اللي رايح الحج وعنده خبره او اللي بيروح ااااااااانقذوني

[خذاني الشوق]

السلام عليكم ياجماعة الخير
تكفون فزعتكم ررررراسي دار من الحملات اللي يقول زين واللي يقول شين. تككفون ابي اعرف احسن الحملات غير الفرقان
اي الحملات ممتازه علما الروحه مع الاهل ان شالله وحبيت تفيدوني اي وحده زينه ناس تقول التوبه وناس تقول طيبه وناس الهدا ومحتار من بين هالثلاث
وشرايكم بعد بالسكن في الخيام في منى
فزعتكم ماعندي الا بكره لازم اقرر وادفع عربووون تكفون انصحوووني

[ALKUWARI1]

السلام عليكم اخوي العام رحت مع الأقصى صراحه مايحتاي خدمه وكلشي مرتب وهو لازم تصير بعض الضروف ألخارجه عن ايرادتهم بس ماقصرو وانا اقول اذا لقيت في الفرقان توكل على الله بس والله الله بيسرها لك ان شاء الله وحج مبرور وذنب مغفور

[الخط الساخن]

انا انصح حملة حاتم أو حملة التوبة

بس نصيحة إذا تقدرون تحجون مع حمله ماتعرفون فيها احد احسن عشان الأجر والوقت مايضيع بالسوالف

[دااانة قطر]

وعليكم السلااام والرحمه
الله يسهر أموركم يالطيب
بصرااحه احنا كنا محتاارين بين حملتين
الفرقاان والهدى
واستقرينا عالفرقاان

موفقين
وربي يكتب لنا ولكم حج السنه

[قطري مفلس]

صباح الخير


سبحان الله أمس كان هذا موضوعنا في المجلس مع الربع اللي بيروحون السنه ان شاء الله


نصيحتي لك وانا اخوك اذا كنت مقتدر شوي زيدها حبتين وروح مع الفرقان أو طيبة !!

من غير قصور في الحملات الباقية ،،

لكن بوضح لك السبب


لان حملة الفرقان و حملة طيبة كان السكن المخصص لهم السنة الماضية في ابراج منى وانا كنت موجود هناك مع حملة سعودية وشفت الفرق قدام عيني بين هالحملتين والحملات القطرية الباقية اللي كانت في الخيام ،،

طبعا السكن في ابراج منى قمة في الراحة والترتيب والنظام والاكل متوفر 24 ساعة وكوفي شوب وقعدات مريحة للعائلات والحمدلله الامور كلها مرتبة ،،،

زرت عمي في حملة من الحملات في الخيام ( طبعا ماكنت اعرف نظامهم لأن اول مره احج ،،، والله يا خوي يوم دخلت الخيمة عرفت الفرق وشفت الفرق للعلم بأن طيبة سعرها كان بنفس سعر حملة عمي ،، لكن الفرقان كانت أكثر بشوي ،،

واسأل عن الحملات اللي بتسكن في ابراج منى ،، يمكن زادوا وجات حملات غيرها (الله أعلم)


وفي الأخير هو أجر وراح تتيسر لك من رب العالمين في أي حملة الله كتبها لك ،،


^_^

[خذاني الشوق]

الله يجزاكم خيررررر

انا ادري ان الفرقان زينه بس المشكله معاي ناااس والحملة الشخص الواحد ب 31500 صعب عليهم بعد وووايد سعره وامدحو لي التوبه وطيبه ومب عااارف اي وحده ناس تقول التوبه زينه بس السكن بالخيام وناس تمدح طيبه يقولون سكنها بالابراج وووانا محتااااس والله

اللي يعرف اكثر عن الحملات يفيدني

[خذاني الشوق]

وووووينكم 51 مشاهده

والرد كم واحد مب رايحين الحج يله عزموووووو

وووينكم فيدوني جزاكم الله خيرررر بدعي لكم

[ريال قطري]

جرب الحمادي اتصل فيهم وشوووف اسعارهم وامتيازاتهم يمكن يعجبونك

[الفرحه]

وعليكم السلام اخوي احنا العام رحنا والحمدلله ,الحملة اللي رحنا فيها ما كانت فيها امتيازات وايد وتعبنا الصراحه,انصحك في حملة التوبة كانوا وايد يمدحونها كانت في خيام بس وايد كانوا مرتاحين ع اللي شفناه احنا والفرقان كانت لها امتيازات اكثر لانهم اسكنوا في ابراج منى واللي سمعته ان المحاضرات كانت مرتبة عندهم ونفس الشي التوبه , بس الحمدلله رجعنا بالسلامه وان شاء الله نكون حصلنا الاجر وكل ما تذكر التعب اقول يمكن الله كتب لنا اجر عليه .وانا اقول لك استخير وتوكل على الله لان الحملة اللي كنا فيها كانوا يمدحونها بس مادري ايش صار فيها,مثل ما قالوا تصير اخطاء .

[ابن مانع]

افضل حملتين من ناحية النساء عندك الهدى والفرقان بس اسعارهم عاليه عشان مستوى الخدمه اعتقد الهدى ٣٠ والفرقان ٣١
وفي الحملات الباقيه كلها نفس الخدمه والاهتمام والاسعار تفرق
بين ٢٠ لين ٢٥ اغلب الحملات عندك قطر الاقصى التوبه هذي الي تحضرني

[الدوحاتي]

انصحك في حمله الهدى بس اول شي اسأل اذا السكن في منى في العماير
توكل على الله وروح وياهم

[بو ملاك]

انصحك فحملة الهدى وعن تجربه والله يسهل اموركم ...

[خذاني الشوق]

حد سمع بحملة طيبه قالو لي ان السكن في الابراج شرايكم انتووو

[سهم قطر]

حمله التوبه من خلال تجربه شخصيه لمده عامين

[خذاني الشوق]

التوبه قالي خيام بس ووايد يمدحونه

وطيبه قالي بالابراج سكنهم ونص تقول التوبه ونص اتقول اذا بالابراج خلك علي الابراج احترت والله

[Qatar564]

حملة الأقصى ممتازة.. جزاهم الله خير ما قصروا السنة اللي طافت.. استخير.. الله ييسر لكم ولجميع حجاج بيت الله

[خذاني الشوق]

الله يسرها لنا ان شالله

وننتظر بعد الاراء

[الخط الساخن]

طيبه انا رحت معاهم سنة من السنوات وتسممت في الاكل والشباب اللي معاي بس ماادري اذا غيرو الخدمة

[خذاني الشوق]

صح كلامك اخوي الخط الساخن كان في تسمم
بس اتوقع هاي علي ايام ماكانو بالخييم

بس الحين يقووول ان هم الحين بيسكنون بالابراج
وناس قالو احجز بالابراج اهو ن من الخييم

[bo7mood7755]

شوف اخوي .. كل واحد راح مع حملة .. ومايدري عن الحملة الثانية ..
اذا بتسمع اراء راح اتلخبط .. عني انا رحت مع التوبة وما عليهم كلام ..
نصيحتي لك استخير بين الحملات وتوكل على الله ..
بس للعلم احسن الحملات .. الفرقان والهدى والتوبه وحاتم هاذي احسن حملات .. هذا رايي ..
وموفق اخوي .. والله يتقبل منكم يارب .. ودعواتك لنا بالهداية ..

[خذاني الشوق]

بو حمود ماقصرت وماطلبت شي بدعي لكم جميعا ان شالله

وفعلا مثل ماقلت الفرقان والهدا والتوبه فعلا يمدحووونهم وانا اللي محيرني ان الكل يقول اذا لقيت بالابراج خذ بالابراج اما الخيام محد نصحني فيها كلش وهاي اللي متردد فيه صراحه واول مره احج ومعاي الاهل ومحتااااس والله

[الدوحه 2007]

السلام عليكم و رحمة الله وبركاته

اخوي انا و اهلي كلنا السنة اللي طافت رحنا مع حملة الهدى

الصراحه ولا اروع و لا ارتب و الاهتمام من جميع النواحي

توكل على الله و روح مع حملة الهدى

واستخير بعد

مع ان مو لصالحك تاخر وايد لانك ما راح تلقى اماكن

[tradesman]

انصحك بحملة هدى لاني جربتها العام

وكانت اول تجربه لي بس استانست معاهم وغير انهم موفرين كل شي لك

وفي منى كنا قاعدين في خيام بس مرتبه

وكان سعرهم 21 الف للشخص الواحد

[بوحمد111]

عن تجربه بين حملتين الهدى والفرقان انا افضل الهدى من وجهة نظري والاسباب ما اقدر اذكرها ويمكن حصلت معاي انا بس ولكن الشباب في الفرقان ما قصروا ولكن حملة الهدى ولله الحمد ما اشتكيت منهم ابد والله يوفقك ويتقبل الله منا ومنك صالح الاعمال