استفسار لاهل الخبره - تركيب الحماية ؟

[.Qa6ar]

السلام عليكم ورحمة الله وبركاته

جزاكم الله خير

أبي اعرف معلومات عن تركيب الحماية للوجه السياره او كامل السياره وخاصه للجمس؟

أفضل مكان؟

الاسعار؟

هل يضر الصبغ مع مرور الوقت ؟ أو تختلف طبقة الالوان عند أزالته ؟

هل أحسن كامل البدي أو فقط الابواب والوجهية ؟

وجزاكم الله خير

[MLAAS]

يفرق فاللون مع الوقت .. روح تيتانيوم واعمل باليس كريستال .. عليه ضمان 5 او 3 سنين مايتغير اللمعه ولا ويحافظ على لون الموتر .. انا مسوي موترين وانشالله الثالث فالطريق والحمايه اعملها على الليتات بس

[.Qa6ar]

جزاك على الله خير على الرد

مالقصود باليس كريستال

ومالفايدة أعملها على الليتات ؟ الليتات أقدر ابدلها مع مرور الوقت أهم شي الوجه من العج في السفر ؟

وما أسعارهم ؟

وهل في انواع ؟

[وحيد-الشوق]

اذا موترك جديد ركب حماية عالبانه والوجهيه والبيبان والشبك والليتات والمناظر الامامية ومايضر الصبغ بالعكس يحافظ عاللون وطبعا الحماية بتصفر بس تروح لهم يسوون لك بولش ويرجع الموتر مثل ماكان

جيوشيليد ركبلي عالنيسان ب3000 وضمان مدى الحياة وبوليش كل شهرين ولا ثلاثه

والحماية نفس الشيء ممتاز بس سعره اغلى بس جوده ومحلهم معروف اما المحلات الثانية لاتركب عندهم مثل النهدي وغيره حمايتهم نوع رخيص وثاني شيء ضمان 5 سنين فقط

جيوشيلد في ميزه حلوة مثلا انا بدلت صدام النيسان ورحت له وركبلي عالصدام الجديد وعطاني خصم وقالي عند اي حادث اذا قدر الله تجيب السيارة ونسوي لك خصم غير عن سعر التركيب المتعارف عليه

[.Qa6ar]

جزاك الله خير

تقصد بووولش على الحماية ويرد لونه يعني ؟؟؟

[وحيد-الشوق]

نعم لأنه مافي حماية ماتصفر :)

[بوعامر]

يا خوي بروتكشن يسوي لك حماية مع ضمان مدى الحياة بس لازم تسوي بولش كل شهرين واذا ما سويت الحماية بتصفر
لكن بمجرد انك ما سويت بولش ف الفترة المحدده يطيح الظمان هذا حسب علمي

اما توتانيوم تسوي لك حماية ظمانها 5 سنوات وما تحتاج تسوي بولش


وشكرا

[ولد الخوالد]

احسن محل حماية اللي في السد بلا منازع

[.Qa6ar]

أنا مريت على بروتيكشن

كان في تناقض عندهم ... مره قالوا 3000 وموظف ثاني قال لا 3700

وضمانهم مدى الحياه وكل 4 شهور بولش مجانا..

وأخوي العضو وحيد الشوق قال جيوشيليد وبشوووفهم أن شاء الله

[ابوصالح1]

النهدي 2500 ريال الواجهه كامله