عندي استفسارين طلب من النت + مركز قطر الطبي لليزر !!

[نتفـه]

السلام عليكم ورحمة الله وبركاته ..

اول شي حبيت اسأل عن عيادة لليزر .. طبعا ازالة الشعر وبالتحديد عيادة قطر او مركز قطر الطبي .. من جرب الليزر عندهم عند دكتوره اعتقد اسمها شيرين !!! وكم اسعارهم ما عليكم امر
لاني اروح مركز عيادة التجميل ومن راحة الدكتوره مروه وللاسف الدكتوره صبا ما تضرب الليزر عدل تخلي اماكن وايد بدون ما يحوشها ليزر ويتم الواحد منتف !!!! مب شي فحبيت اني اغير لعيادة ثانيه بس ما اعرف وين اروح ؟! اذا في اقتراحات لاماكن ثانيه نورونا ..

ثاني شي ابي اتعلم شلون اطلب من النت للي عنده خلفيه عن الموضوع .. عن طريق فتح برد ارامكس والبطاقه وغيرها من الامور .. ابي الطريقه خطوه بخطوه وبعد طريقة استخدام هالاشياء في عملية الشراء مثل امازون شلون بنشتري من بعد ما نسوي كل هالامور !!!

وشكرا ..

[الزعفراني]

بالنسبة للشراء من النت باختصار لازم لج هالأشياء :

1- بطاقة فيزا من البنك .
2- عنوان ارامكس للشحن أو صندوق بريد خاص فيج .
3- موقع انترنت للبيع والشراء يكون موثوق وبنفس الوقت يشحن لقطر أو أمريكا أو بريطانيا أو الصين على أقل تقدير .

بطاقة الفيزا تاخذينها من البنك اللي فيه حسابج ، وفيه بعض البنوك عندهم فيزا خاصة للشراء من الانترنت مسبقة الدفع يعني تبين تشترين غرض من النت بـ 1000 ريال ، تروحين البنك تحطين في البطاقة 1000 ريال . أحسن بنك وانصحج فيه ( مصرف الريان ) .

بريد ارامكس تروحين مقر الشركة مكانهم في المعموره ، تقدرين تتصلين على 180 وتاخذين رقمهم ويدلونج ع المكان .

ولهم كاونتر في اللاند مارك صوب كارفور بعد هناك تفتحين عندهم بريد ارامكس .

تدفعين 128 ريال مره وحده ومدى الحياة يعني مافي تجديد للاشتراك .. ياخذون بطاقتج الشخصية ويعطونج عنوان بريد خاص فيج في امريكا وعنوان بريد خاص فيج في بريطانيا وعنوان بريد خاص فيج الصين .

وبيعطونج فوتشر فيه طريقة كتابة عنوان ارامكس في الموقع اللي ناوية تشترين منه .

عقب ما يكون عندج فيزا كارد .. وحساب بريد ارامكس ..

تدخلين على اي موقع شراء في النت وتسجلين كعضو جديد .. وفي بيانات التسجيل يطلبون منج عنوان الشحن وبيانات الفيزا وبعض معلوماتج الشخصية مثل البلد ورقم جوالج ..

طبعا البيانات يفضل تكون حقيقية وصحيحة وفيها تطابق مع بياناتج الشخصية لاجراءات الفيزا والشحن وغيره من هالامور .

إذا كان الموقع بريطاني تحطين عنوان الشحن بريطانيا لان بيشحنون عليه وعقب عن طريق ارامكس يوصلونه لج للدوحة .

واذا كان الموقع امريكي تحطين عنوان الشحن في أمريكا نفس الطريقة فوق .


نسيت شي مهم افتحي لج حساب في موقع PayPal لان يحفظ لج خصوصية بيانات بطاقتج الائتمانية والشخصية وبنفس الوقت يمثل وسيط بينج وبين الشاري بحيث يضمن لج البضاعه ويضمن لج فلوسج ..
وطريقة سهله وأأمن .

اشهر مواقع الشراء في النت :

أمازون
واي بي

وهذي روابط اتمنى تفيدج :

طريقة الشراء من موقع أمازون.كوم

http://www.ce4arab.com/vb7/showthread.php?t=381629

وهذا الرابط بعد بيفيدج :

http://www.qatarshares.com/vb/showthread.php?t=364011

وهذا بعد :

http://www.adslgate.com/dsl/showthread.php?t=348800

طريقة التسجيل في باي بال :

http://www.qatarshares.com/vb/showthread.php?t=176038

طريقة تسجيل عنوان ارامكس :

http://www.avarab.com/vb/showthread.php?t=902

http://www.adslgate.com/dsl/showthread.php?t=703995

كتاب للشرح الشراء من ايباي والتسجيل في باي بال :

http://www.traidnt.net/vb/traidnt1877286/

أتمنى قدرت أفيدج .. وانصحج تقعدين مع وحده من صديقاتج اللي لها تجربه في الشراء من النت عشان تشرح لج بشكل عملي وواضح ع اللابتوب .

[راشد محمد]

ما قصرت يالزعفراني

[نتفـه]

رحم الله والديك اخوي الزعفراني وبيض الله وجهك .. كفيت ووفيت
بس بغيت اسأل ما عليك امر .. بالنسبة لباي بال .. انا مسجله لكن العله في الدولارين مادري الدولار اللي موقف السالفه كلها .. واعتقد ان بطاقتي انتهت هل يصير اسجل بطاقة جديده ؟؟؟ وينفع اخذ بطاقة المجموعة و اسجل فيها والا لازم بطاقة من البنك مع العلم ان انا حسابي ف المصرف ..
والف شكر
بالنسبة لارامكس شكلي بروح لفرع الاند احسن ما قصرت الشيخ ..

[نتفـه]

الحين اذا رحت ارامكس وسووا لي البريد .. ماله داعي ادش موقع شوب اند شيب صح لانه نفس الشي ؟؟؟

[OREO]

الحين اذا رحت ارامكس وسووا لي البريد .. ماله داعي ادش موقع شوب اند شيب صح لانه نفس الشي ؟؟؟

صح ،،،

[OREO]

رحم الله والديك اخوي الزعفراني وبيض الله وجهك .. كفيت ووفيت
بس بغيت اسأل ما عليك امر .. بالنسبة لباي بال .. انا مسجله لكن العله في الدولارين مادري الدولار اللي موقف السالفه كلها .. واعتقد ان بطاقتي انتهت هل يصير اسجل بطاقة جديده ؟؟؟ وينفع اخذ بطاقة المجموعة و اسجل فيها والا لازم بطاقة من البنك مع العلم ان انا حسابي ف المصرف ..
والف شكر
بالنسبة لارامكس شكلي بروح لفرع الاند احسن ما قصرت الشيخ ..

تقدرين تظيفين اكثر من بطاقه فيزا او ماستر كارد في PayPal ،، و تقدرين تحذفين اي بطاقه منتهيه او غير مرغوب فيها ،،

بخصوص الدولار ،، يتم سحب دولار لاجل الاثبات ،، يعني الدولار ينسحب و راح تستقبلين مسج من البنك بسحب دولار و راح تشوفين في نفس المسج اربعة ارقات و هي عباره عن verification و تاخذين الاربعة ارقام و تحطينها في موقع PayPal و بالضبط احذا رقم البطاقه راح تشوفين مكتوب Verify يعني عرفي او اكدي ان رقم البطاقه صحيحه ،، و بعدها بيتفعل حساب البطاقه ،،

ملاحظه ،، اذا مهب مسجله في خدمة المسجات مع البنك ،، اتصلي فيهم و اطلبي الاربعة ارقام اللي مكتوبه عند خصم رصيدج 1 Dollar ،، و بعد التأكد من الحساب ،، الدولار المسحوب راح يرجع في الحساب و الغرض منه ان توصلج الاربعة ارقام فقط و الاثبات بأنج راعية البطاقه ،،،


موفقه ان شاءالله ،،

[نتفـه]

الله يجزاك خير اخوي اوريو على التوضيح :)
انا عندي نظام المسجات من البنك لكن لبطاقة الصراف الالي العادية !!!وانا اخاف استخدمها للنت ف بطلع بطاقة المجموعة او اذا في بطاقة من المصرف !!!!
يعني في كل الحالات لازم اتصل لهم علشان يعطوني ال4 ارقام للتفعيل ؟!

[الزعفراني]

ما قصرت يالزعفراني


رحم الله والديك اخوي الزعفراني وبيض الله وجهك .. كفيت ووفيت
بس بغيت اسأل ما عليك امر .. بالنسبة لباي بال .. انا مسجله لكن العله في الدولارين مادري الدولار اللي موقف السالفه كلها .. واعتقد ان بطاقتي انتهت هل يصير اسجل بطاقة جديده ؟؟؟ وينفع اخذ بطاقة المجموعة و اسجل فيها والا لازم بطاقة من البنك مع العلم ان انا حسابي ف المصرف ..
والف شكر
بالنسبة لارامكس شكلي بروح لفرع الاند احسن ما قصرت الشيخ ..


الله يجزاك خير اخوي اوريو على التوضيح :)
انا عندي نظام المسجات من البنك لكن لبطاقة الصراف الالي العادية !!!وانا اخاف استخدمها للنت ف بطلع بطاقة المجموعة او اذا في بطاقة من المصرف !!!!
يعني في كل الحالات لازم اتصل لهم علشان يعطوني ال4 ارقام للتفعيل ؟!

وإياكم إن شاء الله ..

بالنسبة لارقام التفعيل مثل ماذكر اخوي اوريو .. كل اللي تسوينه تتصلين على الكول سنتر في البنك وتقولين لهم أنا سجلت في موقع باي بال وبغيت كود التفعيل ويعطونج اياه على طول ، يعني ما يبي له شي .

بالنسبة للبطاقات اذا حسابج في المصرف تقدرين تاخذين من عندهم بطاقة فيزا وتحددين اللمت اللي تبينه ، وإذا ما تبين تبتلشين بموضوع الفيزا ، عليج ببطاقة مصرف الريان المسبقة الدفع مثل ما ذكرتج لج فوق .

موفقه ان شاء الله .

[نتفـه]

بيض الله وجهك اخوي الزعفراني ,, ما قصرت الشيخ :)