ارجووو المساعدة منكم يا اعضاء شبكة الاسهم القطرية .....

[جنيه ذهب]

عندي النيسان الجديد وابي اركب عليه بوالين بس قالولي لازم تركب فلنجات حق الرنق 17 وبصراحه الموتر مب شيء مع الفلنجات طالعه البوالين لبرع مب شيء شكل الموتر وفي ناس قالولي في رنقات تركب على النيسان من غير فلنجات بس حجم الرنق 7 انش ...

فمدري ابي النصيحه شنو اصلح وارتب اركب ؟؟؟

[خليدان]

في رنقات 17 مثل رنقات الشركه تركبهم عادي بدون فلنجات

وعلى فكره هالرنقات تكون تجارية ومافي منها أصليه والواحد ياخذ الحذر في مثل هالأمور

كل التوفيق لك أخوي

[مساهم الشبكه]

شفت واحد مركب رنقان الارمادا حجم 18 مع بوالين 18 لون الموتر ابيض صدفي وموضوعه كان في قطر سبيد

[مساهم الشبكه]

رنقات

[الـمـنـاعـي]

ركب رنقات الارمادا 18 او رنقات النيسان 320 وبالون 18 احلا على النيسان والرنق اصلي اضمن لك من التجاري 17 .

[جنيه ذهب]

جزاكم الله خير على الردود الطيبه


بس هل الرنق 18 مع البالون يحك بالرفرف وهل يكون رفيع الموتر وايد

[وحيد-الشوق]

والله حرام بالون عالنيسان !!!

موترك رنجات 20 ؟؟

ترا النيسان مب كروزر لاتركب بالون والله بيخترب شكل الموتر يازين رنجات الشركة وخصوصا ال20

[جنيه ذهب]

والله حرام بالون عالنيسان !!!

موترك رنجات 20 ؟؟

ترا النيسان مب كروزر لاتركب بالون والله بيخترب شكل الموتر يازين رنجات الشركة وخصوصا ال20

ياخي احسه وعر ويابس بالرنقات 20 ابي اركب عليه بالون اقلها يكون رهيف وشكله احلى

[mazag]

ياخي احسه وعر ويابس بالرنقات 20 ابي اركب عليه بالون اقلها يكون رهيف وشكله احلى

النيسان الجديد وعر !!!
اريف من الكزس والكروزر والرنج والدنالي والمرسيدس
اذا تتوقع وعر اشتري رنقات ال320 حصان اخبر العالم تبيعهم ويخذون رنقات400

[جنيه ذهب]

النيسان الجديد وعر !!!
اريف من الكزس والكروزر والرنج والدنالي والمرسيدس
اذا تتوقع وعر اشتري رنقات ال320 حصان اخبر العالم تبيعهم ويخذون رنقات400

لا الشيخ غلطان في هالنقطه انا توني بايع لكزس 2009 وماخذ النيسان ولا شم الرهافه كلش اللكزس اريف منه مليون مره

انا اتوقع التواير يابسين مع انهم جداد بس الموتر صار له فتره واقف فمدري شنو تنصحوني ابدل تواير حجم 20 الدانلوب والا في نوع افضل وانعم للموتر غير البرجستون لان البرجيستون طبيعته يابس شوي

[mazag]

شيك على هوى التواير اخبر واحد خذله 400 حصان اصفار شيك هواه حصلهم 60 فاكيد بيكون نازل لانه على الباب كاتبين 37

[جنيه ذهب]

لا الهواء اوكي دوم اشيك عليه بس بطبعهم الرنقات 20 مب نفس 18 و17 يكونون شوي يابسين بس الي عندي كلش يابسين فاتوقع من التواير انتهت صلاحيتهم

[الحـ(درب)ـب]

المشكله بالتاير

جرب بدل مع اي واحد التواير وشوف الفرق اذا عجبك روح اشتر تواير جديدة

[وحيد-الشوق]

البرجيستون معروفه توايرهم زينه بس يابسه

اتوقع ميشلان احسن شيء بس الله يعينك عالسعر

ارسلت لك رسالة (استفسار) عالخاص ارجو انك تجيك عليها :)

[جنيه ذهب]

والله شكلها التواير وبجرب ابدل مع واحد واشوف الفرق

واخوي وحيد الشوق شيك الخاص رديت عليك