تبي اترجع حقك بدون حماية مستهلك تفضل هذا الحل

[قطر9111]

بسم الله الرحمن الرحيم
شفت مواضيع كثيرة وهي شكاوي الناس على المحلات التجارية ووكالات السيارت
ومحلات الجوالات

ولو كل واحد من الي كتب موضوعه سالته ايش سويت بيقول اتصلت في حماية المستهلك وانتظر الرد ولين الحين ينتظر الرد من سنة

انكون واقعيين بمنطق هل حماية المستهلك يقدر يغطي كل الشكاوي الي تم الابلاغ عنها !!!!

لاسف الاجابة بتكون لا

مو قصور فيهم بالعكس هم موظفين وعليهم عبئ كبير ماراح يقدرون يغطون كل المشاكل الي يتقدم فيها المشتكي ولكن بيغطون الي يقدرون عليه والمواضيع العامه الي تشمل الجميع بشكل كبير

ولو رجعنه للشكاوي المكتوبه بنحصل انه احنا كلنا سبب المشكلة
لا تستغربون من الاجابة نعم احنا الي فينا المشكلة مو حماية المستهلك

لان الي تعرض للاستغلال سكت عن حقه وقال انا اتصلت في حماية المستهلك وماسولي شي

يعني اعتمادك لجهه معينه وهي حماية المستهلك

ليش انت ياصاحب المشكله ماسعيت في انك تشوف حل مايخلي صاحب المحل الي تعرضت
للغش منه انه يغش غيرك ويتمادا مع غيرك وغيرك وغيرك

تدري انك انت ياكاتب المشكله او الي تعرضت للغش كنت انت السبب في انهم يغشون غيرك

يعني انت الي عليك الذنب لانك سكت عن حقك فطبيعي انه المحل او التاجر بيرفع السعر وبياخذ راحته لانه ماعندك غير انك تقوله انا بتصل بحماية الستهلك وغيرك قال نفس الكلمة
وفي الاخير ايش صار
طبيعي ماصار شي

خذ الحل الي لو كل واحد تعرض للغش وطبق هلشي الي بقوله للجميع والله انك ماتلاقي
اي محل تجاري يفكر يغشك في اي شي

هل فكرة يوم تعرضت للغش انه ترفع دعوى للمحكمه تطلب فيها تعويض مادي وتعويض ادبي وتعويض ومعنوي

بتقول لي لا بقولك صح لاننا كلنا مانبي عوار الراس وماعندنا وقت ومو فاضيين
انت او انتي في حالة تعرضكم للغش في اي شي خذ الفاتورة او الضمان وروح النيابة ماراح تاخذ من وقتك ساعه وارفع شكوى عليهم واطلب حقك القانوني واطلب رفع الدعوى في المحكمة واطلب رد اعتبار وحط المبلغ الي تبيه كتعويض لك حط مليون
وعط توكيل لاي محامي ولا تحاتي بياخذ اتعابه من التعويض الي بيجيك
وارتاح في بيتكم وهو بيسوي كل الاجراءات وبيتابع مع المحكمه
ولا تحسبني اني ابالغ
لا والله هذا المبلغ انت تحطه كحق معنوي ومادي وادبي لك وتاكد انك بتاخذ حقك من عيونهم
وبتحصل تعويض يناسبك
تخيل انك انت وانا وانتي رفعنا شكاوي عليهم في خلال شهر واحد ماراح تحصل غش للمواطن
وكل تاجر بيعرف انه له حدود والتزامات غصبن عليه لازم ياديها للمستهلك

على فكرة هذا الحل مو من واقع خيال
ثلاث حالات على شركة سيارات معروفه وتم تعويض الشخص الاول 500 الف
والشخص الثاني عوضوه سياره جديده و مبلغ 600 الف

والحالة الحالة الثالثه تعويض بقيمة مليون ريال

ولو كل واحد طبق هلشي ورفع شكوى وطلب حقه القانوني والله انه كل واحد بيخذ حقه

واخر دعوانا الحمدلله رب العالمين

[CH Engineer]

الكثير والكثير من الشباب تشوفهم ماخذين سياراات فيها عيوب مصنعيه ويتلعوزون فالوكاله اسبوع او اسبوعين
والي تخبط مكينته في اسبوع ويتلعوز مع الوكاله شهر او اكثر لين يزهقونه اذا زهق يغيرون له المكينه واذا مازهق يعطونه سيارة جديده لان ماله ذنب
والتلفون الي تاخذه وثاني يوم خربان وتخليه عندهم لين يصلحونه

قطر9111 مشكور اخوي ع الموضوع
بس لو تكرمت تعطينا تفاصيل اكثر
حد جرب وراح يشتكي يعطينا الخطوات
يعني النيابه العامه اي قسم واي طابق والوثائق المطلوبه!!!

[al saad]

المحامي مايتحرك من غير عربون والعربون من ١٠ الي ٢٠ الف

[الأغر]

جزاك الله خير .. وفعلا حل طيب ومفيد

[khaldoon]

اخوي انتبه لو لا قدر الله رفعت قضية و خسرتها ممكن المحل يرفع عليك قضية رد اعتبار و شوف عاد التعويض اللي هم راح يطلبونه في هالحالة كم بيكون

بعدين مثل ما قال الاخوان المحامي يبي مبلغ كبير علشان يبتدي يتحرك.....و ما تنفع على مستوى محلات بسيطه و مطاعم يمكن كلامك ينطبق على حالة السيارات او اشياء كبيرة بس راح يدخل فيها فحص فني للسيارات من طرف ثالث تعينه المحكمة للتأكد من انه الشكوى صحيحه و ليست كيدية و فيها شوية تعقيدات

كانت سيارتي جديدة من الوكالة و فيها خراب مصنعي و خلال اول 35 الف كيلو دخلت الوكالة اربع مرات محمولة على البريك داون و رحت على حماية المستهلك و شكيت و ما سوولي شي و نصحني الموظف اصلا اني استنغي عن الضمان و قالي انه حالته اصعب من حالتي بخصوص سيارته اللكزس و شرحلي وضعه و ما فكر انه يشتكي و هو موظف بحماية المستهلك و رفضت استلم السيارة لانه تصليحها ما اعجبني و تلزيق مثل كل مرة وشكيت فرعهم بالامارات و ما سوولي شي بعد عدة اتصالات و متابعة و انتظار و كأنهم عجزة لا حول لهم و لا قوة...... و بالاخير صلحوها و اعترفوا بخطأهم و كأنه واحد منهم تعين جديد او صار يفهم فجأة و اعترف بالخطأ و راحوا الكذابين اللي كانوا يدعوا انه السيارة ما فيها شي و انه البطارية هي الخربانه مع العلم انهم بدلوها مرتين قبل و طرمبة البترول مرة واحده

بعدين اعرف واحد رفع قضية رد اعتبار على شخص اهانه و تهجم عليه ظلما و بهتانا و طلب مليون ريال و المحكمة ما حكمت له الا ب 50 الف و يمكن بعد سنة او اكثر و ما حصلهم و راحوا عليه

[قطر9111]

الكثير والكثير من الشباب تشوفهم ماخذين سياراات فيها عيوب مصنعيه ويتلعوزون فالوكاله اسبوع او اسبوعين
والي تخبط مكينته في اسبوع ويتلعوز مع الوكاله شهر او اكثر لين يزهقونه اذا زهق يغيرون له المكينه واذا مازهق يعطونه سيارة جديده لان ماله ذنب
والتلفون الي تاخذه وثاني يوم خربان وتخليه عندهم لين يصلحونه

قطر9111 مشكور اخوي ع الموضوع
بس لو تكرمت تعطينا تفاصيل اكثر
حد جرب وراح يشتكي يعطينا الخطوات
يعني النيابه العامه اي قسم واي طابق والوثائق المطلوبه!!!

السلام عليكم اخوي
اولا يحق لك رفع دعوى مدنية عن طريق النيابة العامه
وهم راح يحركون الدعوى ويوجهونك لانه هذا حقك القانوني
نعم في شكاوي والجميع خذ حقة ولله الحمد لانه العداله فوق كل شي ولله الحمد

[قطر9111]

المحامي مايتحرك من غير عربون والعربون من ١٠ الي ٢٠ الف

السلام عليكم اخوي

اولا على اي اساس قلت انه المحامي لابد من انه ياخذ منك مبلغ مقدم

تدري انه اغلب المحاميين ماياخذون منك مقدم وخاصة اذا كنت قطري او مقيم وحالتك ميسوره

ثانيا في مثل هذي الامور الموضوع راجع لك بمعنى انك ماتحتاج محامي اذا كانت عندك الاوراق الثبوتيه الي تثبت حقك

وجزاك لله خير

[قطر9111]

اخوي انتبه لو لا قدر الله رفعت قضية و خسرتها ممكن المحل يرفع عليك قضية رد اعتبار و شوف عاد التعويض اللي هم راح يطلبونه في هالحالة كم بيكون

بعدين مثل ما قال الاخوان المحامي يبي مبلغ كبير علشان يبتدي يتحرك.....و ما تنفع على مستوى محلات بسيطه و مطاعم يمكن كلامك ينطبق على حالة السيارات او اشياء كبيرة بس راح يدخل فيها فحص فني للسيارات من طرف ثالث تعينه المحكمة للتأكد من انه الشكوى صحيحه و ليست كيدية و فيها شوية تعقيدات

كانت سيارتي جديدة من الوكالة و فيها خراب مصنعي و خلال اول 35 الف كيلو دخلت الوكالة اربع مرات محمولة على البريك داون و رحت على حماية المستهلك و شكيت و ما سوولي شي و نصحني الموظف اصلا اني استنغي عن الضمان و قالي انه حالته اصعب من حالتي بخصوص سيارته اللكزس و شرحلي وضعه و ما فكر انه يشتكي و هو موظف بحماية المستهلك و رفضت استلم السيارة لانه تصليحها ما اعجبني و تلزيق مثل كل مرة وشكيت فرعهم بالامارات و ما سوولي شي بعد عدة اتصالات و متابعة و انتظار و كأنهم عجزة لا حول لهم و لا قوة...... و بالاخير صلحوها و اعترفوا بخطأهم و كأنه واحد منهم تعين جديد او صار يفهم فجأة و اعترف بالخطأ و راحوا الكذابين اللي كانوا يدعوا انه السيارة ما فيها شي و انه البطارية هي الخربانه مع العلم انهم بدلوها مرتين قبل و طرمبة البترول مرة واحده

بعدين اعرف واحد رفع قضية رد اعتبار على شخص اهانه و تهجم عليه ظلما و بهتانا و طلب مليون ريال و المحكمة ما حكمت له الا ب 50 الف و يمكن بعد سنة او اكثر و ما حصلهم و راحوا عليه

السلام عليكم ورحمة الله وبركاته
يؤسفني اني اقرا ردك وسامحني على صراحتي معاك
ليش بديت باسلوب التخويف بان الي بيشتكي بيتم طلب رد اعتبار منه
هل انت تقدمت بشكوى كيديه
او انك بالفعل تعرضت لغش وتطلب حقك القانوني
اخوي العزيز اي غش سواء في عود كبريت لك الحق في انك تطلب تعويض
سواء كان مادي او معنوي او ادبي
لانك تعرضت للغش واكثر الناس تجهل هذا الموضوع للاسف
في مثل حالتك عارف لو انك في فترة الضمان للسياره وبعد تصليحها اكثر من مره
والتصليح مافي فايده منه
كان المفروض تطلب من الوكاله تغيير السياره !!!!!!!! لاتستغرب هذا حقك
ومن حقك ترفع دعوى تطلب فيها تعويض عن الغش او الخلل الي خلاك اتعاني من تعطل سيارتك اكثر من مره
تتوقع لو انك سويتها ورفعت دعوى وخذت حقك منهم وصادف انه نفس المشكله صادت شخص ثاني
تتوقع المعامله بتكون بنفس التاخير الي تعرضت له
بقولك لا لان الوكاله او التاجر بيحط في باله انه مسائل قانونيا عن الغش او الخلل في المنتج الي انت او اي انسان تعرض له وبيحط في باله الف حساب في حالة مراجعه اي شخص له بسبب الضرر الي صاده

اخوي العزيز ماراح اناقشك في موضوع انه الشركة بتطالبك بتعويض لسبب واحد
انك ماتقدمت برفع دعوى الا عندك الاشياء الي تثبت صحة ادعائك للضرر الي تعرضت له
بمعنى انه ماراح يكون لهم اي صللاحية في رد الاعتبار
ورد الاعتبار بيكون الحق لك انت مو لهم

اتمنه الابتعاد عن الخوف

اعطيك مثال بسيط حصل لي انا شخصيا

وكالة سيارات معروفه جدا
دخلت السياره لتبديل الايل والسفايف وسيرفز كامل وكان باقي على الضمان 2000 كيلو وبينتهي واتصلوا فيني وقالو انه السياره جاهزه بعد يومين
رحت استلمت السياره فقالو لي خدمة العملاء انهم بدلوا البطارية على الضمان
قتلهم شكرا وجزاكم الله خير
وعطوني وصل حساب تبديل الايل والسفايف ومكتوب في الورقة القيمة و تبديل البطاريه ومكتوب جنب تبديل البطارية انه تم تبديلها على الضمان ولو ماكان موجود هلشي كنت قتلهم ضيفوه
المهم بعد حوالي ست شهور وبعد ماخلص الضمان وطفت الضمان ب 5600 تقريبا
اختربت البطارية
وديت السياره الوكاله ببراكدون وقتلهم السياره ماتشتغل
وصل افني وتاكد من السياره وقالي البطارية خربانه !!!!!!!! قتله ايش المطلوب
قال تدفع 350 ريال علشان نركب لك بطارية جديده
قتله وين المسؤؤل قالي تفضل معاي المكتب
دخلت على المسؤول قتله البطارية غيرتوها لي على الضمان من مده بسيطه واختربت الحين
قالي اسفين لازم تبدل البطارية على حسابك
قتله ليش
قال لانه البطارية بدلناها لك في فتره الضمان وضمانك انتهى !!!!!!!!!!!!!
لو كان اي واحد غيري بيقوله خلاص وسامحوني ومبي عوار راس بدلوا البطارية وبيدفع

المهم رديت عليه وقتله ممكن تقولي مته غيرت البطارية
قالي غيرتها من 6 شهور
قتله معناتها انكم ركبتوا بطارية مستعمله او بطارية فيها عيب يوم كانت السياره في الضمان
والمعروف انه البطارية ضمانها سنه !!!!!!!!! يعني انتوا غشيتوني ومن حقي اشتكي عليكم
انكم بدلتوا شي بالضمان وفيه عيب

عارف ايش قالي المسؤول

قالي اسف اخوي وحقك علينه ماشفت التاريخ وبدلو البطاريه على حسابهم

السبب انه لقوا من يرد عليهم وماقالهم بدلوا خلاص وبدفع

الحاله الثانية

سيارتي الثانية مع شركة ثانيه

بعد ماخلص الضمان ب سنه دخلتها سيرفز 80 الف

تبديل ايل لاني كنت بسافر بالسياره

الموظف ثاني يوم اتصل فيني تدري اشقالي

قالي فيه صوت في المكينة ولازم انصلحها ب 25 الف !!!!!!! على اساس اني ملياردير

قتله انت تمزح والا تتكلم جد

قالي تعال قابل المسؤول قتله ان شاء الله

رحت للمسؤول وقالي نفس الكلام

وماعندي غير ورقة السيرفز الي سويت فيها السياره من شهرين بعد الضمان

قالي بنصلح المكينة بعد الخصم علشانك ب 22 الف

انا ضحكت وقتله ماعندك كلام ثاني قالي لا قتله عطني ورقة بقيمة التصليح مع الخصم
وبعد ماعطاني الورقه قتله الاتي :

قتله مابي السياره !!!!!!!! قالي نعم !!!!!!!! قتله مابي السياره
قالي ليش قتله انا كل سيرفز اسوي السياره عندكم من وين طلع الصوت مع اني استخدام السياره للاهل بس مشاوير بسيطه وشوف السياره كم ماشية من عقب اخر سيرفز
قالي هذا خلل في المكينه احنا غير مسؤولين عنه

قتله وانا مو مسؤول عن عيوب تصنيعكم
شوف يا انكم تصلحون السياره على حسابكم مع ضمان جديد للمكينة او ارفع عليكم دعوى في المحكمه والله وانا صادق برفع الدعوى وانا مرتاح بعد وانتوا بكيفكم والله وطلعت عنهم

بعد يومين اتصل فيني الموظف وقالي سوينالك خصم ب 10 الاف

قتله ولا ريال

رجع بعدها بيومين واتصل وقالي احنا خاطبنة الشركة الام وسولك خصم 5400
مع سيرفز كامل وتبديل سفايف قدام وورا وبيصلحون المكينة مع ضمان جديد

وافقت ولله الحمد صلحوا السياره والحين من احسن مايمكن ولله الحمد

ارجع واقولك انه الخوف فينا احنه مو في التاجر او الشركة
لو كل واحد وقف قدامهم وعرف ياخذ حقه القانوني والله انهم مايتجراوون على انهم يغشوون اي واحد

اتمنه اني ما طولت عليكم
فمان الله

قتله اسمع السياره مالي حاجه فيها وعندي سيارات غيرها خلوا السياره لكم

[khaldoon]

اخوي انتبه لو لا قدر الله رفعت قضية و خسرتها ممكن المحل يرفع عليك قضية رد اعتبار و شوف عاد التعويض اللي هم راح يطلبونه في هالحالة كم بيكون

بعدين مثل ما قال الاخوان المحامي يبي مبلغ كبير علشان يبتدي يتحرك.....و ما تنفع على مستوى محلات بسيطه و مطاعم يمكن كلامك ينطبق على حالة السيارات او اشياء كبيرة بس راح يدخل فيها فحص فني للسيارات من طرف ثالث تعينه المحكمة للتأكد من انه الشكوى صحيحه و ليست كيدية و فيها شوية تعقيدات

كانت سيارتي جديدة من الوكالة و فيها خراب مصنعي و خلال اول 35 الف كيلو دخلت الوكالة اربع مرات محمولة على البريك داون و رحت على حماية المستهلك و شكيت و ما سوولي شي و نصحني الموظف اصلا اني استغني عن الضمان و قالي انه حالته اصعب من حالتي بخصوص سيارته اللكزس و شرحلي وضعه و ما فكر انه يشتكي و هو موظف بحماية المستهلك و رفضت استلم السيارة لانه تصليحها ما اعجبني و تلزيق مثل كل مرة وشكيت فرعهم بالامارات و ما سوولي شي بعد عدة اتصالات و متابعة و انتظار و كأنهم عجزة لا حول لهم و لا قوة...... و بالاخير صلحوها و اعترفوا بخطأهم و كأنه واحد منهم تعين جديد او صار يفهم فجأة و اعترف بالخطأ و راحوا الكذابين اللي كانوا يدعوا انه السيارة ما فيها شي و انه البطارية هي الخربانه مع العلم انهم بدلوها مرتين قبل و طرمبة البترول مرة واحده

بعدين اعرف واحد رفع قضية رد اعتبار على شخص اهانه و تهجم عليه ظلما و بهتانا و طلب مليون ريال و المحكمة ما حكمت له الا ب 50 الف و يمكن بعد سنة او اكثر و ما حصلهم و راحوا عليه


السلام عليكم ورحمة الله وبركاته
يؤسفني اني اقرا ردك وسامحني على صراحتي معاك
ليش بديت باسلوب التخويف بان الي بيشتكي بيتم طلب رد اعتبار منه
هل انت تقدمت بشكوى كيديه
او انك بالفعل تعرضت لغش وتطلب حقك القانوني
اخوي العزيز اي غش سواء في عود كبريت لك الحق في انك تطلب تعويض
سواء كان مادي او معنوي او ادبي
لانك تعرضت للغش واكثر الناس تجهل هذا الموضوع للاسف
في مثل حالتك عارف لو انك في فترة الضمان للسياره وبعد تصليحها اكثر من مره
والتصليح مافي فايده منه
كان المفروض تطلب من الوكاله تغيير السياره !!!!!!!! لاتستغرب هذا حقك
ومن حقك ترفع دعوى تطلب فيها تعويض عن الغش او الخلل الي خلاك اتعاني من تعطل سيارتك اكثر من مره
تتوقع لو انك سويتها ورفعت دعوى وخذت حقك منهم وصادف انه نفس المشكله صادت شخص ثاني
تتوقع المعامله بتكون بنفس التاخير الي تعرضت له
بقولك لا لان الوكاله او التاجر بيحط في باله انه مسائل قانونيا عن الغش او الخلل في المنتج الي انت او اي انسان تعرض له وبيحط في باله الف حساب في حالة مراجعه اي شخص له بسبب الضرر الي صاده

اخوي العزيز ماراح اناقشك في موضوع انه الشركة بتطالبك بتعويض لسبب واحد
انك ماتقدمت برفع دعوى الا عندك الاشياء الي تثبت صحة ادعائك للضرر الي تعرضت له
بمعنى انه ماراح يكون لهم اي صللاحية في رد الاعتبار
ورد الاعتبار بيكون الحق لك انت مو لهم

اتمنه الابتعاد عن الخوف

اعطيك مثال بسيط حصل لي انا شخصيا

وكالة سيارات معروفه جدا
دخلت السياره لتبديل الايل والسفايف وسيرفز كامل وكان باقي على الضمان 2000 كيلو وبينتهي واتصلوا فيني وقالو انه السياره جاهزه بعد يومين
رحت استلمت السياره فقالو لي خدمة العملاء انهم بدلوا البطارية على الضمان
قتلهم شكرا وجزاكم الله خير
وعطوني وصل حساب تبديل الايل والسفايف ومكتوب في الورقة القيمة و تبديل البطاريه ومكتوب جنب تبديل البطارية انه تم تبديلها على الضمان ولو ماكان موجود هلشي كنت قتلهم ضيفوه
المهم بعد حوالي ست شهور وبعد ماخلص الضمان وطفت الضمان ب 5600 تقريبا
اختربت البطارية
وديت السياره الوكاله ببراكدون وقتلهم السياره ماتشتغل
وصل افني وتاكد من السياره وقالي البطارية خربانه !!!!!!!! قتله ايش المطلوب
قال تدفع 350 ريال علشان نركب لك بطارية جديده
قتله وين المسؤؤل قالي تفضل معاي المكتب
دخلت على المسؤول قتله البطارية غيرتوها لي على الضمان من مده بسيطه واختربت الحين
قالي اسفين لازم تبدل البطارية على حسابك
قتله ليش
قال لانه البطارية بدلناها لك في فتره الضمان وضمانك انتهى !!!!!!!!!!!!!
لو كان اي واحد غيري بيقوله خلاص وسامحوني ومبي عوار راس بدلوا البطارية وبيدفع

المهم رديت عليه وقتله ممكن تقولي مته غيرت البطارية
قالي غيرتها من 6 شهور
قتله معناتها انكم ركبتوا بطارية مستعمله او بطارية فيها عيب يوم كانت السياره في الضمان
والمعروف انه البطارية ضمانها سنه !!!!!!!!! يعني انتوا غشيتوني ومن حقي اشتكي عليكم
انكم بدلتوا شي بالضمان وفيه عيب

عارف ايش قالي المسؤول

قالي اسف اخوي وحقك علينه ماشفت التاريخ وبدلو البطاريه على حسابهم

السبب انه لقوا من يرد عليهم وماقالهم بدلوا خلاص وبدفع

الحاله الثانية

سيارتي الثانية مع شركة ثانيه

بعد ماخلص الضمان ب سنه دخلتها سيرفز 80 الف

تبديل ايل لاني كنت بسافر بالسياره

الموظف ثاني يوم اتصل فيني تدري اشقالي

قالي فيه صوت في المكينة ولازم انصلحها ب 25 الف !!!!!!! على اساس اني ملياردير

قتله انت تمزح والا تتكلم جد

قالي تعال قابل المسؤول قتله ان شاء الله

رحت للمسؤول وقالي نفس الكلام

وماعندي غير ورقة السيرفز الي سويت فيها السياره من شهرين بعد الضمان

قالي بنصلح المكينة بعد الخصم علشانك ب 22 الف

انا ضحكت وقتله ماعندك كلام ثاني قالي لا قتله عطني ورقة بقيمة التصليح مع الخصم
وبعد ماعطاني الورقه قتله الاتي :

قتله مابي السياره !!!!!!!! قالي نعم !!!!!!!! قتله مابي السياره
قالي ليش قتله انا كل سيرفز اسوي السياره عندكم من وين طلع الصوت مع اني استخدام السياره للاهل بس مشاوير بسيطه وشوف السياره كم ماشية من عقب اخر سيرفز
قالي هذا خلل في المكينه احنا غير مسؤولين عنه

قتله وانا مو مسؤول عن عيوب تصنيعكم
شوف يا انكم تصلحون السياره على حسابكم مع ضمان جديد للمكينة او ارفع عليكم دعوى في المحكمه والله وانا صادق برفع الدعوى وانا مرتاح بعد وانتوا بكيفكم والله وطلعت عنهم

بعد يومين اتصل فيني الموظف وقالي سوينالك خصم ب 10 الاف

قتله ولا ريال

رجع بعدها بيومين واتصل وقالي احنا خاطبنة الشركة الام وسولك خصم 5400
مع سيرفز كامل وتبديل سفايف قدام وورا وبيصلحون المكينة مع ضمان جديد

وافقت ولله الحمد صلحوا السياره والحين من احسن مايمكن ولله الحمد

ارجع واقولك انه الخوف فينا احنه مو في التاجر او الشركة
لو كل واحد وقف قدامهم وعرف ياخذ حقه القانوني والله انهم مايتجراوون على انهم يغشوون اي واحد

اتمنه اني ما طولت عليكم
فمان الله

قتله اسمع السياره مالي حاجه فيها وعندي سيارات غيرها خلوا السياره لكم

لي عودة اخوي ان شاء الله بعدين للرد و التوضيح بس انتبه فوق على ردي اني لما اقولك شكيت حماية المستهلك و فرعهم بالامارات و رفضت استلم السيارة هل هذه كلمات تدل على الخوف و اني ما اعرف حقي و لا اطالب فيه؟!

صدقني كنت أعول كثير على انه الحق معي بس بكل بساطه ما قدرت احصل عليه و طالبت بسيارة جديدة و حماية المستهلك قالولي طالما انه يظل يصلح لك سيارتك خلال الضمان فهو ملتزم فقلت له يعني لما تخترب بعد الضمان اصلح على حسابي قالي نعم و انصحك تبيعها لانها صار لها خمس سنوات و بيكفيها !!!

و الوكالة لما قلت لهم بروح حماية المستهلك قالولي ما راح يسوولك شي و فعلا كانوا على حق و يشهد الله اني عندي شكوتين في حماية المستهلك على نفس الموضوع و السيارة و ما سووا شي

بخصوص سيارتك انتهى الضمان و انت لسه مب ماشي 80 الف .... يعني ضمانك لحد 60 الف او 3 سنوات؟..... انا الضمان عندي 100 الف او خمس سنوات ايهم اقرب

[Mercedece]

قطر9111 ماشاء الله عليك باين عليك انسان واعي الله يوفقك
فتحت عيوني على امور كثيرة انا عانيت مع شركات السيارات وبالذات الكاديلاك هي سيارة ممتازة لكن العروض مو واضحة يكتبون ضمان ولا لهم دخل فيه الله المستعان بس

[ماريسا]

اشكرك ع النصيحة

[قطر9111]

السلام عليكم
بما انك رحت حماية المستهلك ومالقيت حل لموضوعك
والوكاله قالت لك انه حماية المستهلك ماراح يفيدك بشي
كان المفروض انه تروح وترفع عليهم دعوى وماتعذب نفسك بمتابعه حماية المستهلك
وجزاك الله خير

[ابوالكلام]

جزاكم الله خير على التصرف السليم والله يكثر من أمثالكم لان مشاكلنا اكثرها من الناس الي ماتبي عوار راس

[جوال 11]

السؤال هل هنالك قوانين تحمي المستهلك حتى يعتمد عليها ؟
ام العملية على هوى التجار يرفع الأسعار والخدمة سيئة .
المشكلة في عدم وجود قوانين صارمة ضد التجار كحرمانه من الوكالة وتغريمه مبالغ كبيرة حتى تردعه .

[بـن عدوان]

اخوي قطر انا اشكرك على الموضوع

فعلا موضوع ممتاز ومفيد واتمنى الكل يستفيد ..

بس سؤال بارك الله فيك ...

فرضا انا امشي بموتري في الشارع وفجأة لقيت مطبة من غير تنبيه وفي بعض الحالات المطبة مب مصبوغة يعني ماتبين ...

في هالحالة بركب المطبة بالقو وشي طبيعي الموتر يصير فيه شي اذا كان صالون او حتى فوريل اذا كنت على سرعة ...

هل يحق لي ارفع قضية على الشركة اللي سوّت المطبة ؟

في امريكا لو عطوك كوب قهوة حااار ومب مكتوب انه حار تقدر ترفع عليهم قضية وتكسبها بعد

[خالد32]

العادة المطبات تكون في الشوارع الداخلية الي تكون السرعة فيها ٣٠ و اذا طرت فوقها معناه انك ما التزمت بالسرعة القانونية لان ٣٠ كافية انك تشوف اي نوع من التغير في الشارع و تخفف سرعتك. فكر فيها.
لكن اذا كنت دافع اشتراك تسيير مركبة (استمارة) على اساس تسوق في شوارع عدلة و انكسر الرنج و انبط التاير ال٢٢ في حفر من الحفر المجهولة. من الي بيعوضك؟ تذكر انك دافع فلوس عشان تستخدم السيارة في الشارع. ؟؟؟؟

[مرحوم قطر]

ترى الموضوع اخوي مب بس افراد يشتكون على شركات

المشكله في قطر المحاكم الله بالخير


انا عندي شركه و رفعت دعوه على واحد لانه ما سدد المبلغ الي عليه

و هلشخص اعترف انه ما سدد المبلغ في المحكمه و كان عذره انه يشوف ان العقد الي وقعه معاي مبالغ فيه


طيب انت شفت المبلغ من البدايه و وقعت على العقد و خلصنا بعد ما خلصنالك الشغل جاي تقول لا مب عاجبني السعر


و الحين القضيه صارها اكثر من سنه في المحكمه

و طرشو الخبير و كتب تقريره لصالحنه

و لحد الحين القضيه ما انحكم فيها

و طلبنا تعويض مادي و معنوي و رد اعتبار

ولا شفنا شي

و بالعكس المبلغ كان 18000 قالوا بنردلك 15000

قلت طيب مافي مشكله احكموا و خلصوني

و لين اليوم الموضوع مثل ما هو


مع العلم اني حاط محامي يراجع القظيه


بس في محاكم قطر في قانون عجييييييييييييييييب ماله حل


يقولك الجلسه الاولى يكون فيها الاعلان الاول

اذا احد الطرفين ما جا تؤجل القضيه عاد الله اعلم شكثر شهرين ولا ثلاث

وفي الجلسه الثانيه اذا الي مشتكيين عليه ما جا المحكمه نفس الشي تؤجل القضيه الا شهرين او ثلاثه

و المره الثالثه نفس الشي

و المره الرابعه اذا ما جا ينحكم لصالح المشتكي

لاكن اذا جا ممكن و ابكل برود يطلب تاجيل القضيه

و ترجع الدايره مره ثانيه اربع جلسات

و لما يجي في الجلسه الرابعه يطلب وقت للرد على دعوا المحامي

و نفس الدايره 4 جلسات


وبعدها يجي تقرير الخبر


و نفس الدايره اربع جلسات

و الدنيا تدور

الله كريم

و حسبنا الله و نعم الوكيل

[asmr]

لا حياة لمن تنادي
ومهما قلنا ناذن في خرابه

[بواردي]

ان اشهد انك صادق يارعي الموضوع

قال حماية

تشتكي وانطر عاد الرد

واخر شي يقولك اسكر الشكوى

احسن شي النيابة وخلص حار بحار

[ماريسا]

ترى الموضوع اخوي مب بس افراد يشتكون على شركات

المشكله في قطر المحاكم الله بالخير


انا عندي شركه و رفعت دعوه على واحد لانه ما سدد المبلغ الي عليه

و هلشخص اعترف انه ما سدد المبلغ في المحكمه و كان عذره انه يشوف ان العقد الي وقعه معاي مبالغ فيه


طيب انت شفت المبلغ من البدايه و وقعت على العقد و خلصنا بعد ما خلصنالك الشغل جاي تقول لا مب عاجبني السعر


و الحين القضيه صارها اكثر من سنه في المحكمه

و طرشو الخبير و كتب تقريره لصالحنه

و لحد الحين القضيه ما انحكم فيها

و طلبنا تعويض مادي و معنوي و رد اعتبار

ولا شفنا شي

و بالعكس المبلغ كان 18000 قالوا بنردلك 15000

قلت طيب مافي مشكله احكموا و خلصوني

و لين اليوم الموضوع مثل ما هو


مع العلم اني حاط محامي يراجع القظيه


بس في محاكم قطر في قانون عجييييييييييييييييب ماله حل


يقولك الجلسه الاولى يكون فيها الاعلان الاول

اذا احد الطرفين ما جا تؤجل القضيه عاد الله اعلم شكثر شهرين ولا ثلاث

وفي الجلسه الثانيه اذا الي مشتكيين عليه ما جا المحكمه نفس الشي تؤجل القضيه الا شهرين او ثلاثه

و المره الثالثه نفس الشي

و المره الرابعه اذا ما جا ينحكم لصالح المشتكي

لاكن اذا جا ممكن و ابكل برود يطلب تاجيل القضيه

و ترجع الدايره مره ثانيه اربع جلسات

و لما يجي في الجلسه الرابعه يطلب وقت للرد على دعوا المحامي

و نفس الدايره 4 جلسات


وبعدها يجي تقرير الخبر


و نفس الدايره اربع جلسات

و الدنيا تدور

الله كريم

و حسبنا الله و نعم الوكيل


فعلاً مدري ليش النظام هنا هالشكل حسبي الله و نعم الوكيل

[eXpert*]

مشكلة حماية المستهلك جهة مش تنفيذية مع الأسف .

وتتبع غرفة تجارة وصناعة قطر ، التي أعضائها كلهم تجار .

يعني كيف ادارة صغيرة في الغرفة تحاسب الغرفة نفسها !!

[almaf1a]

الدولة موفره لنا خدمة حماية المستهلك لتسهيال الوضع على المواطنيين
تدورون الشقى ليش
هم المعنيين بالموضوع وهذا صميم عملهم
من واقع تجربه حماية المستهلك ادائها جيد وهناك استجابه للشكاوي

[بوخالد911]

تسلم للفكرة

[F-analyst]

كلام جميل

[اوف ليميت]

المشكله مش في رفع الدعوى

المشكله في وقوف الجهات المختصه مع المشتكي
يعني المفروض الجهات اللي عندنا اتبين للشركات والمحلات والوكالات ان ترى اذا اي شي من مشتكي يجينا ويكون عنده اثبات عليه .. ماراح ناخذ ونعطي وايد وياكم.وراح تخسرون وبتعوضون الشخص الشي الفلاني والفلاني

جذي بيحسبون لمنتجاتهم وبيعاتهم الف حساب

:]

[حميداني]

يا ريال وينك قبل 3 سنوات عن هالموضوع , اخ حساف والله كان الحين افمخباي مليون وانا مغمض

[النهار]

جزاك الله خير

[يراعٌ فراتي]

صادق والله

صارت معي ولا طلع منها شي

وجيب وحط واوراق وسوالف وشكاوي
واخر شي يقولون حاول تحلها معه

اخر شي كنسلت الموضوع بكبره قلت مرة ثانية ماتردني الا النيابة