[ شاي كرك ]

[الزعفراني]

ربما لن يستطيع أحد أن يحدد السبب الحقيقي لولع وشغف الشباب في قطر بتناول وشرب " شاي الكرك " .. لتستشعر هذا الولع عليك أن تذهب إلى أشهر الكافتيرات التي تقدم هذا النوع من الشاي .. لتجد صورة معبرة عن هذا العشق الأبدي الذي أرتبط بشباب قطر من خلال تزاحم السيارات وتجمع الشباب من أجل رشفات كوب من هذا الشاي باختلاف الاوقات ودون حاجة لمناسبات !


الغريب في الموضوع أن البعض يتردد على مثل هذا المكان في اليوم أكثر من مره ! وكأن الموضوع يدخل في دوامة الإدمان !


هذا العشق والولع لا تحده المسافات ولا الأوقات ، فقط كل ما يتطلبه الامر أن يقترح أحد على زميله فكرة الذهاب الى هناك من أجل شرب هذا الشاي ليبادر الآخر في تلبية هذه الفكرة وتحقيق هذه الرغبة !

والبعض الآخر إذا ما رغب بكسر روتين يومه فإنه لابد أن يختم مساءه بتناول كوب من هذا الشاي .

العشق هذا أدى إلى تزايد وتنوع مشاريع الكافتيريات التي أصبحت متخصصة في تقديم مثل هذا النوع من الشاي ، بل وأصبحت تتفنن في تقديمه وأصبح لكل منها إسم تجاري لامع تتميّز به !


العشق هذا كما يتردد لم يعد مرتبطا بالشباب وفقط ، ولكن أيضا فئة من الفتيات أصبحن يتردد على هذه الأماكن من أجل شرب هذا النوع من الشاي ، ولم يعد هذا الأمر مستغرباً على الأقل لدى روّاد هذه الأماكن من الشباب .


حقيقة الحديث يطول في هذا الموضوع ، لكن الجميع يتفقون على أن ثمة عشق لا ينتهي يجمع الشباب في قطر بشاي الكرك .

ترى ما هو سر هذا العشق ؟

[MAZEN37]

سبحان الله توني انطر واحد رحت ادور اكرك هه

[Stars]

تقليد..

[naklan]

اولا الادمان على المواد الحافضة الي في الحليب :(
وثانيا فضاوة عمل يفكرانه يمكن يلقى احد الاصدقاء هناك ويتسلى
بالحديث معه وشي ثالث ومهم لهنود يسوون لهم سحر
تلقاه طالع من البيت يبي يروح مشوار فجئه يلقى نفسه عند محل الكرك :omg:
وهالموضوع تاكدت منه
انه ابن عمي فتح معصره في نفس الشارع وعنده كرك وجاله الهندي وقاله لا تفتح
حذاي طنش ابن عمي سوى لمحله سحر هههه العمال ما قدرو يشتغلون وكله مرضى
وبعدها سكر المحل غصب خلال اسبوعين والهندي يتبسم مثل التيس :eek5:

[الكنترول]

ما فيه أحلى من كرككككككككككككك

[غزلان]

/

مزاج

[Stars]

اولا الادمان على المواد الحافضة الي في الحليب :(
وثانيا فضاوة عمل يفكرانه يمكن يلقى احد الاصدقاء هناك ويتسلى
بالحديث معه وشي ثالث ومهم لهنود يسوون لهم سحر
تلقاه طالع من البيت يبي يروح مشوار فجئه يلقى نفسه عند محل الكرك :omg:
وهالموضوع تاكدت منه
انه ابن عمي فتح معصره في نفس الشارع وعنده كرك وجاله الهندي وقاله لا تفتح
حذاي طنش ابن عمي سوى لمحله سحر هههه العمال ما قدرو يشتغلون وكله مرضى
وبعدها سكر المحل غصب خلال اسبوعين والهندي يتبسم مثل التيس :eek5:
سحر .. ليش لا .

[qtr qtr]

فرااااااااااااااااااااغ لا اكثر ...

[الزعفراني]

سبحان الله توني انطر واحد رحت ادور اكرك هه

يعني ملجأ لقضاء لحظات الانتظار القصيرة والتمتع بالطعم :)

[الزعفراني]

تقليد..

شلون تقليد ؟

[Al-Kuwari]

مزاج // روتين يومي

مكان التقاء

انا عن نفسي اتلاقي مع بعض الشباب دايماً عند كرك النعيمي نصف ونسولف وبعدها كلن يروح بيته

بس ما اطلب كرك , ما انكر اني قبل عدة سنوات كنت مدمن كرك واشرب الصبح والظهر والعصر والمغرب والعشا وقبل ماروح البيت هههههههه بس حالياً نادر ما اطلب كرك يمكن مره او مرتين بالشهر , طلبي الحالي هو السليماني :nice:

[Mohammed2]

بعض الدول الاجنبيه مثل لندن يموتون الشعب على القهوه ولازم يشترونها كل يوم بكميات كبيره

واحنا في قطر نحب الكرك وتعودنا عليه

وفوق هذا انه سهل الحصول عليه في كل مكان ورخيص

وايضا الشاي الاحمر والاخضر يشربونه وايد عندنا

[الزعفراني]

اولا الادمان على المواد الحافضة الي في الحليب :(
وثانيا فضاوة عمل يفكرانه يمكن يلقى احد الاصدقاء هناك ويتسلى
بالحديث معه وشي ثالث ومهم لهنود يسوون لهم سحر
تلقاه طالع من البيت يبي يروح مشوار فجئه يلقى نفسه عند محل الكرك :omg:
وهالموضوع تاكدت منه
انه ابن عمي فتح معصره في نفس الشارع وعنده كرك وجاله الهندي وقاله لا تفتح
حذاي طنش ابن عمي سوى لمحله سحر هههه العمال ما قدرو يشتغلون وكله مرضى
وبعدها سكر المحل غصب خلال اسبوعين والهندي يتبسم مثل التيس :eek5:

انت تقول سحر ؟ :rolleyes2: .. وغيرك يقول أكيد يحطون هيروين في الشاي عشان الناس تدمن وترد له كل مره :P

تجربة وموقف يستحق التوقف عنده .. معوض خير ولد عمك :)

[الزعفراني]

ما فيه أحلى من كرككككككككككككك

اللي أحلى من الكرك الرفقه اللي معاك :)

[Stars]

شلون تقليد ؟
كلا يقلد خوية .

[.خالد]

عادة ما اشوف فيها شئ ، والمستغرب ليش الكرك ما زادوا سعره ؟

[الملا]

سر التعلق بالكرك مب من اليوم من صغرنا من ابهاتنا ومن البيت .. مثل ما الشوام واللبنانيين عندهم القهوة التركية ، حنا عندنا القهوة والكرك

حلات الكرك مع كيك بونص

[OM_OMAR_QATAR]

الكرك شي طيب وحلو ، حاله حال الي يشرب شاي بعد او الي يشرب قهوة

واحد كرك والله

[الحاقول]

عادة ما اشوف فيها شئ ، والمستغرب ليش الكرك ما زادوا سعره ؟

كرك بابا روتي في المنتزه 18 ريال

[fhd4]

على الأقل أحسن من الهيروين …

[ابداع قلم]

يازين الكرك اللي عالفحم

[intesar]

هو مزاج.. كيف لما تشرب قهوة بمزاج.. الكرك هم له مزاج.. ومكان معين.. وما أصبح الصبح إلا بكرك.. هذي ثقافة ومن حنا صغار.. حلوة ثقافة..
مثل الكابتشينو للطليان..

لا تقليد ولا فراغ.. يمكن تكون للشباب تمضية وقت مع جمعه حلوه وسوالف.. أحسن من التفرقر في المجمعات..

من يوم صغار.. يعني من يوم وعينا على هذي الدنيا وحنا نشربه.. وتقولون تقليد وفراغ..
تدرون يوم صغار كنا نحطه على الثلج نحوله آيس كريم.. ( عسكريم ) .. يمكن إدمان.. لا بل إدمان.. لي أوقات معينه لشرب الكرك.. وأفضل إني ما أغير روتين الأوقات.. حتى ما يتكر المزاج.. لأن الكرك بالفعل مزاج..

ودمتم بحفظ الرحمن..

[intesar]

يازين الكرك اللي عالفحم

صدقت..

[نيساني]

مافي احلى من عصير عوار قلب وبالذات في هالصيف

وبالنسبه للكرك الحمدلله ما اشربه خير شر اذا كنت مع الربع وتوهقت شاي سليماني وبس


ويعطيك العافيه على الموضوع

[الصغيره]

والله الكرك صار حتى بالبيت ولع

اول ما نقو م من النوم نبدا الطقوس للكرك الا صرنا نتفنن به وبالمقادير والابريق اتراثي والاكواب الزجاجيه الخاصه بالكرك


الله وبالشتاء نطبخه طبخ على الضوووووء ويكون له نكهة الشتاء الخاصه وهات يا كرررررك

[الإكسير]

هي عاده والحمد لله انه عاده طيبه ومافيه حرام

[abdo222]

سريع التحضير، سهل الحصول عليه، رخيص، يعدل المزاج، سريع الشرب

[بريق الحق]

والله ماعنده سالفة مرة وحده تكفي
في بعضهم يرحون هناااك جووف موتري او جووف العبري وانتو فاهمين كلامي

[Qt.1]

مجرد عاده لااكثر ولااقل ,,

[الأصيلة]

الكرك لذيذ ومزاج
لكن للأسف مضر جدا بالصحة ومن عرفت مضاره
قلت رغبتي فيه ..ما اشربه إلا في المناسبات ومتى ما انحط قدامي
صراحة ما أقدر أقاومه...
بس وأنا أشرب أتخيل المضار ونتائجه في جسمي ومعدتي ووزني...
الله يكفينا شره...
بالنسبة للكرك القديم أيام أبآئنا ماكان بهذه الدسومة والثقل..

[ms-qtr]

انتشر الكرك بشكل كبير بالكم سنة الاخيرة كانها موضة وبصراحة ما اجوف في الموضوع مشكلة يشربون كرك ولا يشربون اشياء ثانية
على الرغم من ان اصله هندي ويقال انه مافي فايدة صحية لانه مطبوخ والله اعلم
حتى الاجانب صاروا يقبلون عليه ويحبون انهم يجربونه

[LiL iNVe$ToR]

كلنا مدمنين كافيين ..نحصله من الشاي ..كرك ..قهوه ..كولا ..ألخ ..

جربو يوم كامل من غير كافيين ..وبتعرفون الفرق.

[Qatari1981]

للاسف الكثير من روادي الكرك لايهتم لا لشارع ولا لماره ويسبب ازدحام وان كلمته قام فور عليك

انا ساكن في حي وللاسف قريب مني محل يدعى وقت الشاي

واعاني كل يوم في الدخله والطلعه وان كلمت احدهم ولا هرنتله تشوف الحبيب يقول انزييييييييييييييييين

كانما عشان مزاجه تحترق الدنيا ولا هو مفتكر

والله عييييييييييييييب من الشباب وللاسف الطامه الكبرى تلاقي دورات مرور ولا الخويا والفزعه اتسكر الطريق عشان الكرك

فاذا الشرطي ما احترم الحق العام منو الي راح يحترم


تعبت وانا اراكض في البلديه في الشرطه في اي داهيه يسكرون محل الكرك الي حذا بيتي

لا وبعض الشباب يقوم يقلب شارعنا رالي عقب تعديل المزاج


ياناااااااااااس احترموا الحق العااااااااااام


(ممكن احد يعلمني السوات اشتكي عند من)

[شبح الصمت]

صراحه انا ما اشوف كثرت الشاي له معنى مره في اليوم خارج البيت شيء طيب

يوم امر اطلب نص قلاص لايعه جبدي وبعد ما قمت اخذ كرك وايد قمت اغير

زنجبيل + شاي اخضر + شاي احمر مع نعناع

او اخذ لي ريد بول مع نعناع = عصير مافيا

وهي مش عاده اهي سالفة مافي جدول افتر افتر افتر نفس الشباب الي عند كرك النعيمي ووقت الشاي نفسهم عند كرك وجباتي نفس الاشكال هيا هيا

هههههههههههههههههههههههههههههههههههاي

تروح وتلف وترجع نفسهم رايحين رادين

تصدق احنا مربحين محطات البترول + الكرك

والحين المحل الي مولع واشوف اسعاره ضوى صراحه وعصيره كلش المحل الي في كتارا الي الشباب حوله وحواليه صراحه مبالغ في العصير اقل شيء 14 ريال واكثر شيء 16 وللعلم عصيره عاااااااااااااااااادي واقل من العادي

:nice:

[الحال مايساعد]

والله بالدرجة الأولى "مزااااج" وهو أقرب لإدمان ــــــ> في رأي الشخصي

[الزعفراني]

/

مزاج

وجهة نظر ..

[الزعفراني]

فرااااااااااااااااااااغ لا اكثر ...

بنسبة كبيرة كلامك مهم وواحد من الأسباب الرئيسية لسبب هذا العشق والإدمان على شرب هذا النوع من الشاي .

[الزعفراني]

مزاج // روتين يومي

مكان التقاء

انا عن نفسي اتلاقي مع بعض الشباب دايماً عند كرك النعيمي نصف ونسولف وبعدها كلن يروح بيته

بس ما اطلب كرك , ما انكر اني قبل عدة سنوات كنت مدمن كرك واشرب الصبح والظهر والعصر والمغرب والعشا وقبل ماروح البيت هههههههه بس حالياً نادر ما اطلب كرك يمكن مره او مرتين بالشهر , طلبي الحالي هو السليماني :nice:

زين اللي الله فكك من هالادمان :rolleyes2:

أنا فعلا أستغرب اللي أغلب وقته هناك وأكثر من مره ، الشي بزيادة يكون غير مقبول للنفس .

واحد من الربع كان في اليوم يخلص دلة من شاي الكرك لين نشف دمه :rolleyes2: واخرتها طلع عنده التهاب في القولون وأحد أسبابه كثرة تناول الشاي .

[النواخذة]

فراغ وماعندهم شغل

[النواخذة]

وين الشاي

[دااانة قطر]

ماافي أحلااا من كرك البيت

[jeep-srt8]

بصراحه ما يهدا بالي الا اشربلي ابو 4 قلاصات في اليوم واكثر

هي صارت نفس النظام عندنا عني يعني مافي شي نسويه ف صرنا معتبرين الكرك شي اساسي يعني انا لو في يوم انشغلت ومافضيت للكرك صدري يضيق والكرك يفتح نفسي ويفرفشين تخيلوا ههههههههههههههههه

الله يعين خوفي يسبب امراض والله الحافظ ان شاء الله

[الزعفراني]

بصراحه ما يهدا بالي الا اشربلي ابو 4 قلاصات في اليوم واكثر

هي صارت نفس النظام عندنا عني يعني مافي شي نسويه ف صرنا معتبرين الكرك شي اساسي يعني انا لو في يوم انشغلت ومافضيت للكرك صدري يضيق والكرك يفتح نفسي ويفرفشين تخيلوا ههههههههههههههههه

الله يعين خوفي يسبب امراض والله الحافظ ان شاء الله

ما عليك شر إن شاء الله .. شكلها علاقتك بالكرك أبديه ونفسيه دام يخليك تفرفش بعد الضيق :victory:

[الزعفراني]

ماافي أحلااا من كرك البيت

مب بس الكرك ، كل شي من البيت أحلى :victory:

[الزعفراني]

فراغ وماعندهم شغل


وين الشاي

تفضل :)

http://www.vb.fll2.com/storeimg/img_1296181412_270.jpeg

[الزعفراني]

والله بالدرجة الأولى "مزااااج" وهو أقرب لإدمان ــــــ> في رأي الشخصي

لا شك أن الموضوع مرتبط بالمزاج والكيف مثله تماما مثل شرب القهوة وغيره من المنبهات .

[الزعفراني]

صراحه انا ما اشوف كثرت الشاي له معنى مره في اليوم خارج البيت شيء طيب

يوم امر اطلب نص قلاص لايعه جبدي وبعد ما قمت اخذ كرك وايد قمت اغير

زنجبيل + شاي اخضر + شاي احمر مع نعناع

او اخذ لي ريد بول مع نعناع = عصير مافيا

وهي مش عاده اهي سالفة مافي جدول افتر افتر افتر نفس الشباب الي عند كرك النعيمي ووقت الشاي نفسهم عند كرك وجباتي نفس الاشكال هيا هيا

هههههههههههههههههههههههههههههههههههاي

تروح وتلف وترجع نفسهم رايحين رادين

تصدق احنا مربحين محطات البترول + الكرك

والحين المحل الي مولع واشوف اسعاره ضوى صراحه وعصيره كلش المحل الي في كتارا الي الشباب حوله وحواليه صراحه مبالغ في العصير اقل شيء 14 ريال واكثر شيء 16 وللعلم عصيره عاااااااااااااااااادي واقل من العادي

:nice:


كثرة ارتياد مثل أماكن الشاي اللي ذكرتها ، ظاهرة ملفته ولهذا طرحت الموضوع ، فهل هناك سر لهذا العشق ؟ مثل ماذكرت اللي تلقاهم عند النعيمي فجأة تلقاهم عند وقت الشاي ، وعلى نفس هالموال .

صحيح الموضوع له علاقة بالمزاج وأحيانا الفراغ وأحيانا مكان للالتقاء ، يعني يجمع بين الاعتياد على مثل هالشي وبين ظاهرة اصبحت منتشرة وجزء من المجتمع صحيح فيها من الايجابية ولكن بعد فيها من السلبية .

[بوخالد911]

تعديل مزاج
حب ووله
وشغف
وادمان

وأحلى كرك بنكهة الهيل بالصيف
وبنكهة الزنجبيل بالشتاء
:)

[الزعفراني]

للاسف الكثير من روادي الكرك لايهتم لا لشارع ولا لماره ويسبب ازدحام وان كلمته قام فور عليك

انا ساكن في حي وللاسف قريب مني محل يدعى وقت الشاي

واعاني كل يوم في الدخله والطلعه وان كلمت احدهم ولا هرنتله تشوف الحبيب يقول انزييييييييييييييييين

كانما عشان مزاجه تحترق الدنيا ولا هو مفتكر

والله عييييييييييييييب من الشباب وللاسف الطامه الكبرى تلاقي دورات مرور ولا الخويا والفزعه اتسكر الطريق عشان الكرك

فاذا الشرطي ما احترم الحق العام منو الي راح يحترم


تعبت وانا اراكض في البلديه في الشرطه في اي داهيه يسكرون محل الكرك الي حذا بيتي

لا وبعض الشباب يقوم يقلب شارعنا رالي عقب تعديل المزاج


ياناااااااااااس احترموا الحق العااااااااااام


(ممكن احد يعلمني السوات اشتكي عند من)

الله يعينك اخوي على هالازعاج .. بس عموما أبشرك في أخر لقاء لسعادة العميد الخرجي مدير المرور مع جريدة الراية ذكر انه فيه دراسة ومشروع لاغلاق محلات الشاي المنتشرة في محطات البترول ، لكن متى التنفيذ الله أعلم .

[بوخالد911]

وين الشاي

مخلوط مع المااااااااااااااااااي:nice::victory::victory::vic tory::nice:

[الزعفراني]

تعديل مزاج
حب ووله
وشغف
وادمان

وأحلى كرك بنكهة الهيل بالصيف
وبنكهة الزنجبيل بالشتاء
:)



فيه ناس يحبونه بحليب المراعي مب رينبو ، مدري جربت والا لا ؟ :)

[الزعفراني]

كلنا مدمنين كافيين ..نحصله من الشاي ..كرك ..قهوه ..كولا ..ألخ ..

جربو يوم كامل من غير كافيين ..وبتعرفون الفرق.

فرق ايجابي والا سلبي ؟

[الزعفراني]

انتشر الكرك بشكل كبير بالكم سنة الاخيرة كانها موضة وبصراحة ما اجوف في الموضوع مشكلة يشربون كرك ولا يشربون اشياء ثانية
على الرغم من ان اصله هندي ويقال انه مافي فايدة صحية لانه مطبوخ والله اعلم
حتى الاجانب صاروا يقبلون عليه ويحبون انهم يجربونه

اتفق وياج ، بل شرب الكرك أصبح من العادات اللي يتميز فيها الشعب في قطر ، وكثير من أخوانا في دول الخليج إذا يزورون قطر يسالون عن الكرك ومستغربين من التسميه ويكتشفون في الاخير انه شاي بالحليب :)

لكن الفرق في طريقة تحضيره .

[الزعفراني]

الكرك لذيذ ومزاج
لكن للأسف مضر جدا بالصحة ومن عرفت مضاره
قلت رغبتي فيه ..ما اشربه إلا في المناسبات ومتى ما انحط قدامي
صراحة ما أقدر أقاومه...
بس وأنا أشرب أتخيل المضار ونتائجه في جسمي ومعدتي ووزني...
الله يكفينا شره...
بالنسبة للكرك القديم أيام أبآئنا ماكان بهذه الدسومة والثقل..

شنهي مضاره لو تكرمتي ؟

أنا حقيقة توقفت عن شربه لأني اكتشفت انه يسبب لي بعض الآلام في القولون ونادرا ما أشربه . وإذا أضطريت وكنت مع حد من الاصدقاء استبدله بشاي سليماني او زعتر .

[الزعفراني]

مجرد عاده لااكثر ولااقل ,,

اتفق معاك اخوي بوعبدالله ، البعض حول هالعاده كنوع من العباده ان جاز التعبير وتلقاه يحضر هناك في اليوم 5 مرات ويمكن أكثر :)

[الزعفراني]

والله ماعنده سالفة مرة وحده تكفي
في بعضهم يرحون هناااك جووف موتري او جووف العبري وانتو فاهمين كلامي

التباهي بالمظاهر والكشخة ومن الكلام اللي ذكرته قد يكون سبب من الأسباب اللي ذكروها الاخوان في ردودهم السابقة .

تحياتي لك

[بوخالد911]

فيه ناس يحبونه بحليب المراعي مب رينبو ، مدري جربت والا لا ؟ :)

هلا


لا
ما جربت:eek5:

لو حضرتك جربته كيف الطعم؟:victory:

[الزعفراني]

يازين الكرك اللي عالفحم

الشاي العداني أو العدني ، يازينه في لشتاء :)

[الزعفراني]

هو مزاج.. كيف لما تشرب قهوة بمزاج.. الكرك هم له مزاج.. ومكان معين.. وما أصبح الصبح إلا بكرك.. هذي ثقافة ومن حنا صغار.. حلوة ثقافة..
مثل الكابتشينو للطليان..

لا تقليد ولا فراغ.. يمكن تكون للشباب تمضية وقت مع جمعه حلوه وسوالف.. أحسن من التفرقر في المجمعات..

من يوم صغار.. يعني من يوم وعينا على هذي الدنيا وحنا نشربه.. وتقولون تقليد وفراغ..
تدرون يوم صغار كنا نحطه على الثلج نحوله آيس كريم.. ( عسكريم ) .. يمكن إدمان.. لا بل إدمان.. لي أوقات معينه لشرب الكرك.. وأفضل إني ما أغير روتين الأوقات.. حتى ما يتكر المزاج.. لأن الكرك بالفعل مزاج..

ودمتم بحفظ الرحمن..

أميل أكثر إلى أنه أصبح جزء من ثقافة المجتمع هنا ، والتجمع بكثرة في أماكن تناول هذا الشاي ربما تعد من طقوس تناول هذا النوع من الشاي :)

اما بالنسبة لايسكريم شاي الكرك ، تفاجأت وانا ابحث ولقيت هالصوره

http://www.alnamoos.com/uploads/8/4/3/6/8436432/871947_orig.jpg


يعني ممكن الواحد يستغل الموضوع تجاريا وينتج نوع من الايسكريم بالكرك ، ويمكن يضيف عليه مجموعة من النكهات المتنوعة :)

يله بلشي في الموضوع :secret:

[زعبي]

أنا سعودي وطيحتوني بالكرك, صرت أسأل عليه أول ما أوصل قطر p:

[الزعفراني]

أنا سعودي وطيحتوني بالكرك, صرت أسأل عليه أول ما أوصل قطر p:

والنعم فيك اخو عزيز وغالي ، هاه اشرايك فيه ؟ :)

[حفيد الأنصار]

طيب دامكم مطيحين عند محلاتهم كذا
ليش ماتسوونه في البيت مثل الشاي العادي
افضل وانظف وكل شي

[intesar]

أميل أكثر إلى أنه أصبح جزء من ثقافة المجتمع هنا ، والتجمع بكثرة في أماكن تناول هذا الشاي ربما تعد من طقوس تناول هذا النوع من الشاي :)

اما بالنسبة لايسكريم شاي الكرك ، تفاجأت وانا ابحث ولقيت هالصوره

http://www.alnamoos.com/uploads/8/4/3/6/8436432/871947_orig.jpg


يعني ممكن الواحد يستغل الموضوع تجاريا وينتج نوع من الايسكريم بالكرك ، ويمكن يضيف عليه مجموعة من النكهات المتنوعة :)

يله بلشي في الموضوع :secret:

كنا نحطه بكلاسات وبالفريزر..:nice:
طعمه خيال..

[حفيد الأنصار]

مدري اذا هو اللي في بالي ويسمونه في السعودية ( الحجاز بالتحديد ) شاي عدني

[اليحصبي]

الحمد لله ما صرت اشرب كرك ،
وصرت اخذ كابتشينو
http://www.shooq4.com/vb/images/bb/11.png

[اليحصبي]

مدري اذا هو اللي في بالي ويسمونه في السعودية ( الحجاز بالتحديد ) شاي عدني


هو بزآتوو
http://www.shooq4.com/vb/images/bb/36.png

[زعبي]

والنعم فيك اخو عزيز وغالي ، هاه اشرايك فيه ؟ :) ما عليك زود.. الشاي عال عال بس أحسن واحد ذقته للأسف مو بمحل بمكتب ودي أمر عليهم بس عشان أشربه :nice:

[الزعفراني]

مدري اذا هو اللي في بالي ويسمونه في السعودية ( الحجاز بالتحديد ) شاي عدني

طريقة عمل شاي كرك

http://www.safeshare.tv/w/tVHqZYSaTh

هو نفسه بس العدني ينطبخ ع الفحم ، يكون مركز وع المزاج صح :)

[الـخـالـدي]

الكرك احسن من غيره .. وله لذه مايحس فيها الا راعي المزاج .. مخدرات مب كرك هههههههههه

[لاجل QT]

اشوفة امر عادى يعنى الواحد لين طلع مع رفيجة مرو يشربون شي يبل ريجهم تصرف طبيعي غير انة رخيـــص ومن باب الكرم بعد ان عازمة على مشروب..هذا الاشياء اللى يجعل الاقبال على محلات الكرك كبير

[دااانة قطر]

مب بس الكرك ، كل شي من البيت أحلى :victory:




أكيد كل شي في البيت أحلا وألذ
:nice:

[شبح الصمت]

اشوفة امر عادى يعنى الواحد لين طلع مع رفيجة مرو يشربون شي يبل ريجهم تصرف طبيعي غير انة رخيـــص ومن باب الكرم بعد ان عازمة على مشروب..هذا الاشياء اللى يجعل الاقبال على محلات الكرك كبير


صادقه اختي

يلا قم خلني اعزمك على كرك

تصدقين في ناس يجون سياح من دول الخليج اول ما ينزل يقول ودني اكرك ابي اكرك من كركم ههههههههههههاي

على طول جاي وجباتي وتحصلينهم ادمان يومياً من الصبح وهم في الفندق ياخي خلنا نروح نجيب لنا جاي وكرك :eek5:

حتى اهل الخليج صادهم ادمان

ترى حتى في البحرين شارع بوكواره كرك النعيمي زحمة مب طبيعية عليه توقفين تحصلين العالم كلن يمر ويوقف يكرك

:nice:

[لاجل QT]

صادقه اختي

يلا قم خلني اعزمك على كرك

تصدقين في ناس يجون سياح من دول الخليج اول ما ينزل يقول ودني اكرك ابي اكرك من كركم ههههههههههههاي

على طول جاي وجباتي وتحصلينهم ادمان يومياً من الصبح وهم في الفندق ياخي خلنا نروح نجيب لنا جاي وكرك :eek5:

حتى اهل الخليج صادهم ادمان

ترى حتى في البحرين شارع بوكواره كرك النعيمي زحمة مب طبيعية عليه توقفين تحصلين العالم كلن يمر ويوقف يكرك

:nice:

لاتحدونى اسوي محل كرك او اشتري بعير :nice:

[شبح الصمت]

لاتحدونى اسوي محل كرك او اشتري بعير :nice:




لا لا تكفين سوي لج محل كرك احسن

لانه مهب كل بعير بعير

لازم تعرفين من ابوه ومن امه وتعالي ولازم اكل خاص يعني عادي شهريا تقطين في بطنه قريب الـ 10 آلاف من علف وعسل لا طبيعي للعلم ما ياكل الا طبيعي

نفس مطايا الهجن مخاسير بس اسمها عطا الله

يعني يجي الخير من وراها

نصيحه محل كرك واقترح عليج تسوين قهوه عربية مع تمر اخلاص وبيعي التمر مع 3 فنجاين قهوه بـ 3 ريال وحطي لج ذاك المقهوي

وبعد لو تسوين علب حلوى عمانية وا بويا

من محل حكيم بعلب صغيره وتنباع وعقب يتقهوون اووف احس بتنباق فكرتي بس يلا عليه بالعافيه الي بيبوقها

:nice:

[دااانة قطر]

نصيحه محل كرك واقترح عليج تسوين قهوه عربية مع تمر اخلاص وبيعي التمر مع 3 فنجاين قهوه بـ 3 ريال وحطي لج ذاك المقهوي

وبعد لو تسوين علب حلوى عمانية وا بويا

من محل حكيم بعلب صغيره وتنباع وعقب يتقهوون اووف احس بتنباق فكرتي بس يلا عليه بالعافيه الي بيبوقها

:nice:




:nice::nice::nice:
خووض فكره بقتها خلاااص
اما المطاابخ الشعبيه لين رحت تااخذ طلبك يجيبون لك لقيماات وقهوه على كيف كيفك


:nice::nice::nice:

[شبح الصمت]

:nice::nice::nice:
خووض فكره بقتها خلاااص
اما المطاابخ الشعبيه لين رحت تااخذ طلبك يجيبون لك لقيماات وقهوه على كيف كيفك


:nice::nice::nice:

تستاهلين وصدقيني راح تمشي الفكره مليوون بالميه

وهالفكره كان يبيلها في كتارا تصير

لانه صج صج محلها

:nice:

[لاجل QT]

لا لا تكفين سوي لج محل كرك احسن

لانه مهب كل بعير بعير

لازم تعرفين من ابوه ومن امه وتعالي ولازم اكل خاص يعني عادي شهريا تقطين في بطنه قريب الـ 10 آلاف من علف وعسل لا طبيعي للعلم ما ياكل الا طبيعي

نفس مطايا الهجن مخاسير بس اسمها عطا الله

يعني يجي الخير من وراها

نصيحه محل كرك واقترح عليج تسوين قهوه عربية مع تمر اخلاص وبيعي التمر مع 3 فنجاين قهوه بـ 3 ريال وحطي لج ذاك المقهوي

وبعد لو تسوين علب حلوى عمانية وا بويا

من محل حكيم بعلب صغيره وتنباع وعقب يتقهوون اووف احس بتنباق فكرتي بس يلا عليه بالعافيه الي بيبوقها

:nice:

ليش انشالله 10 الاف معاشي احطة في بطن بعير عنة ماكل ...وين يقولون الجمل سفينة الصحراء يتحمل الجوع ...زين جذي دلعتو البعارين قامت تاكل اكثر من ودام البيت خربتو المقولة:(

[شبح الصمت]

ليش انشالله 10 الاف معاشي احطة في بطن بعير عنة ماكل ...وين يقولون الجمل سفينة الصحراء يتحمل الجوع ...زين جذي دلعتو البعارين قامت تاكل اكثر من ودام البيت خربتو المقولة:(



بعد

سفينة الصحراء لو انها عاديه

اما لو تشارك في سباقات لازم لها اكل خاص

ولا تنسين البيطري يعني مخاسير ما لها اول من تالي

بس خليها تجيب لج مركز يرووووووووووووووووووووووووووح سعرها فوق وثاني شيء اسمها في الخليج وراعيها اسمه ينذكر

وتنذكر مطيته



:)

[لاجل QT]

:nice::nice::nice:
خووض فكره بقتها خلاااص
اما المطاابخ الشعبيه لين رحت تااخذ طلبك يجيبون لك لقيماات وقهوه على كيف كيفك


:nice::nice::nice:

يمة من الحريم يبقون الكحل من العين :eek5:

خلاص دانة ندش شراكة محل شعبي في كتارا
كرك ومضروبة...

عاد كركنا غير بطعم النسكافية:)كل شي على بس راس المال والمحل عليج:nice:

[R 7 A L]

لاتحدونى اسوي محل كرك او اشتري بعير :nice:




:rolleyes2:


اه ياراسي
:rolleyes2:
شلون ماقدر


بعير تحلبونه :rolleyes2:



البعير يطلق على الذكر :weeping:


راحوا الطيبين :(

[الأصيلة]

شنهي مضاره لو تكرمتي ؟

أنا حقيقة توقفت عن شربه لأني اكتشفت انه يسبب لي بعض الآلام في القولون ونادرا ما أشربه . وإذا أضطريت وكنت مع حد من الاصدقاء استبدله بشاي سليماني او زعتر .

أحد الأطباء قال صبي شوي منه على ورقة وحطي عليها ورقة ثانية
شوفيها شلون تلزق مثل الصمغ فهو يسوي تلصقات بالمعده..
دكتور المعدة قال الشاي الأحمر لما يغلى يصبح خطر..
لو كان فعلا ضروري تشربون الكرك ممكن بس ماي حار وشاي يوضع بالماء بدون غلي وشوي حليب..
ونصحني أبدل الحليب أبو قوس الرينبو أو ماشابهه
بحليب طازج ...وأحط شاي قد ما أقدر بدون غلي...
بعدين قال خطر جدا على المعدة الفاضية يسبب التهابات القولون...
بالإضافة إلى المواد الحافظة وطريقة التخزين الخاطئة...

[kuwari]

في احلى من الكرك كفاية طرجة الحرارة خمسين والناس تكرك

[الملا]

http://www.dohaup.com/up/2012-06-24/admin884428224.jpg

[مرتبش]

عادة
وتغيير جو

[M!$s ĀŁ!eN]

الكرك مشروب روحي
لدى القطرين فديتنا
مشروب متوفر في كل فصول الصيف
ولذيذ

عنده نكهات
منها بماي الورد
بالهيل
بنسكافيه
لا مااقدر ابشرب وبرجع لكم

[باراكودا]

السر في الروابط التي تربطنا بالشعب الهندي الطيب منذ عقود طويلة .

[محمد 93]

معقوله كل هذه المحلات المتخصصه بعمل الكرك بفريج العزيزية ؟؟؟



1- شاي الخليج
2- كرك النعيمي
3- تذكار كافيه
4-وقت الشاي
5- برق السلام
6-عمر الخيام
7- مطعم السفير
8-مطعم قصر الجواهر



كل هذا بالعزيزية واحسن كرك وبدون مجامله (شاي الخليج :nice:)

[الزعفراني]

أحد الأطباء قال صبي شوي منه على ورقة وحطي عليها ورقة ثانية
شوفيها شلون تلزق مثل الصمغ فهو يسوي تلصقات بالمعده..
دكتور المعدة قال الشاي الأحمر لما يغلى يصبح خطر..
لو كان فعلا ضروري تشربون الكرك ممكن بس ماي حار وشاي يوضع بالماء بدون غلي وشوي حليب..
ونصحني أبدل الحليب أبو قوس الرينبو أو ماشابهه
بحليب طازج ...وأحط شاي قد ما أقدر بدون غلي...
بعدين قال خطر جدا على المعدة الفاضية يسبب التهابات القولون...
بالإضافة إلى المواد الحافظة وطريقة التخزين الخاطئة...

شكرا لج على هذه المعلومات .

نسخة إلى مدمني شرب الشاي بكثره .

[لاجل QT]

:rolleyes2:


اه ياراسي
:rolleyes2:
شلون ماقدر


بعير تحلبونه :rolleyes2:



البعير يطلق على الذكر :weeping:


راحوا الطيبين :(

اشدخل :anger1:

ادري ان البعير ذكر:anger1:

والنثية ناقة:p

ولدهم الحوار:nice:

رحال شوفلي بعير منى مناك ب 3000 ريال بازغطة لين يستوى ديناصور:nice:

[eqahtani]

بريال ارخص شي في الدوحة
خل كوستا بريال بتشوف الزحمه

[الزعفراني]

بريال ارخص شي في الدوحة
خل كوستا بريال بتشوف الزحمه

لووول .. بس الكرك في كتارا بـ 3 ريالات والعالم ضرب مضارب ! بعد رخيص صح ؟ مقارنة بكوستا :rolleyes2:

[مثير للجدل]

مع العالم

[الزعفراني]

مع العالم

شكرا لك

[الزعفراني]

سريع التحضير، سهل الحصول عليه، رخيص، يعدل المزاج، سريع الشرب

شكرا لك وكلامك صحيح

[الزعفراني]

هي عاده والحمد لله انه عاده طيبه ومافيه حرام

الحمدلله

[الزعفراني]

والله الكرك صار حتى بالبيت ولع

اول ما نقو م من النوم نبدا الطقوس للكرك الا صرنا نتفنن به وبالمقادير والابريق اتراثي والاكواب الزجاجيه الخاصه بالكرك


الله وبالشتاء نطبخه طبخ على الضوووووء ويكون له نكهة الشتاء الخاصه وهات يا كرررررك

مافي احلى من شغل البيت ، وحلو العادة ذي اللي ماشين عليها :)

[سكتون]

سبحان الله
انا ماحبه ويمكن في الشهر اشرب مره وبعض الاحيان قبل لا اروح الدوام اشرب شوي عن خاطر الوالده الصبح
وعندي اخوي تلوع كبده لو شافه الله يعز النعمه

[زعبي]

سبحان الله
انا ماحبه ويمكن في الشهر اشرب مره وبعض الاحيان قبل لا اروح الدوام اشرب شوي عن خاطر الوالده الصبح
وعندي اخوي تلوع كبده لو شافه الله يعز النعمه
قالت عائشة رضي الله عنها

(ماعاب رسول الله صلى الله عليه وسلم طعاما قط ان اشتهاه اكله وان لم يشتهيه تركه)

[قطرية مثقفة]

بصراحه ما يهدا بالي الا اشربلي ابو 4 قلاصات في اليوم واكثر

هي صارت نفس النظام عندنا عني يعني مافي شي نسويه ف صرنا معتبرين الكرك شي اساسي يعني انا لو في يوم انشغلت ومافضيت للكرك صدري يضيق والكرك يفتح نفسي ويفرفشين تخيلوا ههههههههههههههههه

الله يعين خوفي يسبب امراض والله الحافظ ان شاء الله

يحليلكم والله مدمنين من قلب :nice:

[قطرية مثقفة]

صادقه اختي

يلا قم خلني اعزمك على كرك

تصدقين في ناس يجون سياح من دول الخليج اول ما ينزل يقول ودني اكرك ابي اكرك من كركم ههههههههههههاي

على طول جاي وجباتي وتحصلينهم ادمان يومياً من الصبح وهم في الفندق ياخي خلنا نروح نجيب لنا جاي وكرك :eek5:

حتى اهل الخليج صادهم ادمان

ترى حتى في البحرين شارع بوكواره كرك النعيمي زحمة مب طبيعية عليه توقفين تحصلين العالم كلن يمر ويوقف يكرك

:nice:

والله صاج أجوف هل البحرين تعادوا منه وصاروا يكركوووون :) :)

[الزعفراني]

مساء الكرك :)

[الزعفراني]

http://www.dohaup.com/up/2009-02-15/dohaup_198306037.jpg

[عزووز قطر]

http://www.dohaup.com/up/2009-02-15/dohaup_198306037.jpg


طيحته بخاطري يالزعفراني :anger1:

[مدرسة]

سحر مرة وحدة !!:omg:

بصراحة احنا مدمنين كرك ! بس كرك منزلي ااسويه انا او الشغالات بالبيت و صار عندي و عند عيالي تقليد عائلي:nice:
لو جو العصر ما حصلوه تصير أزمة بالبيت الكل يسأل من قضى على دلة الكرك ..:anger1:
مال المطاعم مادرينا عنه بس أتخيل على وصاخة الهنود الغوري لو يتم شهر ما غسلوه :secret:!

[مهرة]

سحر مرة وحدة !!:omg:

بصراحة احنا مدمنين كرك ! بس كرك منزلي ااسويه انا او الشغالات بالبيت و صار عندي و عند عيالي تقليد عائلي:nice:
لو جو العصر ما حصلوه تصير أزمة بالبيت الكل يسأل من قضى على دلة الكرك ..:anger1:
مال المطاعم مادرينا عنه بس أتخيل على وصاخة الهنود الغوري لو يتم شهر ما غسلوه :secret:!


صادقة اختي وماخفي كان أعظم بس بعد شبابنا بيحبووونه وبيتموون يشربوونه:rolleyes2:

[عبدالعزيز الهتمي]

كرك بالزعفران ماله حل :nice:

[خليفـة]

الكرك في نظري له ثلاث أوقات لا يُعلى عليها :

الصبح مع الريوق
العصاري بعد المقيال
تالي الليل اثناء الجلسة مع الربع


عن اذنكم .. رايح اخذ لي كرك
:nice:

خليفـــة

[كتكوت الوحش]

على الأقل أحسن من الهيروين …

:secret:
بل والعياذ بالله

[كتكوت الوحش]

سبحان الله
انا ماحبه ويمكن في الشهر اشرب مره وبعض الاحيان قبل لا اروح الدوام اشرب شوي عن خاطر الوالده الصبح
وعندي اخوي تلوع كبده لو شافه الله يعز النعمه

نفسك وابتعد عنه نهائيا واحاول اتجنبة
هو سبب حرقة المعده

[ام ناصر1]

يجند الراس ( حشى قدو ) ، وللتسلية...
انا كنت اطلب من الفراش يسوي لي كرك على طريقة الهنود ..لين يستوي فيه زباد مع سكر خفيف
يات لنا موظفه تركيه ...ابلشتنا ...ايش هاي الي تشربونه ....والخ
لين عودتنا على القهوة التركي وبدون سكر ...والشاي وبدون سكر ...والماي صودا

[بصمة قطرية]

تعود لا أكثر ..
الحمدلله ما أحب الا كرك البيت
عمري ما حبيت كرك برع ..!!!
من صغرنا تعودنا نشرب الكرك
بالنسبة لي اذا ما شربته اول ما اقعد من النوم أصدع
لأني تعودت ..
و الحين عيالي تعودوا على هالشي
كرك البيت مش المعاصر يعني بدون هيروين :tease::secret:
في ناس تفك الريق على بلاك كوفي
وفي ناس لازم ثلاث دلال قهوة عربية ..!!!