تنزيلات + بضاعة فاشلة = نصب ..!!

[qatarman8008]

وين بضاعتك اللي عليها تنزيلات ؟؟
هذي بضاعتك اللي صار لها اكثر من سنه ما انباعت .. تحطها لي وتقول تنزيلات ..؟؟
هذي بقايا بضاعتك القديمة. . اللي مافيها مقاسات ولا اشكال ولا كواليتي حتى ..!!
هذي يسمونها اوت ليت .. تنباع بربع السعر .. هذا مب تنزيلات ..!!
حط تنزيلات على بضاعتك العادية المعروضة اللي توها نازلة .. وبسكم نصب عالعالم ..

[ريماس الغلا]

صدقت


بس يا ريتك ذكرت لنا اسماء المحال التجاريه تلك

[OM_OMAR_QATAR]

انا شخصياً تنزيلاتي على اي جديد يجي واوائل الطلبات ..
ولما يبقى اواخر الوجبة بعد اسوي عليها تخفيض من باب التعجيل بالوجبة الجديدة ..

و مو كل اصابعك سوة اخوي

[الجني]

التنزيلات طول عمرها لتصريف البضاعة القديمة

في كل مكان في العالم تباع الملابس الصيفية بالتنزيلات في مع حلول فصل الشتاء و العكس

و في السوبر ماركت يسوون عروض اشتري واحد و احصل على ثاني ببلاش قبل انتهاء صلاحية المنتج

[بريق الحق]

اي والله كلام فااضي الصراحة محد يشتري ويسون لك تنزيلات واخر شي نفس السعر لم تشتري الاثنين محد ماكلها الا احنا

[أسير الأحلام]

تصدقون في محل من المحلات صار لها 10 سنين يسوي تصفية نهائية كل 6 شهور وللحين ما صفى بضاعته .. اين التنزيلات و غيرها من الخدع التي باتت لا تنطلي ألا على المساكين الي ما يعرفون الأسعار وينضحك عليهم بتنزيلات على بضاعة لم تجد من يشتريها في وقتها وبالتالي يطبق التاجر المثل الي يقول " نص العمى ولا العمى كله " بمعنى ان يرضى باللقليل من الربح وليس الخسارة .. علشان ما اطيح في كبدهم البضاعة ويخسرون قيمتها بالكامل .. و عظم الله اجركم يا إدارة حماية التاجر من المستهلك ...

[راشد محمد]

التنزيلات طول عمرها لتصريف البضاعة القديمة

في كل مكان في العالم تباع الملابس الصيفية بالتنزيلات في مع حلول فصل الشتاء و العكس

و في السوبر ماركت يسوون عروض اشتري واحد و احصل على ثاني ببلاش قبل انتهاء صلاحية المنتج

:nice: صحيح

[كازانوفا]

في بعض التجار وحرام انعمم
ما عندهم لا ذمه ولا ضميرر
فلذلك ابعد عنهم

[fhd4]

معروف ان التنزيلات دائما على البضائع القديمة … او قبل ماتنزل البضائع الجديدة في السوق …

اذا راح ينزل سعر البضائع القديمة وفي نفس الوقت يحط تنزيلات على البضائع الجديدة شلون بيربح …

على العموم عندنا نادر ما تكون التنزيلات حتى على البضائع القديمة حقيقية … حتى في هذي قاصين علينا …

[بوحمد111]

تنزيلات

كلام فاضي ولا اقصد الكل ولكن بنسبة كبيره جدا

ويازين تنزيلا اوروبا على احدث الموديلات والصيحات

[الخط الساخن]

انا رحت محل من المحلات المشهورة في قطر ابي اشتري شئ من عندهم قالي 4,500 نهائي

رحت فرع ثاني وعندي كربون خصم 35 % قلتله كم سعر هاي مع الخصم 35% ورويته الكوبون الحبيب قالي 4,300

قلتله مايصير شلون تقول سعرها 4500 وبعد الخصم 35% تطلع 4300 قالي السعر الأصلي 5800 بس اي زبون يجي نعطيه خصم 4500 واللي معاه كوبون 4300 شهالمصخرة

[الزعفراني]

صحيح كلامك ، والمفروض الأسعار تكون في الحضيض بحكم ان المعروض عبارة عن ستوكات وبضاعة قديمة .

[@north_star@]

أولا معظم التنزيلات كذب في كذب وعلى الاغلب تشوف سعر البضاعه قبل الخصم على سبيل المثال 100 ريال وبأيام التنزيلات تحصلهم كاتبين 120 وخصم من 20الى 50% والبضاعه من ايام الغوص ..

وثانيا البضاعه الجديدة او الموديلات الجديدة ما عليها ولا ريال خصم وتحصل بس البضاعه الي نسميها dead stock يعني البضاعة الميتة وبأسعار غالية

[qatarman8008]

أولا معظم التنزيلات كذب في كذب وعلى الاغلب تشوف سعر البضاعه قبل الخصم على سبيل المثال 100 ريال وبأيام التنزيلات تحصلهم كاتبين 120 وخصم من 20الى 50% والبضاعه من ايام الغوص ..

وثانيا البضاعه الجديدة او الموديلات الجديدة ما عليها ولا ريال خصم وتحصل بس البضاعه الي نسميها dead stock يعني البضاعة الميتة وبأسعار غالية

:victory: :telephone:

[kuwari]

ذكرتني بمحل اديداس