حد متأذي من مركز سلوى ولا بس انا الوحيد في العالم ؟!!

[همر]

السلام عليكم


اول مره وعديناها..

ثاني مره وبلعناها..

ثالث مره !!!! لاااااا السالفه مصخت..



الموضوع الله يسلمكم اني للمره الثالثه الاسبوع اللي طاف امر على مركز سلوى بدون مشاكل.. المشكله لي وصلت المركز اللي بعده.. سواء جسر الملك فهد او مركز البطحا.. يعطيك موظف الجوازات السؤال اللي تحس من وراه مشكله..

انت داخل بالجواز ولا بالبطاقه ؟!! اياً كان الجواب يقولك ما سجلوك في الكمبيوتر وانت داخل السعوديه في مركز سلوى.. انزل بارك الله فيك صف سيارتك على جنب واجحت في هالجو الحلو لي مكتب الجوازات وخل يسجلونك بعدين ارجع لي !!!

الحين ابفهم.. شلون واحد يدخل بلاد بدون ما يسجله الموظف في الكمبيوتر ؟!!

مافي اجراءات امنيه ؟!!

المره الثالثه طفح الكيل وسألت موظف الجسر شسالفه.. قالي الموظف اللي في سلوى ما سجلك في الكمبيوتر.. قلت شلون يعني دخلني تهريب ؟!! قال لا سجلك يدوي !! شلون بعد يدوي هذي !!! قال ما يدخل بياناتك في الكمبيوتر..

مافهت شلون يصير الموضوع المهم السؤال اللي يبطح نفسه .. طيب ليش ما يسجلني في الكمبيوتر ؟؟

واذا بالجواب الصاعق الحارق .... يقول لي : كسل !!!

نعم ؟!! انا اتلته في كل مركز وانزل واتبهدل عشان حضراتهم متعايزين يدخلون بياناتي في الكمبيوتر ؟!!

قال الله يعينك .. عندنا مشكله في مركز سلوى ومركز الخفجي .. هذي حركاتهم..

بس خاطري اعرف حد صار له نفس الموقف؟!!

وليش هالكلام صاير بعد سنيييييين من الروحات والجيات ولا عمرهم عطلوني في مركز ولا صارت لي مشكله معاهم من قبل ؟!!

وشلون الواحد يتصرف ؟!! اخاف امر هالخميس مع العيال اقول له سجلني في الكمبيوتر الله لا يهينك مايعجبه كلامي و يخسس فيني زود !!!

حبايبنا السعوديين .. وش الدبره ؟!!

[اليحصبي]

كسـل !! ، عبيط جداّ

[الريبال]

الموضوع الله يسلمك كله كسل في كسل

انت لما تدخل السعودية وبالذات في وقت الزحمة الموظف يقلّب الجوازات ويختم ورقة الجمارك على اساس اللي يسافرون بالذات في اجازة الاسبوع مايروحون برى السعودية يعني السعودية ورادّين. فإيش يصير ؟ الموظفين الاخرين في نفس المركز لما تجي تبي ترجع قطر يشيّك اذا انت مسجل سجّلك خروج أما اذا مب مسجّل فالله يحفظك .. يعني كأنك مادشيت السعودية أصلاً .. إلا أنت رسميّاً مادشيت السعودية.
عشان كذا يقولون لك اللي في مراكز الحدود الأخرى أنت مب مسجّل.

المهم .. يعني يابلفيت انهم يسهلون حركة المسافرين اوقات الزحمة .. مايسجلونهم دخول :eek5:

[بوخالد911]

قدم شكوى عليهم

والله يسهل علييكم

[البدع]

حصلت معاي نفس المشكلة وانا رايح الكويت العام

[رجل الجزيرة]

طال عمرك لازم تروح تقابل لضابط الجوازات في مركز سلوى وتعلمه بالضبط ويش إلي صار وهو أكيد بيكلم موظفين الجوازات علشان يسجلونك.
أنا والحمد لله أكثر من مرة وأنا أروح لمركز بطحاء ولا نزلوني.

[الجني]

سافر بالجواز أخوي و خله يختم و شوف الختم بعيونك

أنا عمري ما سفرت الا و الجواز معي

إبتسم أنت في الوطن العربي أخوي

[كبير المتداولين]

صارت معي نفس المشكله يقولي ماسجلوك بالكمبيوتر بحدود سلوى مع اني كنت مسافر بالجواز



الموضوع لاعانه من الموظفين بسلوى

[البدع]

سافر بالجواز أخوي و خله يختم و شوف الختم بعيونك

أنا عمري ما سفرت الا و الجواز معي

إبتسم أنت في الوطن العربي أخوي

الجواز القطري ماينختم على حدود دول مجلس التعاون

ايام الختم راحت

[حسن]

الجواز القطري ماينختم على حدود دول مجلس التعاون

ايام الختم راحت

من يقولك مركز الغويفات هو اللي يختم في الجواز
بعدين عادري كم مره وانا طالع من البطحاء الى الامارات اعطيه الجوازات يقولي عنطي الورقه اختملك وتوكل على الله ولا يبطل اي جواز يعجبني الصراحه والبوابه ماتلقى فيها اي قطو دربك خظر قال ختم

[QTR-1978]

صارت لي مرتين فالسعوديه ومره في مركز الغويفات

[الـخـالـدي]

الله يعينك

[faisalqatar]

انا صارت معاي في جمارك الدوحه
يعني ادخل الدوحه ومايسجلون اني دخلت ولما اسافر مرة ثانية يقولون لي انت ليحين في السعودية

طبعا تنبط جبدك و ودك اتسب بس لو اتفكر فيها تراهم دوم مضغوطين ولا اتلومهم

اما جمارك السعودية لعبتهم يبهدلونك

اتحصل لك واحد حاط كرسي و قاعد اتشوفه عبالك ناطور ولما اتطنش له واتمر يهاوشك ويطلع هاي المفتش هههههههههههه

حبايبنا السعوديين :p

[همر]

كسـل !! ، عبيط جداّ


الله المستعان




الموضوع الله يسلمك كله كسل في كسل

انت لما تدخل السعودية وبالذات في وقت الزحمة الموظف يقلّب الجوازات ويختم ورقة الجمارك على اساس اللي يسافرون بالذات في اجازة الاسبوع مايروحون برى السعودية يعني السعودية ورادّين. فإيش يصير ؟ الموظفين الاخرين في نفس المركز لما تجي تبي ترجع قطر يشيّك اذا انت مسجل سجّلك خروج أما اذا مب مسجّل فالله يحفظك .. يعني كأنك مادشيت السعودية أصلاً .. إلا أنت رسميّاً مادشيت السعودية.
عشان كذا يقولون لك اللي في مراكز الحدود الأخرى أنت مب مسجّل.

المهم .. يعني يابلفيت انهم يسهلون حركة المسافرين اوقات الزحمة .. مايسجلونهم دخول :eek5:



هذا اللي فهمته.. بس جذيه لا سمح الله صارت جريمه ولا مشكله ولا حادث.. يطلع الرجال مش موجود في السعوديه اصلا !! يعني اروح اذبح لي واحد وارجع الدوحه لو طابع بصماتي في وجهه تعال اثبت اني دخلت السعوديه !!!




قدم شكوى عليهم

والله يسهل علييكم


القصه الله يسلمك مانبي نشيشهم علينا.. بدال مايتعدل الوضع تزيد الطين بله..





حصلت معاي نفس المشكلة وانا رايح الكويت العام


عمرها ماصارت لي الا من شهرين بس




طال عمرك لازم تروح تقابل لضابط الجوازات في مركز سلوى وتعلمه بالضبط ويش إلي صار وهو أكيد بيكلم موظفين الجوازات علشان يسجلونك.
أنا والحمد لله أكثر من مرة وأنا أروح لمركز بطحاء ولا نزلوني.


المشكله ان المشكله ماتصيدك في سلوى.. سلوى سبب المشكله بس ماتدري بها الا في المركز الثاني .. عاد بترجع تشتكي عقب الهنا بسنه.. تعال اذكر له الوقت .. واسم الموظف اللي ماسجلك.. انت حتى شكله ماتشوفه عدل من ورى الشباك.. ماغير يده طالعه وراجعه..





سافر بالجواز أخوي و خله يختم و شوف الختم بعيونك

أنا عمري ما سفرت الا و الجواز معي

إبتسم أنت في الوطن العربي أخوي



اول مره قلت يمكن من البطاقه.. خلني المره الثانيه اطلع بالجواز.. ونفس المشكله .. يفتح الجواز يشوف الاسم في الكمبيوتر يختم ورقة الجمارك ويقولك توكل.. والمره الثالثه للتأكيد طلعت بالجواز ونفس الحكايه...




صارت معي نفس المشكله يقولي ماسجلوك بالكمبيوتر بحدود سلوى مع اني كنت مسافر بالجواز



الموضوع لاعانه من الموظفين بسلوى


أريد حلاً !! :weeping:




الجواز القطري ماينختم على حدود دول مجلس التعاون

ايام الختم راحت


اختموا لي اياه في جوازات البحرين.. لو ما اكتب من الايباد كان صورت الختم وطرشته لكم.. بس في السعوديه مايختمون..





من يقولك مركز الغويفات هو اللي يختم في الجواز
بعدين عادري كم مره وانا طالع من البطحاء الى الامارات اعطيه الجوازات يقولي عنطي الورقه اختملك وتوكل على الله ولا يبطل اي جواز يعجبني الصراحه والبوابه ماتلقى فيها اي قطو دربك خظر قال ختم


موظفين سلوى اللي صادفوك نشيطين الظاهر..




صارت لي مرتين فالسعوديه ومره في مركز الغويفات


جوازات الكترونيه وتشبات وبطاقات ذكيه وكل ماله الوضع يتردى !!!

عاش خليجنا الواحد...

[ابوالعبد]

ههههههههه عادي بسيطه ابتسم فأنت في سلوى ياحبيبي لاتلومهم تلاقيهم متمللين

وظغط عليهم

[بعيد المرامع]

تصير تصير:ok:

حتى في منفذ بوسمرة ، فيه اخوان بالمنتدى ماسجلو لهم دخول لقطر ، يعني لازالو داخلين السعودية

يعني الوضع صاير من الجهتين ، عشان ماتقولون متحاملين عليكم بس ، لان البعض عايش حياة مؤامرة يحسب العالم يترصدون له ، وهم ولا طقو له خبر :nice:

عالعموم ، منفذ سلوى ، يبيله انتباه اكثر ، لان نسبة المسافرين زادو ، خصوصا انها المنفذ الوحيد لاهل قطر ، والدوحة تعتبر قريبة من المنفذ ، لذلك السفر خصوصا بالويكند صاير اضعاف اضعاف السابق

واللي اشوفه انه فيه تحسينات وتوسعات شغالين عليها لحد الحين بالمنفذ ،

وصاحب الموضوع ، اعتذر لك بالنيابة ، وسامحنا على القصور

[AL-MAYSTRO]

دائما هكذا :)
ولاعليك سواء الصبر

[الخزرجي قطر]

انا اتردد على مركز سلوى باستمرار وماصادفتني مثل هذه المشكله
استخدم البطاقه في السفر وتقراء المعلومات اليا ... ان شاءالله تتسهل امورك

[عليه العوض]

السلام عليكم


اول مره وعديناها..

ثاني مره وبلعناها..

ثالث مره !!!! لاااااا السالفه مصخت..



الموضوع الله يسلمكم اني للمره الثالثه الاسبوع اللي طاف امر على مركز سلوى بدون مشاكل.. المشكله لي وصلت المركز اللي بعده.. سواء جسر الملك فهد او مركز البطحا.. يعطيك موظف الجوازات السؤال اللي تحس من وراه مشكله..

انت داخل بالجواز ولا بالبطاقه ؟!! اياً كان الجواب يقولك ما سجلوك في الكمبيوتر وانت داخل السعوديه في مركز سلوى.. انزل بارك الله فيك صف سيارتك على جنب واجحت في هالجو الحلو لي مكتب الجوازات وخل يسجلونك بعدين ارجع لي !!!

الحين ابفهم.. شلون واحد يدخل بلاد بدون ما يسجله الموظف في الكمبيوتر ؟!!

مافي اجراءات امنيه ؟!!

المره الثالثه طفح الكيل وسألت موظف الجسر شسالفه.. قالي الموظف اللي في سلوى ما سجلك في الكمبيوتر.. قلت شلون يعني دخلني تهريب ؟!! قال لا سجلك يدوي !! شلون بعد يدوي هذي !!! قال ما يدخل بياناتك في الكمبيوتر..

مافهت شلون يصير الموضوع المهم السؤال اللي يبطح نفسه .. طيب ليش ما يسجلني في الكمبيوتر ؟؟

واذا بالجواب الصاعق الحارق .... يقول لي : كسل !!!

نعم ؟!! انا اتلته في كل مركز وانزل واتبهدل عشان حضراتهم متعايزين يدخلون بياناتي في الكمبيوتر ؟!!

قال الله يعينك .. عندنا مشكله في مركز سلوى ومركز الخفجي .. هذي حركاتهم..

بس خاطري اعرف حد صار له نفس الموقف؟!!

وليش هالكلام صاير بعد سنيييييين من الروحات والجيات ولا عمرهم عطلوني في مركز ولا صارت لي مشكله معاهم من قبل ؟!!

وشلون الواحد يتصرف ؟!! اخاف امر هالخميس مع العيال اقول له سجلني في الكمبيوتر الله لا يهينك مايعجبه كلامي و يخسس فيني زود !!!

حبايبنا السعوديين .. وش الدبره ؟!!


انا سارت فيني مره دخلت المركز وما اشوف احد داخل الكبينه الي امامي اتلفت اشوف احد وتميت ماشي حتى لا حظت واحد في الكبينه الي عكس الاتجاه وهوشايفني ادور على احد في الكبينه الي امامي حق الخروج وبعدها ناداني بعد ماشاف اني كنت خارج وكان زعلان ليه بقوله ليش ما تشوف و تبي تخرج بدون انا ان تعمل الاجراء الظاهر فيهم كسل وتواكل على بعضهم

[متابع عن قرب]

نصف أهل المنتدى مازالوا رسميا داخل الاراضي السعودية لأنهم لم يسجلوا خروج

وهذا عادي

لكن انك تكون خارج السعودية وانت داخل فهذا شغل مش حالك

وليست غريبة على سلوى في ظل غياب الرقابة والمحاسبة*

[همر]

ههههههههه عادي بسيطه ابتسم فأنت في سلوى ياحبيبي لاتلومهم تلاقيهم متمللين

وظغط عليهم



مره من المرات انا واصل دايركت عالشباك مافي زحمه !!!





تصير تصير:ok:

حتى في منفذ بوسمرة ، فيه اخوان بالمنتدى ماسجلو لهم دخول لقطر ، يعني لازالو داخلين السعودية

يعني الوضع صاير من الجهتين ، عشان ماتقولون متحاملين عليكم بس ، لان البعض عايش حياة مؤامرة يحسب العالم يترصدون له ، وهم ولا طقو له خبر :nice:

عالعموم ، منفذ سلوى ، يبيله انتباه اكثر ، لان نسبة المسافرين زادو ، خصوصا انها المنفذ الوحيد لاهل قطر ، والدوحة تعتبر قريبة من المنفذ ، لذلك السفر خصوصا بالويكند صاير اضعاف اضعاف السابق

واللي اشوفه انه فيه تحسينات وتوسعات شغالين عليها لحد الحين بالمنفذ ،

وصاحب الموضوع ، اعتذر لك بالنيابة ، وسامحنا على القصور



مسموح يالغالي والموضوع مايتعدا عتب بين الاخوان لا نظرية مؤامره ولا شي.. بس الظاهر من كلامك ان السالفه صارت مناحس بين المراكز الله يهديهم ويطيح فيها المسافرين ..

الموضوع يبيله وقفه جاده من مسؤولين المركزين ولا لازم ننتظر تصير مشكله عشان يشددون الاجراءات؟!!





دائما هكذا :)
ولاعليك سواء الصبر


الله المستعان





انا اتردد على مركز سلوى باستمرار وماصادفتني مثل هذه المشكله
استخدم البطاقه في السفر وتقراء المعلومات اليا ... ان شاءالله تتسهل امورك



اشهد انهم مايقصرون.. 14 سنه وانا اعبر الحدود رايح جاي ماقط صارت لي الا في الفتره الاخيره...




انا سارت فيني مره دخلت المركز وما اشوف احد داخل الكبينه الي امامي اتلفت اشوف احد وتميت ماشي حتى لا حظت واحد في الكبينه الي عكس الاتجاه وهوشايفني ادور على احد في الكبينه الي امامي حق الخروج وبعدها ناداني بعد ماشاف اني كنت خارج وكان زعلان ليه بقوله ليش ما تشوف و تبي تخرج بدون انا ان تعمل الاجراء الظاهر فيهم كسل وتواكل على بعضهم



الموضوع مثل ماقالوا الاخوان ضغط عمل.. مالومهم تخيل تضرب خط ساعتين ثلاث يوميا للدوام .. مره وصلت البطحا ومحد في الكابينه قعدت انتظر وانتظر محد طلع.. جان ادق هرن،. قلت يمكن الرجال قاعد يريح بمكان يوم ان المركز فاضي انبهه .. جان يطلع يتحلطم وانتوا ماتقدرون ولا تعطون الواحد فرصه يصلي.. اعتذرت له شاسوي .. مع ان المفروض اذا بتترك الكابينه خذ راحتك بس على الاقل حد بمكانك ..




نصف أهل المنتدى مازالوا رسميا داخل الاراضي السعودية لأنهم لم يسجلوا خروج

وهذا عادي

لكن انك تكون خارج السعودية وانت داخل فهذا شغل مش حالك

وليست غريبة على سلوى في ظل غياب الرقابة والمحاسبة*



اذا الوضع من الصوبين بهالطريقه ماينلامون.. تخاف تتكلم يطنقرون عليك..

بنشوف اش بيصير هالخميس :weeping:

[مشتاقة لقطر]

حتى بمطار الدوحة

اخر مرة دخلت قطر تقول الموظفة مب مسجليني خروج

ونادت الضابط ورتب لي الموضوع

[باراكودا]

حصلت معاى قبل سنتين على الجسر ونزلت من سيارتي حسب طلب الجانب البحريني
وتم الاتصال بالمركز السعودي وحلوا مشكلتي في خمس دقايق ومن خلال الاتصال الهاتفي .