خريف صلالة بدأ ؟؟؟؟ من جرب السفر لصلالة ؟نصايحكم ؟

[==النور==]

خريف صلالة بدأ ؟؟؟؟ من جرب السفر لصلالة ؟نصايحكم ؟

دورت ومالقيت في المواقع اي معلومات حديثة او خبرات . والصراحة ودي اروحها مع العائلة ؟



ابي ابرنامج لزيارة الاماكن والطبيعة ؟ معاي اطفال وكبار سن ؟ومحتااااااااااارين ...

لقيت الخطوط العمانية مسوية عرض ،لكن ابي سكن يكون قريب وخمس نجوم .ومواصلات .

الي اعرفه الطرق وعرة وهذا اللي مخوفني ...خبراااتكم ياهل الخير

[اهل قطر]

توني راجعه من صلاله مابدى الموسم فيها والدنيا تاشفه الجبال قاحله

[alwahesh]

صلاله يروحون لها بعد رمضان يكون الجو لطيف

الجو باريسب مع الرذاذ والضباب والجو اللطيف

[findi]

آيه على صلاله

جنة الله في أرضه

رحت لها من زمان والصراحه وااايد استانسنا فيها

طبيعتها خياليه شي لايوصف

وشعبها محترم وخدوم لابعد درجه

الجو كان رطب شوي لكن في المناطق الجبليه يكون باااارد

هذي بعض اسامي الاماكن الي اتذكرها:

المغسيل ( خياليه ) - الدهاريز - عين جرزيز - ريسوت

وهذي صور من المغسيل

http://www.m5zn.com/img/?img=cc3bfab88959009.jpg

http://www.m5zn.com/img/?img=e26789cff81bf74.jpg

وبالنسبه للطرق بعضها وعره بس وناسه عشنا مغامرات ماتنسي :nice:

وترى مهرجان خريف صلاله بدأ من تاريخ 21-6 أتوقع

[خزامئ]

الله يحفضكم ويسمح طريقكم
رحنا لها 2004
كانت حلوه بس الي ماعجبني دايم الجو رذاذ ورطب
شعبها من احسن ماشفت
سكنا في قريه على المحيط بس راحت في تسونامي
كان قريب منا الشرتون
طريقها صح وعر بس مهوب صعب للي سياراتهم فور ويل

[الورد جميل]

خاطري اروح لها والله

[ذيب ولد ذيب]

ما انصحك تروح لها شهر 7 ,, لان العشب يكون توه طالع , ماراح تستانس ,,

افضل وقت لزيارة صلاله شهر 8 والافضل بعد 15| 8 ,, والاحسن والافضل من 1\9 الى 15\9 لان الرذاذ يكون بسيط والعشب يكون مكتمل النمو ,,

الفنادق والاماكن السياحيه دور في هذا الرابط ,,

اضغط هــــــــــــنا (http://travel.maktoob.com/vb/travelarab126/)

ماعليك من كلام بعض العمانيين في المنتدى اذا قالوا لك ان شهر 7 زين وفي عشب ويمكن يرونك صور قديمه او صور في مناطق معينه فيها العشب طالع لكن في مناطق اخرى يكون توه ,, هم يبون يمشون سوقهم لان في اللي عنده شقق تاجير وكذا يعني ,, لان شهر 7 يكون سوقهم راكد وشهر 8 وبداية تسعه زحمه ,, شققهم شهر 7 فاضيه وهم يبون الناس يجون بدري ,,

[Gmail]

للأسف صلالة تنقصها الكثير والكثير من الخدمات !!

[أسد الجزيرة]

صلالة بعد المغرب ما فيها شئ

[findi]

ما انصحك تروح لها شهر 7 ,, لان العشب يكون توه طالع , ماراح تستانس ,,

افضل وقت لزيارة صلاله شهر 8 والافضل بعد 15| 8 ,, والاحسن والافضل من 1\9 الى 15\9 لان الرذاذ يكون بسيط والعشب يكون مكتمل النمو ,,

الفنادق والاماكن السياحيه دور في هذا الرابط ,,

اضغط هــــــــــــنا (http://travel.maktoob.com/vb/travelarab126/)

ماعليك من كلام بعض العمانيين في المنتدى اذا قالوا لك ان شهر 7 زين وفي عشب ويمكن يرونك صور قديمه او صور في مناطق معينه فيها العشب طالع لكن في مناطق اخرى يكون توه ,, هم يبون يمشون سوقهم لان في اللي عنده شقق تاجير وكذا يعني ,, لان شهر 7 يكون سوقهم راكد وشهر 8 وبداية تسعه زحمه ,, شققهم شهر 7 فاضيه وهم يبون الناس يجون بدري ,,

صادق افضل وقت هو شهر 8


للأسف صلالة تنقصها الكثير والكثير من الخدمات !!


صلالة بعد المغرب ما فيها شئ

فعلاً
أذكر يوم رحنا لها ماكان فيه مجمعات ولا مطاعم راقيه ولا اماكن ترفيهيه
هالكلام من 8 سنين الحين مادري
لكن الي يحب الطبيعه والكشتات بيستانس في صلاله واايد

[ذيب ولد ذيب]

فعلاً
أذكر يوم رحنا لها ماكان فيه مجمعات ولا مطاعم راقيه ولا اماكن ترفيهيه
هالكلام من 8 سنين الحين مادري
لكن الي يحب الطبيعه والكشتات بيستانس في صلاله واايد


قبل سنتين رحت هناك كان فيها مدينة ملاهي زوينه تنفع وتأدي الغرض ,,

ومطاعم راقيه الي شفته 3 مطاعم ولما اقول راقيه اعني نفس المطاعم الراقيه الي فالحسا يعني نظيفه بس اكلهم مش روعه والخدمه نفس الشي ,,

وجبات سريعه شفت بيتزا هت ,, ويمكن كنتاكي ,,

الي يحب المندى والمجبوس والبرياني بيتوهق هناك ,, في هذا المجال سيئين جداً ,,

[findi]

قبل سنتين رحت هناك كان فيها مدينة ملاهي زوينه تنفع وتأدي الغرض ,,

ومطاعم راقيه الي شفته 3 مطاعم ولما اقول راقيه اعني نفس المطاعم الراقيه الي فالحسا يعني نظيفه بس اكلهم مش روعه والخدمه نفس الشي ,,

وجبات سريعه شفت بيتزا هت ,, ويمكن كنتاكي ,,

الي يحب المندى والمجبوس والبرياني بيتوهق هناك ,, في هذا المجال سيئين جداً ,,

صح . .

اذكر احنا كلنا من مطعمين بس ، المطعم الاول لقينا في الاكل حشره والمطعم الثاني كان سيء جدا جدا من ناحية نظافة المكان والاكل ، فكنا نطبخ في الشقه أو برا . .
فـ الي ناوي يروح صلاله نقول له من الحين خل يودي معاميله وجدوره معاه ويطبخ في الطبيعه والهواء الطلق :nice:

[سهم ماينزل]

صلالة جو حلو لكن تنقصها وايد اشياء انا مارحتها لكن من اللي اثق فيهم

1- نامس لأبعد الحدود
2- ترفيه زيرررررررو
3- فعاليات مافيه
4- خدمات ضعيفة

احلى مافيها الجو وبالعربي تصلح لأصحاب الكشته تخيم وشبة ضو

[ابو حمدان]

صلاله جميله بجوها وناسها
اما من ناحية الخدمات تعتبر قليلة الخدمات
بالنسبه الذاهب اليها برا فالمسافه اليها من حدود الامارات الى صلاله تقريبا 1000 كم
لاتوجد محطات صيانه جيده على طول الخط لا توجد مطاعم راقيه ايضا والاستراحات قليله والشارع معضمه غير مضاء باي اناره
ولكن متعة القياده والمغامره لا توصف خاصه اذا كنت من محبي القياده الطويله
نتكلم عن السياحه في صلاله او بشكل عام عن محافضة ظفار
ظفار يبدا موسم الخريف فيها من اواخر شهر سته ولكن الخضره تبدا من منتصف شهر سبعه
الطرق داخل المحافضه جيده ولكن بسبب كثافة الزوار في الموسم تزدحم الطرقات
الخدمات العامه في الاماكن السياحيه قليله الايجارات تعتبر مرتفعه نسبيا
من الاماكن السياحيه العيون مثل عين جرزيز وعين حمران وطوي عتير ودربات
الاماكن الاثريه مثل دحقة ناقة النبي صالح وقبر النبي ايوب وقبر النبي عمران وسمهرم
السهول سهل اتين وفيه تقام فعاليات مهرجان البلديه
اكشاك بيع المشلي وهي متوفره في مدينة صلاله
مرباط مدينه ساحليه وبها بعض الاثار
ولعشاق الغرائب يمكن ان تشاهد وتجرب بنفسك عكس الجاذبيه الارضيه حيث ان تقف تحت مرتفع وتشاهد سيارتك تصعد المرتفع وهي في وضع الاتعشيق وموقعها قريب من شلالات دربات
اما بعد المغيب لا يوجد الا موقع المهرجان او سهل اتين لتنزه
وقبل مغادرتك ظفار تمر على سوق الحافه وهو في مدينة صلاله لتاخذ من هنالك اللبان العربي وبعض انواع الدخون المخلط والتحف.