص ولاتتكلم وايد
قال ماعندي خرده قلت له مب مشكلتي روح وجيب الخرده قال ع كم ريال قلت اي واحد من الشباب عطاه ريالين عشان يرجع 5 وبعدها كلش ماجانا خير شر

ودوم يوم نطلب نقولهم جيبو ملح حق الذره مايجيبون نقولهم ماراح نعطيكم الفلوس الا يوم تجيبون الملح يعني ناكل ذره بدون ملح مايصير ودافعين فلوس مب ابلاش
اقولكم كلو تبن من ورانا اي شي نقولهم يجيبون لنا وزياده

لو كل واحد مايمشي صدقوني راح يتادبون

انا اشهد

[طارق]

أطلب الفاتوره وشيك طلبك قبل ماتطلع
جل من لايسهو
صراحه كنتاكي فيهم أحترافيه في الخدمه أحسن من كثير مطاعم في قطر

[طارق]

بلا كنتاكي لي جالك السايق فرعوني :secret::secret:
يستغل أن الخادمه تتخذ الطلب ويبي يسرق

أنا صارلي نفس الموقف وأتصلت الفرع , وقام بألمطلوب ( فرع سوق ألعلي )

[airbus]

أطلب الفاتوره وشيك طلبك قبل ماتطلع
جل من لايسهو
صراحه كنتاكي فيهم أحترافيه في الخدمه أحسن من كثير مطاعم في قطر

وين الاحتراف في الزيت الي يقعد يوم مايتبدل ولا التجاج المجمد ؟؟ ولا نظافة عمال المطعم ؟؟

[Bin Hood]

في حالات تعتبر نادرة جدا جدا اطلب من كنتاكي

السبب انه ما يعكي فاتورة سهل جدا ؟؟

لان فاتورة كنتاكي تعتبر عذر طبي رسمي

[الملا]

المطعم يعطي الفاتورة وفوق هذا يدبسها على الكيس

[OM_OMAR_QATAR]

الا فــي !! كيف ما في

[ll vip ll]

يازين اكل البيت ..

حماية المستهلك مشغوله ومضغوطة واايد للمساكين اللي عندهم معاصر او محلات صغيرة
اما المحلات الكبيرة لا اسمع لا ارى لا اتكلم ،،،، :)